Tag Archives: სტიქია

 

ბათუმის სამაშველო სამსახურის ინფორმაციით, ამ დროისთვის სტიქიის ზონიდან 14 ოჯახია გაყვანილი. 

 

დღეს, 14 ნოემბერს, აჭარის  მთავრობის თავმჯდომარე არჩილ ხაბაძე და საქართველოს ფინანსთა მინისტრი ნოდარ ხადური აჭარაში სტიქიის შედეგად დაზარალებულ სოფლებში იმყოფებოდნენ. მათ მოინახულეს ქედის რაიონის სოფლები: პირველი მაისი, მახუნცეთი, კოლოტაური და ხუნკუდა. 

 

აჭარის განათლების მინისტრის მოადგილე ლადო მგალობლიშვილი “ბათუმელებთან” საუბრისას ამბობს, რომ რამდენიმე საჯარო სკოლის დირექტორთან დაკავშირებას ვერ ახერხებს, რადგან მაღალმთიან აჭარას ელექტროენერგია არ მიეწოდება, მობილური ტელეფონები დენის წყაროს გარეშე დარჩა. დაზუსტებული ინფორმაციით, დღეს, 12 ნოემბერს სასწვლო პროცესი შეწყდა ხელვაჩაურის 6 და ქედის 3 საჯარო სკოლაში. წინასწარი ინფორმაციით, დაზიანებულია სკოლების სახურავები.

ასევე  რამდენიმე სახლთან ჩამოწვა მეწყერი და მოქალაქეებს საცხოვრებელი სახლები დაატოვებინეს. 

აჭარის მთავრობის ცნობით, სასწავლო პროცესი შეწყვეტილია შემდეგ სკოლებში:

ხელვაჩაურში: აჭარისაღმართის საჯარო სკოლაში,  სკოლასთან მისვლა პრობლემაა,  წაქცეულია ხეები;

სალიბაურის N1 საჯარო სკოლაში – დატბორილია სკოლის შენობა;

ქედქედის საჯარო სკოლაში –  წაქცეულია ხეები, დატეხილია ფანჯრები და მინები, ზოგიერთ საკლასო ოთახში დაზიანდა ჭერი;

ჩიქუნეთის საჯარო სკოლაში – სკოლასთან მისვლა პრობლემაა, დატეხილი და წაქცეულია ხეები; ჩხუტუნეთის საჯარო სკოლაში – სკოლასთან მისვლა პრობლემაა, დატეხილი და წაქცეული ხეების გამო; წინსვლის საჯარო სკოლაში – სკოლასთან მისასვლელი ხიდი წყალმა წაიღო (ხიდის რეაბილიტაცია მიდის, გვერდით იყო დროებითი ხიდი გაკეთებული და ის ხიდი წაიღო წყალმა);
ქედაში: სოფელ დანდალოს საჯარო სკოლაში – ძლიერმა ქარმა სკოლას ნაწილობრივ გადახადა სახურავი, დააზიანა ფანჯრები;

სოფელ ახოს №1 საჯარო სკოლაში – ძლიერმა ქარმა სკოლას ნაწილობრივ გადახადა სახურავი;

 სოფელ ცხმორისის საჯარო სკოლაში – ძლიერმა ქარმა სკოლას ნაწილობრივ გადახადა სახურავი;
ხულოში: რაქვთის საჯარო სკოლაში – ძლიერმა ქარმა სკოლას ნაწილობრივ გადახადა სახურავი.
საერთო პრობლემა – არ მიეწოდებათ შუქი, გათიშულია ჯეოსელის ქსელი.

უამინდობის გამო მეცადინეობა შეწყვეტილია შუახევის ზოგიერთ სკოლაშიც.  

 

სამაშველო სამსახურის ინფორმაციით, 11 ნოემბერს ძლიერი წვიმისა და შტორმის გამო ორმოცამდე გამოძახება დაფიქსირდა. 

მაშველების ინფორმაციით ძლიერი ქარის დროს, ბათუმსა და ხელვაჩაურში რამდენიმე სახლი სახურავის გარეშე დარჩა. წაქცეულია ხეები და დატბორილია ქუჩები. 

 

 

აჭარის მთავრობის თავმჯდომარე  არჩილ ხაბაძე ამ დროისთვის ქობულეთში დაზარალებულ ადგილობრივ მოსახლეობას  ხვდება და  არსებულ მდგომარეობას პირადად ეცნობა. ინფორმაციას ამის შესახებ აჭარის მტავრობის პრესსამსახური ავრცელებს.  მანამდე კი  საგანგებო შტაბის სხდომა  გამართა ქობულეთის მუნიციპალიტეტის გამგეობაში.  მუნიციპალიტეტში შექმნილ სტიქიასთან ბრძოლის შტაბის წევრებს  რეგიონის პირველი პირი ქობულეთის მაჟორიტარ დეპუტატთან ანზორ თხილაიშვილთან ერთად შეხვდა. შეხვედრას ასევე აჭარის საპატრულო პოლიციისა და სამაშველო სამსახურის უფროსები ესწრებოდნენ.

 

შს სამინისტროს საგანგებო სიტუაციების მართვის დეპარტამენტის ინფორმაციით, დღეს ქედის მუნიციპალიტეტის სოფელ დოლოგანში მეწყრული პროცესების გამო ხუთი ოჯახი საკუთარი საცხოვრებელი სახლებიდან მაშველებმა გაიყვანეს. სტიქია მოსახლეობას პრობლემებს ქობულეთშიც უქმნის.

 

შს სამინისტროს საგანგებო სიტუაციების მართვის დეპარტამენტის ინფორმაციით, დღეს ქედის მუნიციპალიტეტის სოფელ დოლოგანში მეწყრული პროცესების გამო ხუთი ოჯახი საკუთარი საცხოვრებელი სახლებიდან მაშველებმა გაიყვანეს. სტიქია მოსახლეობას პრობლემებს ქობულეთშიც უქმნის.

 

ქობულეთის გამგებლის, სულხან ევგენიძის ინფორმაციით, ქობულეთში, ცენტრალურ მაგისტრალზე, სადგურის მიმდებარე ტერიტორიიდან სტადიონამდე  მოძრაობა წყალდიდობის გამო აკრძალულია: „მოძრაობენ მხოლოდ მაშველები”. 

 

ამ დროის [11:32 საათი]  მონაცემებით ქობულეთში დატბორილია ჯავახიშვილის უბანი, გელაურის დასახლება, ბაზრის მიმდებარე ტერიტორია, სააავადმყოფოს უბნის ნაწილი, რუსთაველისა და დავით აღმაშენებლის ქუჩების დასაწყისი. დამეწყრილია სოფელ ლეღვას, გვარას, კონდითის, გოგმაჩაურის, ზენითის, აჭყვისთავისა და ცეცხლაურის სასოფლო გზები. მოსალხეობას ელექტრო ენერგია შეფერხებით მიეწოდება.

 

ქობულეთის მუნიციპალიტეტში ამ დროისთვის  [11.32 საათი] ელექტროენერგია 14 ათას აბონენტს არ მიეწოდება. ინფორმაცია ამის შესახებ “ბათუმელებს” „ენერგო-პრო ჯორჯიაში“ დაუდასტურეს. 

კოკისპირულმა წვიმამ დააზიანა ელექტროგადამცემი ხაზები. 

 

აჭარის განათლების სამინისტროს ინფორმაციით, ქობულეთის №1, მე-5 და მე-6 საჯარო სკოლებში სწავლა შეყვეტილია სკოლების მიმდებარე ტერიტორიების დატბორვის გამო. 

უხვმა ნალექმა ქობულეთში რამდენიმე უბანი დატბორა, ასევე რამდენიმე სოფელში ჩამოწვა მეწყერი. შეზღუდულია ავტომანქანების მოძრაობა. 

 

ქედის მუნიციპალიტეტის სოფელ დოლოგანში ღამით მოვარდნილმა წყალმა ჯინჭარაძეების საცხოვრებელი სახლის პირველი სათული დატბორა. აღნიშნული ტერიტორიის მიმდებარედ საჯარო სკოლა და საბავშვო ბაღი მდებარეობს. 

 

შსს-ს განცხადებით, თბილისში მომხდარი სტიქიის შედეგად დაღუპულთა ხსოვნის პატივსაცემად, პრემიერ-მინისტრ ირაკლი ღარიბაშვილის გადაწყვეტილებით 15 ივნისი გლოვის დღედ გამოცხადდა. გლოვის დღესთან დაკავშირებით, შინაგან საქმეთა სამინისტროს ყველა შენობაზე დროშები დაეშვა.

 

გონიოს მახლობლად, სოფლების – ახალსოფლისა და ჭარნალის საზღვარზე, ღამის 12 საათისთვის, ხანძარი თითქმის ლოკალიზებულია. ხელვაჩაურის გამგებლის, ნადიმ ვარშანიძის თქმით, ხანძრის ერთი კერაა დარჩენილი, ცოტა ძნელად მისასვლელი ადგილია, თუმცა იმასაც მალე ჩააქრობენ. 

 

სოციალური და სტიქიის შედეგად დაზარალებული ოჯახებისათვის საცხოვრებელი პირობებით უზრუნველყოფისთვის წელს და მომდევნო სამი წლის განმავლობაში აჭარის ბიუჯეტიდან 13 მილიონი ლარი დაიხარჯება. მიმდინარე წელს 4 მილიონი ლარი, ხოლო მომდევნო წლებში – სამ-სამი მილიონი – ყოველწლიურად.

 

შავ ზღვაში წარმოქმნილი ხუთბალიანი შტორმის შედეგად, ბათუმის სანაპირო ზოლი საგრძნობლად დაზიანდა. ყველაზე დიდი ზარალი ბათუმის სამაშველო სამსახურს მიადგა – შტორმმა ბათუმსა და ქობულეთში  სამაშველო კოშკურები წააქცია. 

 

აჭარის მთავრობის თავმჯდომარემ არჩილ ხაბაძემ, საგანგებო ბრიფინგი გამართა და აჭარაში უხვი ნალექის შედეგად შექმნილ მდგომარეობაზე ისაუბრა. 
ამ დროისათვის ელექტრო ენერგია შეუფერხებლად მიეწოდება ბათუმისა და ხელვაჩაურის მუნიციპალიტეტების მოსახლეობას. ხულოს მუნიციპალიტეტში გათიშულია 5 215 აბონენტი, შუახევში 4 159 და ქედაში 413 აბონენტი. 

 

შსს-ს საგანგებო სიტუაციების მართვის ცენტრ “112”-ში 19 ოქტომბერს შევიდა შეტყობინება იმის შესახებ, რომ აჭარის სანაპირო ზოლში დაფიქსირდა 5 ბალიანი შტორმი. სტიქიის შედეგად მიყენებული ზიანის აღმოფხვრის მიზნით, ბათუმში შეიქმნა კრიზისების მართვის ოპერატიული ცენტრი, რომლის მართვის კოორდინაციას შინაგან საქმეთა სამინისტროს საგანგებო სიტუაციების მართვის დეპარტამენტი ახორციელებს. ცენტრის შემადგენლობაში შედიან შს სამინისტროს სტრუქტურული დანაყოფები და ადგილობრივი თვითმართველობის შესაბამისი სამსახურები.

 

 

„წყალდიდობა უხმა ნალექმა გამოიწვია  და არა გაუმართავმა სისტემამ“- განაცხადა არჩულ ხაბაძემ  ჟურნალისტებთან შეხვედრისას. მისი თქმით,  ქალაქის ცენტრალურ ნაწილში, სადაც წყლის სისტემები  მოწესრიგებულია, მძიმე სიტუაცია არ ყოფილა.

 

„ენერგოპრო ჯორჯიას“ აჭარის ფილიალის ინფორმაციით უამინდობის გამო ელექტრო ენერგია არ მიეწოდება ბათუმის რამდენიმე უბანს. 

 

 

ქობულეთის დაცული ტერიტორიაზე, ისპანის ჭაობში გუშინ გაჩენილი ხანძრის მიზეზები ამ დრომდე უცნობია. როგორც დაცული ტერიტორიის ადმინისტრაციაში აცხადებენ, ხანძარი გუშინ დაახლოებით რვა საათისთვის გაჩნდა. მიზეზები ამ დრომდე უცნობია. 

 

სტიქიით დაზარალებული 74 ოჯახი, რომელთა საცხოვრებელი სახლი და ადგილი სპეციალისტებმა სიცოცხლისათვის საშიშად მიიჩნიეს, ბინას ბენზეში ე.წ. სოციალურ სახლში მიიღებს. ამის შესახებ გადაწყვეტილება აჭარის მთავრობამ სპეციალური სამთავრობო კომისიის რეკომენდაციით მიიღო.

 

 

 ბათუმში, ფარნავაზ მეფის ქუჩაზე, ბარაკის ტიპის საცხოვრებელ სახლს ცეცხლი ღამის ათ საათზე წაეკიდა. დაზარალებულების შესახებ ინფორმაცია არ ვრცელდება. როგორც ბათუმის სახანძრო სამსახურში „ბათუმელებს“ აცნობეს, თავდაპირველად შემთხვევის ადგილას გასული იყო 5 ბრიგადა, ამ დროისათვის კი ხანძარს ორი სახანძრო ბრიგადა ებრძვის.  

 

ხანძრის გამომწვევ მიზეზებს ამ დროისათვის იკვლევენ. 

 

 

16 ნოემბერს, 03:49 წუთზე შავი ზღვის სანაპირო ზოლში მიწისძვრა დაფისირდა – ამის შესახებ ინფორმაციას ილიას სახელმწიფო უნივერსიტეტის სეისმური მონიტორინგის ცენტრი აქვეყნებს.  

საქართველოს პარლამენტის ვიცე-სპიკერის მურმან დუმბაძის განცხადებით, ზარალი, რომელიც აჭარის სანაპირო ზოლს მიადგა, წინა ხელისუფლების „უგუნური ქმედებების“ შედეგია.

 

როგორც დღეს პარლამენტის ვიცე-სპიკერმა ახალი ბულვარის მიმდებარე ტერიტორიაზე საგანგებო ბრიფინგზე ჟურნალისტებს განუცხადა, აჭარის სანაპირო ზოლის გასწვრივ რომ ჩატარებულიყო ნაპირსამაგრი სამუშაოები და ჯებირები გაემაგრებინათ, ბათუმს ასეთი ზარალი არ მიადგებოდა.

 

მისი თქმით, წლების მანძილზე, ექსპერტები, მეცნიერები, კონსულტანტები, ეკოლოგთა ჯგუფის წევრები წერდნენ და აფრთხილებდნენ ხელისუფლებას იმ ეკოლოგიური კატასტროფის შესახებ, რომელიც ქვეყანას ემუქრება, თუმცა ხელისუფლებამ მათი რჩევები არ გაითვალისწინა.

 

მისივე თქმით, შესაძლებელია ბულვარის სანაპირო ზოლის გალამაზება, თუ ჯერ მოხდება ჯებირების გამაგრება, რასაც საბჭოთა კავშირიც ახერხებდა, წინა ხელისუფლებამ კი მიზანმიმართულად არ მოახდინა მათი გამაგრება და რამდენიმე მილიონი ლარი მხოლოდ პიარისთვის დახარჯა, რაც სახელმწიფო დანაშაულია.

 

ამასთან, როგორც დუმბაძემ აღნიშნა, ის აპირებს მიმართოს ახალ ხელისუფლებას, რომ შეჩერდეს მსგავსი ინფრასტრუქტურის განვითარება და მათი მშენებლობა მხოლოდ ნაპირსამაგრი სამუშაოების შესრულების შემდეგ გაგრძელდეს.

<!** Image 1 align="" width="300" height="300" >