Batumelebi | ბათუმში სამაშველო სამსახური 45 -ჯერ გამოიძახეს ბათუმში სამაშველო სამსახური 45 -ჯერ გამოიძახეს – Batumelebi
RU | GE  

ბათუმში სამაშველო სამსახური 45 -ჯერ გამოიძახეს

 

სამაშველო სამსახურის უფროსის, მამუკა თურმანიძის ინფორმაციით,  ბათუმში მოსახლეობამ სამაშველო სამსახური 45 ჯერ გამოიძახა. 

 

ბათუმი, წვიმა
ბათუმი, წვიმა

 

 

 

„ყველა გამოძახებაზე იყო რეაგირება. ძირითადი ზარები  დატბორვის გამო იყო, აეროპორტის მიმართულებით იყო ქუჩები დატბორილი, ჯგუფები გასულია და მუშაოებენ. ქობულეთში, სოფელ ალამბარში მეწყრული პროცესებია განვითარებული, თუმცა მაგისტრალური გზები ჩაკეტილი არ არის, გარდა გოდერძის უღელტეხილისა, რადგან იქ ერთი მეტრო თოვლია“-აცხადებს სამაშველოს უფროსი.

 

 

მეწყრული პროცესები განვითარდა სოფელ ჯოჭოშიც. მამუკა თირმანიძის ინფორმაციით, ორ ოჯახი გადაყვანილია უსაფრთხო ზონაში. 

 

 

„მიმდინარეობს მოკვლევა რამდენად უსაფრთხოა იმ ადგილზე ამ ოჯახების დაბრუნება. თუ დასკვნა იქნება დადებითი, მაშინ შეკეთდება დაზარალებულთა სახლები, თუ არა მოხდება მათი სხვაგან გადაყვანა“. 

 

 

მაშველებმა ამ დრომდე ვერ   მიაკვლიეს ქობულეთში წყალში დაკარგულ მამაკაცს, რომელიც მდინარეში ძაღლის გამო შევიდა. 

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე