ხიხანისა და ტაოს ქუჩები

ბათუმში, ტაოსა და ხიხანის ქუჩებზე, ოცამდე მოქალაქეს ქონებას ექსპროპრიაციით ჩამოართმევენ

საქართველოს ეკონომიკისა და მდგრადი განვითარების მინისტრის 2017 წლის 28 მარტის ბრძანებით, „ახალციხე-ბათუმის“ 220 კილოვოლტი [კვ] საჰაერო ორჯაჭვა ელექტროგადამცემი ხაზის მშენებლობის პროექტი ჩაითვალა აუცილებელ საზოგადოებრივ საჭიროებად და „საქართველოს სახელმწიფო ელექტროსისტემას“ მიენიჭა ექსპროპრიაციის უფლება ქვემოთ მითითებულ მესაკუთრეთა უძრავ ქონებაზე:

  • მესაკუთრე – დავით გორგაძე, საექსპროპრიაციო ქონება – მდებარე ქ. ბათუმი, ტაოს ქუჩა 8 ბ, მიწის ნაკვეთი 601 კვ.მ;
  • მესაკუთრეები – ეხსან გორგილაძე, თეიმურაზ გორგილაძე, მაია გორგილაძე, ჯიმშერ გორგილაძე, ჯონი გორგილაძე, საექსპროპრიაციო ქონება – მდებარე ქედის რაიონი, სოფელი ვაიო, მიწის ნაკვეთი 6100.00 კვ.მ, შენობა-ნაგებობა საერთო ფართობი 204.62 კვ.მ;
  • მესაკუთრეები – ისლამ სურმანიძე, ოთარ სურმანიძე, შორენა სურმანიძე, დარეჯან დარჩიძე, საექსპროპრიაციო ქონება მდებარე ქ. ბათუმი, დასახლება ერგე, მიწის ნაკვეთი 1121.00 კვ.მ, შენობა-ნაგებობა საერთო ფართობი 27.28 კვ.მ;
  • მესაკუთრე – ვახტანგ გურგენიძე, საექსპროპრიაციო ქონება – მდებარე ქ. ბათუმი, დასახლება კაპანდიბი, სასოფლო-სამეურნეო დანიშნულების მიწის ნაკვეთი 948.00 კვ.მ;
  • მესაკუთრე – დარეჯან დუმბაძე, საექსპროპრიაციო ქონება – მდებარე ქ. ბათუმი, ხიხანის ქუჩა ქ. 20, მიწის ნაკვეთი 513.00 კვ.მ, შენობა-ნაგებობა საერთო ფართით 122. 60 კვ.მ.
  • მესაკუთრე – ნოდარ ზაქარაძე, საექსპროპრიაციო ქონება – მდებარე ქ. ბათუმი, ტაოს ქუჩა 10, მიწის ნაკვეთი 1160 კვ.მ;
  • მესაკუთრეები – თეონა სურმანიძე, ლაურა სურმანიძე, სანდრო სურმანიძე, ნაირა იაკობაძე, საექსპროპრიაციო ქონება მდებარე ქ. ბათუმი, ტაოს ქუჩა №8, მიწის ნაკვეთი 2503.00 კვ.მ, შენობა-ნაგებობ(ებ)ის საერთო ფართობი 178.61 კვ.მ;
  • მესაკუთრე – დურსუნ ალიშანიძე, საექსპროპრიაციო ქონება – მდებარე ქ. ბათუმი, ტაოს ქუჩა 15, მიწის ნაკვეთი 805 კვ.მ, შენობა-ნაგებობა (მშენებარე);
  • მესაკუთრე – მავილე ქოქოლაძე, საექსპროპრიაციო ქონება – მდებარე ქ. ბათუმი, ტაოს ქუჩა № 8 ე, მიწის ნაკვეთი 500 კვ.მ, შენობა-ნაგებობა საერთო ფართობი 200.60 კვ.მ;
  • მესაკუთრე – მერაბ ვანაძე, საექსპროპრიაციო ქონება – მდებარე ქ. ბათუმი, დასახლება კაპანდიბი, მიწის ნაკვეთი 930 კვ.მ;
  • მესაკუთრე – ჯუმბერ ბოლქვაძე, საექსპროპრიაციო ქონება – მდებარე ქ. ბათუმი, დასახლება შარაბიძეები, მიწის ნაკვეთი 450 კვ.მ, საექსპროპრიაციო ფართობი 15 კვ.მ;
  • მესაკუთრე – მელიქიე ხოზრევანიძე, საექსპროპრიაციო ქონება – მდებარე ქ. ბათუმი, ხიხანის ქუჩა 61, მიწის ნაკვეთი 1602.00 კვ.მ, შენობა-ნაგებობის ფართობი 266.50 კვ.მ.

მინისტრის ბრძანება ძალაში დღეს, 31 მარტს შევიდა. ბრძანება შეიძლება გასაჩივრდეს მისი გამოქვეყნების [31 მარტი] ან ოფიციალური წესით გაცნობის დღიდან ერთი თვის ვადაში, თბილისის საქალაქო სასამართლოს ადმინისტრაციულ საქმეთა კოლეგიაში [ქ. თბილისი, დ. აღმაშენებლის ხეივანი მე-12 კ.მ, №6].

„დასახელებულ პირებს სს „საქართველოს სახელმწიფო ელექტროსისტემის“ მიერ წერილობით ეცნობათ განსახორციელებელი პროექტის მნიშვნელობის თაობაზე და მიეცათ პროექტისათვის საჭირო მიწის ნაკვეთის ნებაყოფლობით გასხვისების წინადადება, განსახლების გეგმით განსაზღვრული საკომპესაციო თანხის სანაცვლოდ, რაზედაც მათ უარი განაცხადეს,“ – აღნიშნულია მინისტრის ბრძანებაში.

როგორც ტაოს, ისე ხიხანის ქუჩაზე მცხოვრები კერძო მესაკუთრეები აცხადებდნენ, სახელმწიფო კომპანია მათი ქონების ხელში ჩაგდებას მიზერულ ფასად ცდილობს – ერთ კვადრატულ მეტრ მიწაში, როგორც ეს მოქალაქეები ამბობენ, სახელმწიფო მათ 20-23 ლარს სთავაზობს. კომპანიაში „ბათუმელებს“ განუცხადეს, რომ მოქალაქეებს კომპენსაციას სთავაზობენ დოლარის იმ კურსით, რომელიც იყო სამი წლის წინ, ანუ 1,65 თეთრის ფარგლებში. კომპანიაში მიაჩნიათ, რომ ეს სამართლებრივად სწორი მიდგომაა.

ამავე თემაზე:

კერძო საკუთრება, რომელიც ტაოსა და ხიხანის ქუჩებზე უნდა დათმონ [ფოტო]

„საქართველოს სახელმწიფო ელექტროსისტემის“ ხელმძღვანელის ყოველთვიური შემოსავალი 27 971 ლარია 

ექსპროპრიაცია აჭარაში – მესაკუთრეებს მიწის ნაკვეთებსა და სახლს ჩამოართმევენ

ხიხანის ქუჩაზე მცხოვრები: რეალურად შეფასდეს მიწა, მოგებას არ ვითხოვ

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com