Batumelebi | გონიოსთან ხანძარი ლოკალიზებულია გონიოსთან ხანძარი ლოკალიზებულია – Batumelebi
RU | GE  

გონიოსთან ხანძარი ლოკალიზებულია

 

გონიოს მახლობლად, სოფლების – ახალსოფლისა და ჭარნალის საზღვარზე, ღამის 12 საათისთვის, ხანძარი თითქმის ლოკალიზებულია. ხელვაჩაურის გამგებლის, ნადიმ ვარშანიძის თქმით, ხანძრის ერთი კერაა დარჩენილი, ცოტა ძნელად მისასვლელი ადგილია, თუმცა იმასაც მალე ჩააქრობენ. 

 

 

 

ხანძრის ჩასაქრობად, რომელიც რამდენიმე საათის წინ გაჩნდა, 6 სახანძრო ბრიგადა მუშაობს. გამგებლის განცხადებით, მოსახლეობას რაიმე საფრთხე არ ემუქრება და ხანძრის ხელახლა გავრცელების ალბათობაც გამორიცხულია: „ძირითადად, ეკალ-ბარდებით და ყოფილი ჩაის პლანტაციებით დაფარულ ტერიტორიას მოედო ცეცხლი. ხანძრის მიზეზი სავარაუდოდ თბილი ამინდი უნდა იყოს… თუ რაიმე ზარალია, ესეც ხვალ დილით უფრო გვეცოდინება“.

ნეტგაზეთის მასალების სხვა გამოცემებში გადაბეჭდვის წესი
თედო ჯორბენაძე