ბათუმელები
ფოტოგრაფ დინა ოგანოვას პერსონალური გამოფენა ბათუმის თანამედროვე ხელოვნების სივრცეში 21 ნოემბერს გაიხსნა და 7 დეკემბრამდე გაგრძელდება. „ჩემი სივრცე“, – ასე ეწოდება პროექტს, რომლის მთავარი მიზანია დამთვალიერებელს აჩვენოს თაობა, რომელიც ორი საუკუნის და ორი ათასწლეულის მიჯნაზე დაიბადა საქართველოში. ფოტოზე აღბეჭდილი ახალგაზრდები ძირითადად 23-24 წლისანი არიან, ყველა მათგანი საკუთარ სივრცეში, საკუთარ ოთახშია გადაღებული, პირადი ნივთების ფონზე.
ექვსი თვე გავიდა მას შემდეგ, რაც მოქალაქე შოთა გუჯაბიძემ პოლიციას კანონდარღვევის, კულტურული მემკვიდრეობის ძეგლის, ბათუმის ცენტრალურ ქუჩაზე მდებარე წმ. ბარბარეს ეკლესიის ფასადის უნებართვოდ შეცვლის შესახებ აცნობა. ეკლესიის ფასადი ექვსი თვის მანძილზე მთლიანად შეიცვალა. საქართველოს შინაგან საქმეთა სამინისტროში კი აცხადებენ, რომ საქმეზე ამ დრომდე მოკვლევა მიმდინარეობს.
ინტერვიუ გენდერული კვლევების სპეციალისტ, „ჰაინრიჰ ბიოლის ფონდის” თანამშრომელ ეთუნა ნოღაიდელთან.
ბათუმში, „იალონი სტუდიომ“ საუკუნის წინანდელი მინის ნეგატივების დასკანერება დაასრულა. 2013 წლის შემოდგომაზე, სავარაუდოდ, სექტემბრის ბოლოს ბათუმის ხარიტონ ახვლედიანის მუზეუმში ფოტოგამოფენა გაიხსნება – დამთვალიერებლები 80 ფოტოს ნახავენ, რომელზეც გასული საუკუნის ბათუმი და აჭარის სოფლებია აღბეჭდილი. „იალონი სტუდიოს“ ერთ-ერთი დამფუძნებელი, ფოტოგრაფი, რეჟისორი და ძველი ბათუმის ფოტოკოლექციონერი შოთა გუჯაბიძე დარწმუნებულია, რომ გამოფენის გახსნის მომენტში მსოფლიოში არ იქნება უფრო საინტერესო გამოფენა, თუმცა 80 ფოტო სულ მცირე ნაწილია იმ ძველი არქივის, რომელსაც „იალონი სტუდიო“ რამდენიმე თვეა ამუშავებს.
ჯონის პატარა ოთახის კედლები მისი ნამუშევრებითაა დაფარული. ძირითადად წითელი და ყვითელი ფერები სჭარბობს, პორტრეტებიცაა და სიუჟეტური ნამუშევრებიც, თუმცა მთლად ზუსტად არც ერთი და არც მეორე. ჯონი ჯიჯიეშვილი ხატვას თავისებურად უდგება, თითქმის არ იყენებს მწვანე და ლურჯ ფერებს და არც ხატვის აკადემიურ წესებს დაგიდევთ.
შოთა გუჯაბიძე ფოტოაპარატის გარეშე არასოდეს დამინახავს. შორიდან ვიცნობდი, როგორც ბათუმელ ფოტოგრაფს, მისი ფოტოები კი რამდენიმე თვის წინ, ნობელების მუზეუმში გამართულ ბათუმელი ფოტოგრაფების გამოფენაზე ვნახე. საინტერესო ფოტოები იყო: თავზე თეთრ დოლბანდმოხვეული აჭარელი ქალი თვალის უპეებში დამალული ცრემლით, გოგონა დიდი, მეტყველი თვალებით, ობობა ფანჯრის კუთხეში და აივნიდან დანახული მიტინგი თეატრის წინ… ვიცოდი, რომ შოთა ფოტოგრაფი იყო, აღმოჩნდა, რომ არა მხოლოდ.
მთავარი პროკურატურის პრესცენტრმა „ბათუმელებს“ დაუდასტურა ინფორმაცია, აჭარის პროკურატურის ანტიკორუფციული საგამოძიებო ნაწილის უფროსის, გამომძიებელ გელა მახარაძის დაკავების შესახებ. გელა მახარაძე ის გამომძიებელია, რომელიც 2009 წლიდან „ბათუმელების“ ჟურნალისტის, თედო ჯორბენაძის დაშანტაჟების ფაქტს უშედეგოდ იძიებდა. „ბათუმელებმა“ პირველად სწორედ გელა მახარაძეს აცნობა 2011 წლის 20 ნოემბერს იმის შესახებ, რომ იპოვა შანტაჟისტი სპეცსამსახურის თანამშრომელი დავით დევნოზაშვილიმისსავე სახლში და დაუყოვნებელი რეაგირება …
„60 წლის მანძილზე მე ვდუმდი. არასდროს მითქვამს, რომ ჩვენ სხვა რელიგია გვქონდა და საერთოდ ვმალავდი, რომ დედაჩემი სომეხი იყო. ახლა 77 წლის ვარ, 60 წელია ვფიქრობ ბათუმში ჩამოსვლაზე, რომ მენახა დედაჩემის მშობლიური ქალაქი და ჩემი წინაპრების კვალი მეპოვნა. სანამ ცოცხალი ვარ, მინდა დედაჩემს ნამდვილი სახელი და გვარი დავუბრუნო“ – გვითხრა გაზეთ „ბათუმელების“ რედაქციაში მოსულმა თურქეთის მოქალაქე, …
Continue reading “„60 წელი ვმალავდი, რომ დედაჩემი სომეხი იყო, მინდა მას გვარი და ისტორია დავუბრუნო“”
