ამ მსვლელობას, შესაძლოა, ბათუმის მერიც შეუერთდეს.
„ვერ გეტყვით რომ დიდი ველოსიპედისტი ვარ, მაგრამ სურვილი მაქვს და რამდენად მექნება შესაძლებლობა [შევუერთდე ველოსიპედისტების მოძრაობას], შევხედავ“ – განაცხადა „ბათუმელებთან“ ქალაქის მერმა გიორგი ერმაკოვმა.
გადაადგილებისთვის რა ტრანსპორტს ანიჭებთ უპირატესობას?
ფეხით სიარული მიყვარს და ფეხით სიარულს ვანიჭებ უპირატესობას. უფრო მეტ ხარვეზსაც ვხედავ, რასაც კაბინეტიდან ვერ დაინახავ, მანქანიდან ვერ დაინახავ, ასე რომ დიდი მოყვარული მანქანის არ ვარ.
თუ შეგიმჩნევიათ რამდენად უსაფრთხოა ველოსიპედით გადაადგილება ბათუმში?
ხარვეზებსაც ვხედავ, ზოგჯერ იმ ხარვეზებსაც, რაც არის ტროტურზე, კეთილმოწყობაში, ამიტომ ვანიჭებ უპირატესობას ფეხით სიარულს და მერე ვცდილობ, როგორც ქალაქის მერმა, ყველა ზომა მივიღო, ჩემი უფლებამოსილების ფარგლებში გამოვასწორო.
…უსაფრთხო მოძრაობაზე რა მოგახსენოთ, საპატრულო პოლიციის ან სხვა დანაყოფის საქმიანობა ცალკეა განსაზღვრული ჩემი ცალკეა, ჩემთვის მთავარია ველობილიკები მოეწყოს ნორმალურად იქ სადაც არ არის.
სამომავლოდ სად იგეგმება ველობილიკებისა და ტერმინალების მოწყობა?
ინფრასტრუქტურული პროექტების განხორციელების დროს, სადაც შესაძლებლობა გვექნება ვცდილობთ ველობილიკების არსებობა გავითვალისწინოთ. როცა დავიწყებთ სარეაბილიტაციო სამუშაოებს ჭაობის, ბონი-გარადოკის, ბენზე-ბარცხანის, თამარის დასახლებაში – ყველაგან სადაც მიწისქვეშა სამუშაოებს დავამთავრებთ და გზების და ტროტუარების კეთილმოწყობას დავიწყებთ აუცილებლად გავითვალისწინებთ.
