პატარაძე თურქეთში მიმოსვლის წესის ცვლილებაზე

ზურაბ პატარაძე ამ წუთებში სარფში იმ მოქალაქეებს ხვდება, რომლებიც ყოველდღიურად გადადიან თურქეთში სამუშაოდ. თურქეთის მხარის მიერ მიღებული ახალი რეგულაციებით, ყოველდღიური მიმოსვლის წესები შეიცვალა, რაც ამ მოქალაქეებზე პირდაპირ აისახება.

ზურაბ პატარაძემ შეკრებილ მოქალაქეებს შემდეგი განუცხადა: „თურქეთის გენერალურ კონსულთან ერთად მივემგზავრები თურქეთში, 24-საათიან რეჟიმში ვიმუშავებთ იმისათვის, რომ დარეგულირდეს ეს საკითხი. ორ ქვეყანას შორის მიმოსვლა უნდა იყოს აუცილებლად კომფორტული ორივე ქვეყნის მოქალაქეებისთვის, რათა იყოს ორივე ქვეყნის მოქალაქეების, ყველა ადამიანის პირობა. კონკრეტულად ვსაუბრობ ამ თემასთან დაკავშირებით. ნუ დავასწრებთ მოვლენებს, მე დავბრუნდები სულ რამდენიმე საათში, იქნება კონკრეტული მოლაპარაკება.

ამავდრულად ანკარაში მიმდინარეობს შეხვედრები, დღეს გაიმართება ასევე სატელეფონო საუბრები სხვადასხვა უწყების პირველ პირებს შორის, რათა დროულად, ოპერატიულად იყოს ეს საკითხი დარეგულირებული, რათა თქვენი ეკონომიკური მდგომარეობა გაუმჯობესდეს…“

ზურაბ პატარაძემ შეკრებილ ადამიანებს უთხრა, რომ ის რამდენიმე საათში დაბრუნდება და მათ უფრო კონკრეტულ ინფორმაციას მიაწვდის.

დღეს სარფის საბაჟოსთან საპროტესტო აქციას მართავენ ის მოქალაქეები, რომლებიც ყოველდღიურად გადადიან თურქეთში სამუშაოდ.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან