“მონაწილე მხატვრების ერთმანეთთან და ეზოს მაცხოვრებლებთან თანამშრომლობით შეიქმნება ინდივიდულაური და ერთობლივი ნამუშევრები, რომელთა ინსპირაციის წყარო ეზოს და მისი მობინადრეების კულტურული მემკვიდრეობა, პერსონალური ისტორიები, საყოფაცხოვრებო ინფრატრუქტურა, ძველი ბათუმის ეზოების არქიტექტურული თავისებურებები და ყოველდღიური ცხოვრების დინამიკა იქნება,” – ნათქვამია ორგანიზატორების მიერ გამოქვეყნებულ კონკურსის შესახებ ინფორმაციაში.
პროექტის მონაწილეებს დაუფინანსებათ მგზავრობა (საქართველოში), საცხოვრებელი, ნამუშევრის წარმოება, დღიური თანხა და ჰონორარი.
საკონკურსო პორტფოლიოების (PDF) მიღების ბოლო ვადა 2015 წლის 15 ივნისია. კონკურსანტებმა განაცხადი ელ-ფოსტაზე – info@backyardstories.ge უნდა გააგზავნონ. ინფორმაცია შერჩეული მონაწილეების შესახებ კი 20 ივნისს გამოქვეყნდება.
წელს “ბათუმის ეზოს ამბები” 18 ივლისიდან 8 აგვისტომდე პერიოდში ჩატარდება. პროექტი აჭარის განათლების, კულტურისა და სპორტის სამინისტროს მხარდაჭერით ხორციელდება.
