Batumelebi

 

დისკუსიას  “საერთაშორისო გამჭვირვალობა – საქართველოს” ბათუმის ოფისის კოორდინატორი მალხაზ ჭკადუა გაუძღვება. დისკუსიის დაწყებამდე ნაჩვენები იქნება გერმანელი რეჟისორის ფლორიან ჰენკელ ფონ დონერსმარკის 2006 წელს გადაღებული ფილმი “სხვების ცხოვრება”, რომელიც ასახავს 1984 წელს აღმოსავლეთ ბერლინში, საიდუმლო პოლიციის საქმიანობას.

დისკუსიაზე დასწრება თავისუფალია. დასაწყისი 17 საათზე.

დისკუსია მზადდება „ნედის“ (NED) მხარდაჭერით.

 

ველომოყვარულები დანიშნულების ადგილზე 07:30 საათზე შეიკრიბნენ.

ველომსვლელობაში გაზეთ “ბათუმელების” წარმომადგენელიც მონაწილეობდა.

ველომსვლელობის ყველაზე პატარა მონაწილე.

08:00 საათზე კი რუსთაველის ქუჩის მიმართულებით დაიძრნენ.

მარშრუტის სიგრძე დაახლოებით 8 კილომეტრი იყო, ველოსიპედისტები რუსთველის ქუჩის ბოლომდე ჩავიდნენ და შემდეგ გორკის ქუჩით დაბრუნდნენ ერას მოედანზე.

 

 

 

”არ ვიცი, ვერაფერს გეტყვით. იმედი მაქვს დავიწყებ სამსახურს” – უთხრა მან ”ბათუმელებს”.

 

ამ დროისთვის მარო ჩხაიძე სამსახურში რჩება და მოვალეობას ასრულებს. აჭარის მთავრობის თავმჯდომარეს არჩილ ხაბაძეს ჯერ მისი განცხადება თანამდებობიდან წასვლის თაობაზე, არ დაუკმაყოფილებია. 

აჭარის ჯანდაცვის სამინისტრომ ამ თანამდებობაზე მთავრობის თავმჯდომარეს დასაქმების სააგენტოს მოქმედი თავმჯდომარის  კობა ნაკაიძის კანდიდატურა წარუდგინა.

 

 

შს სამინისტროს ცნობით, გამოძიება 278-ე მუხლის მე-3 ნაწილით მიმდინარეობს, რომელიც ითვალისწინებს სისხლისსამართლებრივ პასუხისმგებლობას სატრანსპორტო დანაშაულისათვის: სხვა სატრანსპორტო მოწყობილობის დაზიანება, განადგურება ან ექსპლუატაციისათვის სხვაგვარად გაუვარგისება, რამაც გამოიწვია ორი ან მეტი ადამიანის სიცოცხლის მოსპობა – ისჯება თავისუფლების აღკვეთით ვადით ექვსიდან ათ წლამდე.

 

 

 

ქედის საკრებულოს ენმ-ის წევრი ვაჟა ბოლქვაძე განკარგულების პროექტით მუნიციპალიტეტის საკრებულოსა და გამგეობის მაღალი თანამდებობის პირების კვარტალური პრემიით სოციალურად დაუცველი ოჯახებისთვის სახურავის შეძენას მოითხოვდა. ვაჟა ბოლქვაძის მიერ წარმოდგენილი პროექტი დამსწრე 18 დეპუტატიდან მხოლოდ ოთხმა მოიწონა.

 

 

განკარგულების განხილვას მწვავე დისკუსია მოჰყვა დეპუტატებს შორის, უმრავლესობამ ვაჟა ბოლქვაძეს მისი მუშაობის პერიოდი შეახსენა. „ცხრა წელი პრემიაც თქვენს ხელში იყო და ხელფასიც, რატომ არ გამოიყენეთ მაშინ?“ – ჰკითხა ამირან დევაძემ მომხსენებელს. საკრებულოს სხვა წევრმა კი თქვა, რომ უმჯობესია საქველმოქმედო ფონდი შეიქმნას და ვისაც სურვილი ექნება, მან გაიღოს ხელფასიდან ქველმოქმედება.

 

„ერთი პარტია თავის გამოსაჩენად სვამს საკითხს, მეორეც სათავისოდ უარყოფს, ვფიქრობ უპრიანი იქნება შეიქმნას საქველმოქმედო ფონდი, ფონდში შემოსული თანხით კი შეჭირვებულ ოჯახებს დავეხმაროთ, მართალია ყველას ვერ დაეხმარებით, მაგრამ ერთ ოჯახსაც რომ გადაუჭრა პრობლემა, ესეც ძალიან მნიშვნელოვანია“ – ამბობს უშანგი ბერიძე.

 

„ვითხოვდი, თანამდებობის პირების გამგებელის, მოადგილეების, სამსახურის უფროსების, განყოფილების უფროსების, საკრებულოს თავმჯდომარის, მოადგილის, ფრაქციებისა და კომისიის თავმჯდომარეების კვარტალური პრემია გაღატაკებულ ოჯახებს მოხმარებოდა. თანამდებობის პირებს პრემია არ აეღოთ, რაც 45 440 ლარს შეადგენს, ეს თანხა კი 37 ოჯახის პრობლემას მოაგვარებდა. დემაგოგიური პროექტი არისო, მე ვთავაზობ მათ მოამზადონ ანალოგიური პროექტი, ოღონდ ხალხს წაადგეს“ – ამბობს ვაჟა ბოლქვაძე.

 

„საპრემიო ფონდი ამოწურულია, თანხა არ არის, ეს თვითონაც იცოდა, მაგრამ საკითხი შემოიტანა იმ მიზნით, რომ აჩვენოს თითქოს ხალხზე ფიქრობს, ასეთი დემაგოგია როგორ შეიძლება, რაც შეეხება საქველმოქმედო ფონდის შექმნას, მე მხარს დავუჭერ“ – ამბობს საკრებულოს თავმჯდომარე ამირან ცინცაძე.

 

 

 საკრებულოს სხდომას  ქედაში 2012 წელს მიწის ძვრის დროს დაზარალებული სოფელ ნამლისევში მცხოვრები ალექსანდრე აზნაურიშვილიც ესწრებოდა, მან საკრებულოს კიდევ ერთხელ დახმარება სთხოვა, რის შემდეგაც ხელთ არსებული გეოლოგიური დასკვნა დეპუტატებს აჩვენა.  იგი ამბობს, რომ უკვე სამი წელია უშედეგოდ ითხოვს დახმარებას – “სამი წელია ვითხოვ დახმარებას, სად წავიდე? ვის მივმართო? სად ვიპოვო სამართალი?… “.

 

 

 

 

სამინისტროს წარმომადგენლებმა სტუმრებს რეგიონის საინვესტიციო კლიმატზე სპეციალური პრეზენტაცია წარუდგინეს. საუბარი შეეხო ქობულეთის თავისუფალ ტურისტულ ზონასაც.

დელეგაციას ვინიცის საოლქო სახელმწიფო ადმინისტრაციის გუბერნატორის პირველი მოადგილის მრჩეველი და „ვინიცის საქმიან ხალხთა კლუბის“ პრეზიდენტი ნადეჟდა ლისეცკაია ხელმძღვანელობდა. ფინანსთა სამინისტროს ცნობით, ორმხრივ შეხვედრაზე უკრაინელი ინვესტორები აჭარის რეგიონში ბიზნესის წარმოების რეგულაციებითა და გმირთა ხეივნის ტერიტორიით დაინტერესდნენ.

29-30 მაისს დაგეგმილი ვიზიტის ფარგლებში, დელეგაციის წევრები აჭარის სავაჭრო-სამრეწველო პალატასაც ეწვევიან. უკრაინელი ინვესტორები რეგიონში მოღვაწე ბიზნესმენებს შეხვდებიან და აჭარაში ბიზნესის წარმოების თაობაზე მათ გამოცდილებას გაეცნობიან.

 

 

შეხვედრა პროექტის -“სუფთა მდინარეები-სუფთა ზღვა” -ფარგლებში ჩატარდა, რომლის მიზანია დაეხმაროს სხვადასხვა დაინტერესებულ მხარეებს წყლის დაბინძურების შემცირებაში.

 

კავკასიის რეგიონული გარემოსდაცვითი ცენტრის ხელმძღვანელმა სოფიკო ახობაძემ თქვა, რომ შეხვედრის მიზანია ბათუმის სახელმწიფო უნივერსიტეტის სტუდენტებს, რომლებიც დაინტერესებულნი არიან მათი სფეროთი, მიაწოდონ ინფორმაცია შავი ზღვის მიმდინარე პროექტებისა და ეკოლოგიური თვალსაზრისით არსებული მდგომარეობის შესახებ – “ჩვენი მიზანია მოვამზადოთ და გავაფორმოთ მემორანდუმი, ევროპის ქვეყნებში სწავლის მსურველი სტუდენტებისთვის, რომელთათვისაც ჩვენი სფერო არის ახლო. ჩვენი მიზანია ჩავრთოთ ისინი კვლევებში” – თქვა მან.

 

შეხვედრაზე ისაუბრეს შავი ზღვის აქტიურ პრობლემებზე, რომლებიც ეხება: კომერციული ზღვის ცოცხალი რესურსების დაცვას; შავი ზღვის საზღვაო და სანაპირო ბიომრავალფეროვნებისა და ჰაბიტატის დაცვას და ზღვის წყლის ხარისხის გაუმჯობესებას. “შავი ზღვის დაცვის მთავარი მიზანი არის შავი ზღვის 60-იანი წლების ეკოლოგიური ვითარების მიღწევა” – თქვა სოფიკო ახობაძემ.

 

როგორც შეხვედრაზე ითქვა, არასამთავრობო ორგანიზაციის მიერ ჩატარებული კვლევის შედეგად, გამოვლინდა რისკის ქვეშ არსებული ზედაპირული წყლის ობიექტები. როგორც აღმოჩნდა ჭოროხი-აჭარის წყლის მდინარის აუზზე ყველაზე დიდი ზეწოლა ადამიანის მეურნეობით არის გამოწვეული, შემდგ სამეწარმეო ობიექტების საქმიანობით. ანგარიშში ნახსენებია ყველა ის გაცემული ლიცენზია რაც აუზიდან გრუნტისა და ხრეშის გაცემაზე გაიცა. 

 

სოფიკო ახობაძის თქმით, პროექტის მთავარი მიზანია წყლის სააუზო მართვის ტერიტორიული ერთეულის შექმნა, რომელიც სავარაუდოდ აჭარაში განთავსდება. 

 

 

ოთარ ნაკაშიძე – „ლირიკული მასტერკლასის მე-2 გამოცემაში მონაწილეობა“ 

ინგა ჯახუტაშვილი – „ლირიკული მასტერკლასის მე-2 გამოცემაში მონაწილეობა“

 ბავშვთა ქორეოგრაფიული სკოლა-სტუდია „მწვერვალი“ – „საგასტროლო ტურნეში მონაწილეობა“ (სომხეთი – ქ. ერევანი და საქართველო – ქ. თელავი)

 

„ფესტივალებში, კონკურსებში, გამოფენებში და სხვა ღონისძიებებში მონაწილეობის კონკურსის“ ორი გამარჯვებული, აჭარის საოპერო დასის წარმომადგენლები – ოთარ ნაკაშიძე და ინგა ჯახუტაშვილი დაფინანსდნენ 2 875 ლარით და გაემგზავრნენ იტალიაში ქ. რომში „ ლირიკული მასტერკლასის მეორე გამოცემაში მონაწილეობის“ მისაღებად 2015 წლის 14- 19 მაისს. მასტერკლასში მონაწილეობის მისაღებად იბრძოდა 32 ქვეყნის 300-ზე მეტი მომღერალი, ამათგან შერჩეულ იქნა 12 მომღერალი, მათ შორის ორი ბათუმელი შემსრულებელი, რაც დიდი გამარჯვებაა ბათუმის საოპერო თეატრისათვის საოპერო დასის საერთაშორისო ასპარეზზე პოპულარიზაციის კუთხით. ბათუმელი შემსრულებლები 15-17 მაისის ჩათვლით დაესწრნენ ლირიკულ მასტერკლასებს, სადაც საქართველოს გარდა მონაწილეობდნენ გერმანიის, ავსტრიის, შვეიცარიის, ესპანეთის, პოლონეთის, უკრაინისა და იტალიის წარმომადგენლები. ფინალური კონცერტი ჩატარდა იტალიის ქალაქ ტრევინიანო რომანოს კულტურის ცენტრში.

 

 

აღნიშნულ პროექტში მონაწილეობა მნიშვნელოვანი და სასარგებლო აღმოჩნდა ბათუმის საოპერო დასის წარმომადგენლებისათვის, რამდენადაც ხელი შეუწყო მათ შემოქმედებით/პროფესიულ ზრდას და გამოცდილების გაღრმავებას, საერთაშორისო პროფესიული კონტაქტების დამყარებას და მათ შემდგომ განვითარებას, ბათუმის საოპერო დასის წარმოჩენასა და პოპულარიზაციას საერთაშორისო ასპარეზზე; ასევე, აღსანიშნავია, რომ აღნიშნულ პროექტში მონაწილეობა შედეგიანი აღმოჩნდა ბათუმის საოპერო დასის სხვა წარმომადგენელთათვისაც, რადგან მასტერკლასის ფარგლებში მიღებულ ცოდნასა და გამოცდილებას ოთარ ნაკაშიძე და ინგა ჯახუტაშვილი ადგილობრივ კოლეგებსა და დამწყებ საოპერო მომღერლებსაც გაუზიარებენ.

 

ბავშვთა ქორეოგრაფიული სკოლა-სტუდია „მწვერვალი“ საგასტროლო ტურნეს გამართავს 2015 წლის 30 ივნისიდან 9 ივლისის ჩათვლით.

 

აჭარასა და სამეგრელო ზემო-სვანეთში მცხოვრები პატიმრების, ყოფილი პატიმრებისა და პრობაციონერების ოჯახის წევრებისთვის (მოზარდები და მშობლები) გასვლითი პროგრამა ისტორიული ადგილების მონახულებას და ინფორმაციის შეგროვებას ითვალისწინებს. 

საექსკურსიო პროგრამით დაგეგმილია: პრომეთეს მღვიმის, ასევე გელათის, მოწამეთა და ბაგრატის ტაძრების დათვალიერება. ექსკურიაზე სულ 67 ადამიანი გაემგზავრება.

ბავშვთა დაცვის საერთაშორისო დღესთან დაკავშირებული ღონისძიება პროექტის: ,,ყოფილი პატიმრების, პატიმართა ოჯახებისა და პრობაციონერების რეაბილიტაციის კამპანია’’ ფარგლებში გაიმართება. აღნიშნულ პროექტს „დემოკრატიის ინსტიტუტი“ 2013 წლის 23 ნოემბრიდან ახორციელებს.

პროექტით გათვალისწინებული საქმიანობები გულისხმობს, აჭარისა და სამეგრელო-ზემოსვანეთის რეგიონებში ყოფილი პატიმრების, პატიმართა ოჯახის წევრებისა და პრობაციონერების რეაბილიტაციისა და რესოციალიზაციის მხარდაჭერას. კერძოდ, იურიდიულ დახმარებას, პროფესიული უნარ-ჩვევების გაძლიერებას, განათლებისა და დასაქმების ხელშეწყობას, საოჯახო ბიზნესის (მცირე საწარმო) ჩამოყალიბება-განვითარებას, სამედიცინო დახმარებას და სხვადასხვა კულტურულ – საგანმანათლებლო ღონისძიებაში აქტიურ ჩართულობას.

 

 ბათუმიდან გასვლა იგეგმება: 09:00 საათზე,  „დემოკრატიის ინსტიტუტის“ ოფისიდან.

 

 

28 მაისს არჩევნები გაიმართა ორ – ეკონომიკისა და ბიზნესის და იურიდიულ ფაკულტეტზე. ეკონომიკის ფაკულტეტზე 10 წევრი, ხოლო იურიდიულ ფაკულტეტზე სტუდენტური თვითმმართველობის 5 წევრი აირჩიეს.  

საარჩევნო კომისიის შემაჯამებელი ოქმის თანახმად ეკონომიკისა და ბიზნესის ფაკულტეტზე 1128 ამომრჩევლიდან 445 გამოცხადდა საარჩევნო უბანზე. ბათილად იქნა მიჩნეული 2 ბიულეტენი, ხმები კი ასე გადანაწილდა: 

გვანცა თურმანიძე  – 67 ხმა 

ზურაბ პაპუნიძე – 46 ხმა

დავით კონცელიძე  – 41 ხმა 

მეგი ჭითანავა – 11 ხმა 

ნაზიბროლა მიქელაძე – 2 ხმა

თამუნა ცეცხლაძე – 23 ხმა

ლელა ირემაძე – 34 ხმა 

სალომე დუმბაძე – 36 ხმა 

გიორგი ბაგრატიონი – 30 ხმა 

ჯიმშერ გორგილაძე  – 32 ხმა

იაგო ბერიძე – 15 ხმა 

ინგა ათაბაგი – 29 ხმა

მელანო აბაშიძე  – 24 ხმა 

თედო ბაგრატიონი – 25 ხმა 

დავით ფარტენაძე – 19 ხმა 

მარიეტა ფუტკარაძე – 3 ხმა 

რამაზ მელაძე – 6 ხმა 

[წითლად აღნიშნულია კანდიდატები, რომლებმაც ყველაზე მეტი ხმა დააგროვეს და შესაბამისად, გამარჯვებულად ითვლებიან.]

რაც შეეხება იურიდიულ ფაკულტეტს, აქ 423 ამომრჩევლიდან ხმა 261-მა მისცა. ბათილად იქნა მიჩნეული სამი საარჩევნო ბიულეტენი. ხმები ასე გადანაწილდა: 

ცისნამ დუმბაძე – 51 ხმა 

მინურ პაქსაძე – 59 ხმა 

მამუკა ზოიძე – 38 ხმა 

გიორგი გაბაიძე – 19 ხმა 

ლევან კუტუბიძე – 1 ხმა 

რამინ მაჭარაშვილი – 19 ხმა 

სალომე კარალიძე – 9 ხმა 

ირაკლი ფაღავა – 9 ხმა 

თენგიზ ბოლქვაძე – 5 ხმა 

ანა ძიძიგური – 9 ხმა 

ნინო ნინიძე – 31 ხმა 

ნიკა ცეცხლაძე  – 0 ხმა

ია ბაკურიძე – 7 ხმა 

გიორგი გაბაიძემ და რამინ მაჭარაშვილმა ხმების თანაბარი რაოდენობა (19-19 ხმა) დააგროვეს. უნივერსიტეტის იურისტის, გიორგი დიასამიძის თქმით, მსგავსი შემთხვევა ჯერ არ ყოფილა უნივერსიტეტში და საკითხზე, თუ როგორ უნდა გამოვლინდეს გამარჯვებული ამ ორი კანდიდატიდან, იმსჯელებენ. 

დღეს, 29 მაისს, არჩევნები გაიმართება ფიზიკა-მათემატიკისა და კომპიუტერულ მეცნიერებათა  [10 წევრი] და სოციალურ და პოლიტიკურ მეცნიერებათა ფაკულტეტებზე [5 წევრი].  

არჩევნები უნივერსიტეტში 3 ივნისს დასრულდება. 

 

წყარო: ბათუმის სატრანსპორტო ინფრასტრუქტურის მართვის სააგენტო

 

 

 

„ქედის რეალობაში ისტორიული დღეა. იმდენად სასიხარულო, რომ 15-20 წლის წინ ვერავინ იოცნებებდა, ქედელი კაცი ოლიმპიადის ჩირაღდანს დახვდებოდა, უმასპინძლებდა და გააცილებდა კიდეც. ყველას ვულოცავ ამ ლამაზ დღეს, მადლობას ვუხდი ოლიმპიადის ორგანიზატორებს, რომ დაგვდეს პატივი და ოლიმპიური ცეცხლის საქართველოში შემობრძანებიდან მეორე დღეს ქედის მუნიციპალიტეტს მიეცა შესაძლებლობა, გვემასპინძლა ცეცხლისთვის. წარმატებას ვუსურვებ ოლიმპიადაში მონაწილე ყველა ქართველს, კვარცხლბეკის სამი საფეხურიდან ერთ-ერთი მაინც დაეკავებინოთ“ – განაცხადა ქედის გამგებელმა დავით დუმბაძემ.

 

ევროპის ახალგაზრდული ოლიმპიური ცეცხლი ჩაიტანეს დღეს ხელვაჩაურის მუნიციპალიტეტშიც. ოლიმპიური ცეცხლი ხელვაჩაურის სასპორტო სკოლის სპორტსმენებმა, მეჩირაღდნეებმა: ირინე ლეონიძემ, შორენა შარაძემ, ნანი კირკიტაძემ, გენადი ჩხაიძემ, დავით მარკოიძემ, ნინო მგელაძემ და ანა დუმბაძემ მუნიციპალიტეტის ადმინისტრაციული შენობის ეზოში მიიტანეს. ოლიმპიური ცეცხლის ხელვაჩაურში შეტანას მუნიციპალიტეტის ხელმძღვანელი პირები და ადგილობრივი მოსახლეობა ესწრებოდა. დამსწრე საზოგადოებას ხელვაჩაურის მუნიციპალიტეტის გამგებელმა ნადიმ ვარშანიძემ და ოლიმპიური კომიტეტის თავმჯდომარემ ალექსანდრე ახვლედიანმა მიმართა. ღონისძიებაზე ხელვაჩაურის კულტურის ცენტრთან არსებული ფოლკლორული ანსამბლების მიერ მრავალჟამიერი და განდაგანა შესრულდა.

 

საქართველოს პარლამენტის წარმომადგენელმა, რომელიც საკონსტიტუციო სასამართლოში საქართველოს პარლამენტის სახელით გამოდის, განმარტა, რომ კანონი, რომელსაც ასაჩივრებენ კონსტიტუციასთან შესაბამისობაშია და სამართალდამცავი ორგანოები მოქალაქეებს კანონიერად უსმენენ: „სახელმწიფოს უნდა ჰქონდეს პირის კონტროლის მექანიზმი საჯარო ინტერესებიდან გამომდინარე”. მისივე განმარტებით, ამის  ერთ-ერთი მიზანია დანაშაულის გახსნა.

 

მოსარჩელეების მთავარი არგუმენტი კი, რის გამოც კანონის გაუქმებას ითხოვენ, პირის პირადი ცხოვრების ხელშეუხებლობა, რაც კონსტიტუციით გარანტირებულია. ეს უფლება ირღვევა, მაგალათად იმ შემთხვევაში, როცა შს სამინისტრო აკონტროლებს ვის ურეკავ, საიდან და რატომ? გარდა ამისა, სახელმწიფოსთვის ცნობილია პირის კომპიუტერში არსებული მონაცემები. სამართალდამცავ ორგანოებს შეუძლიათ აკონტროლონ, თუ კონკრეტული ადამიანი  საკუთარი კომპიუტერიდან რომელ საიტზე შევიდა, რამდენს ხანს დარჩა ამ საიტზე და სად იმყოფებოდა მოცემულ დროს.

 

მოპასუხემ, ამ შემთხვევაში საქართველოს პარლამენტის წარმომადგენელმა თქვა, რომ ამას სასამართლოს დადგენილება სჭირდება. თუმცა მოპასუხისავე განმარტებით, სასამართლოს მიერ თვალთვალის დაკანონებას სამართალდამცავები მხოლოდ მაშინ ითხოვენ, როცა კონკრეტული მასალის  სასამართლოში გამოყენებას გეგმავენ.

 

სასამართლო შესვენების შემდეგ მხარეებს კითხვებს დაუსვამს.

 

საკონსტიტუციო სასამართლო მოგვიანებით გადაწყვეტს მიიღებს თუ არა აღნიშნულ სარჩელს წარმოებაში. 

შარშან სასამართლომ 1637-ჯერ დააკმაყოფილა პროკურატურის მოთხოვნა მიენიჭებინათ ადამიანებისთვის თვალთვალის უფლება, ბოლო 16 თვის განმავლობაში კი იგივე უფლება მთლიანობაში 3228-ჯერ გაიცა.

 

საკონსტიტუციო სასამართლომ არაკონსტიტუციურად ცნო საქართველოს საარჩევნო კოდექსის ის ნორმები, რომლებიც ადგენდა 73 ერთმანდატიანი მაჟორტარული საარჩევნო ოლქის განსაზღვრის წესს. კერძოდ, სადავო ნორმების თანახმად, საპარლამენტო არჩევნებისათვის თითოეული მუნიციპალიტეტი, თბილისის გარდა, წარმოადგენდა ერთმანდატიან მაჟორიტარულ ოლქს, ხოლო თბილისში იქმნებოდა 10 მაჟორიტარული საარჩევნო ოლქი.

 

საკონსტიტუციო სასამართლომ მიუთითა, რომ მაჟორიტარული საარჩევნო ოლქების საზღვრების დადგენისას მხედველობაში უნდა იქნეს მიღებული მუნიციპალიტეტებში რეგისტრირებული ამომრჩევლების რაოდენობა, ხოლო სახელმწიფოს ძალისხმევა მიმართული უნდა იყოს, შეძლებისდაგვარად, თანაბარი საარჩევნო ოლქების ჩამოყალიბების უზრუნველსაყოფად.

 

მოსარჩელეების მოსაზრებით, მაჟორიტარულ საპარლამენტო არჩევნებში ამომრჩეველთა ხმები არ იყო თანაბარი ძალის მქონე. კერძოდ, საარჩევნო ოლქებში არ იყო რეგისტრირებული თანაბარი რაოდენობის ამომრჩეველი. აქედან გამომდინარე, სხვადასხვა ოლქებში რეგისტრირებულ ამომრჩევლებს არ ჰქონდათ შესაძლებლობა, რომ თანაბარი გავლენა მოეხდინათ არჩევნების შედეგებზე.

 

მაგალითად, საბურთალოს საარჩევნო ოლქში რეგისტრირებული 128 545 ამომრჩეველი ირჩევდა ერთ მაჟორიტარ დეპუტატს, იმ დროს, როდესაც, ყაზბეგის საარჩევნო ოლქში ერთ მაჟორიტარ დეპუტატს ირჩევდა მხოლოდ 5 810 ამომრჩეველი. ამდენად, ყაზბეგის ამომრჩევლის ხმა 22-ჯერ უფრო წონადი იყო, ვიდრე საბურთალოს საარჩევნო ოლქის ამომრჩევლის ხმა, რაც აშკარად მეტყველებდა სისტემის დისკრიმინაციულობაზე. მოსარჩელეები მიიჩნევდნენ, რომ ამომრჩეველთათვის არათანაბარი შესაძლებლობების მინიჭება, ერთი მხრივ, ეწინააღმდეგებოდა საქართველოს კონსტიტუციით გარანტირებულ თანასწორობის უფლებას, ხოლო, მეორე მხრივ, – საარჩევნო უფლებას. საქართველოს საკონსტიტუციო სასამართლომ მიუთითა საყოველთაო საარჩევნო უფლების მნიშვნელობაზე და განმარტა, რომ იგი, თავისთავად, არ მოითხოვს რომელიმე კონკრეტული საარჩევნო სისტემის მოდელის ჩამოყალიბებას, თუმცა აუცილებელია, არსებულმა საარჩევნო სისტემამ უზრუნველყოს ხალხის ნების თავისუფალი და თანასწორი ასახვა სახელმწიფო ხელისუფლების ორგანოების ფორმირების პროცესში. საქართველოს პარლამენტი უფლებამოსილია, თავად განსაზღვროს როგორც პროპორციული, ისე მაჟორიტარული საარჩევნო სისტემის მოდელები და თავისებურებები იმ პირობით, რომ ამ პროცესში დაცული იქნება საქართველოს მოქალაქეთა კონსტიტუციური უფლებები და თავისუფლებები. საკონსტიტუციო სასამართლოს განმარტებით საარჩევნო პროცესის ადმინისტრირებისას, წარმოიშობა ფაქტობრივი სირთულეები და, შესაძლოა, შეუძლებელი აღმოჩნდეს საარჩევნო ოლქების იმგვარი გადანაწილება, რომ ამომრჩევლების ხმებს აბსოლუტურად იდენტური „წონა“ ჰქონდეს. თუმცა, ხელისუფლება უნდა ცდილობდეს, რომ ასეთი უთანასწორობა მინიმუმამდე იქნეს დაყვანილი. ამასთანავე, სასამართლომ არ გამორიცხა, რომ გარკვეული რეგიონების სპეციფიკიდან გამომდინარე, კანონმდებელმა შემოიტანოს ტერიტორიული წარმომადგენლობის ელემენტები, ასევე, საარჩევნო ოლქების მუნიციპალურ ერთეულებზე მიბმა, შესაძლოა საარჩევნო ოლქების საზღვრებით მანიპულირების საფრთხის პრევენციასაც ისახავდეს მიზნად, თუმცა ამან არ უნდა გამოიწვიოს იმგვარი უთანასწორობა, რომ გარკვეულ ტერიტორიულ ერთეულებში რეგისტრირებული ამომრჩევლების ხმების გავლენა ზომაზე მეტად შემცირდეს. საქართველოს საკონსტიტუციო სასამართლომ დაადგინა, რომ სადავო ნორმების მიღებით საქართველოს პარლამენტმა საარჩევნო ოლქები მექანიკურად დაუკავშირა მუნიციპალიტეტებს, ისე, რომ არ გაითვალისწინა მუნიციპალიტეტებში რეგისტრირებული ამომრჩევლების რაოდენობა. საარჩევნო ოლქებში რეგისტრირებული ამომრჩევლების რაოდენობის შესწავლის შედეგად დადგინდა, რომ სხვადასხვა საარჩევნო ოლქში რეგისტრირებული იყო ამომრჩეველთა მკვეთრად განსხვავებული რაოდენობა. შესაბამისად, საარჩევნო ოლქები და მანდატები იმგვარად იყო გადანაწილებული, რომ ერთ ოლქში რეგისტრირებული ამომრჩევლის ხმა რამდენჯერმე უფრო მეტად „ფასობდა“ ვიდრე – მეორე ოლქში რეგისტრირებული ამომრჩევლის, რამაც გამოიწვია მნიშვნელოვანი გადახრა ხმათა თანაბრობის პრინციპიდან და არათანაზომიერად დაამცრო ამომრჩეველთა დიდი ნაწილის გავლენა საარჩევნო პროცესებზე. ყოველივე ზემოაღნიშნულის გათვალისწინებით, საკონსტიტუციო სასამართლომ საქართველოს საარჩევნო კოდექსის სადავოდ გამხდარი ნორმები არაკონსტიტუციურად ცნო საქართველოს კონსტიტუციის მე-14 მუხლთან (თანასწორობის უფლება) და 28-ე მუხლის პირველ პუნქტთან (საყოველთაო საარჩევნო უფლება) მიმართებით.

 

კონფერენციის მიზანია, ხელი შეუწყოს მოზარდთა ცნობიერების ამაღლებას ცხოვრების ჯანსაღი წესისა და ჯანმრთელობის დაცვის საკითხებთან დაკავშირებით.

კონფერენციაზე წარმოდგენილი იქნება შემდეგი თემები:

• სწორი კვება
• წყალი
• თამბაქო
• C ჰეპატიტი

 

კონფერენციის ფარგლებში პრეზენტაციებს წარმოადგენენ: ბათუმის №1, N2, საჯარო სკოლების, ჭარნალის საჯარო სკოლის, ქობულეთის N6 საშუალო სკოლის, წმ. ანდრია პირველწოდებულის სახელობის სკოლის VII – XI კლასის მოსწავლეები.

კონფერენციის მონაწილეებს გადაეცემათ სუვენირები და სამახსოვრო საჩუქრები.

კონფერენციის მხარდამჭერები არიან: აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო, აჭარის ავტონომიური რესპუბლიკის განათლებისა და კულტურის სამინისტრო, ბათუმის, ქიბულეთისა და ხელვაჩაურის განათლების რესურსცენტრები.

კონფერენციის ორგანიზატორია აჭარის ავტონომიური რესპუბლიკის სსიპ საზოგადოებრივი ჯანდაცვის ცენტრი.

ჟურნალისტი ზვიად ქორიძე ერთ-ერთი მათგანია, ვინც საკონსტიტუციო სასამართლოში კანონის იმ ნორმას ასაჩივრებს, რომლის საფუძველზე შს სამინისტრო მოქალაქეებს ფარულად უსმენს.

„ჩვენ გვაქვს იმის პრაქტიკა, რომ ქვეყანაში მოსამართლის ნებართვის გარეშე იწერდნენ მოქალაქეების სატელეფონო საუბრებს, ეცნობოდნენ მიმოწერებს, რომელიც ელექტრონული ფოსტით ან სოციალური ქსელებით ვრცელდებოდა. ეს ფაქტია. როგორ უნდა განადგურდეს ფარული ჩანაწერები, აი ესეც გვინდოდა, რომ ყოფილიყო დაცული და მიახლოებული ევროპულ სტანდარტებთან. ჩვენ მიგვაჩნია, რომ ახალი კანონით მოქალაქეების კონსტიტუციით გარანტირებული უფლება არ არის გათვალისწინებული “, _ ამბობს ზვიად ქორიძე.
ზვიად ქორიძის თქმით, შს სამინისტროს კანონით აქვს ფარული თვალთვალის უფლება, ხოლო პერსონალურ მონაცემთა დაცვის ინსპექტორს, რომელიც ვალდებულია ეს პროცესი გააკონტროლოს, ამის არანაირი მექანიზმი არ გააჩნია: „აი, აქ არის საკანონმდებლო ხარვეზი, რომელიც რისკის ქვეშ აყენებს მოქალაქეების პირადი ცხოვრების ხელშეუხებლობის უფლებას. ამიტომ მიგვაჩნია, რომ ეს საკანონმდებლო ჩანაწერი კონსტიტუციასთან შეუსაბამოა”.

“პერსონალურ მონაცემთა დაცვის ინსპექტორი”, ანუ ახალი სამთავრობო უწყება 2013 წელს შეიქმნა საქართველოში. მისი მოვალეობაა მოქალაქეთა პირადი მონაცემების ხელშეუხებლობის დაცვა. თუმცა, პერსონალურ მონაცემთა დაცვის ინსპექტორის ძალაუფლება არ არის საკმარისი შინაგან საქმეთა სამინისტროს მიერ ელექტრონულ კომუნიკაციებზე სისტემატური უკანონო თვალთვალის შესაჩერებლად – ეს პოზიცია აქვს არასამთავრობო სექტორს.
პერსონალურ მონაცემთა დაცვის ინსპექტორი თამარ ქალდანი თანამდებობაზე პრემიერ-მინისტრის ბრძანებით დაინიშნა (2013 წლამდე ის ფონდი “ღია საზოგადოება საქართველოს” აღმასრულებელი დირექტორის მოადგილე იყო-ავტ). “საინტერესო ის არის, რომ პერსონალურ მონაცემთა დაცვის ინსპექცია რა მექანიზმითაც აკონტროლებს შინაგან საქმეთა სამინისტროს, ეს სისტემა შექმნილია შინაგან საქმეთა სამინისტროს მიერ, – ამბობს ლიკა საჯაია, „საერთაშორისო გამჭვირვალობა-საქართველოს” საპარლამენტო მდივანი.

ლიკა საჯაიას ინფორმაციით, პერსონალურ მონაცემთა დაცვის ინსპექტორი ყველა ქვეყანაში არის მაკონტროლებელი, საქართველოში კი ეს უწყება პროცესის მონაწილეა: „ყველა განვითარებულ ქვეყანაში [ევროპის უმრავლესობაში] სამართალდამცავი მიდის სასამართლო განჩინებით კომუნიკაციის კომპანიაში და კომპანია უშვებს მას მოსმენებზე. ანუ ე.წ. მოსმენების გასაღები ყველგან კომუნიკაციების კომპანიებს აქვთ. შვეიცარიაში არსებობს დამოუკიდებელი სტრუქტურა, რომელიც არ აწარმოებს გამოძიებას, არ არის სახელმწიფო სტრუქტურა და მის ხელშია გასაღები. შს სამინისტრო არის დაინტერესებული მხარე, რაც უფრო მეტი ინფორმაცია ექნება, მით უფრო მარტივად გახსნის დანაშაულს. არ ვისაუბროთ იმაზე, რომ შეიძლება სხვა მიზნებისთვის გამოიყენონ ფარული ჩანაწერები, მაგალითად, შანტაჟისთვის. არც ერთ დემოკრატიულ ქვეყანაში არაა მოსმენების გასაღები იმის ხელში, ვინც პროფესიულად არის დაინტერესებული, რომ მიიღოს რაც შეიძლება მეტი ინფორმაცია. ეს ჰგავს იმას, მგელს ცხვარი მივაბაროთ”.

“ახალგაზრდა იურისტთა ასოციაციის” იურისტის გიორგი გოცირიძის აზრით, არ შეიძლება გასაღები ჰქონდეს უწყებას, რომელიც დაინტერესებულია დანაშაულის გახსნით: `ეს ინტერესი აიძულებს მას უკანონო ქმედებას. მას სულ ექნება ცდუნება ნახოს მეტი, გააკონტროლოს მეტი დანაშაულის გახსნისთვის”.

გიორგი გოცირიძეც ეთანხმება ლიკა საჯაიას და ამბობს, რომ ფარული მოსმენის უფლება უნდა ჰქონდეს დამოუკიდებელ უწყებას, რომელსაც გამოძიების ინტერესი არ აქვს. ასეთ უწყებად ვახტანგ ხმალაძე კომუნიკაციის ეროვნულ კომისიას მოიაზრებდა, მაგრამ კანონპროექტი პარლამენტის უმრავლესობამ დაიწუნა.

თუ საკონსტიტუციო სასამართლო დააკმაყოფილებს არასამთავრობო ორგანიზაციებისა და მოქალაქეების ერთი ნაწილის სარჩელს, მაშინ კანონი მოსმენებისა და ფარული მიყურადების შესახებ გაუქმდება, პარლამენტი კი იძულებული იქნება, მოსმენების უფლება სხვა უწყებას მიანიჭოს.
„საერთაშორისო გამჭვირვალობის” საპარლამენტო მდივანი ლიკა საჯაია „ბათუმელებთან” ამბობს, რომ არის ორი მთავარი საკითხი, რასაც საკონსტიტუციო სასამართლოში ასაჩივრებენ: 1. კანონის ნორმა, რაც შინაგან საქმეთა სამინისტროს აძლევს შესაძლებლობას მობილური კომპანიებისა თუ ინტერნეტპროვაიდერებიდან იღებდეს ინფორმაციას შეუზღუდავად. 2. მონაცემთა ბანკები. შინაგან საქმეთა სამინისტრო, მონაცემთა ბანკში შენახულ ყველა ინფორმაციას – აბონენტის მიერ განხორციელებული ყველა ზარი, რამდენი ხანი ან სად ისაუბრა, რომელ საიტებზე შევიდა და სად იმყოფება – აკოპირებს ყოველგვარი ნებართვის გარეშე. მას სასამართლო ნებართვა მაშინ სჭირდება, თუ ამ ინფორმაციის გამოყენება უნდა სასამართლოში”.

არსებული კანონით კონკრეტული სამართალდამცავის კეთილსინდისიერებაზეა დამოკიდებული, ვის მოუსმენენ და ვის – არა. ეს იმას ნიშნავს, რომ არამხოლოდ დანაშაულში „ეჭვმიტანილი“ ადამიანის, არამედ ნებისმიერი პირის პირად ინფორმაციაზე წვდომის კანონიერი უფლება აქვს შს სამინისტროს: “ინფორმაცია უდევთ უჯრაში. სიტყვაზე თუ ვენდობით, ამ ინფორმაციას სასამართლო ნებართვის გარეშე არ იყენებენ”.
საკონსტიტუციო სასამართლოში პარლამენტს სახალხო დამცველიც უჩივის. უჩა ნანუაშვილის მოადგილე ნათია კაციტაძე „ბათუმელებთან” ამბობს, რომ საკონსტიტუციო სასამართლოში სახალხო დამცველი ელექტრონული კომუნიკაციების შესახებ კანონის ჩანაწერს ასაჩივრებს: „ვფიქრობთ, რომ სამართალდამცავი უწყებების მიერ მონაცემების შენახვა ორი წლის ვადით არის პრობლემური, ვინაიდან ის არღვევს პირადი ცხოვრების ხელშეუხებლობის უფლებას”.

„ბათუმელების”  ხელთ არსებული დოკუმენტის თანახმად, საქართველოში ფარულ თვალთვალზე პირველი ინსტანციის სასამართლოებმა შარშან 2 555 შუამდგომლობა განიხილეს, 2015 წლის ოთხ თვეში კი – 753. ეს სტატისტიკა რედაქციას უზენაესმა სასამართლომ მოაწოდა. “ეს ძალიან დიდი ციფრია. როცა მოსმენების კანონზე ვმუშაოდით, ევროპელმა კონსულტანტებმა გვითხრეს, რომ, მაგალითად, გერმანიაში წელიწადში 200-მდე შუამდგომლობაა ფარული მიყურადების ნებართვის მისაღებად”, – ამბობს ლიკა საჯაია.

პარლამენტის მიერ მიღებული კანონის მიხედვით, საგამოძიებო უწყებებს აქვთ უფლება, ნებისმიერ ადამიანს უთვალთვალონ ფარულად. იმავე კანონის თანახმად, საგამოძიებო უწყება ვალდებულია ერთი წლის განმავლობაში უთხრას ადამიანს, რომ მას ფარულად უთვალთვალებდნენ. ასეთი ფაქტი – როცა ადამიანს აცნობეს, რომ მას ფარულად უთვალთვალებდნენ, ჯერჯერობით, არ ყოფილა. ბათუმის საქალაქო სასამართლოს პრაქტიკაში არც ისეთი საქმე ყოფილა, რომ მოქალაქეს საგამოძიებო უწყებების ფარული მიყურადება გაესაჩივრებინოს. ამას ერთი ახსნა აქვს -შეუძლებელია მოქალაქემ სასამართლოს გზით დაადასტუროს, რომ მას უთვალთვალებდნენ.

 

პროექტი – „იგრძენი ბათუმის გულისცემა“  – ევროპის კომისიის „ერასმუს+-ის“ და აჭარის სპორტისა და ახალგაზრდობის საქმეთა დეპარტამენტის მხარდაჭერით ხორციელდება.

 

„იგრძენი ბათუმის გულისცემა“ ახალგაზრდული გაცვლითი პროგრამაა, რომელიც იმართება ევროპის კომისიის „ერასმუს+-ის“ პროგრამის ფარგლებში და მასში საქართველოსთან ერთად 36 უცხოელი მუსიკოსი მონაწილეობს. პროექტში ჩართულია ჩეხეთი, ესტონეთი, ლიტვა, უკრაინა, სომხეთი და საქართველო.

 

უცხოელ მონაწილეებს საქართველოდან 160 მუსიკოსი შეუერთდება, რომლებიც წინასწარი რეგისტრაციის მეშვეობით შეირჩნენ.

 

კონცერტების გასამართად ბათუმში მოეწყობა 5  სცენა:  ბათუმის ბულვარში, ცენტრალურ შესასვლელში; პიაცაზე;  ევროპის მოედანზე;  მ. აბაშიძის გამზირზე  კინოთეატრ „აპოლოსთან“ და საჯარო ბიბლიოთეკის სკვერის  მიმდებარე ტერიტორიაზე – ვაჟა-ფშაველასა და აბაშიძის ქუჩების კვეთაში. 

 

კონცერტებზე დასწრება თავისუფალია.

 

პროექტის მიზანია ქუჩის მუსიკის პოპულარიზაცია, ქართველი და უცხოელი ახალგაზრდა არტისტების დამეგობრება, საქართველოსა და მოწვეულ ქვეყნებს შორის კულტურული ურთიერთობების გაღრმავება და საერთო კულტურული პროგრამების ორგანიზება.

 

ახალგაზრდულ გაცვლით პროგრამას და ფესტივალს ორგანიზებას უწევს ახალგაზრდული ასოციაცია „დრონი“ და კომპანია EREDELI’s Art.   

EREDELI’s Art  ახალგაზრდულ, კულტურულ-შემეცნებითი პროექტების და ფესტივალების განმახროციელებელი ორგანიზაცია. კომპანიას უკევ განხორციელებული აქვს რამდენიმე ფესტივალი. მათ შორის: „Black Sea Sound“, „Kobuleti Summer Fest“, „Healthy World DJ Fest”.

 

 

 

პროექტი ხორციელდება “დემოკრატიის მხარდამჭერი ნაციონალურ ფონდის” (NED) დაფინანსებით.

 

ბათუმის მერიის პრესსამსახურის ცნობით, ბიუსტის ავტორია დავით ბოლქვაძე. წინასწარი ინფორმაციით სამუშაოები 15 ივნისამდე დასრულდება. ბიუსტისათვის ქალაქის ბიუჯეტიდან 65 ათასი ლარი დაიხარჯება.  

 

სელიმ ხიმშიაშვილის ძეგლის დადგმის მოთხოვნით ფეისბუქზე გვერდიც კი იყო შექმნილი – „აჭარას სჭირდება სელიმ ხიმშიაშვილის ძეგლი“, რომლის წევრებიც ძეგლის დადგმის მოთხოვნას უერთდებოდნენ. 

3 ივნისს აჭარაში „სელიმობა“ აღინიშნება, სახალხო დღესასწაული, რომელსაც ტრადიციულად ხულოში აღნიშნავენ.