Batumelebi | ქედის გამგებლის ყოფილი მოადგილის კომენტარი კომპენსაციებზე ქედის გამგებლის ყოფილი მოადგილის კომენტარი კომპენსაციებზე – Batumelebi
RU | GE  

ქედის გამგებლის ყოფილი მოადგილის კომენტარი კომპენსაციებზე

 

ქედის მუნიციპალიტეტის გამგებლის ყოფილი მოადგილე გურამ ლომინაძე მოქმედ გამგებელს, დავით დუმბაძეს, ცრუ ინფორმაციის გავრცელებაში ადანაშაულებს. 

 

გურამ ლომინაძე
გურამ ლომინაძე

აღნიშნულთან დაკავშირებით გურამ ლომინაძემ დღეს, 10 მარტს, ქედაში საგანგებო განცხადება გააკეთა.

 

„მე ვიყავი გასული წლის მაისის თვეში შექმნილი კომისიის თავმჯდომარე, რომელსაც ქედის მუნიციპალიტეტში სტიქიის შედეგად დაზარალებული ოჯახები უნდა შეესწავლა. კომისიამ შეისწავლა 260 ოჯახი, ზარალი აღვწერეთ და მონაცემები შემდგომი რეაგირებისთვის საკრებულოს გადავეცით.

 

ჩვენი მონაცემებით ზარალის ოდენობა დაახლოებით 181 000 ლარს შეადგენდა, თუმცა მას შემდეგ, რაც დაზარალებული მოსახლეობის ნაწილმა კომპენსაცია ვერ მიიღო, გამგებელმა ამის ჩემზე გადმობრალება დაიწყო.

 

რამდენიმე დღის წინ დავით დუმბაძემ განაცხადა, რომ იმ დროისთვის (პირველ აპრილს) გამგებლის მოვალეობას არ ასრულებდა, კომისიის თავმჯდომარე მე, გურამ ლომინაძე ვიყავი და ამ ყველაფერს მე ვხელმძღვანელობდი. ყველას შეუძლია გაიგოს იყო თუ არა დავით დუმბაძე იმ დროისთვის გამგებლის მოვალეობის შემსრულებელი და თუ მე ვარ დამნაშავე, პასუხს ვაგებ“ – განაცხადა გურამ ლომინაძემ „ბათუმელებთან“ სატელეფონო საუბრისას.

 

2014 წლის გაზაფხულზე ქედაში განვითარებული სტიქიის შედეგად დაზარალებულმა  258-მა ოჯახმა კომპენსაცია მიიღო, რაზეც 180 533 ლარი დაიხარჯა.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"