Tag Archives: შსს

დღეს 31 დეკემბერს, გამთენიისას, ბათუმში აღმაშენებლის ქუჩის დასაწყისში, წრიულთან, მეეზოვეს ავტომანქანა დაეჯახა. ავარიის შედეგად მეეზოვე ადგილზე დაიღუპა. სასწრაფო დახმარების სამსახურის ინფორმაციით, დაღუპული მეეზოვე საშუალო ასაკის კაცია. ბათუმის მერიის შპს „სანდასუფთავების“ პრესსამსახურის ინფორმაციით, მეეზოვე სამსახურებრივი მოვალეობის შესრულების დროს არ დაღუპულა: „ეს სამუშაოს შესრულების პროცესში არ მომხდარა. სახლში მიდიოდა და 9 საათზე მოუვიდა უბედური შემთხვევა. ეს ადამიანი …

Continue reading “ბათუმში ავტომანქანა დაეჯახა მეეზოვეს, რომელიც ადგილზე დაიღუპა”

„ბათუმელების“ ინფორმაციით, დაახლოებით საღამოს ექვს საათზე ბათუმის ცენტრში, ჯორჯიაშვილის ქუჩაზე, მსუბუქი ავტომანქანის გვერდითი შუშა ჩაამტვრიეს და ხელჩანთა მოიპარეს. წაღებულია ფული და საბუთები. მესაკუთრის თქმით, სულ ნახევარი საათით გადავიდა მანქანიდან და უკან დაბრუნებულმა აღმოაჩინა, რომ მანქანის შუშა ჩამტვრეული იყო. შემთხვევა ხალხმრავალ ადგილას მოხდა. დაზარალებულის თქმით, ადგილზე უკვე მუშაობს პოლიცია. ტერიტორიაზე, ერთ-ერთ სავაჭრო ობიექტზე, არის ვიდეოთვალიც.

რამდენიმე წუთის წინ ბათუმში, რუსთაველის ქუჩაზე სამი ავტომობილი შეეჯახა ერთმანეთს. როგორც შსს-ში „ბათუმელებს“ უთხრეს, ავარიის შესახებ მათთან ინფორმაცია არ შესულა. ინფორმაცია ავარიის შესახებ არც სასწრაფო დახმარების სამსახურში აქვთ. ავარიის შედეგად სამი ავტომანქანა დაზიანდა.

დღეიდან ძალაში შევიდა საკანონმდებლო ცვლილება ოჯახში ძალადობისა და ოჯახური დანაშაულების შესახებ, რომელიც შემაკავებელი და დამცავი ორდერებით დაკისრებული ვალდებულებების დარღვევის პირველივე შემთხვევისას, მის დამრღვევს სისხლისსამართლებრივი პასუხისმგებლობას აკისრებს. ცვლილების თანახმად, პირის მიერ წარსულში ოჯახური დანაშაულის ან/და ოჯახში ძალადობის ჩადენის ფაქტი გათვალისწინებულია, როგორც პასუხისმგებლობის დამამძიმებელი გარემოება. შსს-ს ინფორმაციით, გამკაცრდა სასჯელი არასრულწლოვნის თანდასწრებით ჩადენილი ოჯახური და დისკრიმინაციული დანაშაულისათვის. „ასევე, ოჯახში …

Continue reading “დღეიდან გამკაცრდა კანონი ოჯახში ძალადობაზე “

ხანძრის განზრახ გაჩენის ბრალდებით შინაგან საქმეთა სამინისტრომ ბათუმში 21 წლის ბიჭი დააკავა. საუბარია 30 აგვისტოს პუშკინის ქუჩაზე რამდენიმე სავაჭრო ობიექტში გაჩენილ ხანძარზე. ხანძრის შედეგად 9 სავაჭრო ობიექტი დაიწვა, ზარალის საერთო რაოდენობა მილიონზე მეტი ლარია. გამოძიების ვერსიით, დაკავებულმა რამდენიმე სავაჭრო ობიექტს ცეცხლი განზრახ გაუჩინა და შემთხვევის ადგილიდან მიიმალა. ბრალდებული ჩადენილ დანაშაულს აღიარებს. შინაგან საქმეთა სამინისტროს მიერ გავრცელებული …

Continue reading “ბათუმში, პუშკინის ქუჩაზე ხანძრის განზრახ გაჩენის ბრალდებით ერთი პირი დააკავეს”

შინაგან საქმეთა სამინისტრო იუწყება, რომ ტონაზე მეტი სხვადასხვა სახის ნარკოტიკული საშუალება გაანადგურა. სამინისტროს ცნობით, სისხლის სამართლის 750 საქმეზე სხვადასხვა დროს ნივთმტკიცებად ამოღებული, განადგურებული ნარკოტიკების ღირებულება ე.წ. „შავ ბაზარზე“, დაახლოებით, 14 მილიონი ლარია. „შინაგან საქმეთა მინისტრის ბრძანების საფუძველზე სამართალდამცველები ნარკოტიკულ და ფსიქოაქტიურ ნივთიერებებს, სასამართლოს შესაბამისი განაჩენის შემდეგ, სპეციალური მუდმივმოქმედი კომისიის თანდასწრებით ეტაპობრივად ანადგურებენ. შინაგან საქმეთა სამინისტრომ …

Continue reading “შსს ამბობს, რომ 14 მილიონი ლარის ღირებულების ნარკოტიკი გაანადგურა”

შსს-ს ინფორმაციით, 2018 წელს, ე.წ. ოთხი კანონიერი ქურდი და „ქურდული სამყაროს“ 52 წევრი დააკავეს. უწყების თქმით, ეს სტატისტიკური მაჩვენებელი 477 პროცენტით მეტია წინა წლის მონაცემზე. „დაკავებულთაგან 19 პირს ბრალი ახალი მუხლებით წარედგინა“. 2018 წელს სისხლის სამართლის წესით დასჯადი გახდა: „ქურდულ შეკრებაში მონაწილეობა“ „ქურდული სამყაროს საქმიანობის მხარდაჭერა“ „ქურდული სამყაროს წევრისთვის ან კანონიერი ქურდისთვის მიმართვა“. ტრეფიკინგის ბრალდებით …

Continue reading “შსს-მ 2018 წელს ოთხი კანონიერი ქურდი და 40 კიბერდამნაშავე დააკავა”

დღეს, 17 დეკემბერს, ბათუმში, ხიმშიაშვილის ქუჩაზე, ავარიის შედეგად მოტოციკლისტი დაიღუპა. „ბათუმელების“ ინფორმაციით მოტოციკლეტი მსუბუქ ავტომანქანას შეეჯახა და ამოყირავდა. მოტოციკლეტის მძღოლი ადგილზე გარდაიცვალა. შს სამინისტროს ინფორმაციით, გამოძიება 276-ე მუხლის მეხუთე ნაწილით მიმდინარეობს, რაც მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა.

ბათუმში, აეროპორტის გზატკეცილზე დამონტაჟებული მოსაცდელი დაზიანებულია. შს სამინისტროს ინფორმაციით, დაახლოებით 5 დღის წინ, მოსაცდელს ავტომანქანა დაეჯახა.  შსს ცნობით, დადგენილია პირი და გამოძიება ადმინისტრაციულ სამართალდარღვევათა კოდექსით მიმდინარეობს. აღნიშნული მოსაცდელი ბათუმში შპს „ალმამ“ განათავსა. როგორც მერიაში გვეუბნებიან, დაზიანებული მოსაცდელიც მათ უნდა აღადგინონ. „ბათუმელები“ კომპანიის წარმომადგენელსაც ესაუბრა. კომპანიაში გვითხრეს, რომ მოსაცდელის დემონტაჟს გამოძიების დასრულების შემდეგ დაიწყებენ: „ჯერჯერობით, დემონტაჟის …

Continue reading “დაზიანებული მოსაცდელი ბათუმში”

დღეს, 5 დეკემბერს, ბათუმში, ფრიდონ ხალვაშის გზატკეცილზე გაჩერებულ მსუბუქ ავტომანქანას ცეცხლი გაუჩნდა. სახანძრო-სამაშველო სამსახურში გვითხრეს, რომ ავტომანქანაში არავინ იჯდა, შესაბამისად, არც არავინ დაშავებულა. ხანძრის შედეგად ავტომანქანა სრულად დაიწვა. სახანძროში გვითხრეს, რომ ჯერ არ არის ცნობილი ხანძრის გამომწვევი მიზეზები. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 187-ე მუხლის შესაბამისად დაიწყო, რაც ნივთის დაზიანებას ან განადგურებას …

Continue reading “ბათუმში გაჩერებული ავტომანქანა დაიწვა”

რამდენიმე წუთის წინ ბათუმში, მემედ აბაშიძისა და ლუკა ასათიანის ქუჩების კვეთაში, ორი მსუბუქი ავტომობილი შეეჯახა ერთმანეთს. შს სამინისტროს ინფორმაციით, ავარიის შედეგად არავინ დაშავებულა. ერთ-ერთი ავტომობილი საწინააღმდეგო მიმართულებით მოძრაობდა. გამოძიება ადმინისტრაციულ სამართალდარღვევათა 125-ე მუხლით მიმდინარეობს, რაც ჯარიმას ითვალისწინებს.

ბათუმში, ჭავჭავაძის ქუჩაზე, სავალუტო ჯიხური გაძარცვეს. ერთ-ერთი მოქალაქის თქმით, შემთხვევა 23 ნოემბერს მოხდა: „ჯიხურში მომუშავე ფულს ითვლიდა, რა დროსაც, დაახლოებით 5 ათასამდე ლარი ხელიდან გასტაცეს, ეტყობა, მძარცველი ქუჩიდან უთვალთვალებდა.“ შინაგან საქმეთა სამინისტროს ინფორმაციით, ფაქტზე აღძრულია საქმე სისხლის სამართლის კოდექსის 178-ე  [ძარცვის] მუხლით. ამ მუხლის მიხედვით, „ძარცვა, ესე იგი, სხვისი მოძრავი ნივთის აშკარა დაუფლება მართლსაწინააღმდეგო მისაკუთრების მიზნით, …

Continue reading “ბათუმში სავალუტო ჯიხური გაძარცვეს”

ბათუმში გუშინ, 24 ნოემბერს ერთი ქალი მოკლეს და ერთი დაჭრეს. შინაგან საქმეთა სამინისტროს ინფორმაციით, სამინისტროს აჭარის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, განზრახ მკვლელობის ბრალდებით, 1961 წელს დაბადებული, თურქეთის რესპუბლიკის მოქალაქე ლ.უ. დააკავეს. დანაშაული 7-დან 15 წლამდე ვადით თავისუფლების აღკვეთას ითვალისწინებს. შს სამინისტროს ინფორმაციით, „გამოძიებამ დაადგინა, რომ დაკავებულმა მიმდინარე წლის 24 ნოემბერს, ღამით, ბათუმში …

Continue reading “ბათუმში გუშინ 38 წლის ქალი მოკლეს, პოლიციამ განზრახ მკვლელობის ბრალდებით ერთი პირი დააკავა”

ბათუმში, გორგილაძის ქუჩაზე, ტექნიკის მაღაზია გაქურდეს და მობილური ტელეფონები მოიპარეს. მაღაზიის მინის კარი დღეს დილით მეპატრონეს ჩამტვრეული დახვდა. შინაგან საქმეთა სამინისტროს ინფორმაციით, დადგენილია სავარაუდო დამნაშავეები და მიმდინარეობს მათი ძებნა. გამოძიება სისხლის სამართლის კოდექსის 177-ე მუხლის მიხედვით დაიწყო, რაც ქურდობას გულისხმობს.

ბათუმში, გორგილაძის ქუჩაზე, „ჯეოსელის“ ოფისის წინ, ავტომანქანა ქვეითს დაეჯახა. დაშავებული კაცი ბათუმის რეფერალურ საავადმყოფოში გადაიყვანეს. ბათუმის სასწრაფო სამედიცინო სამსახურის ინფორმაციით, დაშავებულის მრავლობითი მოტეხილობა ჰქონდა და მდგომარეობა მძიმეა. დაზარალებული დაახლოებით 60 წლისაა. გუშინ კიდევ ერთი ავტოსაგზაო შემთხვევის დროს ქალი დაიღუპა ბათუმში. მძღოლი შემთხვევის ადგილიდან მიიმალა. შს სამინისტროში აცხადებენ, რომ გუშინდელი შემთხვევის შემდეგ მძღოლი იძებნება.  

შინაგან საქმეთა სამინისტრო არასრულწლოვანთა მიმართ სექსუალური ძალადობის ჩამდენი პირებისთვის სამოქალაქო უფლებების შეზღუდვას და სასჯელის გამკაცრებას ითხოვს. შსს-მ ამ საკითხზე სახელმწიფო უწყებების, არასამთავრობო და საერთაშორისო ორგანიზაციების წარმომადგენლებს ახალი საკანონმდებლო ცვლილებების პროექტი წარუდგინა. შსს-ს ცნობით, საკანონმდებლო ინიციატივა ითვალისწინებს მსჯავრდებულისთვის საგანმანათლებლო და აღმზრდელობით (სკოლა, ბაღი) დაწესებულებებში მუშაობის და სხვა სამოქალაქო უფლებების შეზღუდვას. „შეიქმნება სქესობრივი დანაშაულებისთვის მსჯავრდებულ პირთა ბაზა, …

Continue reading “შსს არასრულწლოვანთა მიმართ ჩადენილ სექსუალურ ძალადობაზე კანონის გამკაცრებას ითხოვს”

შინაგან საქმეთა სამინისტროში აცხადებენ, რომ უკვე დაკავებულია 55 წლის კაცი, რომელიც არასრულწლოვნის მიმართ გარყვნილ ქმედებაშია ბრალდებული. მოზარდის მიმართ გარყვნილი ქმედების მუხლით პირის დაკავების შესახებ შსს სამინისტრომ „ბათუმელებს“ 14:51 წუთზე შეატყობინა. ანალოგიური ინფორმაცია უწყებამ დღეს დილით 11:10 საათზეც დაადასტურა, 14:00 საათისთვის კი ეს ინფორმაცია უარყო. ბრალდებულის წინააღმდეგ ჩვენება მისცეს 13 წლის გოგონამ, მისმა მშობელმა და თვითმხილველმა. …

Continue reading “შსს: 55 წლის კაცი დაკავებულია მოსამართლის განჩინების საფუძველზე”