Batumelebi | ბათუმში, პუშკინის ქუჩაზე ხანძრის განზრახ გაჩენის ბრალდებით ერთი პირი დააკავეს ბათუმში, პუშკინის ქუჩაზე ხანძრის განზრახ გაჩენის ბრალდებით ერთი პირი დააკავეს – Batumelebi
RU | GE  

ბათუმში, პუშკინის ქუჩაზე ხანძრის განზრახ გაჩენის ბრალდებით ერთი პირი დააკავეს

ხანძრის განზრახ გაჩენის ბრალდებით შინაგან საქმეთა სამინისტრომ ბათუმში 21 წლის ბიჭი დააკავა. საუბარია 30 აგვისტოს პუშკინის ქუჩაზე რამდენიმე სავაჭრო ობიექტში გაჩენილ ხანძარზე. ხანძრის შედეგად 9 სავაჭრო ობიექტი დაიწვა, ზარალის საერთო რაოდენობა მილიონზე მეტი ლარია.

გამოძიების ვერსიით, დაკავებულმა რამდენიმე სავაჭრო ობიექტს ცეცხლი განზრახ გაუჩინა და შემთხვევის ადგილიდან მიიმალა. ბრალდებული ჩადენილ დანაშაულს აღიარებს. შინაგან საქმეთა სამინისტროს მიერ გავრცელებული ინფორმაციის მიხედვით, ბრალდებულმა ბ.ბ.-მ გამოკითხვისას აღიარა, რომ 30 აგვისტოს ბათუმში, პუშკინის ქუჩაზე, ერთ-ერთი საცხოვრებელი კორპუსის ლიფტში ხანძარი განზრახ გააჩინა.

ბ.ბ.-ს ბათუმის საქალაქო სასამართლომ უკვე შეუფარდა წინასწარი პატიმრობა. გამოძიება ცეცხლის წაკიდებით ნივთის დაზიანების ან განადგურების ფაქტზე, საქართველოს სსკ-ს 187-ე მუხლის მე-2 ნაწილით მიმდინარეობს.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი