სიახლეები

ღარიბაშვილი აჭარაში: ყველა დაზარალებული კომპენსაციას მიიღებს

30.09.2014 • 1383
ღარიბაშვილი აჭარაში: ყველა დაზარალებული კომპენსაციას მიიღებს

 

ირაკლი ღარიბაშვილი ქედაში
ირაკლი ღარიბაშვილი ქედაში

პრემიერმა არსებული ვითარება შეაფასა და განაცხადა, რომ ყველა დაზარალებული ოჯახი კომპენსაციას მიიღებს.

 

„ადგილზე შექმნილია შტაბი, რომელიც 24 საათიან რეჟიმში მუშაობს, ყველა პრობლემაზე კორდინირებულად ხდება მუშაობა,  სამუშაოებში ყველა სამინისტრო ჩაერთო, დასავლეთ საქართველოში სულ 2 000-მდე დამიანია დაზარალებული. მე მინდა კიდევ ერთხელ ვუთხრა მოსახლეობას, რომ ვინც სტიქიის შედეგად დაზარალდა, მათი  ზიანი დაითვლება და ანაზღაურდება სახელმწიფოს მხრიდან.

 

გასულ წელს სახელმწიფომ კომპენსაციის სახით  48 მილიონი ლარი გასცა, წელს – 34 მილიონი,  დამატებით 6 მილიონი ლარია გამოყოფილი, განსაკუთრებით დიდი ზარალია ოზურგეთში.  

 

გუშინ 800 გამოძახება იყო დღის განმავლობაში და 600 მოხდინეს რეაგირება იმავე დღეს.  მინდა სრული პასუხისმგებლობით განვაცხადო, არც ერთი ოჯახი არ დარჩება ყურადღების გარეშე, ყველა მიიღებს კომპენსაციას. ყველაფერი კონტროლის ქვეშაა, სტაბილურია ვითარება და პრობლემა არ იქნება“ – განაცხადა ირაკლი ღარიბაშვილმა.

 

 

ქედის გამგებლის, დავით დუმბაძის განცხადებით, სექტემბერში განვითარებული სტიქიის შედეგად მიყენებული ზარალის ოდენობა ქედის მუნიციპალიტეტში 18 500 ლარს შეადგენს.

 

პრემიერთან შეხვედრაზე სოფელ დოლოგანში სხვადასხვა სამინისტროების წარმომადგენლებთან ერთად საავტომობილო გზების დეპარტამენტის და ადგილობრივი ხელისუფლების წარმომადგენლები,  ქედის მაჟორიტარი დეპუტატი საქართველოს პარლამენტში და ადგილობრივი მოსახლეობა იმყოფებოდა.

გადაბეჭდვის წესი


ასევე: