აჭარის ტელევიზიამ თურქეთის კონსულის ინტერვიუს სრული ვერსია გამოაქვეყნა


ბათუმში თურქეთის კონსულის იასინ თემიზქანის ინტერვიუ შაჰინის სკოლასთან დაკავშირებით იყო არასწორი ინტერპერაცია – ეს ინფორმაცია „ბათუმელებს“ ბათუმში მდებარე თურქეთის საკონსულოდან მიაწოდეს. მედიის ცნობით, კონსულმა განაცხადა, რომ ბათუმში მდებარე შაჰინის სკოლა-ლიცეუმი ტერორისტულ ორგანიზაციასთანაა კავშირში.

კონსულის ინტერვიუ აჭარაში ორმა ტელევიზიამ: „ტელეარხ 25“-მა და „აჭარის ტელევიზიამ“ გაავრცელა. კონსულის ბრალდების საპასუხოდ იასინ თემიზქანის ინტერვიუს სრული ვერსია გამოაქვეყნა დღეს აჭარის ტელევიზიამ. გამოქვეყნებული მასალა ადასტურებს, რომ კონსულის ინტერვიუ თაგმნილია საკონსულოს თარჯიმნის მიერ.

საგარეო საქმეთა სამინისტროს ცნობით, მინისტრის მოადგილე გიგი გიგიაძე შეხვდა საქართველოში თურქეთის რესპუბლიკის საგანგებო და სრულუფლებიან ელჩს, ზექი ლევენთ გუმრუქჩუს, ბათუმში თურქეთის გენერალური კონსულის ინტერვიუსთან დაკავშირებით.

საგარეო საქმეთა სამინისტროს ცნობით, ელჩმა განმარტა, რომ ბათუმში თურქეთის გენერალური კონსულის ინტერვიუ არასწორად იქნა წარმოდგენილი და განცხადებები არასწორად იქნა ინტერპრეტირებული მედიაში.

ამავე თემაზე:

თურქეთის კონსული შაჰინის სკოლის დასახურად მთავრობას მიმართავს

აჭარის განათლების ყოფილი მინისტრი შაჰინის სკოლის შესახებ

თურქეთის ელჩის განმარტება შაჰინის სკოლაზე კონსულის განცხადების გამო

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com