„ეს პირველი, სასიგნალო გამოცემაა. წიგნში შესულია ყველა ის მასალა, რომელიც დაცულია აჭარის მუზეუმებში. ქრონოლიგიურად, მასალები წყება უძველესი დროიდან და მთავრდება მე-20 საუკუნის მხატვრობით“- ამბობს, განათლების მინისტრი, გიორგი თავამაიშვილი.
„აჭარის საბანძურში“ გარკვეული ნივთები ქედის მუზეუმიდანაც არის შესული:
„მეტი წილი ბუნებრივია არის არქეოლოგიის, მხარეთმცოდნეობის და ხელოვნების მუზეუმებიდან. გეგმაში გვაქვს არქეოლოგიური მუზეუმისთვის ცალკე გამოცემა გავაკეთოთ, რადგან რეალურად, ეს არის ჩვენი სახე და საინტერესო იქნება როგორც ადგილობრივებისთვის, ასევე სტუმრებისთვის“.
წიგნის გამოცემაზე ბიუჯეტიდან დაახლოებით 50 ათასი ლარი დაიხარჯა. წიგნი სასაჩუქრეა და გაყიდვაში არ იქნება.
„7 მარტს, ბათუმის წმინდა იოანე ღვთისმეტყველის სახელობის სასულიერო სემინარიის შენობაში აჭარის უმაღლესი საბჭოს თავმჯდომარის ინიციატივით ფრაქცია “ქართული ოცნების” სხდომა გაიმართა, რაც არ იყო შეთანხმებული არც ეპარქიის, არც დაწესებულებისა და ამავე შენობაში მოქმედი წმინდა ნინოს სახელობის ტაძრის წინამძღვართან.
ეკლესიისათვის, ჩვენი ქვეყნის თითოეული მოქალაქე ძვირფასია განურჩევლად მისი პოლიტიკური მრწამსისა.
ამიტომ, თხოვნით მივმართავთ ყველას, მსგავსი ქმედებებისაგან თავი შეიკაონ, რათა ეკლესია არ გახდეს ურთიერთდაპირისპირების საბაბი,“ – ნათქვამია განცხადებაში.
აჭარის უმაღლესი საბჭოს ფრაქცია „ქართული ოცნების“ წევრთა სხდომა სასულიერო სემინარიაში 7 მარტს გაიმართა. ფრაქციის წევრმა, კაკო ძნელაძემ „ბათუმელებთან“ სემინარიაში სხდომის ჩატარების მიზეზი განმარტა. მისი თქმით, ვინაიდან დასვენების დღე იყო, ხოლო ჩაქვი, ტერიტორიულად ბათუმისგან მოშორებითაა, ამიტომ გადაწყვიტეს სხდომის სემინარიაში ჩატარება.
აღნიშნულთან დაკავშირებით გურამ ლომინაძემ დღეს, 10 მარტს, ქედაში საგანგებო განცხადება გააკეთა.
„მე ვიყავი გასული წლის მაისის თვეში შექმნილი კომისიის თავმჯდომარე, რომელსაც ქედის მუნიციპალიტეტში სტიქიის შედეგად დაზარალებული ოჯახები უნდა შეესწავლა. კომისიამ შეისწავლა 260 ოჯახი, ზარალი აღვწერეთ და მონაცემები შემდგომი რეაგირებისთვის საკრებულოს გადავეცით.
ჩვენი მონაცემებით ზარალის ოდენობა დაახლოებით 181 000 ლარს შეადგენდა, თუმცა მას შემდეგ, რაც დაზარალებული მოსახლეობის ნაწილმა კომპენსაცია ვერ მიიღო, გამგებელმა ამის ჩემზე გადმობრალება დაიწყო.
რამდენიმე დღის წინ დავით დუმბაძემ განაცხადა, რომ იმ დროისთვის (პირველ აპრილს) გამგებლის მოვალეობას არ ასრულებდა, კომისიის თავმჯდომარე მე, გურამ ლომინაძე ვიყავი და ამ ყველაფერს მე ვხელმძღვანელობდი. ყველას შეუძლია გაიგოს იყო თუ არა დავით დუმბაძე იმ დროისთვის გამგებლის მოვალეობის შემსრულებელი და თუ მე ვარ დამნაშავე, პასუხს ვაგებ“ – განაცხადა გურამ ლომინაძემ „ბათუმელებთან“ სატელეფონო საუბრისას.
2014 წლის გაზაფხულზე ქედაში განვითარებული სტიქიის შედეგად დაზარალებულმა 258-მა ოჯახმა კომპენსაცია მიიღო, რაზეც 180 533 ლარი დაიხარჯა.
„ალბათ ის ძალები, რომლებიც ბოლო პერიოდში გვერდით დარჩნენ მიმდინარე მოვლენებისგან, უნდა გამოჩნდნენ და დააფიქსირონ თავიანთი პოზიციები. „თავისუფალი დემოკრატების“ გუშინდელი ბრიფინგიც მიუთითებს ამაზე. არითმეტიკაში ალბათ კარგად ერკვევიან ისინი და ხვდებიან, რომ ეს წამოწყება უტოპიურია და ემსახურება პოლიტიკური ქულების მიღებას. უმაღლეს საბჭოში 14 ხმა ვერ შეგროვდება იმისთვის, რომ მთავრობა გადააყენონ და ჩვენ ამაზე გვქონდა საუბარი, როცა პირველად მოხდა მთავრობაზე უნდობლობის გამოცხადება“.
არჩილ ხაბაძის განცხადებით, უმაღლეს საბჭოში შექმნილი სიტუაცია მთავრობის მუშაობას ხელს ნაკლებად უშლის:
„გარდა იმისა, რომ ფსიქოლოგიური მომენტია და ყველა მთავრობის წევრი ადამიანურად განვიცდით ამ ინტრიგებს და თავის დამკვიდრებისთვის გაკეთებულ განცხადებებს, ჩვენ მუშაობას ვაგრძელებთ. შეიძლება საზოგადოებას ჰგონია, რომ რადგან განცხადებებს არ ვაკეთებთ, წამგებიან პოზიციაში ვართ, მაგრამ ასე არ არის. ჩვენ ვმუშაობთ კოალიციის ძალებთან და ერთსულოვნებაც ყველაზე მაღლა დგას დღეს, ვიდრე ეს იყო ბოლო ერთი წლის მანძილზე. კოალიციაში და ფრაქციაში შემავალი ყველა დეპუტატის ერთსულოვნება და მთავრობასთან კავშირი მაღალ დონეზეა აყვანილი“.
შემოსავლების სამსახურის ინფორმაციით 9 მარტის მდგომარეობით 179 გადამხდელს, რომლებსაც 2005 წლის 1 იანვრამდე წარმოშობილი და შესაბამისი საკანონმდებლო ცვლილების ამოქმედებამდე გადაუხდელი ჰქონდათ საგადასახადო დავალიანება, ჩამოეწერათ ეს დავალიანება, ჯამში – 40 მილიონ 368 ათას 811 ლარი და 30 თეთრი;
87 გადამხდელს ჩამოეწერა საგადასახადო დავალიანება 414 ათას 550 ლარის ოდენობით. ესაა 2009 წლის 1 იანვრამდე წარმოშობილ აღიარებულ საგადასახადო დავალიანებებზე დარიცხული საურავი და 2009 წლის 1 იანვრამდე დარიცხული აღიარებული ჯარიმა, აღიარებული გადასახადის თანხის გადახდის პირობით;
რაც შეეხება საკონტროლო სალარო აპარატის გამოყენების წესების დარღვევისათვის 2013 წლის 1 იანვრამდე დაკისრებული/დარიცხულ ჯარიმებს, ამ კატეგორიის 2624 პირს ჩამოეწერა ჯამში 1 მილიონ, 874 ათას 827 ლარი და 40 თეთრი.
შემოსავლების სამსახურში აცხადებენ, რომ საგადასახადო დავალიანების ჩამოწერას ახორციელებენ როგორც თავისი ინიციატივით, ასევე გადამხდელის მომართვის შემთხვევაში.
საგადასახადო კოდექსში შეტანილი ცვლილებების შედეგად, გადასახადის გადამხდელთა გარკვეულ კატეგორიას საგადასახადო დავალიანების გადახდა აღარ მოუწევს. კერძოდ, ჩამოწერას დაექვემდებარა:
ა) 2005 წლის 1 იანვრამდე წარმოშობილი და ამ ქვეპუნქტის ამოქმედებამდე გადაუხდელი საგადასახადო დავალიანების თანხა, თუ პირს თანხის ჩამოწერამდე აქტივობები არ უფიქსირდება;
ბ) 2009 წლის 1 იანვრამდე წარმოშობილ აღიარებულ საგადასახადო დავალიანებაზე დარიცხული საურავი და 2009 წლის 1 იანვრამდე დარიცხული აღიარებული ჯარიმა, აღიარებული გადასახადის თანხის გადახდის პირობით, თუ პირს თანხის ჩამოწერამდე აქტივობები არ უფიქსირდება;
გ) საკონტროლო სალარო აპარატის გამოყენების წესების დარღვევისათვის ფიზიკური პირისათვის 2013 წლის 1 იანვრამდე დაკისრებული/დარიცხული და ამ ნორმის ამოქმედებამდე გადაუხდელი ჯარიმა.
ამ დრომდე აჭარის კულტურული მემკვიდრეობის სააგენტოს ხელმძღვანელის პოსტი თენგიზ ცინცაძეს ეკავა, უფრო ადრე კი – ბიძინა აფხაზავას, რომელიც ამჟამად სააგენტოს დირექტორის მოადგილეა.
2 მარტს უმაღლესი საბჭოს რვა წევრის ხელმოწერით შევიტანეთ მოთხოვნა რიგგარეშე სხდომის გამართვის თაობაზე. სხდომა განსაზღვრული დღის წესრიგით უნდა გამართულიყო 6 მარტს, ეს იყო ბოლო თარიღი, თუმცა უმაღლესი საბჭოს თავმჯდომარემ კონსტიტუციის დარღვევით, ექვს მარტს დასანიშნი სხდომა დანიშნა 9 მარტისთვის. იმ პერიოდისთვის, როცა ზუსტად იცოდნენ უმაღლეს საბჭოში, რომ ჩვენი ფრაქციის წევრები არ იქნებოდნენ საქართველოში. ეს ბიუროს სხდომაზეც განვაცხადეთ.
თქვენი აზრით რატომ დანიშნა, მით უმეტეს აშკარა იყო, რომ ქვორუმი არ შედგებოდა?
საქმეც მაგაშია, რომ ეგ არ იცოდა. მათ ჰქონდათ მცდელობა, რომ ჩვენი არყოფნის პირობებში იგივე თანამდებობის პირები, რომლებიც 20 თებერვალს თანამდებობიდან გადავაყენეთ, აღედგინათ თანამდებობებზე.
„ნაციონალური მოძრაობის“ წევრები რა მიზნით იყავით კიევში და ვის შეხვდით?
ჩვენ გვქონდა შეხვედრა აჭარის მთავრობის ყოფილ თავმჯდომარესთან, ლევან ვარშალომიძესთან და საქართველოს მესამე პრეზიდენტთან. თემა იყო, თუ როგორ უნდა განვითარდეს მომავალში რეგიონი და როგორ ავამუშაოთ გაჩერებული პროექტები. შეხვედრები გვქონდა იმ ადამიანებთან, ვინც საქართველო-უკრაინის ურთიერთობებში ძალიან მნიშვნელოვან როლს თამაშობენ.
უმაღლეს საბჭოში მიმდინარე პროცესები განიხილეთ?
ეს არ უკავშირდებოდა იმ სხდომას და იმ პროცესებს, რაც უმაღლეს საბჭოში გუშინ ვერ შედგა.
21 მარტის აქციაზე იყო საუბარი, რომელსაც „ნაციონალური მოძრაობა“ გეგმავს?
არა. არაფერ შუაში არ არის აქცია. ჩვენ გვქონდა უფრო გრძელვადიან გეგმაზე საუბარი და იმ განვითარებაზე, რომელიც რეგიონში ერთ-ერთი ძლიერი ოპოზიციური ძალის მიერ უნდა მოხდეს და რომელიც უკვე მოვიდა უმრავლესობით აჭარის რეგიონში და რომელიც ყველაფერს გააკეთებს იმისათვის, რომ თანამდებობები არ მოითხოვოს, მაგრამ რეგიონის განვითარებას და მთავრობის ამოქმედებას ხელი შეუწყოს.
თქვენ ამბობთ, რომ არ გინდათ თანამდებობები. თანამდებობების გარეშე როგორ უნდა მოახერხოთ თქვენი იდეების განხორციელება?
ძალიან მარტივია, რადგან თანამდებობეზე აღარ არიან ის ადამიანები, რომლებიც მთავრობის დამცველები იყვნენ ყოველგვარი მოტივაციის გარეშე. ადამიანები, რომლებიც მხოლოდ პირადი ინტერესების გამო იყვნენ მთავრობას გადაფარებული ისე, რომ იმის საშუალებაც კი არ მოგვცეს, უმაღლეს საბჭოში, სხდომაზე მოგვეყვანა მინისტრები, მთავრობის თავმჯდომარე და ა.შ. ჩვენ ყველაფერს გავაკეთებთ იმისთვის, რომ მთავრობა ავამოქმედოთ.
არჩილ ხაბაძის მთავრობის ამოქმედებას აპირებთ თუ სხვა მთავრობას ელოდებით?
ჩვენ ყველაფერს გავაკეთებთ იმისთვის, რომ მოქმედი მთავრობა გავხადოთ ეფექტური და თუ ამას ვერ მივაღწევთ, მაშინ მივიღებთ სხვა გადაწყვეტილებას, მათ შორის, მთავრობის დათხოვნის ჩათვლით.
21 მარტის აქციასთან დაკავშირებით მინდა დამიზუსტოთ დეტალები, ბათუმიდან თუ აპირებთ ადამიანების წაყვანას და რა რესურსით?
ყველა პარტიული რგოლის წარმომადგენელი ესწრება ხოლმე მნიშვნელოვან ღონისძიებას. ეს ჩვეულებრივი ამბავია და განსაკუთრებული არაფერი არ ხდება, ძალიან ბევრი ადამიანის წასვლა არ იგეგმება. ალბათ, საკუთარი ხარჯებით წავალთ, რადგან პარტიას მწირი ფინანსური რესურსები აქვს.
„ნაციონალური მოძრაობის“ სატელევიზიო რეკლამისთვის თანხებს ვინ იხდის, ამაზე ხომ არ გაქვთ ინფორმაცია?
არა, არ მაქვს ინფორმაცია.
„ნაციონალური მოძრაობის“ წევრები ლევარ ვარშალომიძეს ცოტა ხნის წინ შეხვდით ტრაბზონში, ახლა კიევში, ლევან ვარშალომიძე რატომ არ ჩამოდის ბათუმში თქვენთან შესახვედრად?
ჩვენთვისაც იყო მნიშვნელოვანი, რომ პატივი მიგვეგო იმ დაღუპული გმირებისთვის, რომლებიც ერთი წლის წინ დაიღუპნენ მაიდანზე და ყველა ის ადგილი მოვინახულეთ, სადაც დაიღუპნენ ქართველები.
2015-2016 სასწავლო წლისათვის სახელმწიფო სასწავლო სამაგისტრო გრანტი გაიცემა უმაღლესი საგანმანათლებლო დაწესებულების მაგისტრატურის საგანმანათლებლო პროგრამის საფასურის ოდენობით, მაგრამ არა უმეტეს 2 250 ლარისა.
უმაღლესი საგანმანათლებლო დაწესებულებების მაგისტრატურის თითოეულ საგანმანათლებლო პროგრამულ მიმართულებასა და პრიორიტეტულ საგანმანათლებლო პროგრამულ მიმართულებას შორის გასანაწილებელი გრანტის წლიური მოცულობა განისაზღვრა 2 მილიონი ლარით;
უმაღლესი საგანმანათლებლო დაწესებულებების მაგისტრატურის საგანმანათლებლო პროგრამაზე ჩარიცხული მაგისტრანტების სოციალური პროგრამის ფარგლებში სახელმწიფო სასწავლო სამაგისტრო გრანტით დაფინანსება განისაზღვრა 205 ათასი ლარით;
ხოლო, უცხო ქვეყნის მოქალაქე მაგისტრანტებზე (გარდა უცხოეთში მცხოვრები თანამემამულის სტატუსის მქონე უცხო ქვეყნის მოქალაქეებისა), დაფინანსება განისაზღვრა 45 ათასი ლარით.
2015-2016 სასწავლო წლისათვის განისაზღვრა უმაღლესი საგანმანათლებლო დაწესებულებების მაგისტრატურის შემდეგი საგანმანათლებლო პროგრამული მიმართულებები:
საბუნებისმეტყველო მეცნიერებანი (გარდა ფიზიკისა); ჯანდაცვა; ჰუმანიტარული; ხელოვნება; აგრარული; განათლება; სოციალური მეცნიერებები; საინჟინრო; სამართალი; მათემატიკა, ინფორმაციული ტექნოლოგიები, ფიზიკა; ბიზნესი და ეკონომიკა. ამ თითოეულ საგანმანათლებლო პროგრამულ მიმართულებაზე თანაბრად უნდა განაწილდეს 800 ათასი ლარი.
1 200 000 ლარი კი უნდა განაწილდეს მაგისტრატურის პრიორიტეტულ საგანმანათლებლო პროგრამულ მიმართულებებზე პროცენტული მაჩვენებლების შემდეგნაირი განაწილებით:
შსს-ს კრიმინალური პოლიციის დეპარტამენტის ნარკოტრანზიტის წინააღმდეგ ბრძოლის განყოფილების, ამავე დეპარტამენტის აჭარის სამმართველოს, კონტრდაზვერვის დეპარტამენტის და ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებმა, ერთობლივად ჩატარებული ოპერატიულ-საგამოძიებო ღონისძიებების შედეგად, განსაკუთრებით დიდი ოდენობით პრეგაბალინის შემცველი ფსიქოტროპული საშუალების უკანონო შეძენა-შენახვის და საქართველოში უკანონოდ შემოტანის ბრალდებით სარფის საბაჟო გამშვებ პუნქტში საქართველოს მოქალაქეები – 1989 წელს დაბადებული სანხან მ. და 1974 წელს დაბადებული ელმარ დ. დააკავეს.
სამართალდამცველებმა სანხან მ-ს და ელმარ დ-ს მართვის ქვეშ მყოფი ავტომანქანების ჩხრეკისას, სპეციალური სამალავიდან 19 488 აბი პრეგაბალინის შემცველი ფსიქოტროპული საშუალება ამოიღეს. დაკავებულები აღიარებენ ჩადენილ დანაშაულს.
გამოძიება განსაკუთრებით დიდი ოდენობით ფსიქოტროპული ნივთიერების უკანონო შეძენა-შენახვის და საქართველოში უკანონოდ შემოტანის ფაქტზე მიმდინარეობს (საქართველოს სსკ-ს 261-ე მუხლის მე-4 ნაწილის „ა“ ქვეპუნქტით და 263-ე მუხლის მე-3 ნაწილის „ა“ ქვეპუნქტით).
მისია – სწავლებისა და კვლევისმაღალი ხარისხის უზრუნველყოფა, ინტეგრაცია ერთიან ევროპულ საგანმანათლებლო სივრცეში.
როსტომ ბერიძე
მიზანი
– თანამედროვე მოთხოვნებისა დაკომპეტენციების შესაბამისი მაღალკვალიფიციური სპეციალისტების მომზადება, რაც მათ საშუალებას მისცემს იყვნენ კონკურენტუნარიანი როგორც ადგილობრივ, ისე საერთაშორისო დასაქმების ბაზარზე.
-ტრანსფერული მაღალი ხარისხის განათლების შეთავაზება
-სრულყოფილი და მდგრადი საგანმანათლებლო სისტემის შექმნა
სამომავლო პერსპექტივები და ხედვები
არსებული გამოცდილება და მიღწეული წარმატებები საშუალებას გვაძლევს უნივერსიტეტის დონეზე განვსაზღვროთ შემდეგი მიზნები:
1. ახალი საგანმანათლებლო პროგრამების შექმნასა და განვითარებაზე ზრუნვა.
ა) არსებული პროგრამების მონიტორინგის ხარისხის ამაღლება და მათი შეფასების კიდევ უფრო გააქტიურება.
ბ) ახალი უცხოენოვანი პროგრამების შემუშავება. იმ კურსების ჩამონათვალის გაფართოება, რომელთა წაკითხვაც შეგვიძლია უცხო ენაზე.
გ)ერთობლივი სამაგისტრო და სადოქტორო პროგრამების ფორმირება უცხოეთის უნივერსიტეტებთან ერთად
დ) ახალი ერთობლივი პროგრამების შემუშავება პარტნიორ საქართველოს უნივერსიტეტებთან ერთად.
2. საერთაშორისო აკრედიტაციის მიღებისათვის მზადება.
3. საგანმანათლებლო პროგრამის მიხედვით, ინგლისურენოვანი ჯგუფების შექმნა, ძირითადი სასწავლო კურსების სწავლება უცხო ენაზე.
4.საერთაშორისო ურთიერთობების განვითარება.
პარტნიორ უნივერსიტეტებთან თანამშრომლობის განმტკიცება ფაკულტეტებზე საერთაშორისო ურთიერთობის განვითარებისათვის კოორდინატორების ინსტიტუტის შემოღება.
(4 წლის განმავლობაში ტურიზმის ფაკულტეტის 100-ზე მეტმა სტუდენტმა გაიარა სწავლება და სტაჟირება გერმანიაში; ტურიზმის ფაკულტეტის 35 სტუდენტი სხვადასხვა გაცვლითი პროგრამით სწავლობდა ნორვეგიის, გერმანიის, პოლონეთისა, ესპანეთის, იტალიის, უნგრეთისა და თურქეთის უნივერსიტეტებში).
5.პროფესორ მასწავლებლების სტაჟირება და კვალიფიკაციის განუწყვეტელი ამაღლება ევროპულ საგანმანათლებლო სივრცეში ინტეგრაციის მიზნით (ტურიზმის ფაკულტეტის თითქმის ყველა ლექტორმა სტაჟირება გაიარა და კვალიფიკაცია აიმაღლა უცხოეთის უნივერსიტეტებში).
6.უცხოელი ლექტორების მოწვევა მუდმივ რეჟიმში.
ა) საერთაშორისო ექსპერტების, მათ შორის საზღვარგარეთ მოღვაწე ქართველი მეცნიერების, ინტეგრირება კვლევასა და სწავლებაში.
ბ) საერთაშორისო პროექტებში ჩვენი მკვლევრებისა და პროფესორების კიდევ უფრო მეტად ჩართვის ხელშეწყობა;
7.სწავლების ხარისხის ამაღლება. სწავლების თანამედროვე მეთოდებისა და ტექნოლოგიების დანერგვა.
8.უცხოური, პოპულარული სახელმძღვანელოების თარგმნა და გამოცემა.
9. ეფექტიანი მენეჯმენტის სისტემის შემუშავება, მიზანშეწონილია მოკლე დროში უნივერსიტეტში მენეჯმენტის საინფორმაციო სისტემების დანერგვა.
10.სამეცნიერო კვლევების და სწავლების ინტეგრაცია.
11.ფუნდამენტური და გამოყენებითი კვლევების განხორციელება ქვეყნის მოსახლეობის კეთილდღეობის ამაღლებისა და ეკონომიკის განვითარების მიზნით.
12.სოფლად დასახლებული ადგილებისა და ქვეყნის მაღალმთიანეთის განვითარების პროექტებში უნივერსიტეტის მაქსიმალური ინტეგრაცია:
ა) მეწარმეობის ხელშეწყობა, სწავლება.
ბ) სკოლებთან თანამშრომლობა.
13. უნივერსიტეტის ინფრასტრუქტურის სრულყოფა.
14.დამატებითი ფინანსური შემოსავლების მიღება.
ა. ბიზნესთან ინტეგრაცია, შეხვედრების მოწყობა
ბ. მოკლევადიანი პროგრამები, ტრენინგები, სკოლების საქმიანობა
15. ფაკულტეტების ავტონომიურობის გაფართოება.
16.რებრენდინგი, უნივერსიტეტის ცნობადობის ამაღლება. ფოკუსირება სამხრეთ-დასავლეთ საქართველოზე. მრავალფეროვანი ღონისძიებების დაგეგმვა რომელიც გაზრდის უნივერსიტეტის იმიჯს, მათ შორის ბსუ-ს 80 წლის იუბილეს წარმატებულად აღნიშვნა.
(ტურიზმის ფაკულტეტი ერთიანი ეროვნული გამოცდების განაცხადში ერთ-ერთი ყველაზე მოთხოვნადი გახდა საქართველოში).
17.სტუდენტების ქართული სახელმწიფოებრივი სულისკვეთებით აღზრდა
18.უნარშეზღუდული პირებისათვის შესაბამისი პირობების შექმნა. საუნივერსიტეტო გარემო უნდა შეესაბამებოდეს შეზღუდული შესაძლებლობის მქონე პირების საჭიროებებს.
19.სტუდენტებისა და კურსდამთავრებულთა დასაქმებაში ხელშეწყობა, ბიზნესთან პარტნიორობის მაღალი ხარისხი, ფორუმების მოწყობა. დამსაქმებლებთან ურთიერთობის შემდგომი გაღრმავება.
(დასაქმების მაჩვენებელი მაღალია ტურიზმის ფაკულტეტზე (60-70%), ტურიზმის ფაკულტეტის სტუდენტების უმრავლესობა წარმატებით საქმიანობს ცნობილ საერთაშორისო კომპანიებში).
20. სტუდენტებისათვის ტრანსფერული ცოდნის მიღება, რაც მათ უცხოეთში დასაქმების საშუალებას მისცემს.
21.სტუდენტური ცხოვრების გამრავალფეროვნება.
ა) კონფერენციების ორგანიზება.
ბ) ოლიმპიადების ჩატარება.
გ) შეხვედრების პროგრამა ახალგაზრდებთან, მოსწავლეებთან.
22.სწავლის საფასურის გადახდის ინდივიდუალური გრაფიკი ხელშეკრულების მიხედვით.
23. სასწავლო კურსების ხელმეორედ დარეგისტრირება გადასახადის გარეშე.
24. ჯანსაღიცხოვრებისწესისპროპაგანდადასპორტის განვითარების მაქსიმალურიხელშეწყობა.
25. სტუდენტებისათვის თვითგანვითარების, დამოუკიდებელი აზროვნების ჩამოყალიბების, მათი პრობლემების გადაჭრა და უფლებების დაცვა.
26. სტუდენტებისათვის ყველა პირობის შექმნა ცვალებად გარემოში წარმატების მიღწევისათვის.
ცხადია, წარმოდგენილი საკითხები სრულად არ მოიცავს ყველა პრობლემებს რომელთა წინაშე დგას ჩვენი უნივერსიტეტი.
საბოლოოდ, ყველა პრიორიტეტული მიმართულება თავს მოიყრის უნივერსიტეტის განვითარების ახალ სტრატეგიულ გეგმაში რომლის სრულყოფაში ჩართული იქნება უნივერსიტეტის ყველა სტრუქტურული ერთეული.
უნივერსიტეტის ინფორმაციით რეგისტრირებულია სულ რვა რექტორობის კანდიდატი, დისკუსიაში მონაწილეობდა შვიდი. ანთაზე ქიქავა დისკუსიას არ დაესწრო, მიზეზად მან ქალაქგგარეთ ყოფნა დაასახელა.
დისკუსია მომზადდა „თავისუფალ ჟურნალისტთა სახლის“ პროექტის – „ახალგაზრდებში დემოკრატიული იდეების პოპულარიზაცია“- ფარგლებში. პროექტი ხორციელდება „დემოკრატიის მხარდამჭერი ნაციონალური ფონდის“ (NED) მხარდაჭერით.
“ბათუმელები” ატარებს გამოკითხვას “ვის ისურვებდით ბსუ-ს რექტორად. გამოკითხვაში ხმის მიცემის შესაძლებლობა გაქვთ ერთხელ, მხოლოდ ერთი კანდიდატის სასარგებლოდ.
პროექტის მიზანი, როგორც ბოტანიკური ბაღის წარმომადგენლები აცხადებენ, ეკოსაგანმანათლებლო აქტივობა იქნება, რომლის ახალი მიმართულება ბათუმის ბოტანიკური ბაღის საქმიანობაში ახალგაზრდობის, სტუდენტების და ზოგადად, საზოგადოების ცნობიერების ამაღლებაა ბიორმავალფეროვნებისა და გარემოს დაცვის საკითხებში.
„2015 წელს, ბათუმის ბოტანიკური ბაღი იწყებს სერთიფიცირებული პროექტის – „უფრო ახლოს ბუნებასთან“ განხორციელებას, რომელიც გულისხმობს სკოლის მოსწავლეებისათვის სემინარების და სასწავლო-პრაქტიკული მეცადინეობების ჩატარებას ბაღის ტერიტორიაზე.
მონაწილეთა შერჩევა მოხდება ქ. ბათუმის ზოგადსაგანმანათლებლო სკოლებში, IX-XI კლასის მოსწავლეთა შორის. პროექტში მონაწილეობას მიიღებს 150-მდე მოსწავლე, რომლებიც გაივლიან 32-საათიან სასწავლო კურსს; ვორქშოფი ჩატარდება შაბათ-კვირას გაზაფხულისა და შემოდგომის სეზონზე“- ნათქვამია, ბოტანიკური ბაღის წერილობით განცხადებაში.
სასწავლო კურში მოიცავს შემდეგ აქტივობებს: სემინარები მცენარეთა მრავალფეროვნებაზე, ჰერბარიუმისა და მეთესლეობის სექტორის გაცნობა, საველე გასვლები ფიტოგეოგრაფიულ განყოფილებებში და ჰერბარიუმის აღება, თესლების შეგროვება, ჰერბარიუმის დამზადება, დარგვის, გასხვლისა და თესვის პროცესში ჩართულობა.
პროექტის მონაწილეებს გადაეცემათ სერთიფიკატები. პროექტის მხარდამჭერია ქ. ბათუმის მუნიციპალიტეტის მერია, პარტნიორი – აჭარის განათლების, კულტურისა და სპორტის სამინისტრო. პროექტი წარდგენილია ბოტანიკურ ბაღებში განათლების შესახებ მე-9 საერთაშორისო კონგრესზე.
ბათუმის ბოტანიკური ბაღის ინფორმაციით, გასულ წელს, შემდეგი აქტივობები განხორციელდა: სემინარები მცენარეთა მრავალფეროვნებაში, შემეცნებითი ტურები ბაღის ფიტოგეოგრაფიულ განყოფილებებში, ბაღის სახელობითი სტიპენდია ბათუმის შოთა რუსთაველის სახელმწიფო უნივერსიტეტის სტუდენტებისათვის. შემდეგი საფეხური კი საგანმანათლებლო საქმიანობის სისტემური წარმართვაა.
„ამ უნივერსიტეტში მე ვიღვაწე ზუსტად 33 წელი, 1976 წელს გავხდი სტუდენტი, 1981 წელს უკვე ვიყავი უნვერსიტეტის ახალგაზრდული ორგანიზაციის ხელმძღვანელი და წლების განმავლობაში გავიარე გზა ასისტენტიდან პროფესორის აკადემიური თანამდებობის ჩათვლით, მაგრამ მოხდა ისე, რომ 2009 წლის კონკურსში მე დავტოვე უნივერსიტეტი წმინდა აპოლიტიკური ნიშნით. მე ვიყავი ეროვნული ფორუმის აჭარის ოგანიზაციის ხელმძღვანელი და ლიდერი, ეს იყო იმის მიზეზი, რომ უნივერსიტეტი დამატოვებინეს.
ექვსი თვე ვიყავი უმუშევარი და მერე სხალთის მთავარეპისკოპოსის, მეუფე სპირიდონის ლოცვა-კურთხევით უკვე მეხუთე წელია რაც ვმოღვაწეობ საქართველოს საპატრიარქოს წმ. ტბელ აბუსერისძის უნივერსიტეტში სრულ პროფესორად. ეს შესავალი იმიტომ დამჭირდა, რომ არ იფიქროთ, რომ მე რექტორობის სურვილმა რაღაც ამბიციები შემიქმნა, გარკვეულწილად ეს იქნება სამართლიანობის აღდეგენის პროცესის დასაწყისი, მე ასე მიმაჩნია.
ასეთი უგულისყურო დამოკიდებულება მარტო ჩემს მიმართ არ მომხდარა, ჩემს გვერდით ძალიან ბევრი კადრი გაუშვეს აქედან, რომლებიც დღესაც უმუშევრები არიან. ამიტომ, დამთავრდეს უნდა კოჰაბიტაცია, დამთავრდეს უნდა მაფიოზური და კლანური მოღვაწეობა უნივერსიტეტში და დაიწყოს ათვლის ახალი წერტილი. წესიერი, ნიჭიერი, საქმის მცოდნე, კვალიფიციური კადრები უნდა მოღვაწეობდნენ უნივერსიტეტში“ – განაცხადა ბესიკ ბერიძემ.
ბესიკ ბერიძე, წმინდა ტბელ აბუსერისძის სახელობის სასწავლო უნივერსიტეტის სრული პროფესორი, საჯარო მმართველოს პროგრამის ხელმძღვანელი: უნივერსიტეტში უნდა დამკვიდრდეს ახალი საგანმანათლებლო სტანდარტი. სწავლისა და სწავლების პროცესის სიმძიმის ცენტრი უნდა გადავიდეს სტუდენტზე. უნდა დამკვიდრდეს აკადემიური თავისუფლება, ამისთვის საჭიროა სწავლებისა და კვლევის ჰარმონიზაცია. სტუდენტს უნდა ჩამოვუყალიბოთ კვლევის ელემენტარული უნარ-ჩვევები, სტუდენტი აუცილებლად უნდა მიეჩვიოს დამოუკიდებელ აზროვნებას, შეხედულებებს. მატერიალურ-ტექნიკურ ბაზას რაც შეეხება, ეს თანამედროვეობის მოთხოვნაა და თავისთავად საჭიროა სიახლეები. უნივერსიტეტში სასწავლო-აღმზრდელობითი პროცესი ისე უნდა წარიმართოს, რომ სტუდენტს ჰქონდეს გონივრული მოტივაცია და ეს მოტივაცია მას უნდა ჩამოუყალიბოს დამოუკიდებელმა აზროვნებამ. თუკი ადრე ჩვენ ლექციებს ვუკითხავდით და კონსპექტს ვაკეთებინებდით, ახლა სტუდენტმა თავად უნდა იმუშაოს დამოუკიდებლად წიგნთან. სტუდენტი სწავლების ობიექტი კი არ უნდა იყოს, არამედ სუბიექტი და თავად უნდა გადაწყვიტოს ბევრი რამ.
ანთაზ ქიქავა
ანთაზ ქიქავა, ბათუმის შოთა რუსთაველის სახელობის უნივერსიტეტის სრული პროფესორი: მთავარი, რის გამოც უნდა ამირჩიონ, არის ის, რომ მე მაქვს უნივერსიტეტში მუშაობის დიდი გამოცდილება. მიმუშავია ადმინისტრაციულ თანამდებობებზე, კარგად ვიცნობ უმაღლეს სკოლას, სასწავლო პროცესს. ბუნებრივია, მეცნიერი ვარ და ვიცნობ სამეცნიერო მუშაობას. აქედან გამომდინარე, გავბედე, რექტორობის კანდიდატი ვყოფილიყავი.
ჩემთვის მთავარი პრიორიტეტი იქნება სტუდენტი და პროფესორი. ამაში ვგულისხმობ იმას, რომ რექტორით დაწყებული, ლაბორანტით დამთავრებული, ყველა იქნება დამხმარე პერსონალი და ყველა პირობას შევქმნი მუშაობისთვის. სტუდენტს უნდა შეექმნას ყველა პირობა იმისთვის, რომ ისწავლოს და ლექტორს იმის პირობა, რომ ასწავლოს კარგად. სწორი მარკეტინგი მოგცემს შესაძლებლობას, რომ ახალ-ახალ სიმაღლეზე გავიდეს უნივერსიტეტი. ვინც იქნება ბეჯითი და კარგი სტუდენტი, მოვძებნი იმის სახსრებს, რომ წახალისების ახალი ფორმები შემოვიტანო. აქტიურად ვიმუშავებ გაცვლით პროგრამებზე, რომელიც მთავარი კომპონენტია.
მანუჩარ ლორია
მანუჩარ ლორია, ასოცირებული პროფესორი, ისტორიის, არქეოლოგიისა და ეთნოლოგიის დეპარტამენტი: მე ვარ უნივერსიტეტის ასოცირებული პროფესორი, საზღვაო აკადემიის რექტორის მოადგილე და ვარ ერთიანი ეროვნული გამოცდების ბათუმის საგამოცდო ცენტრის უფროსი. 1994 წლიდან ბათუმის უნივერსიტეტთან ვარ დაკავშირებული, ვიყავი ამ უნივერსიტეტის სტუდენტი, ასპირანტი, მასწავლებელი და ადმინისტრაციის თანამშრომელი და პროფესორი. შესაბამისად, მაქვს როგორც მეცნიერული, ასევე ადმინისტრაციული გამოცდილება. ყველაზე უფრო მეტი გამოცდილება მაქვს რამდენიმე სეგმენტში. ეს არის ელექტრონული უნივერსიტეტი, რაც თავის დროზე საზღვაო აკადემიაში დავიწყე და შევძელი არა ერთი ამ ტიპის პროგრამა შემექმნა, რომელიც უნივერსიტეტის მართვის შემთხვევაში არის მომგებიანი. თუ აკადემიური საბჭო ამირჩევს, ეს მალე გაკეთდება. სტუდენტთა აკადემიური და ფინანსური რეგისტრაცია იქნება ელექტრონული, ასევე სასწავლო პროცესის მართვის პორტალი, რომელთანაც ბევრი ნიუანსია სტუდენტებთან დაკავშირებული და თანამედროვე მოთხოვნებს პასუხობს და ბევრ ევროპულ უნივერსიტეტშია დანერგილი.
სტუდენტებს ხელმისაწვდომობა ექნებათ ყველა იმ ინფორმაციაზე, რაც მათ შეეხებათ. უწყისი, შედეგები, საგამოცდო განრიგი, სწავლების ცხრილები, სილაბუსები და სალექციო კურსები, საგრანტო პროგრამები და სტუდენტის გამოკითხვა – ყველაფერი ეს იქნება ერთ სისტემაში და ამ ადამიანებს არ მოუწევთ სხვადასხვა დეკანატში და ოთახში სირბილი. ბოლო ათი დღე ვიმყოფებოდი ლატვიაში, სადაც კიდევ ერთხელ გადავამოწმე, თუ როგორ მუშაობს ეს ელექტრონული სისტემა.
ხარისხის პოლიტიკაც იქნება უზრუნველყოფილი და ორი დონის მექანიზმი დაინერგება. ასევე, ის ბარიერი, რომელიც არის დღეს დაწესებული, არის ძალიან მაღალი. ჩვენ ბარიერები კი არ უნდა ავწიოთ, არამედ უნდა გამოვასწოროთ სწავლის პროცესი. პოლიტიკა შემუშავებული გვაქვს სამეცნიერო სფეროს განვითარებაზეც. უნდა დაფუძნდეს უნივერსიტეტის საგრანტო ფონდი, რომლის მიმართულება იქნება საუნივერსიტეტო გამოცემები და კვლევები, სასწავლო მასალების გამოცემა, ვიდეო და აუდიომასალების გაკეთება და დაფინანსდება მოკლევადიანი ინდივიდუალური სამოგზაურო პროექტებიც.
როსტომ ბერიძე
როსტომ ბერიძე, ტურიზმის ბიზნესის ადმინისტრირების მიმართულების სრული პროფესორი: ჩემი მთავარი პრიორიტეტი იქნება საერთაშორისო ურთიერთობები, ტურიზმის დეპარტამენტზე მიღწეულ იქნა ის, რომ ასზე მეტმა სტუდენტმა გაიარა სტაჟირება გერმანიაში, ნორვეგიაში, პოლონეთის და სხვა ევროპულ უნივერსიტეტებში. ერთ-ერთი მთავარი მიმართულება იქნება უნივერსიტეტის რებრენდინგი. ეს იმას ნიშნავს, რომ ჩვენ გამოვიყენებთ პიარის ყველა მოთხოვნას, რასაც ვიყენებდით ტურიზმის ფაკულტეტისთვის: ის ცნობადი გახდა – პირველ ადგილზეა ეროვნულ გამოცდებში მითითების რაოდენობით.
ერთ-ერთი მნიშვნელოვანი მიმართულება იქნება ის, რომ განვამტკიცებთ ურთიერთობას ბიზნესსექტორთან, დამსაქმებლებთან, გვაქვს საბაზრო პირობებთან ადაპტირებული პროგრამები, კარგად ვიცით, ჩვენი სტუდენტები როგორ დავასაქმოთ. ქვაკუთხედი ჩემი საქმიანობის იქნება ის, რომ სტუდენტს შევუქმნათ ყველა პირობა ცვალებად გარემოში მიაღწიოს წარმატებას. ამისთვის უკვე გვაქვს კარგი ურთიერთობა ბიზნესთან. ვიცით, რომელ სპეციალობებზეა მოთხოვნა და როგორი კომპეტენციები უნდა გააჩნდეთ სტუდენტებს, რომ დასაქმდნენ. ყურადღება ექცევა უცხო ენის კარგ სწავლებას და შანსი აქვთ სტუდენტებს დასაქმდნენ საბუღალტრო და სხვა პოზიციებზე.
ამ ოთხი წლის განმავლობაში უნივერსიტეტში მუდმივად იყო დასაქმებული ათი უცხოელი ლექტორი და ეს პროცესი უნდა გავაგრძელოთ.
რექტორობის კანდიდატები წარმოადგენენ სამოქმედო გეგმას, დარბაზში მყოფებს შესაძლებლობა გექნებათ კანდიდატებს დაუსვათ კითხვები.
დისკუსიაზე დასწრება თავისუფალია.
დისკუსია მზადდება „თავისუფალ ჟურნალისტთა სახლის“ პროექტის – „ახალგაზრდებში დემოკრატიული იდეების პოპულარიზაცია“- ფარგლებში. პროექტი ხორციელდება „დემოკრატიის მხარდამჭერი ნაციონალური ფონდის“ (NED) მხარდაჭერით
ასოციაცია „ღირსეული სიბერის“ მიერ ორგანიზებული კონკურსი 5 დან 8 მარტის ჩათვლით ფეისბუქის საშუალებით მიმდინარეობდა. გამარჯვებულები ფეისბუქ-ლაიქების მეშვეობით გამოვლინდნენ. ორგანიზაციას საკუთარ ფეისბუქ გვერდზე კონკურსანტთა ფოტოები ჰქონდა ატვირთული. ყველაზე მეტი მოწონება 70 წლის მერიკო ბეჟუაშვილის ფოტომ დაიმსახურა.
„კონკურსის ჩატარება იმიტომ გადავწყვიტეთ რომ გვსურდა საზოგადოებას გაეცნო, ჩვენი მშვენიერი, მზრუნველი და ერთგული ბებიები. ყველა მათგანი ასოციაციის ბენეფიციარია. კონკურსის სლოგანი იყო ,,ცხოვრება ყველა ასაკში მშვენიერია,“ – ამბობს ხანდაზმულთა რესურსცენტრის დირექტორი ნანა კალანდაძე.
მისივე თქმით გამარჯვებულების გარდა საჩუქარი კონკურსის ყველა მონაწილემ მიიღო.
„წელიწადნახევარი დარჩა არჩევნების დანიშვნამდე და ეს იმის მანიშნებელია, რომ ყველა პოლიტიკურმა ძალამ, რომელიც 6 თვის წინ ამ ხელისუფლებას ამართლებდა და ამ ხელისუფლების გუნდში იყო, წამოყო თავი და ასე ვთქვათ, დაიწყო მთავრობის კრიტიკა. შესაბამისად, ეს ყველაფერი მიუთითებს, რომ ამ პარტიებმა დაიწყეს პოლიტიკური ქულების მოპოვება. წარმოთქმულ ბრალდებებს ვერ დავეთანხმები. ჩვენ არაერთხელ გავაჟღერეთ და ვნახეთ, თუ რა მოცულობის ზრდა გვაქვს ინვესტიციებთან დაკავშირებით. რაც შეეხება ეკომიგრანტების საკითხს, ჩვენ ვაშენებთ მათთვის სახლებს. იპოთეკარებისთვის კი აჭარაში დამტკიცდა უპრეცენდენტო პროექტი, რომელიც „ლიბერთი ბანკთან“ ერთად მიმდინარეობს“, – განაცხადა სამინისტროში გამართულ ბრიფინგზე დავით ბალაძემ.
ფრაქცია „თავისუფალი დემოკრატების“ წევრმა სულხან ღლონტმა აჭარის მთავრობისთვის უნდობლობის გამოცხადებაზე დღეს, 9 მარტს, უმაღლეს საბჭოში ისაუბრა.
”2012 წლიდან დღემდე აჭარის მთავრობამ ვერ წარმოადგინა რეგიონის განვითარების გეგმა, ვერ მოაგვარეს ის ძირითადი პრობლემები, რომელიც არის რეგიონში ეკომიგრანტებთან მიმართებაში, იპოთეკით დაზარალებულთა საკითხები, მიწისძვრით დაზარალებულთა საკითხები. მათ პრაქტიკულად არავითარი ხედვა არ გააჩნიათ თუ როგორ უნდა მოგვარდეს ეს პრობლემა. ვერ თანამშრომლებენ ცენტრალურ ხელისუფლებასთან ეფექტურად.
ჩვენ ვთვლით, რომ კრიზისის დაძლევის ერთადერთი გზა არის აჭარის მთავრობისთვის უნდობლობის გამოცხადება. ჩვენ, „თავისუფალი დემოკრატები“, ამ პროცესს ვიწყებთ,” – განაცხადა სულხან ღლონტმა.
სულ 2015 წელს რუსეთში, საქართველოსა და უკრაინაში დაჯილდოვდა 6 ჟურნალისტი და მედიასაშუალება”, რომლებიც “ცაიტისა” და ნორვეგიის გამოხატვის თავისუფლების ფონდის განცხადებით, “ცენზურასა და რეპრესიებს არ უშინდებიან”.
ნეტგაზეთთან ერთად 2015 წელს ჯილდოს მიიღებენ ყოველკვირეული გაზეთი “Pskovskaya Guberniya” (რუსეთი), ჟურნალისტი გალინა ტიმჩენკო (რუსეთი), საინფორმაციო სააგენტო Slidstvo.Info (უკრაინა), ასევე ჟურნალისტები: ვალენტინა სამარი (უკრაინა) და სერგეი ჰარმაში (უკრაინა). დასახელებული ჟურნალისტები 10 ათას ევროს, ხოლო მედიასაშუალებები 15 ათას ევროს მიიღებენ.
“სერგეი ჰარმაში დონეცკიდან ონლაინ-გაზეთის Ostro V-ს მთავარი რედაქტორია. ეს პორტალი აღმოსავლეთ უკრაინაში ერთ-ერთი ყველაზე პოპულარული ნიუს-პლატფორმაა. ჰარმაში კარგადაა ცნობილი მისი გამჭირახი პოლიტიკური და ეკონომიკური ანალიტიკური მასალებით. მას ძალიან მნიშვნელოვანი წვლილი აქვს შეტანილი პრესის თავისუფლებაში თავისი ობიექტური, კრიტიკული მასალებით უკრაინის კრიზისის საკითხზე. Ostro V-ს ჟურნალისტების უმრავლესობამ, მათ შორის ჰარმაშმა დონეცკი 2014 წელს დატოვა”, – ნათქვამია ნორვეგიის „გამოხატვის თავისუფლების ფონდისა“ (Institusjonen Fritt Ord) და გერმანულ ფონდ „ცაიტის“ განცხადებაში.
“ვალენტინა სამარი ყირიმიდანაა. ის იძულებული გახდა დაეტოვებინა ყირიმი გასულ წელს, რადგან ეშინოდა, რომ მის სიცოცხლეს საფრთხე დაემუქრებოდა. იგი არ უშინდებოდა კრიტიკული სტატიების, ასევე ჟურნალისტური გამოძიების შედეგად მოპოვებული მასალების გამოქვეყნებას სახელმწიფო მოხელეების მიერ განხორციელებული კორუფციული ქმედებების შესახებ”.
“გალინა ტიმჩენკო არის ერთ-ერთი ყველაზე ცნობილი რუსული ონლაინ-გაზეთის, ლენტა.რუ-ს ყოფილი მთავარი რედაქტორი. ის ამჟამად ლატვიაში მუშაობს რათა ხელი შეუწყოს თავისუფალი რუსული პრესის განვითარებას. რუსეთში არსებული ცენზურის გამო იძულებული გახდა საქმიანობა რიგაში გაეგრძელებინა, სადაც პორტალი “მედუზა” დააფუძნა”.
“ონლაინ-გამოცემა ნეტგაზეთი მიიღებს 15 ათას ევროს. პოლიტიკურად დამოუკიდებელი ნიუს და მულტიმედია პორტალი სხვა საკითხებთან ერთად საქართველოში მცხოვრები მუსლიმების და ქალების უფლებების დარღვევეის დეტალებს, ასევე ჰომოფობიის საკითხებს აშუქებდა. ნეტგაზეთი ნაციონალურ დონეზე სოციალური პრობლემების გაშუქების ფართო სპექტრს სთავაზობდა მკითხველს, ხოლო რაც შეეხება საერთაშორისო ამბებს, გამოცემამ თავის მკითხველებს რუსეთისა და უკრაინის კონფლიქტის შესახებ ინფორმაციის მიღების კარგი პლატფორმა შესთავაზა”, – ვკითხულობთ ჯილდოს ორგანიზატორთა განცხადებაში.
პრიზის მისაღებად ნომინაციაზე ნეტგაზეთი საქართველოში გერმანიის საელჩომ და ჰაინრიხ ბიოლის ფონდის სამხრეთ კავკასიის ოფისმა წარადგინა. ზემოხსენებული ყოველწლიური პრიზით რუსეთსა და აღმოსავლეთ ევროპაში მომუშავე ჟურნალისტები და მედიასაშუალებები ჯილდოვდებიან.
ნეტგაზეთი
დაჯილდოების ცერემონია ნორვეგიაში, კერძოდ ოსლოში ნობელის ინსტიტუტში გაიმართება 2015 წლის 24 ივნისს.
უმაღლეს საბჭოს დღეს კენჭი უნდა ეყარა ვიცე-სპიკერის თანამდებობაზე ჯემალ ფუტკარაძის კანდიდატურისთვის. ჯემალ ფუტკარაძე გასულ კვირას ქართული ოცნების ფრაქციიდან იმის გამო გარიცხეს, რომ მან საკუთარი კანდიდატურა წარადგინა ამ თანამდებობაზე. ჯემალ ფუტკარაძეს, როგორც თავად ამბობს, ამის თაობაზე შეხვდა ქვეყნის პრემიერ-მინისტრიც. დეპუტატის თქმით, მან პრემიერს განუცხადა, რომ წარსულს ჩაბარდა ის დრო, როდესაც კადრებს ნიშნავდნენ ცენტრიდან მითითებით.
სხდომის ჩატარების ინიციატორი – „ნაციონალური მოძრაობა“ სხდომის ჩანიშვნას 6 მარტისთვის ითხოვდა, მაგრამ უმაღლესი საბჭოს თავმჯდომარემ მათი თხოვნა არ გაითვალისწინა – შესაბამისად, სხდომა დღეისთვის, ანუ 9 მარტისთვის ჩანიშნა.
იქედან გამომდინარე, რომ ნაციონალური მოძრაობის წევრი დეპუტატები უკრაინაში იმყოფებიან, მათ ამ სხდომაზე დასწრება ვერ შეძლეს.
შინაგან საქმეთა სამინისტროს ინფორმაციით, პატრულის თანამშრომელი მსუბუქად არის დაშავებული. როგორც ავარიის თვითმხილველმა, “ბათუმელებს” უთხრა, დაზიანებულია ასევე საპატრულო პოლიციის მანქანის ის მხარე, სადაც საჭეა განთავსებული.
შინაგან საქმეთა სამინისტროს ინფორმაციით გამოძიება უკვე დაიწყო სისხლის სამართლის კოდექსის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევა ნიშნავს.
ჯემალ ფუტკარაძემ დღეს გამართულ ბრიფინგზე მის წინააღმდეგ მიმართულ დისკრედიტაციაზე ისაუბრა და განაცხადა რომ მისი ფრაქციიდან გარიცხვა ამის ნაწილი იყო.
“პარტია ქართულმა ოცნებამ, რვა მარტს, უქმე დღეს პარტიის გენერალურმა მდივანმა ბატონმა კალაძემ, პრესსამსახურის საშუალებით გავრცელა განცხადება რომ ქართული ოცნება, დემოკრატიული საქართველოს წევრი ჯემალ ფუტკარაძე არის გარიცხული პარტიის რიგებიდან. ჩამოთვალა ის მცდარი წინაპირობები, რის საფუძველზეც მოხდა ჩემი პარტიიდან გარიცხვა. ეს იყო პოლიტიკური ამნეზია, ის რომ პარტიის ლიდერებმა არ იცოდნენ რომ ჯემალ ფუტკარაძე 2014 წლის 14 სექტემბრიდან აღარ ითვლებოდა პარტიის წევრად. მე ვიყავი ფრაქციის წევრი და ზუსტად ფრაქციისგან მოვითხოვდი ჩემი კანდიდატურის მხარდაჭერას,” განაცხადა ჯემალ ფუტკარაძემ.
ავარიის დროს დაზიანდა საპატრულო პოლიციის მანქანაც. არიან თუ არა დაშავებულები ამის გარკვევას “ბათუმელები” ახლა ცდილობს. შინაგან საქმეთა სამინისტროს ინფორმაციით გამოძიება უკვე დაიწყო სისხლის სამართლის კოდექსის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევა ნიშნავს:
“ავტომობილის, ტრამვაის, ტროლეიბუსის, ტრაქტორის ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება, – ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.”
”აჭარის რეგიონში პოლიტიკური მდგომარეობა არის ძალიან მძიმე. ეს განპირობებულია იმით, რომ აჭარის მთავრობა, აღმასრულებელი ხელისუფლება, ვერ ასრულებს საკუთარ მოვალეობებს ჯეროვნად. ხელისუფლება ყველაფერს აკეთებს იმისთვის, რომ ხელისუფლება შესულიყო ამ კრიზისში.
2012 წლიდან დღემდე აჭარის მთავრობამ ვერ წარმოადგინა რეგიონის განვითარების გეგმა, ვერ მოაგვარეს ის ძირითადი პრობლემები, რომელიც არის რეგიონში ეკომიგრანტებთან მიმართებაში, იპოთეკით დაზარალებულთა საკითხები, მიწისძვრით დაზარალებულთა საკითხები. მათ პრაქტიკულად არავითარი ხედვა არ გააჩნიათ თუ როგორ უნდა მოგვარდეს ეს პრობლემა. ვერ თანამშრომლებენ ცენტრალურ ხელისუფლებასთან ეფექტურად.
ჩვენ ვთვლით, რომ კრიზისის დაძლევის ერთადერთი გზა არის აჭარის მთავრობისთვის უნდობლობის გამოცხადება. ჩვენ, „თავისუფალი დემოკრატები“, ამ პროცესს ვიწყებთ,” – განაცხადა სულხან ღლონტმა.
მთავრობისთვის უნდობლობის პროცედურის გამოცხადებას აჭარის უმაღლესი საბჭოს წევრთა ხმების უმრავლესობა (14 ხმა) სჭირდება. სულხან ღლონტის განცხადებით, თუ ოპონენტებს პრობლემის რეალურად მოგვარება სურთ, კონსულტაციები უნდა დაიწყოს მთავრობისთვის უნდობლობის გამოცხადებისთვის.
მხიარულთა და საზრიანთა კლუბის მუნიციპალური ჩემპიონატი აჭარის სპორტისა და ახალგაზრდობის საქმეთა დეპარტამენტის ორგანიზებით გაიმართა. ჩემპიონატი წელს მეხუთედ ჩატარდა.
გამარჯვებული გუნდი ტაო-კლარჯეთში 3 დღიანი ექსკურსიით დასაჩუქრდა.
ქალაქის ცენტრში, მელიქიშვილის ქუჩაზე, გირავდება კერძო სახლი. სახლი დგას ცენტრალური გზის პირას. შესაძლებელია გამოყენებულ იქნეს როგორც საცხოვრებლად, ასევე კომერციული საქმიანობისთვის. სახლში არის ყველა საჭირო ტექნიკა, შეყვანილია ბუნებრივი აირი.
შს სამინისტროს ინფორმაციით, სამართალდამცველებმა მოქალაქეების მართვის ქვეშ მყოფი ავტომანქანების ჩხრეკისას სპეციალური სამალავიდან 19 488 აბი პრეგაბალინის შემცველი ფსიქოტროპული საშუალება ამოიღეს. ოფიციალური ინფორმაციით, დაკავებულები აღიარებენ ჩადენილ დანაშაულს.
გამოძიება განსაკუთრებით დიდი ოდენობით ფსიქოტროპული ნივთიერების უკანონო შეძენა-შენახვის და საქართველოში უკანონოდ შემოტანის ფაქტზე მიმდინარეობს (საქართველოს სსკ-ს 261-ე მუხლის მე-4 ნაწილის „ა“ ქვეპუნქტით და 263-ე მუხლის მე-3 ნაწილის „ა“ ქვეპუნქტით).
სამსახურიდან წასვლის მიზეზად გიორგი პაპუაშვილმა რეგიონული გაზეთის – „სამხრეთის კარიბჭეს“ ჟურნალისტს უთხრა, რომ მან „ამ ზაფხულს ინფარქტი გადაიტანა“, ამიტომ ყოველთვის უნდოდა წასულიყო თბილისში, რადგან აქ ვერ მკურნალობდა.
გიორგი პაპუაშვილი
რაც შეეხება აჭარასთან გიორგი პაპუაშვილის სამსახურებრივ კავშირებს – ის აქამდეც მუშაობდა აჭარაში: პაპუაშვილი ვარდების რევოლუციიდან მალევე, 2004 წელს, აჭარის პოლიციის უფროსად დაინიშნა. 2004-2005 წლებში მუშაობდა აჭარის პროკურორადაც. გიორგი პაპუაშვილთან დაკავშირებით ბათუმში იყო სკანდალებიც: 2004 წლის 5 ოქტომბერს დააკავეს ხულოსა გამგებელი – ოთარ ცეცხლაძე და შუახევის გამგებლები ნოდარ ქარცივაძე. დაკავებულები დანაშაულის არ არსებობის გამო 28 ოქტომბერს გაათავისუფლეს. მაშინ მედია წერდა, რომ ოთარ ცეცხლაძემ უკანონოდ მოპოვებული ხე-ტყით დატვირთული ავტომანქანა არ გამოატარა. გამგებლების დაკავების შემდეგ საპროტესტო აქციებიც იმართებოდა გიორგი პაპუაშვილის გადაყენების მოთხოვნით.
წარწერა ბათუმის ქუჩებში. 2004 წელი.
„ბათუმელებმა“ გიორგი პაპუაშვილთან დაკავშირება ვერ მოახრეხა, მას მობილური გამორთული ჰქონდა. გიორგი პაპუაშვილის დანიშვნის შესახებ ინფორმაციის გადამოწმება „ბათუმელებმა“ შს სამინისტროში სცადა, თუმცა ვერც ამ უწყებიდან მოხერხდა ზუსტი ინფორმაციის მოპოვება.
„ბათუმელების“ ინფორმაციით, გიორგი პაპუაშვილი ხვალიდან გამოცხადდება ახალ სამსახურში.
დისკუსია და ვიდეორგოლები მზადდება „თავისუფალ ჟურნალისტთა სახლის“ პროექტის – „ახალგაზრდებში დემოკრატიული იდეების პოპულარიზაცია“- ფარგლებში. პროექტი ხორციელდება „დემოკრატიის მხარდამჭერი ნაციონალური ფონდის“ (NED) მხარდაჭერით.
17 წლის მარიტა გორგილაძის თქმით, აქციის მიზანია ხელი შუეწყოს ქალთა პოლიტიკურ აქტიურობას საქართველოში – ”გვინდა მეტი ქალი იყოს ჩართული პოლიტიკაში, რადგან ეს ერთ-ერთი ნიშანია იმისა, რომ სახელმწიფო დემოკრატიის გზას ადგას” – ამბობს ის.
”აქციის მიზანია, რაც შეიძლება მეტი ქალი იყოს პარლამენტში და მაღალ თანამდებობებზე. დღეს საქართველოში, 52 დეპუტატიდან მხოლოდ 2 ქალია. გვინდა რომ უფრო მეტი ქალის აზრი და შეხედულება იყოს დაფიქსირებული და გაზიარებული. მათი ხმა ძალიან აკლია, როგორც სამთავრობო ისე არასამთავრობო ორგანიზაციებს” – ამბობს 17 წლის ბესო ხოზრევანიძე.
საავტომობილო გზების დეპარტამენტის ინფორმაციით, ამჟამად 300 მეტრიანი გვირაბის მშენებლობა, მიწის ექსკავაციისა დროებითი თაღის გამაგრებითი სამუშაოები მიმდინარეობს.
მიწის, წყალგამტარი მილების და მიწისქვეშა გასასვლელების სამშენებლო სამუშაოები თითქმის დასრულებულია.
სამუშაოებზე 350-მდე ადამიანია დასაქმებული. პროექტს აზიის განვითარების ბანკი (ADB) აფინანსებს.
საავტამობილო გზების დეპარტამენტის ინფორმაციით, აჭარის ზღვისპირა ქალაქებზე გამავალი, განსაკუთრებით მაღალი ინტენსივობით გამორჩეული E-70 ავტომაგისტრალი წლების განმავლობაში დისკომფორტს უქმნიდა ადგილობრივ მოსახლეობასა და ტურისტებს.
აღნიშნული გზის მშენებლობის შედეგად, აჭარის ზღვისპირა ზოლიდან ავტოტრანსპორტის სატრანზიტო მოძრაობა ახალ გზაზე გადაირთვება, რაც კურორტების ეკოლოგიურად გაჯანსაღებასა და რეგიონში ტურიზმის სრულფასოვან განვითარებას შეუწყობს ხელს.
ქობულეთის შემოვლით გზაზე 18.9კმ-ზე ასფალტ-ბეტონის საფარის დაგება, 16 ხიდის, მათ შორის 7 გზაგამტარის, 2 გვირაბისა და 64 წყალგამტარი მილის მშენებლობაა დაგეგმილი.
სამშენებლო სამუშაოები 2016 წლის მარტში დასრულდება.
საკონსტიტუციო სასამართლოს თავმჯდომარის გიორგი პაპუაშვილის თქმით, კონსულტაციების მხრივ საქართველო აქტიურად თანამშრომლობს უკრაინასთან, დღეს კი უკრაინაში დასაწყები საკონსტიტუციო რეფორმა განიხილეს:
“ქალბატონი ანა ადრე იუსტიციის მინისტრის მოადგილე იყო და დიდი ხანია ვთანამშრომლობთ. ახლა ის, როგორც სახელმწიფო მინისტრი არის პასუხისმგებელი, რომ კოორდინაცია გაუწიოს რეფორმებსა და მთავრობის სტრუქტურებს, ამიტომ დაინტერესდა იმ რეფორმებით, რაც ახლა ჩვენს ქვეყანაში ტარდება, ასევე სურთ გაიზიარონ ჩვენი ძველი გამოცდილება” – ამბობს გიორგი პაპუაშვილი.
მისივე თქმით, დელეგაციის მიზანია გაიზიარონ საქართველოს მრავალწლიანი გამოცდილება და მიიღონ კონსულტაციები თუ, როგორ მოარგონ ეს რეფორმები უკრაინულ რეალობას: “ისინი სწორედ ახლა იწყებენ უკრაინაში საჯარო სისტემის რეფორმას, ეს შეეხება სტრუქტურულ რეორგანიზაციას, ასევე შეიძლება შეეხოს ოპტიმიზაციას, ამიტომ საქართველოს გამოცდილების გაზიარება მნიშვნელოვანია, რადგან თანხების გამოთავისფლება, კადრების შემცირება და ა.შ. ყოველთვის არის დაკავშირებული პოლიტიკურ რისკებთან, სამართლებრივ პრობლემებთან” – თქვა მან.
ონიშენკოს თქმით, უკრაინულ დელეგაციას, გუშინ ბათუმში, საქართველოს პრემიერ-მინისტრი შეხვდა და ომით დაზარალებული მოსახლეობის დახმარების გზებზე ისაუბრას: “გუშინ მე შევხვდი საქართველოს პრემიერ-მინისტრს, განვიხილეთ ის რაც ძალიან მნიშვნელოვანია უკრაინისთვის – ურთიერთობა და დახმარება უკრაინელ დაზარალებულებისთვის. ჩვენ უკვე მილიონზე მეტი დევნილი გვყავს, მათ შორის ბევრი ბავშვია. შეიძლება დახმარება ამ ბავშების რეაბილიტაცია იყოს, ვისაუბრეთ თუ რა სახით დავეხმაროთ მათ, აღმოვუჩინოთ ბავშებს ფსიქოლოგიური დახმარება, ან ჩამოვიყვანოთ აქ დასასვენებლად. ეს ძალიან მნიშვნელობანია ჩვენთვის და თუ ქვეყანას უნდა და შეუძლია დახმარება, ეს ძალიან დიდი შვებაა ჩევნთვის” – თქვა მან.
ონიშნეკომ ჟურნალისტებთან საუბრისას აღნიშნა, რომ მათ დიდი ყურადღება დაუთმეს ელექტრონული მმართველობის შესახებ კონსულტაციას, რომლის დანერგვასაც სულ მალე უკრაინაში გეგმავენ – “არის ისეთი მომენტები, რაც დიდი ხანია სავსებით ნორმალურია თქვენთვის, მაგრამ ჩვენ ახლა ვიწყებთ მათ განხორციელებას” – თქვა მან.
მათივე ინფორმაციით, 8 მარტს დაბადებულთა შორის ყველაზე ასაკოვანი ქალი 108 წლის დღეს, 2015 წლის 8 მარტს გახდა.
8 მარტს ყველაზე მეტი ბავშვი 1960 წელს დაიბადა. რაც შეეხება რეგიონებს, 8 მარტს დაბადებულთა უმეტესობა თბილისში, იმერეთში, ქვემო ქართლში, კახეთსა და აჭარაში ცხოვრობს.
დისკუსია მომზადდა „თავისუფალ ჟურნალისტთა სახლის“ პროექტის – „ახალგაზრდებში დემოკრატიული იდეების პოპულარიზაცია“- ფარგლებში. პროექტი ხორციელდება „დემოკრატიის მხარდამჭერი ნაციონალური ფონდის“ (NED) მხარდაჭერით.
“ბათუმელები” 
„ამ უნივერსიტეტში მე ვიღვაწე ზუსტად 33 წელი, 1976 წელს გავხდი სტუდენტი, 1981 წელს უკვე ვიყავი უნვერსიტეტის ახალგაზრდული ორგანიზაციის ხელმძღვანელი და წლების განმავლობაში გავიარე გზა ასისტენტიდან პროფესორის აკადემიური თანამდებობის ჩათვლით, მაგრამ მოხდა ისე, რომ 2009 წლის კონკურსში მე დავტოვე უნივერსიტეტი წმინდა აპოლიტიკური ნიშნით. მე ვიყავი ეროვნული ფორუმის აჭარის ოგანიზაციის ხელმძღვანელი და ლიდერი, ეს იყო იმის მიზეზი, რომ უნივერსიტეტი დამატოვებინეს.
