მოზარდთა ფსიქიკური ჯანმრთელობა და სახელმწიფო

„პირველად პრობლემა ათი წლის ასაკში შეექმნა. თანაკლასელებთან ვეღარ ურთიერთობდა. ერთი მასწავლებელი ამოიჩემა და სთხოვდა, ჩემი დედა იყავიო, ჩემთან ურთიერთობა არ უნდოდა. სახლიდან გაიქცა და ჰქონდა სუიციდის მცდელობები,“ –  გვეუბნება 14 წლის გოგონას დედა, რომელიც გამოსავალს ეძებს. სისტემა, რომელიც მოზარდის ფსიქიკურ პრობლემებზე სრულფასოვნად იმუშავებს, ქვეყანას არ გააჩნია.  „ხავსს ვარ ჩაჭიდებული, იქნებ ჩემი შვილი გადავარჩინო, მაგრამ გადავარჩენ კი?“ –  კითხულობს მოზარდის დედა.

ქცევითი და ემოციური შერეული აშლილობები [F92] – ეს დიაგნოზი 14 წლის ნინოს [სახელი შეცვლილია] თბილისში, ნევროლოგიისა და ნეიროფსიქოლოგიის ინსტიტუტში ფსიქიატრმა დაუსვა.

დედის მონათხრობის მიხედვით, გოგონას ფსიქოლოგიური პრობლემები გარდატეხის ასაკში კიდევ უფრო გაურთულდა. დედამ შვილი თავდაპირველად ფსიქოლოგთან მიიყვანა, თუმცა დღეს ამბობს, რომ მკურნალობამ სასიკეთო შედეგი არ გამოიღო.

„ვფიქრობ, რომ არაეფექტურია მისი მიდგომები, რადგან მკურნალობის დაწყების შემდეგ ბავშვმა სკოლა მიატოვა, ვერც სულიერი სიმშვიდის მოპოვებაში დაეხმარა წამლები. ფსიქოლოგის მიმართ კი მიჯაჭულობა განუვითარდა და მის გარეშე ვეღარ ძლებდა, დედაჩემიაო – ამბობდა“.

ნინოს დედა ამბობს, რომ გოგონას ქცევას ფსიქოლოგები ვერ მართავენ, რის გამოც ხშირად უწევს ახალი სპეციალისტების მოძებნა. „ერთი-ორი სეანსის შემდეგ სხვასთან გვამისამართებენ, მასთან ურთიერთობა ყველას უჭირს.“

მას შემდეგ, რაც პრობლემის წინაშე მარტო დარჩა, დედამ დასახმარებლად საქველმოქმედო ორგანიზაცია „იალქანის“  ხელმძღვანელს მიმართა, რომელმაც საქმეში სოციალური მუშაკი ჩართო.  „სოციალური მომსახურების სააგენტოს იმ მიზნით დავუკავშირდი, რომ დედას სპეციალისტის მოძიებაში დახმარებოდნენ. სააგენტოს მიმართვის საფუძველზე ჩვენ მოზარდი გადავიყვანეთ თბილისში, თემქაზე #5  საავადმყოფოს ბავშვთა ფსიქიატრიულ  განყოფილებაში. იქ გვითხრეს, რომ მოზარდს ჰქონდა შიზოფრენიის საწყისი ფორმა, მაგრამ  მხოლოდ ათი დღე გააჩერეს.“

აქედან თვენახევრის შემდეგ, როგორც დედა და „იალქანის“  ხელმძღვანელი თიკო აბაშიძე გვეუბნება, გოგონა ნევროლოგიისა და ნეიროფსიქოლოგიის ინსტიტუტში წაიყვანეს. სადაც დაუსვეს დიაგნოზი. „ფსიქიატრმა გვითხრა, რომ დაგვიანებული მკურნალობის გამო დაავადება უკვე საბოლოოდ ჩამოყალიბებულია და მისი მართვა მხოლოდ მკურნალობითაა შესაძლებელი,“- ამბობს თიკო აბაშიძე.

დედის თქმით, სიტუაციას ისიც ართულებს, რომ გოგონა წამლების მიღებაზე უარს ამბობს. „რადგან ბავშვი არ მემორჩილება და ჩემ მიმართ აქვს აგრესია, იყო საუბარი იმაზეც, რომ ბავშვი მინდობით აღზრდაში, სხვა ოჯახში გადაეცათ, თუმცა მე ამის წინააღმდეგ წავედი. სხვის ოჯახში რომ რაიმე მოსვლოდა ჩემს შვილს, ვინ იქნებოდა პასუხისმგებელი? მე დედა ვარ და ძვლივს ვთოკავ თავს და უცხო ოჯახი როგორ გაუგებს…

ბავშვზე ზეწოლა არ შეიძლება, ვერ უყვირებ, ვერ აიძულებ. რა გავაკეთო, როგორ გავაგებინო რომ წამლების დალევა განაგრძოს,“ – გვეუბნება დედა. მისი თქმით, მოზარდი ვერ ეგუება წინააღმდეგობას.

„მე და ჩემი შვილი ყოველდღე ვეძებთ გამოსავალს. ცოტა ხნის წინ ჩემმა შვილმა ფეისბუკზე გაიცნო ერთი თბილისელი ფსიქოლოგი და იმასთან გვინდა შეხვედრა. ფაქტობრივად, ხავსს ვეჭიდები,“-  ამბობს ნინოს დედა.

ნინო ორი წლის განმავლობაში სკოლაში არ დადიოდა, თუმცა გამოცდების ექსტერნად ჩაბარება შეძლო და მეცხრე კლასში გადავიდა. ექიმს, რომელიც მის დამხარებას შეძლებს, ნინო თავადაც ეძებს.

„ცუდად ხდებოდა, ამიტომ იშვიათად დადიოდა სკოლაში. ერთხელ სკოლიდან გამოვიდა და თბილისში წავიდა ფსიქიატრის მოსაძებნად. ექვს საათამდე ჩემი შვილის ჩანთა კლასში იდო და არავინ მოიკითხა სად იყო ბავშვი, მათ შორის არც მანდატურის სამსახურმა. სად არ ვეძებე ჩემი შვილი გამწარებულმა“ –  გვიყვება დედა. მისი თქმით, ერთადერთი, რაც სკოლამ მოზარდის დასახმარებლად გააკეთა, ის იყო, რომ მანდატურის სამსახურთან არსებულ ფსიქოლოგიურ ცენტრში სიარული შესთავაზა. თუმცა ეს წინადადება ოჯახმა არ მიიღო. „ჩემს შვილს მხოლოდ ფსიქოლოგი ვერ დაეხმარება, პროფესიონალი ფსიქიატრიც სჭირდება. თანმიმდევრული, ზუსტი მკურნალობაა აუცილებელი, რადგან დაავადება პროგრესირებს და ამას ჩემი შვილიც განიცდის“.

ფსიქიატრთა ასოციაციის თავმჯდომარე, ეკა ჭყონია  გვეუბნება, რომ ბავშვთა და მოზარდთა ფსიქიატრია ქვეყანაში მძიმე მდგომარეობაშია. ამ მიმართულებით სახელმწიფო პროგრამები არ არსებობდა, მხოლოდ წელს შეიტანეს სახელმწიფო პროგრამაში ფსიქიატრია და ისიც მხოლოდ ბავშვთა ფსიქიატრიის მიმართულებით. „მოზარდთა ფსიქიატრიაში ეს ნაბიჯი ჯერ გადადგმული არ არის, რადგან აქ ძალიან დიდი მნიშვნელობა ენიჭება მულტიდისციპლინურ მუშაობას, რომელიც გულისხმობს რამდენიმე კვალიფიციური სპეციალისტის, მათ შორის თერაპევტების, ფსიქოთერაპევტების შეთანხმებულ მუშაობას. მოზარდის ფსიქოლოგიური პრობლემების შემთხვევაში დიაგნოზის დასმა კომისიურად უნდა მოხდეს და მკურნალობაც სრულფასოვანი იყოს.“

ეკა ჭყონია, რომელიც ამავე დროს ფსიქოთერაპევტიცაა, გვეუბნება, რომ მოზარდთა ფსიქიატრიაში მულტიდისციპლინური მიდგომები არ არის.

„აქ არის ასაკობრივი კრიზისი, სოციალური პრობლემები და სხვადასხვა ფსიქოლოგიური პრობლემა –  იქნება ეს მშობელთან ურთიერთობა, სქესთან იდენტიფიცირების თუ სხვა ტიპის საკითხები, რომელთა დაშრევება ხდება და სწორედ ამისთვის არის საჭირო შესაბამისი, სპეციფიკური ცოდნა საჭირო.  პრობლემა იმაშია, რომ საქართველოში ფსიქოთერაპევტი არ არის რეგულირებადი პროფესია, ამიტომ ადამიანი, რომელიც ფსიქოლოგიას ამთავრებს, ის არ არის სპეციფიკურად მოზარდთა ფსიქოთერაპევტი. ამ მიმართულების სპეციალისტების დეფიციტია დღეს ქვეყანაში“.

ის, რომ მოზარდთა ფსიქიატრიული დაავადებების სამკურნალოდ ქვეყანაში არ არსებობს ერთიანი სისტემა და დაწესებულებებში არ მიმდინარეობს მულტიდისციპლინარული მუშაობა, ამის თაობაზე საუბრობს საქართველოს სახალხო დამცველიც თავის ანგარიშშიც, რომელიც გასულ წელს გამოქვეყნდა.

სახალხო დამცველი მიიჩნევს, რომ ბავშვებსა და მოზარდებს ესაჭიროებათ სტაბილურობა და ზრუნვის უწყვეტობა, რასაც დღეს ვერ სთავაზობს მათ სახელმწიფო.

ამავე ანგარიშის მიხედვით, ფარმაკოთერაპიის გარდა #5 საავადმყოფოში ბავშვთა ფსიქიატრიული განყოფილება ვერ სთავაზობს პაციენტს სხვა ტიპის დახმარებას, „მაშინ, როდესაც ფსიქო-სოციალური ჩარევების, კორექციისა და აბილიტაცია-რეაბილიტაციის არარსებობა ახანგრძლივებს და ართულებს გამოჯანმრთელების პროცესს და ზრდის დაწესებულებაში დიდი ხნით დაყოვნების საფრთხეს“.

გარდა იმისა, რომ სახელმწიფო მოზარდებს  სრულფასოვან ფსიქოთერაპიულ მკურნალობას ვერ სთავაზობს, ბავშვთა ფსიქოლოგიური სარეაბილიტაციო ოთახიც კი ვერ აკმაყოფილებს აბილიტაცია-რეაბილიტაციის  თანამედროვე სტანდარტებს. „ოთახში არ დგას მაგიდა, სკამები, მხოლოდ პლასტმასის სასრიალო და პატარა სახლია, გასაშლელი დივანი და მრგვალი პუფები, რაც მხოლოდ წინასასკოლო ასაკის ბავშვებისთვის არის გათვალისწინებული“.

სახალხო დამცველი სხვა ტიპის დარღვევებზეც ამახვილებს ყურადღებას: „ბავშვთა სამედიცინო დოკუმენტაციის დათვალიერებისას დადგინდა რომ, არც ერთ სამედიცინო ბარათში არ დევს ფსიქოლოგის კონსულტაციის ფურცელი“.

ანგარიშის მიხედვით, ბავშვთა განყოფილებაში მიმდინარე თერაპიული პროცესი არ შეესაბამება ჩარევის საერთაშორისო გაიდლაინებს, ასამაღლებელია პერსონალის კომპეტენცია.

„სპეციალური ჯგუფი შეშფოთებულია არასრულწლოვანი პაციენტების მოზრდილთა სტაციონარში მოთავსების ფაქტით და რეკომენდაციას აძლევს დაწესებულებების პერსონალს, რომ არ დაუშვან ასეთი პრაქტიკა“.

სახალხო დამცველი რეკომენდაციით მიმართავს საქართველოს ჯანდაცვის სამინისტროს, ყველა ზომა მიიღოს მოზარდთა ფსიქიკური აშლილობების ეფექტურად მართვის მიზნით და ზოგადი პროფილის საავადმყოფოებში შეიქმნას 16-იდან 18 წლამდე მოზარდთა ფსიქიკური ჯანმრთელობის განყოფილებები გეოგრაფიული ხელმისაწვდომობის გათვალისწინებით.

ანგარიშის მომზადების დროს ბავშვთა ფსიქიატრიულ განყოფილებაში რვა, 1-იდან 16 წლამდე პაციენტი იმყოფებოდა. „უმეტესობა, მცირე საოჯახო ტიპის ბავშვთა სახლის აღსაზრდელია“.

გაითვალისწინა თუ არა ჯანდაცვის სამინისტრომ სახალხო დამცველის რეკომენდაციები და რა შეიცვალა ამ შენიშვნებიდან ერთი წლის შემდეგ მოზარდთა ფსიქიკური ჯანმრთელობის სერვისების გასაუმჯობესებლად?, – ამ კითხვაზე ჯანდაცვის სამინისტროში პასუხი არ აქვთ. „ჯანდაცვის დეპარტამენტის უფროსი უცხოეთში მივლინებაში იმყოფება, სხვა პირი, ვინც მოზარდთა ფსიქიკური პრობლემების დაძლევის პოლიტიკაზე ისაუბრებს, სამინისტროში არ არის“ – გვითხრეს პრესსამსახურში.

დროულად იზრუნეთ მხედველობაზე

ბათუმის საერთაშორისო ჰოსპიტალში ოფთალმოლოგიის მიმართულების განვითარებას განსაკუთრებული ყურადღება ექცევა. თუ თქვენ მხედველობის პრობლემა გაწუხებთ, მიმართეთ ჰოსპიტალს, სადაც თქვენზე პროფესიონალები იზრუნებენ. ბათუმის საერთაშორისო ჰოსპიტალში ოფთალმოგოლიური სერვისების, უფასო აქციებისა და სიახლეების შესახებ ჰოსპიტლის ექიმმა, თამარ გოგიტიძემ ისაუბრა.

თამარ გოგიტიძე, ექიმი ოფთალმოლოგი

ბათუმის საერთაშორისო ჰოსპიტალი იწყებს სოციალურ აქციას. ჰოსპიტალი ოფთალმოლოგის უფასო სამედიცინო კონსულტაციასა და გამოკვლევებს სთავაზობს 60 წელს გადაცილებულ და შაქრიანი დიაბეტით დაავადებულ ნებისმიერი ასაკის ადამიანს.

სამიზნე ჯგუფი არ არის შემთხვევით შერჩეული. ოფთალმოლოგიური დაავადებები ხშირად ხანშიშესულ ადამიანებს აწუხებთ, როცა აუცილებელი ხდება არა მარტო ოფთალმოლოგთან ვიზიტი, არამედ მაღალტექნოლოგიური აპარატურით გასინჯვაც, რითაც დღეს ბევრი კლინიკა ვერ არის უზრუნველყოფილი. მინდა გითხრათ, რომ ოფთალმოლოგიური კვლევები ბათუმის საერთაშორისო ჰოსპიტალში ტარდება უახლესი, თანამედროვე აპარატურის გამოყენებით.

ასევე, საყურადღებოა შაქრიანი დიაბეტით დაავადებულთა სკრინინგის აუცილებლობა ნებისმიერ ასაკში, ეს იქნება პირველი თუ მეორე ტიპის შაქრიანი დიაბეტი. როგორც წესი, დიაბეტური რეტინოპათიის ანუ თვალის ბადურის გარსის დაზიანება არ არის პირდაპირ კავშირში მხედველობის სიმახვილესთან და დიაბეტის განვითარების ხანგრძლივობასთან. ასეთ დროს პაციენტი არ უჩივის მხედველობას, მაგრამ დიაბეტური რეტინოპათიის კლინიკური სურათი სახეზეა. ასეთი შემთხვევა ბევრჯერ გვქონია პრაქტიკაში, ამიტომაც პროფილაქტიკური გასინჯვა აუცილებელია, მიუხედავად იმისა, პაციენტი უჩივის თუ არა მხედველობას. ყველაზე ხშირად ბათუმის საერთაშორისო ჰოსპიტლის ოფთალმოლოგიურ განყოფილებას პაციენტები სწორედ შაქრიანი დიაბეტის შედეგად დაზიანებული მხედველობის პრობლემებით მომართავენ, ეს ხშირად უკვე შორს წასული ფორმებია, ამიტომ არის აუცილებელი პროფილაქტიკური გასინჯვა მხედველობის შესანარჩუნებლად.

ბოლო წელია გასინჯვის ახალი მეთოდი დამკვიდრდა. პაციენტი აუცილებლად უნდა გაისინჯოს გაფართოებულ გუგაზე, არაპირდაპირი ოფთალმოსკოპიით, კონტაქტური ან არაკონტაქტური ლინზის მეშვეობით. გასინჯვის ეს მეთოდი – არაპირდაპირი ოფთალმოსკოპია – ბოლო ხანია დამკვიდრდა მედიცინაში და ამ მეთოდს ექიმის სპეციალური უნარ-ჩვევა სჭირდება. შაქრიანი დიაბეტის დროს ჩვეულებრივი ოფთალმოსკოპით შეიძლება გამოგეპაროს პრობლემა, ვერ დასვა დიაგნოზი, მაგრამ ამ მეთოდით გასინჯვის შემთხვევაში ცდომილება გამორიცხულია.
თუ გასინჯვის შედეგად საჭირო გახდება ჩარევა, ეს იქნება თვალშიდა ინექციები, ლაზერული თუ ოპერაციული მკურნალობა.

ჩვენს კლინიკაში მოქმედებს ყველა სახის, კერძო და სახელმწიფო დაზღვევა. ოპერაციული მკურნალობა ტარდება თანამედროვე, ცნობილი ამერიკული ბრენდების მიერ წარმოებული აპარატურით, მსოფლიო გაიდლაინებით და ამერიკის სურსათის და მედიკამენტების ადმინისტრაციის, FDA-ს მიერ აღიარებული თვალშიდა ინექციებით.

სიახლეა ისიც, რომ ჩვენს კლინიკაში რეგულარულად ატარებს ოპერაციებს ოფთალმოლოგიური ცენტრის ხელმძღვანელი, ცნობილი ოფთალმოლოგი მიშა ომიაძე. მას აქვს მრავალწლიანი გამოცდილება, აკეთებს ოპერაციებს ანესთეზიის გარეშე, მხოლოდ წვეთებით, ჰყავს ბევრი პაციენტი აჭარიდანაც და ასეთი დონის სპეციალისტი უკვე ბათუმშიც, ჩვენს ჰოსპიტალში მოემსახურება პაციენტებს.

ბათუმის საერთაშორისო ჰოსპიტალში ასევე არის იაგ-ლაზერი, რომლითაც ხდება მეორადი კატარაქტების მკურნალობა. მოგეხსენებათ, კატარაქტის ოპერაციის შემდეგ ხშირად ვითარდება უკანა კაფსულის შემღვრევა, რაც გამოწვეულია ან უხარისხო ლინზის ინპლანტირებით, ან სხვადასხვა მიზეზების გამო. ამ შემთხვევაში ხდება უკანა კაფსულის ლაზერით გაწმენდა და პაციენტი ისევე კარგად ხედავს, როგორც პირველად, ოპერაციის შემდგომ. ჩვენთან ეს პროცესი დაახლოებით ერთი წუთის მანძილზე მიმდინარეობს, ანესთეზიის გარეშე და არის სრულიად უმტკივნეულო და უსაფრთხო.

ჩვენი მიზანია, რომ მაღალი დონის, პროფესიონალური, თანამედროვე ტექნოლოგიებზე დაფუძნებული ოფთალმოლოგიური სერვისი მივაწოდოთ ყველა პაციენტს, ვისაც ეს სჭირდება და ასევე, გავზარდოთ მოსახლეობაში ოფთალმოლოგიური დაავადებების შესახებ ცოდნის დონე.

საზღვარგარეთ მოსახლეობის ინფორმირებულობა იმ დაავადების შესახებ, რაც მათ აწუხებთ, გაცილებით მაღალია, ვიდრე ჩვენთან. არ ვიცი, ჩვენს ქვეყანაში ეს ექიმის და პაციენტის ურთიერთობის ნაკლია თუ რაიმე სხვა მიზეზი არსებობს, მაგრამ ჩვენ სურვილი გვაქვს, ეს სიტუაცია გამოსწორდეს, რადგან ექიმისა და პაციენტის ურთიერთობა ყოველთვის წარმატებული მკურნალობის საწინდარია.

ბათუმის საერთაშორისო ჰოსპიტალი გისურვებთ ჯანმრთელობას!

ჰოსპიტლის ლოგომისამართი: ბათუმი, გენერალ
ასლან აბაშიძის ქუჩა #14
ტელეფონი: 0422 21 33 33
ელფოსტა: info@bih.ge;
ვებგვერდი:www.bih.ge

მოქალაქეს პოლიციის შენობაში ნეკნი ჩაუმტვრიეს

„…გულმკერდის მარჯვნივ აღენიშნება მე-8 ნეკნის მოტეხილობა. მოყვანილია პოლიციის თანხლებით, უჩივის ტკივილს მარჯვენა გვერდში, რომელიც ძლიერდება მოძრაობის დროს. პაციენტის გადმოცემით, ის სცემეს…“ – ეს ბათუმის რეფერალური საავადმყოფოს მიერ გაცემულ ჯანმრთელობის ცნობაში წერია. ცნობა ირაკლი ქაჯაიას მისცეს, რომელიც საავადმყოფოში პირდაპირ პოლიციის განყოფილებიდან მიიყვანეს. პოლიციაში რომ ირაკლი ქაჯაია ჯანმრთელი შეიყვანეს, ეს პოლიციელების მიერ გაფორმებული ოქმით დასტურდება. ირაკლი ქაჯაიას 31 ივლისს 7 დღით ადმინისტრაციული პატიმრობა შეუფარდა მოსამართლე სალიხ შაინიძემ. შემთხვევას სწავლობს სახალხო დამცველის აპარატი და „ახალგაზრდა იურისტთა ასოციაცია“.

23 წლის ირაკლი ქაჯაია 26 ივლისს, დილის ოთხის ნახევარზე დააკავეს ბულვარში, ერთ-ერთ ღამის კლუბთან. მას გამოძიება წვრილმან ხულიგნობას და პოლიციელებისთვის წინააღმდეგობის გაწევას ედავება.

დაკავებული პოლიციის მე-6 განყოფილების შენობაში უბნის ინსპექტორ-გამომძიებელს, ავთანდილ ბერულავას მიუყვანია.

პოლიციის მეექვსე განყოფილება ბათუმში
პოლიციის მეექვსე განყოფილება ბათუმში

დაკავების ოქმში აღნიშნულია, რომ ვიზუალური დათვალიერებით დაკავებულს რაიმე სახის ფიზიკური დაზიანება არ აღენიშნებოდა.
გათენებამდე, ზუსტად დილის 5 საათზე, ირაკლი ქაჯაია პოლიციის შენობიდან პოლიციელების თანხლებით რეფერალურ საავადმყოფოში გადაიყვანეს. საავადმყოფოში თქვეს და ოფიციალურადაც აღნიშნეს, რომ დაკავებულს ჩამტვრეული ჰქონდა ნეკნი და გახეთქილი ჰქონდა წარბი. გრაფაში „ავადმყოფობის მიმდინარეობა“ მინიშნებულია – „მწვავე“.

სამედიცინო დასკვნა, რითაც დასტურდება, რომ ირაკლი ქაჯაიას ნეკნი აქვს გატეხილი
სამედიცინო დასკვნა, რითაც დასტურდება, რომ ირაკლი ქაჯაიას ნეკნი აქვს გატეხილი

პოლიციის შენობიდან საავადმყოფოში დაკავებულის გადაყვანამდე პოლიციელებმა ოქმში ჩაწერეს: „დაკავებულმა პოლიციის ადმინისტრაციის შენობაში თავისით იატაკს დაარტყა თავი და მიიღო დაზიანება წარბის არეში. მან ოქმისთვის ხელის მოწერაზე უარი განაცხადა…~ ოქმში არაფერია ნათქვამი ჩამტვრეული ნეკნის შესახებ. საავადმყოფოს მიერ გაცემული დოკუმენტაციის მიხედვით, ირაკლი ქაჯაიას ჩაუტარდა დიაგნოსტიკური კვლევები, გულმკერდის რენტგენოგრაფია და კლინიკიდან იგი დილის 6 საათსა და 20 წუთზე გაწერეს.

კლინიკიდან გამოწერილი ქაჯაია 07:08 საათზე დროებითი მოთავსების იზოლატორში გადაიყვანეს. აქ შევსებულ ოქმში აღნიშნულია, რომ დაკავებულ ირაკლი ქაჯაიას დათვალიერების დროს აღენიშნებოდა დაზიანებები და დაკავებულის თქმით, მას ეს დაზიანებები პოლიციის მე-6 განყოფილების შენობაში პოლიციელებმა მიაყენეს. ოქმს ხელს აჭარის და გურიის რეგიონული დროებითი მოთავსების იზოლატორის ინსპექტორი, რამინ ხიმშიაშვილი აწერს. მას ოქმშივე აღნიშნული აქვს, რომ დაკავებულის პრეტენზიის შესახებ აცნობა იზოლატორის ზედამხედველ პროკურორს, მიქაელ ქობულაძეს.

„ჩვენ ყოველთვის ვახდენთ მყისიერ რეაგირებას. ამ შემთხვევაში, რა მოხდა, დაგირეკავთ ცოტა ხანში და გეტყვით,“ – უთხრა „ბათუმელებს“ პროკურორმა მიქაელ ქობულაძემ. მოგვიანებით პროკურორმა გვითხრა, რომ ეს საქმე მას არ აწერია და არც ის იცის, დაიწყო თუ არა გამოძიება: „თუკი იკვეთებოდა დანაშაულის ნიშნები, სავარაუდოდ დაიწყებოდა გამოძიება, ზუსტად არ ვიცი“, – გვითხრა მიქაელ ქობულაძემ.

დაწყებულია თუ არა გამოძიება პოლიციელების წინააღმდეგ, ან დაინტერესდა თუ არა ამ შემთხვევით გენერალური ინსპექცია? – ამაზე შინაგან საქმეთა სამინისტრომ ინფორმაცია არ მოგვაწოდა.

ირაკლი ქაჯაიას დედა, ნინო დუმბაძე „ბათუმელებს“ კვირას ესაუბრა, მას შემდეგ, როცა სასამართლომ გადაწყვეტილება მიიღო: „მანამდე თავი შევიკავე, როგორც თქვენთან, ასევე საიასთან კომუნიკაციაზე, რომელსაც 26 ივლისს დახმარება ვთხოვე. ოჯახის ახლობელმა პოლიციელმა გვნახა და გვირჩია, საჯარო განცხადებებისგან თავი შეგვეკავებინა. მიმანიშნა, რომ მყავდა მეორე ბიჭიც…“ – გვიყვება ირაკლი ქაჯაიას დედა.

ნინო დუმბაძემ „ბათუმელებს“ ახლობელი პოლიციელის ვინაობა არ გაუმხილა. მან გვითხრა ისიც, რომ ოჯახში იმყოფებოდნენ შსს-ს გენერალური ინსპექციის წარმომადგენლები, რომლებიც ირაკლისაც გაესაუბრნენ. ნინო დუმბაძე ამბობს, რომ მას ჯერ-ჯერობით ინფორმაცია არ მიუღია გამოძიების დაწყების შესახებ. „26 ივლისიდან ირაკლი თავის ტვინის შერყევით იწვა და ექიმმა გვირჩია, არ იმოძრაოსო. სასამართლო დარბაზიდან იგი პირდაპირ დროებითი მოთავსების იზოლატორში გადაიყვანეს, სადაც არ ვიცი, რა სამედიცინო დახმარებას გაუწევენ,“ – ამბობს ნინო დუმბაძე.

ირაკლი ქაჯაიას სასამართლო პროცესმა ისე ჩაიარა, რომ მას ადვოკატიც კი არ დასწრებია. ირაკლი ქაჯაიას დედა ამბობს, რომ ეს მისი სტრატეგია იყო, რომელიც ახლობელი პოლიციელის რჩევით მიიღო და ახლა ძალიან ნანობს, რომ სასამართლო პროცესის შესახებ საიას და ჟურნალისტებს არ აცნობა.

დროებითი მოთავსების იზოლატორში ირაკლი ქაჯაია, სადაც მან ადმინისტრაციული პატიმრობა უნდა მოიხადოს, მოინახულა სახალხო დამცველის რეგიონული დეპარტამენტის აჭარის სამართველოს უფროსმა, ციალა ქათამიძემ. მისი თქმით, ქაჯაიას ტკივილგამაყუჩებელი გაუკეთეს.

„ახალგაზრდა იურისტთა ასოციაციის“ იურისტი პაატა დიასამიძე კი ამბობს, რომ თუკი იზოლატორი საჭირო სამედიცინო მომსახურებას ვერ უზრუნველყოფს, მაშინ ქაჯაია საავადმყოფოში უნდა გადაიყვანონ. ორგანიზაცია ირაკლი ქაჯაიას ინტერესებს დაიცავს.

ორგანიზაციის იურისტმა, პაატა დიასამიძემ 26 ივლისს საკუთარი თვალით ნახა ფეხსაცმლის კვალი ირაკლი ქაჯაიას პერანგის იმ ნაწილზე, სადაც მას ნეკნი ჰქონდა ჩამტვრეული:

ირაკლი ქაჯაია
ირაკლი ქაჯაია

„ვნახე, მაგრამ ექსპერტიზამ უნდა დაადასტუროს, რა ხარისხის დაზიანებები აქვს მას მიყენებული და რა საგნის ზემოქმედების შედეგად. გამოძიების კომპეტენციაა ამის სამართლებრივი შეფასება და კვალიფიკაციის მინიჭება. პოლიციის შიდა ბრძანებების მიხედვით, პოლიციის განყოფილებაში მოთავსების დროს უნდა ხდებოდეს ადამიანის ვიზუალური დათვალიერება და თუ აღენიშნება რაიმე დაზიანება, უნდა გამოიძახონ პროფესიონალი. ამ შემთხვევაში, დაკავებული პირდაპირ პოლიციის განყოფილების შენობიდან გადაიყვანეს საავადმყოფოში. თუ პოლიციელებმა გადაამეტეს საკუთარ უფლებამოსილებას, მაშინ ზოგადი წესით უნდა დადგეს მათი პასუხისმგებლობის საკითხი. უნდა დაიკითხონ ის პირები, ვინც ამ დროს იმყოფებოდნენ პოლიციის განყოფილებაში, შემდეგ უნდა ჩატარდეს ამოცნობა. ქაჯაიამ არ იცის იმ პოლიციელების ვინაობა, ვინც მისი თქმით, ფიზიკურად გაუსწორდა, მაგრამ ამბობს, რომ მათი ამოცნობა შეუძლია. თუკი ამ შემთხვევაზე გამოძიება დაწყებული არ არის, ეს პირდაპირ კანონის დარღვევაა“ – ამბობს იურისტი.

ირაკლი ქაჯაიამ 26 ივლისს მიმართა სახალხო დამცველის აპარატსაც. რეგიონული დეპარტამენტის აჭარის სამმართველოს უფროსი ციალა ქათამიძე ამბობს, რომ ვიზუალური დათვალიერებით აშკარად აღენიშნებოდა ქაჯაიას ფიზიკური დაზიანებები. ომბუდსმენის აპარატმა აღნიშნული საქმის წარმოება უკვე დაიწყო: „ჩვენ ვეცდებით დავადგინოთ ამ დაზიანებების მიზეზები, დრო, ადგილი. ამას დავადგენთ დოკუმენტაციის მიხედვით, რაც საქმეში იქნება“, – ამბობს ციალა ქათამიძე.

„სამართლის მიმართ ნიჰილისტური დამოკიდებულება“ – საიას იურისტი, პაატა დიასამიძე ამ შედეგს მოელის, თუკი პოლიციელების მხრიდან პოლიციის ადმინისტრაციულ შენობაში მოქალაქის ფიზიკური ანგარიშსწორება დადასტურდება: „ეს შეამცირებს ნდობას სამართალმდაცველების მიმართ და მოქალაქეებს აღარ ექნებათ სურვილი, მიმართონ პოლიციელებს. ეს სერიოზული რისკია“.

პოლიტიკური პარტიების ზეპირი საარჩევნო პროგრამა

არჩევნებამდე ორი თვეა დარჩენილი, პოლიტიკური სუბიექტები კი თავიანთ პრიორიტეტებზე ჯერ მხოლოდ ზეპირად საუბრობენ. „პროგრამა იწერება და თვის ბოლომდე იქნება“ –  ასე გვიპასუხეს იმ პოლიტიკურმა პარტიებმა, რომლებიც აჭარის უმაღლესი საბჭოს და საპარლამენტო არჩევნებში მონაწილეობას გეგმავენ. ვის რა მიაჩნია მნიშვნელოვნად რეგიონის და ქვეყნის საკანონმდებლო ორგანოში მოხვედრის შემთხვევაში და რატომ ჰგავს პოლიტიკური პარტიების დაპირებები ერთმანეთს?

ერთადერთი პოლიტიკური პარტია აჭარაში, რომლისგანაც „ბათუმელებმა“  მთელი კვირის მანძილზე ვერ მიიღო პასუხი, მმართველი პარტიაა. „ქართული ოცნების“ ბათუმის ორგანიზაციის თავმჯდომარემ, ირაკლი ჭეიშვილმა პროგრამაზე სასაუბროდ ვერ მოიცალა და ვერც პარტიის სხვა წევრთან ვერ გადაგვამისამართა. რას ჰპირდება „ოცნება“  ამ არჩევნებზე მოსახლეობას და რა მთავარი გზავნილები აქვს პროგრამაში, ამ თემაზე საუბარი მმართველ პარტიასთან ვერ შედგა.

„თავისუფალი დემოკრატების“ პირველი ნომერი აჭარის უმაღლესი საბჭოს საარჩევნო სიაში, კობა ჩხეიძე მიიჩნევს, რომ პოლიტიკურ ველზე დღეს ის პოლიტიკური პარტიები უფრო ჩანან, რომლებიც აგრესიულ კამპანიას მიმართავენ. „ამას ემატება ისიც, რომ ცალკეული მედიასაშუალებები ძირითადად ორ პოლიტიკურ ძალაზე მუშაობენ, რომელსაც კეთილ ან ბოროტ ძალად წარმოაჩენენ. ჩვენ კი ველოდებით სატელევიზიო დებატებს, რომელიც რატომღაც არ იწყება,“ –  გვეუბნება ის.

კობა ჩხეიძის თქმით, „თავისუფალი დემოკრატები“ ამ არჩევნებზე მთავარ აქცენტს ეკონომიკაზე აკეთებენ.

„საკანონმდებლო საქმიანობის მეტი წილი საპარლამენტო საქმიანობაზე გვაქვს გათვლილი. მთავარი აქცენტი ეკონომიკაზე კეთდება, ძირითადად ესტონურ მოდელზეა საუბარი, საპენსიო ფონდის შექმნისა და მის მართვასთან დაკავშირებული საკითხები გვექნება წინ წამოწეული“.

კობა ჩხეიძე ამბობს, რომ სწორედ საპენსიო ფონდის სწორი მართვით და მასში აკუმულირებული თანხის მეშვეობით განხორციელდება ექვს თვეში ერთხელ პენსიის მომატება.

კითხვაზე, რამდენად ეფექტური იქნება საპენსიო ფონდის შექმნა იმ ვითარებაში, როცა მოსახლეობის დიდი ნაწილი დაუსაქმებელია, დასაქმებულები კი ხელფასს ვერ ზოგავენ, კობა ჩხეიძე პასუხობს, რომ გადახდა უნდა მოხდეს საათობრივად და მინიმალური ანაზღაურება ერთ საათში 3 ლარი უნდა გახდეს.

„თავისუფალი დემოკრატების“  ძირითადი გზავნილი რეგიონის მოსახლეობისთვის საკუთრების უფლებაა. „ადამიანებს, რომლებიც წლებია ცხოვრობენ ბინაში, მაგრამ ვერ ახერხებენ მის საკუთრებაში დარეგისტრირებას, ჩვენ ამის შესაძლებლობას მივცემთ. გარდა ამისა, უნდა განხორციელდეს მიწის რეფორმა, რომელსაც წლებია ელოდება აჭარის მოსახლეობა“.

„თავისუფალი დემოკრატები“, როგორც მათი წარმომადგენელი გვეუბნება, ბრძოლას აპირებს ბავშვთა სიღარიბის წინააღმდეგ, რისთვისაც სახელმწიფოს დამატებითი სოციალური პაკეტების შემუშავება მოუწევს.

„ახალი პოლიტიკური ცენტრი – გირჩის“ ოფისში საარჩევნო პროგრამა არ დევს, თუმცა აქ ამბობენ, რომ პარტიის მთავარი გზავნილები მათ ბუკლეტებშია. ამ ბუკლეტის მიხედვით, უნდა გაუქმდეს საშემოსავლო, მოგებისა და ქონების გადასახადი. სწრაფად გამდიდრების პუნქტში შეტანილია ეკონომიკური დანაშაულის დეკრიმინალიზაცია და კერძო არბიტრაჟის შემოღება. „ბათუმელების“  კითხვაზე, თუკი გაუქმდება ზემოთ ჩამოთვლილი სამი სახის გადასახადი, რა შემოსავლებით უნდა შეივსოს სახელმწიფო ბიუჯეტი? პარტიის წარმომადგენელი ბათუმში, ჯემალ ბერიძე გვეუბნება, რომ ბიუჯეტი ბიუროკრატიული აპარატის შემცირების ხარჯზე შეივსება.

„ჩვენი აზრით, სახელმწიფო აპარატი 40 პროცენტით უნდა შემცირდეს. ეს უნდა მოხდეს ახალი ხელისუფლების არჩევიდან ერთი წლის განმავლობაში, ამ ხნის მანძილზე აპარატში დასაქმებულ პირებს შესაძლებლობა ექნებათ გადაკვალიფიცირდნენ და ახალი სამუშაო მოძებნონ“.

თითქმის ყველა პარტია სოციალური ბინების მშენებლობაზე საუბრობს. მათ შორის „გირჩიც“. ჯემალ ბერიძე ასევე სახელმწიფო ქონებისა და წიაღისეულის კერძო საკუთრებაში გადაცემაზე ამახვილებს ყურადღებას. „ბათუმელების“  კითხვაზე, რა წიაღისეულს ფლობს დღეს სახელმწიფო, რომელიც კერძო საკუთრებაში უნდა გადავიდეს? ჯემალ ბერიძემ პაუზის შემდეგ უპასუხა: „ოქროს საბადო სახელმწიფოს საკუთრებაშია ხომ? კიდევ არის სოფლების დონეზე“.

სოციალურ პროექტებს რაც შეეხება, „გირჩი“  მიიჩნევს, რომ საყოველთაო დაზღვევის პაკეტით ყველა მოქალაქე არ უნდა სარგებლობდეს. „ოჯახის შემოსავლების მიხედვით უნდა მოხდეს სარგებლობა,“  – ამბობს ის. რეგიონში კი „გირჩი“  მთავარ პრიორიტეტად ქართული სავაჭრო ფლოტის აღდგენას მიიჩნევს.

„გვქონდა კონტაქტები სამხრეთ კორეის გემთმშენებელ ქარხანასთან, რომელიც სახელმწიფო გარანტიების შემთხვევაში რამდენიმე ტანკერს გაგვიკეთებს. ამით დასაქმდებიან მეზღვაურები და ეკონომიკაც გაძლიერდება“.

ჯემალ ბერიძის თქმით, მნიშვნელოვანია ინდუსტრიული ზონის შექმნაც, რომელიც ჭოროხისპირას უნდა გაშენდეს: „90 ჰექტარი არის ასათვისებელი, კომუნიკაციებია შესაყვანი, რომ გადაეცეს ბიზნესმენებს. ჩვენ ვფიქრობთ, აქ სამშენებლო მასალების ქარხნები უნდა გაკეთდეს“.

ჭოროხისპირზე ინდუსტრიული ზონის იდეაზე საუბრობენ „ნაციონალურ მოძრაობაშიც“. „ინდუსტრიული ზონის მშენებლობა ჩვენ დავიწყეთ და ამ ხელისუფლებამ გააჩერა,“  –  ამბობს „ნაციონალური მოძრაობის“  წევრი ბათუმის საკრებულოში, გიორგი კირთაძე.

„ნაციონალური მოძრაობა“, ისევე როგორც სხვა პარტიები, ამ არჩევნებზე მთავარ აქცენტს სოციალური სახლების მშენებლობაზე აკეთებენ. `საარჩევნო პროგრამა მალე დასრულდება და იქ ყველაფერი გვაქვს გათვლილი,“ –  გვეუბნება გიორგი კირთაძე. მათი გეგმის მიხედვით, სოციალური სახლები სახელმწიფო ბიუჯეტიდან უნდა აშენდეს, სულ 2 800 ბინა, რისთვისაც 120 მილიონი ლარი, ანუ აჭარის ბიუჯეტის ნახევარია საჭირო.

„პროგრამა ოთხ წელზეა გაწერილი, ეს ბინები ბარაკებში მცხოვრებ ოჯახებს და სტიქიის შედეგად დაზარალებულ მოსახლეობას უნდა გადაეცეს,“ –  ამბობს კირთაძე.

„ნაციონალური მოძრაობა“ ამ მიმართულებით მხოლოდ დაპირებას არ დასჯერდა და ინდივიდუალური ხელშეკრულებების გაფორმებაც დაიწყო მოსახლეობასთან, რაც არასამთავრობო ორგანიზაცია „საერთაშორისო გამჭვირვალობა  – საქართველომ“ ამომრჩევლის მოსყიდვის ნიშნად შეაფასა.

გარდა სოციალური სახლებისა, „ნაციონალები“ ამბობენ, რომ ამ საარჩევნოდ პროგრამაში შევა საკანონმდებლო ცვლილებებიც.  „კერძოდ, იქნება ლიბერალიზაცია საგადასახადო და ეკონომიკური დანაშაულის კუთხით. ცვლილებები გვაქვს დაგეგმილი სისხლის სამართლის კოდექსშიც, მათ შორის ნაფიც მსაჯულთა სისტემის გაფართოებასა და მოწმის დაკითხვის ინსტიტუტზე, ასევე, დაგეგმილი გვაქვს, გაუქმდეს წინასწარი პატიმრობა, რომელიც მხოლოდ მძიმე და განსაკუთრებით მძიმე დანაშაულის შემთხვევაში იქნება გამოყენებული,“  – ამბობს „ნაციონალური მოძრაობის“  წევრი პეტრე ზამბახიძე.

საქართველოს რესპუბლიკურ პარტიაში ამბობენ, რომ მათი საარჩევნო პროგრამა ახლა იწერება და დაახლოებით 10 დღეში მას სრული სახით წარუდგენენ ამომრჩევლებს.

მიუხედავად ამისა, „რესპუბლიკელები“ როგორც პარლამენტის, ასევე  უმაღლესი საბჭოს ამომრჩევლებისთვის პარტიის მთავარ გზავნილებს აჟღერებენ.

აჭარის უმაღლესი საბჭოს წევრი რესპუბლიკური პარტიიდან, გიორგი მასალკინი ამბობს, რომ 8 ოქტომბრის არჩევნებისთვის პარტიის პროგრამაში მთავარი აქცენტი მცირე და საშუალო ბიზნესის მაქსიმალურ ხელშეწყობაზე გაკეთდება: „ეს გააძლიერებს ზოგადად საზოგადოებას, რაც, თავის მხრივ, ხელს შეუწყობს სამოქალაქო საზოგადოების კიდევ უფრო გაძლიერებას… მეორე, რაც აუცილებლად უნდა გაკეთდეს, განათლების სისტემაში ძირეული ცვლილებებია და მესამე, ეს არის  ძალოვანი სტრუქტურების დეპოლიტიზება, რაც დღემდე ვერ მოხერხდა“.

საარჩევნო პროგრამა დასრულებული სახით არც „ბურჯანაძე – გაერთიანებული დემოკრატების“ ოფისში აქვთ. პარტიის წარმომადგენელი, გიორგი ცინცქილაძე გვეუბნება, რომ პროგრამა ორ კვირაში იქნება მზად. მისი თქმით, ძალაში რჩება ის პრიორიტეტები, რაც ნინო ბურჯანაძის პარტიას საპრეზიდენტო არჩევნებზე ჰქონდა დეკლარირებული.

„პირველი, ეს არის სამართლიანობის აღდგენა, თუ ეს არ მოხდა, არაფერი გამოვა,“ – გვეუბნება გიორგი ცინცქილაძე. სამართლიანობის აღდგენაში ცინცქილაძე იმ გამოუძიებელი საქმეების გამოძიებას გულისხმობს, რომელიც, მისი თქმით, `ხელისუფლებამ თაროზე შემოდო. მათ შორის როინ შავაძის საქმე“.

ბურჯანაძის პარტია, ისევე როგორც სხვები, მცირე და საშუალო ბიზნესის ხელშეწყობაზე და თავისუფალი ინდუსტრიული ბაზრის შექმნის აუცილებლობაზე ზეპირად, პროგრამის გარეშე საუბრობს.

„ამისთვის საჭიროა სახელმწიფომ დააფინანსოს პატარა საწარმოები ისე, როგორც ეს თურქეთში მოხდა თავის დროზე. უნდა დავიბრუნოთ რუსეთის ბაზარი და დავიწყოთ მოლაპარაკებები რუსეთთან და აფხაზეთთან,“ – გვეუბნება გიორგი ცინცქილაძე. თუმცა დასძენს, რომ ამ იდეების განხორციელება მხოლოდ ხელისუფლებაში უმრავლესობით მოსვლის შემთხვევაშია შესაძლებელი.

„ჩვენ გვაქვს ფრაქციები მუნიციპალიტეტების საკრებულოებში, ბათუმის საკრებულოშიც ვართ, მაგრამ ვერაფერს ვაკეთებთ. ვერც უმაღლეს საბჭოში გააკეთებ რაიმეს, თუ უმრავლესობით არ მოხვალ,“ –  ამბობს გიორგი ცინცქილაძე.

როგორც პარტია „პატრიოტთა ალიანსის“ წარმომადგენელი ბათუმში ირაკლი ბარამიძე გვეუბნება, საარჩევნო პროგრამა ამ დროისთვის არც მათ აქვთ დასრულებული – „ახლა ვადგენთ.“

ბარამიძის თქმით, პარტიის ძირითადი პრიორიტეტი სამართლიანობის აღდგენა იქნება: „ყველა ის ადამიანი ციხეში, ვინც დანაშაულს ჩადიოდა. რეგიონზე მთავარი აქცენტები გვექნება ავტონომიურობაზე, რომ გადაწყვეტილებები მივიღოთ დამოუკიდებლად და თბილისზე არ ვიყოთ დამოკიდებული, ავტონომიის გაძლიერება რომ მოხდეს“.

საარჩევნო პროგრამა  დასრულები სახით არც პაატა ბურჭულაძის პარტიაში აქვთ. „მოძრაობა – სახელმწიფო ხალხისთვის“  რეგიონალური შტაბის ხელმძღვანელი რაულ ფატლაძე ამბობს, რომ  პარტიის მთავარი პრიორიტეტი ლიბერალური საგადასახადო სისტემა იქნება.   „ეკონომიკური პლატფორმა ალბათ უფრო ესტონური, პრიბალტიკური დანარჩენზე ვმუშაობთ“-გვეუბნება ის.

„ბათუმელების“ კითხვაზე, რას შეცვლის ესპონური  მოდელი მოსახლეობის სოციალური თვალსაზრისით?  პარტიის წარმომადგენელი ამბობს, რომ   დეტალებზე  მუშაობენ.

პარტიის წარმომადგენლის ნაზი ქობულაძის თქმით, სოციალური პროექტების მხრივ.  „სოციალურად დაუცველის სტატუსი ოჯახს მიენიჭება ოთხი წლის განმავლობაში. თუმცა, ეს სტატუსი არ შეუზღუდავს მოქალაქეებს მუშაობის უფლებას. თუ ამ ხნის განმავლობაში ოჯახის ფინანსური მდგომარეობა გაუმჯობესდება, მხოლოდ ამის შემდეგ მოხდება სტატუსის შეჩერება“-გვეუბნება ის.

პოლიტიკური პარტიები წინასაარჩევნოდ მოკლე გზავნილების დონეზე უფრო მოქმედებენ, ვიდრე საარჩევნო პროგრამით –  მიიჩნევს პოლიტოლოგი ლევან ცუცქირიძე, „ნიდერლანდის ინსტიტუტი მრავალპარტიული დემოკრატიისთვის“  წარმომადგენელი სამხრეთ კავკასიაში. პოლიტოლოგი ამბობს, რომ პოლიტიკური პარტიებისთვის, საზოგადოებისა და პოლიტიკური პროცესისთვის უმჯობესია, არა არჩევნებამდე რამდენიმე კვირით ადრე წარმოადგინონ საკუთარი ხედვები, არამედ ბევრად უფრო ადრე.

„რამდენიმე პარტიას აქვს უფრო დეტალურად ჩამოყალიბებული საკუთარი ხედვები, თუმცა, საარჩევნო დინამიკა ირევა საარჩევნო პროგრამების ფორმირებაში და პოლიტიკური პარტიები ერთმანეთს უყურებენ, ვინ რას ეტყვის ამომრჩეველს, რომ შემდეგ თვითონ უპასუხოს, რაც არასწორი მიდგომაა, რადგან პოლიტიკური პარტია მისი წევრების და მხარდამჭერების პოზიციას უნდა ასახავდეს,“ –  ამბობს ლევან ცუცქირიძე.

პოლიტოლოგი მიიჩნევს, რომ დღეს საარჩევნო პროგრამები უფრო მნიშვნელოვანია, ვიდრე რამდენიმე წლის წინ იყო.

„პოლიტიკური პარტიები პროგრამებს ძირითადად საკუთარი ლიდერებისა და ექსპერტების მონაწილეობით ქმნიან, რაც არ არის მაინც და მაინც სწორი მიდგომა. ვფიქრობ, პოლიტიკური პარტიის წევრები უფრო მეტად უნდა იყვნენ ჩართული პროგრამების შემუშავებაში,“-  ამბობს ის.

ლევან ცუცქირიძე პარტიების მხრიდან მსგავსი გზავნილების შესახებაც საუბრობს, რომელიც ძირითადად სოციალურ საკითხებს შეეხება:

„სოციალური პოპულიზმი არ არის სიცოცხლისუნარიანი და ამაში მნიშვნელოვანია ამომრჩევლის პასუხისმგებლობაც, რას სთხოვს ის პოლიტიკურ პარტიებს, რა დაპირებებზე გაყვება და რაზე –  არა, იმიტომ, რომ საბოლოო ჯამში ეს დაამახინჯებს პოლიტიკურ პროცესს და ჩვენ მივიღებთ ვითარებას, როცა ამომრჩეველი მხარს დაუჭერს იმას, ვისაც აქვს მეტი ფული. ამის გამო პოლიტიკური პარტიების წინასაარჩევნო პროგრამები უკავშირდება ხოლმე წინასაარჩევნო ბრძოლის ტაქტიკას და არა პოლიტიკური პარტიის მხარდამჭერებისა და წევრების საერთო ფასეულობების ასახვას იმაში, რასაც ჰქვია სახელმწიფო ბიუჯეტის ხარჯვა განათლების თუ სოციალური სისტემის მოწყობაში.“

 

საია მიხეილ სააკაშვილის სავარაუდო წინასაარჩევნო აგიტაციაზე

„უკრაინის მოქალაქემ, ოდესის გუბერნატორმა, მიხეილ სააკაშვილმა ჩაიდინა სავარაუდო წინასაარჩევნო აგიტაცია”, – აცხადებენ “ახალგაზრდა იურისტთა ასოციაციაში”. საუბარია ბათუმში, 31 ივლისს, მემედ აბაშიძის ქუჩაზე შეკრებილებთან მიხეილ სააკაშვილის ვიდეო მიმართვაზე, სადაც „ერთიანმა ნაციონალურმა მოძრაობამ“ პარტიული ოფისის წინ ბათუმის მაჟორიტარი დეპუტატობის კანდიდატები წარადგინა.

ადმინისტრაციული წარმოების დაწყების მოთხოვნით, „ახალგაზრდა იურისტთა ასოციაცია“ განცხადებას აჭარის უმაღლეს საარჩევნო კომისიაში დღეს შეიტანს. განცხადებაში აღნიშნულია: “საარჩევნო კოდექსის 45-ე მუხლის მე-4 ნაწილის “ვ” ქვეპუნქტის თანახმად, წინასაარჩევნო აგიტაციაში მონაწილეობის უფლება არა აქვს უცხო ქვეყნის მოქალაქეს.”

საიას განცხადებაში  ასევე ნათქვამია, რომ კანონის მოთხოვნათა დარღვევით წინასაარჩევნო აგიტაციაში მონაწილეობის მიღება გამოიწვევს დაჯარიმებას 2000 ლარის ოდენობით.

„ორბი ჯგუფის“ პროექტმა მსოფლიო აღიარება მოიპოვა

„ორბი თვინ თაუერი“ – „ორბი ჯგუფის“ ახალი გრანდიოზული პროექტია 4 500 ნომრით, რომელიც ბათუმში შავი ზღვის სანაპიროზე შენდება და მსოფლიოში სასტუმრო ნომრების რაოდენობის მხრივ მეექვსე ადგილს იკავებს. ამ პროექტმა პანამაში „2016 წლის მსოფლიოს საუკეთესო საინვესტიციო პროექტის“ ტიტული მიიღო და კომპანია „ორბი ჯგუფს“ „ოსკარიც“ გადაეცა უძრავი ქონების სფეროში.
პროექტზე, პრიზზე და მის მნიშვნელობაზე უფრო ვრცლად კომპანია „ორბი ჯგუფის“ გენერალურ დირექტორს, ირაკლი კვერღელიძეს ვესაუბრეთ.

ბატონო ირაკლი, „ორბი ჯგუფმა“ ბათუმში მსოფლიო მნიშვნელობის პროექტის მშენებლობა დაიწყო. რას ნიშნავს მსოფლიოში სიდიდით მე-6 სასტუმრო კომპლექსის მშენებლობა კომპანიისათვის და როგორია მსოფლიოს პირველი ათეული?

მსოფლიოს პირველი ათეული ასე გამოიყურება:

  1. ლას-ვეგასი – The Palazzo Resort Hotel & Casino -8108 ნომერი

  2. მოსკოვი – იზმაილოვოს სასტუმრო კომპლექსი – 7500 ნომერი

  3. ლას ვეგასი – The Signature at MGM Grand – 6772 ნომერი

  4. მალაიზია – First World Hotel – 6118 ნომერი

  5. ლას-ვეგასი – Encore Las Vegas – 4570 ნომერი

  6. ბათუმი – ORBI Twin Tower – 4 500 ნომერი

  7. ლას-ვეგასი – Luxor Hotel&Casino – 4 400 ნომერი

  8. ლას-ვეგასი – Mandalay bay – 4337 ნომერი

  9. ტაილანდი – Ambassador City – 4210 ნომერი

  10. ლას-ვეგასი – The Venetian – 4027 ნომერი.

„ორბი ჯგუფისათვის“ ძალიან საამაყოა ის ფაქტი, რომ სასტუმრო ნომრების რაოდენობის მხრივ მსოფლიოში სიდიდით მეექვსე სასტუმრო კომპლექსის მშენებლობა დაიწყო. ეს პროექტი სცილდება რეგიონულ მნიშვნელობას და კომპანიას, ბათუმს, როგორც ტურისტულ ქალაქს, მსოფლიოში სხვა დატვირთვას ანიჭებს. „ორბი თვინ თაუერის“ შესახებ დეტალური ინფორმაციის მიღება შესაძლებელია ჩვენს ვებგვერდზე: www.orbigroup.net

ბატონო ირაკლი, თქვენ ახლახან დაბრუნდით პანამიდან, სადაც „ორბი ჯგუფის“ პროექტმა „ორბი თვინ თაუერმა“, მსოფლიო დონის აღიარება მიიღო. რამდენად მნიშვნელოვანია FIABCI Prix d’Excellence ქვეყნისთვის?

კარგი შეკითხვაა. როდესაც კომპანიის მიერ წარდგენილ პროექტს მსოფლიოში საუკეთესო საინვესტიციო პროექტად აღიარებენ, როგორც ეს მოხდა „ორბი თვინ თაუერის“ შემთხვევაში, რა თქმა უნდა, ეს მხოლოდ კომპანიის გამარჯვება არ არის, ეს ქვეყნის გამარჯვებაა.

რაც შეეხება თავად FIABCI Prix d’Excellence-ს, ის ყველაზე პრესტიჟული ჯილდოა. ეს იგივე „ოსკარია“. მსოფლიოში ამაზე დიდი ჯილდო უძრავი ქონების სფეროში არ არსებობს. „ფიაბსი“, უძრავი ქონების საერთაშორისო ფედერაციაა, რომელიც პარიზში, 1948 წელს ევროპის, ამერიკის წამყვანმა დეველოპერებმა და უძრავი ქონების სპეციალისტებმა დააფუძნეს. 1954 წელს „ფიაბსის“ გაეროს სოციალურ-ეკონომიკურ საბჭოში მიენიჭა ოფიციალური კონსულტანტის სტატუსი. ეს ერთადერთი ორგანიზაციაა უძრავი ქონების სფეროში, რომელიც გაეროს ტრიბუნაზე სიტყვით გამოდიოდა.

„ფიაბსის“ პრიზ „ექსელენსის“ მფლობელები სხვადასხვა დროს გახდნენ ისეთი პროექტები, როგორიცაა: „ტრამპ-თაუერი“ ნიუ იორკში, „გუგენჰეიმის მუზეუმი“ ბილბაოში, „პეტრონასის თაუერი“ კუალა-ლუმპურში, პარიზის „დისნეი ლენდი“, „მილენიუმ პარკი“ ჩიკაგოში, REPUBLIK PLAZA – სინგაპურში, THE PALACE – ტაივანში, SINAR MAS LAND PLAZA – ინდონეზიაში, NORWEST BUSINESS PARK  – სიდნეიში და ბევრი სხვა ცნობილი არქიტექტურული და უძრავი ქონების წარმატებული პროექტი. ეს ჯილდო იმდენად მნიშვნელოვანია, რომ ყველა ეს კომპანია ამით ამაყობს და ეს აღიარება გახდა ამ კომპანიების წარმატების მნიშვნელოვანი საფუძველი.

ირაკლი კვერღელიძე
ირაკლი კვერღელიძე

გარდა „ორბი ჯგუფისა“, ამ დრომდე აღნიშნული პრიზის მოპოვება პოსტსაბჭოთა ქვეყნებიდან ვერც ერთმა კომპანიამ ვერ შეძლო. კონკურსზე წარმოდგენილი იყვნენ მეგაკომპანიები ამერიკიდან, ჩინეთიდან, სინგაპურიდან, დუბაიდან, მალაიზიიდან, იაპონიიდან და ევროპის ქვეყნებიდან, რომელთა ბიუჯეტი, არამარტო ჩვენი კომპანიის, არამედ ჩვენი ქვეყნის ბიუჯეტს 15-ჯერ, 20-ჯერ აღემატება. სწორედ ამ მეგაკომპანიების მიერ წარმოდგენილ პროექტებს შორის, მსოფლიოს 40 ქვეყნის ყველაზე კომპეტენტური და საერთაშორისო დონის ექსპერტებით დაკომპლექტებულმა 70 წევრიანმა ჟიურიმ, რომელიც 6 თვის განმავლობაში სწავლობდა კომპანია „ორბი ჯგუფს“ და მის პროექტს, „ორბი თვინ თაუერი“ 2016 წლის მსოფლიოს საუკეთესო საინვესტიციო პროექტად ერთხმად აღიარა. „ფიაბსის“ ისტორიაში ჟიურის მიერ ასე ერთხმად მიღებული გადაწყვეტილების პრეცედენტი არ არსებობს, რასაც დაჯილდოების ცერემონიალზე განსაკუთრებულად გაუსვა ხაზი თავად „ფიაბსის“ პრეზიდენტმა.

„ორბი თვინ თაუერში“ კომპანია „ორბი ჯგუფი“ აპარტამენტების რეალიზაციას ახორციელებს. რითი განსხვავდება აპარტამენტი ჩვეულებრივი ბინისგან?

აპარტამენტი, ისევე როგორც საცხოვრებელი ბინა, მყიდველის კერძო საკუთრებაა. იგი საკუთრების უფლებით აღირიცხება მყიდველზე საჯარო რეესტრში და იურიდიულად, საკუთრების უფლების კუთხით არანაირი სხვაობა საცხოვრებელ ბინასა და აპარტამენტს შორის არ არის. აპარტამენტის სტატუსი გამომდინარეობს იქედან, რომ იგი განთავსებულია მრავალფუნქციურ სასტუმრო კომპლექსში, რომელიც მოიცავს ხუთვარსკვლავიანი სასტუმროს დონის სრულ ინფრასტრუქტურას და მომსახურებას, როგორიცაა: რეცეფცია, კონსიერჟსერვისი, რუმს სერვისი, დაცვა, ტექნიკური მომსახურება, კაზინო, სპა ცენტრი, ღია და დახურული აუზები, კაფეები, რესტორნები, სავაჭრო ზონები, საბავშვო მოედნები, სამედიცინო ცენტრი, და ა.შ.

მესაკუთრე არ არის შეზღუდული იცხოვროს საკუთარ აპარტამენტში. ის თავადვე განსაზღვრავს როდის გამოიყენებს აპარტამენტს ცხოვრებისთვის, როდის – დასვენებისთვის, როდის გააქირავებს. მესაკუთრის სურვილის შემთხვევაში „ორბი ჯგუფი“ უზრუნველყოფს აპარტამენტის გაქირავებას, რითაც აპარტამენტის მფლობელს სტაბილური შემოსავლის წყარო უჩნდება.

აღსანიშნავია ის ფაქტი, რომ მრავალფუნქციურ სასტუმრო კომპლექსში ხუთვარსკვლავიანი სასტუმროს დონის ინფრასტრუქტურის და მომსახურების არსებობა ძალიან დიდ მოთხოვნას აჩენს მის დაქირავებაზე და ეს გარემოება იძლევა ამ აპარტამენტების მაღალ ფასად და მაღალი დატვირთვით გაქირავების შესაძლებლობას.

ძალიან საინტერესოა – როგორ შეიძლება დაინტერესებულმა პირმა შეიძინოს აპარტამენტები „ორბი თვინ თაუერში“, რა პირობებით და რა სარგებელი შეიძლება ჰქონდეს მას ამ შენაძენიდან?

„ორბი თვინ თაუერს“ უნიკალური არქიტექტურა და ადგილმდებარეობა აქვს, იგი ზღვიდან 50 მეტრში, მოცეკვავე შადრევნებთან შენდება. ამასთან, ყველა აპარტამენტს შესანიშნავი ზღვის ხედი აქვს.

„ორბი თვინ თაუერში“ აქციაა, ასეთია „ორბი ჯგუფის“ ტრადიცია ყველა პროექტის დაწყების დროს. შესაბამისად, აქციის პერიოდში საუკეთესო ფასად არის შესაძლებელი აპარტამენტების შეძენა. აქციის ფარგლებში, რომელიც 2016 წლის 1 სექტემბრამდე გრძელდება, „ორბი თვინ თაუერში“ აპარტამენტის ღირებულება 17 500 აშშ დოლარია. პირველადი შენატანი 1 700 აშშ დოლარია, ხოლო ყოველთვიური შენატანი 250 აშშ დოლარს შეადგენს. მყიდველს შეუძლია აპარტამენტები იტალიური ავეჯით, ევროპული სტანდარტის რემონტით და ტექნიკით შეიძინოს.

კომპლექსში არსებობს როგორც სტანდარტული, ასევე ლუქსის და უფრო მაღალი სტანდარტის აპარტამენტები. არის ისეთი ტიპის აპარტამენტებიც, სადაც თითოეული აპარტამენტის ღირებულება ხუთასი ათას, ერთ მილიონ და მილიონ-ნახევარ აშშ დოლარსაც აღწევს.

რაც შეეხება სარგებელს შენაძენიდან – მინდა აღვნიშნო, რომ უძრავი ქონების შეძენისას, ინვესტირებისას ორი ძირითადი ფაქტორია გასათვალისწინებელი: რა სტაბილურ შემოსავალს მოგცემს შეძენილი უძრავი ქონების გაქირავება? როგორ გაიზრდება შეძენილ უძრავ ქონებაზე ფასი შეძენის შემდეგ?

სტანდარტული აპარტამენტის გაქირავების შედეგად ყოველწლიური სტაბილური შემოსავალი საორიენტაციოდ 5-6 ათასი აშშ დოლარია. რაც შეეხება შეძენილი აპარტამენტის ფასის ზრდას, მშენებლობის დაწყებიდან მშენებლობის დასრულებამდე აპარტამენტის ღირებულება მინიმუმ 2-ჯერ იზრდება. „ორბი თვინ თაუერის“ მშენებლობის ხანგრძლივობა 24 თვეს შეადგენს.

„ორბი თვინ თაუერი“ 2016 წლის მსოფლიოს საუკეთესო საინვესტიციო პროექტად იქნა აღიარებული. ზღვიდან 50 მეტრში, ბათუმში, საუკეთესო ადგილზე შენდება, კომპლექსში ხუთვარსკვლავიანი სასტუმროს დონის ინფრასტრუქტურა, ხელმისაწვდომი ფასი და ძალიან მოქნილი გადახდის სისტემაა. მომხიბვლელი პირობებია და ვფიქრობ, რომ საკმაოდ დიდი იქნება დაინტერესება. რამდენად აქტიურად ყიდულობენ საქართველოში მცხოვრები მოქალაქეები აპარტამენტებს თქვენს პროექტებში და როგორია ქვეყნის გარეთ გაყიდვების დინამიკა?

„ორბი ჯგუფმა“ შეძლო შეექმნა ისეთი პროდუქტი, რომელიც საინტერესო იქნებოდა როგორც ქვეყნის შიგნით, ისე ქვეყნის გარეთ მცხოვრები მოქალაქეებისთვის. სწორედ ამიტომ, „ორბი ჯგუფს“ დღეისთვის მსოფლიოს 7 ქვეყანაში 30-მდე ოფისი აქვს, 2016 წლის ბოლომდე კი, უცხოეთში დამატებით გაიხსნება კომპანიის კიდევ 50 წარმომადგენლობა.

„ორბი ჯგუფის“ მრავალფუნქციურ სასტუმრო კომპლექსებში შეძენილი აპარტამენტი მხოლოდ უძრავი ქონება არაა, ის ბიზნესი და სტაბილური შემოსავლის წყაროა.

„ორბი ჯგუფში“ აპარტამენტის შეძენის ძალიან მოქნილი და მარტივი სისტემაა, შესაბამისად, საქართველოში მცხოვრები პირებისთვისაც, ვისაც პირველადი შენატანის სახით 1 700 აშშ დოლარის შესაძლებლობა აქვს, ხოლო ყოველთვიურად 250 დოლარამდე გადაიხდის, „ორბი ჯგუფში“ აპარტამენტის შეძენა შეუძლია.

ამის გათვალისწინებით, ჩვენი თანამოქალაქეები საკმაო აქტიურობით გამოირჩევიან და შესაბამისად, მყიდველიც ბევრი გვყავს, როგორც ქალაქებიდან, ისე საქართველოს თითქმის ყველა რაიონიდან.

გარდა ამისა, ხშირია შემთხვევა, როცა საქართველოდან წასული პირები ყიდულობენ აპარტამენტებს იმ მიზნით, რომ საქართველოში მცხოვრებ მშობლებს, ოჯახის სხვა წევრებს, სტაბილური შემოსავლის წყარო გაუჩინონ. ამასთან, დასვენების პერიოდში აპარტამენტებში თავადაც ისვენებენ.

აპარტამენტები საინტერესოა იმ პირთათვის, ვინც დაქირავებული მუშახელია, მუშაობს პროფესიით (მაგალითად: იურისტები, ბუღალტრები, აუდიტორები, ექიმები და .ა.შ.) და ბიზნესის დამოუკიდებლად წარმოების შესაძლებლობა არ გააჩნიათ, მოქნილი გადახდის პირობებით აპარტამენტების შეძენით, სტაბილური შემოსავლის წყაროს იჩენენ და არც მათ პროფესიულ საქმიანობაში ეშლებათ ხელი. როგორც აღვნიშნე, გაქირავებას და აპარტამენტის ოპერირებას „ორბი ჯგუფი“ უზრუნველყოფს და მყიდველს საკუთარ ანგარიშზე ყოველთვიურად ერიცხება გაქირავებიდან მიღებული თანხა.

დაინტერესება ძალიან მაღალია ქვეყნის გარეთაც, ისეთ ქვეყნებში, როგორიცაა: გერმანია, პოლონეთი, რუსეთი, უკრაინა, ლატვია, ლიტვა, ყაზახეთი, ბელარუსი, ისრაელი, ამერიკა, დუბაი, ყატარი და ა.შ.

მას შემდეგ, რაც „ორბი თვინ თაუერი“  2016 წლის მსოფლიოს საუკეთესო საინვესტიციო პროექტად იქნა აღიარებული, კიდევ უფრო მეტად გაიზარდა დაინტერესება უცხოეთში. დღეის მდგომარეობით მსოფლიოს 35 ქვეყნიდან გვყავს მყიდველი.

თუ შეგიძლიათ გვიამბეთ „ორბი ჯგუფის“  სამომავლო გეგმების შესახებ…

„ორბი ჯგუფი“ ახლო მომავალში თბილისში იწყებს მასშტაბურ პროექტს. გარდა ამისა, „ორბი ჯგუფი“ პირველი იქნება ქართულ კომპანიებს შორის, რომელიც მომავალი წლიდან ქვეყნის გარეთ დაიწყებს რამდენიმე პროექტის განხორციელებას. კომპანია ბევრი სხვა, ახალი პროექტისა და მიმართულებების განვითარებას გეგმავს.

აპარტამენტის შეძენის მსურველებს შეუძლიათ დაუკავშირდნენ :
ტელეფონი: 0 800 100 115; ზარი უფასოა;
+995 555 33 00 00,
+995 555 32 00 00,
+995 555 35 00 00;
ელ.ფოსტა: batumi@orbi.ge
ვებგვერდი: www.orbigroup.net

ორბი ჯგუფი

ვინ შეარჩია “ნაციონალურმა მოძრაობამ” მაჟორიტარობის კანდიდატებად ბათუმში

“ერთიანმა ნაციონალურმა მოძრაობამ” მაჟორირატი დეპუტატობის კანდიდატები ბათუმის სამივე საარჩევნო ოლქში დაასახელა, როგორც აჭარის უმაღლესი საბჭოს, ასევე პარლამენტის მანდატების მოსაპოვებლად.

აჭარის უმაღლესი საბჭოს მაჟორიტარობის კანდიდატია ელგუჯა ბაგრატიონი. იგი ამჟამად ქობულეთის საკრებულოს წევრია და პარტია “ერთიანი ნაციონალური მოძრაობის” ქობულეთის ორგანიზაციის თავმჯდომარე. 2010 წლიდან 2014 წლამდე ელგუჯა ბაგრატიონი ქობულეთის საკრებულოს თავმჯდომარე იყო.

უმაღლესი საბჭოს მაჟორიტარობის კანდიდატია გია აბულაძეც. იგი ლევან ვარშალომიძის მთავრობაში ბათუმის რესურსცენტრის ხელმძღვანელი იყო, მოგვიანებით – განათლების მინისტრი.

კიდევ ერთი მაჟორიტარობის კანდიდატი ნინო ჯინჭარაძეა. მან ახლახანს დაასრულა უნივერსიტეტი და პარტიის ახალი სახეა.

პარლამენტის დეპუტატობისთვის ემზადება გიორგი კირთაძე, ბათუმის საკრებულოს თავმჯდომარე 2008 წლიდან. 2013 წლიდან იგი საკრებულოს ფრაქცია “ერთიანი ნაციონალური მოძრაობის თავმჯდომარეა.

მაჟორიტარობის კანდიდატია თემურ დუმბაძეც, რომელიც წინა ხელისუფლების დროს ხელვაჩაურის მინიციპალიტეტის გამგებელი იყო.

პარტიის კიდევ ერთი სახეა და კიდევ ერთი მაჟორიტარობის კანდიდატი მირდატ ქამადაძე. იგი აქამდე საადვოკატო საქმიანობას ეწეოდა.

nacionalebi 1

“ერთიანი ნაციონალური მოძრაობის” მაჟორიტარობის კანდიდატები ბათუმში

“ერთიანი ნაციონალური მოძრაობა” ბათუმის მაჟორიტარი დეპუტატობის კანდიდატებს ასახელებს. ამ წუთებში კანდიდატების წარდგენა მემედ აბაშიძის ქუჩაზე, პარტიის ბათუმის ოფისის წინ გრძელდება. შეკრებილებს ოდესიდან პარტიის ლიდერმა, მიხეილ სააკაშვილმაც მიმართა.

„ერთიანი ნაციონალური მოძრაობის” უმაღლესი საბჭოს კანდიდატები იქნებიან: ელგუჯა ბაგრატიონი, ნინო ჯინჭარაძე და გია აბულაძე. საქართველოს პარლამენტის მანდატების მოპოვებას კი შეეცდებიან: მირდატ ქამადაძე, გიორგი კირთაძე და თემურ დუმბაძე.

კანდიდატები პარტიის თავმჯდომარე დავით ბაქრაძესთან ერთად, პარტიის ლიდერებმა წარუდგინეს საზოგადოებას.

დღეს, 31 ივლისს „ერთიანმა ნაციონალურმა მოძრაობამ“ ხელვაჩაურის მაჟორიტარობის კანდიდატებიც დაასახელა. ამ მუნიციპალიტეტიდან უმაღლესი საბჭოს წევრობისთვის ქენან დოლიძე, ხოლო პარლამენტარობისთვის მიხეილ ბოლქვაძე იბრძოლებენ. ორივე კანდიდატი ხელვჩაურის საკრებულოს წევრია.

„ნაციონალიური მოძრაობა“ აჭარის სხვა მუნიციპალიტეტებში მაჟორიტარობის კანდიდატებს ხვალ, პირველ აგვისტოს დაასახელებს.

nacionalebi 2

nacionalebi 3

 

2000 ფერადი ქოლგა მემედ აბაშიძის გამზირზე – „ბათუმობა 2016“

,,ბათუმობა 2016“-ის ფარგლებში ქუჩების სადღესასწაულოდ მორთვის ორგანიზებისთვის, ბათუმის კულტურის ცენტრმა ტენდერი გამოაცხადა. მომსახურების შესყიდვის მაქსიმალური თანხა 55 000 ლარია. ღონისძიება 2016 წლის 3-4 სექტემბერს ჩატარდება.

სატენდერო მოთხოვნის შესაბამისად გამარჯვებულმა სხვადსხვა სამუშაოები უნდა შეასრულოს. მათ შორის დაგეგმილია:

ყვავილების თაღიმემედ აბაშიძის ქუჩის მორთვა ქოლგებით – ბოძებზე უნდა გაიჭიმოს ე.წ. ,,მეტალის ტროსები”და მათზე მოხდეს 2000 ფერადი ქოლგის მონტაჟი; ყვავილების თაღის დამზადება – წარწერით ბათუმობა 2016; ყოველ ქუჩის კვეთაში ფერადი წარწერა სტენსილი – BATUMOBA ბათუმობა 2016, სულ დასახატია 48 სტენსილი – სასურველია სტენსილი იყოს 3D-სთან მიახლოებული ნახატი.

ევროპის მოედნის განათების ბოძების მორთვა – სულ 16 ბოძი, თითოზე 4 დასაკიდი საშუალებით, სადაც ყვავილის ქოთანი უნდა ჩამოიკიდოს დარგული, ცოცხალი ყვავილებით და თითოს თავზე, გრძელ თოკზე დამაგრებული 30 ჰელიუმიანი ფერადი ბუშტი დამაგრდეს.

საჰაერო განათებადუმბაძის ქუჩის მორთვა – ქუჩის “საჰაერო” განათება – 150 ცალი ხელნაკეთი სანათის დამზადება; ყველა სახლის ამონათება სხვადასხვა ფერის განათებით; ქუჩის სავალი გზის მოხატვა ყვავილებით – გზაზე დახატულ ყვავილებს უნდა ჰქონდეს იგივე დიზაინი და ფერები რაც ჰაერში დაკიდულ სანათებს; ყველა აივანზე დაიკიდოს ცოცხალი ყვავილებით გადავსებული ქოთნები; 2-სართულიანი სახლის ყვავილებით მორთვა; სხვადასხვა კრეატიული მრავალფეროვანი კლუმბის დადგმა დუმბაძის ქუჩაზე; დეკორატიული ხის კიბეები – მათზე სანთლებისა და ყვავილების დეკორაციები;

ყვავილების ტაშტი“ყვავილების ტაშტი” – მცურავი სანთლებითა და ყვავილებით უზრუნველყოფა; დუმბაძის №3 სახლის კედელზე ბათუმობა/BATUMOBA კრეატიული ინსტალაციის (ნახატის) გაკეთება; ყვავილების ინსტალაციის დამზადება დუმბაძის ქუჩის ერთ კედლზე.

ტენდერში გამარჯვებულმა უნდა უზრუნველყოს ასევე იუნკერების სასაფლაოსა და ილიას ძეგლთან სარიტუალო “კალათას” მოწყობა ყვავილებით; 30 სასაჩუქრე ბუკეტის დამზადება დამკვეთთან შეთანხმებული დიზაინის მიხედვით. 3 სექტემბერს ბათუმის მუსიკალურ ცენტრში და 4 სექტემბერს ანბანის კოშკთან საკონცერტო სცენის მორთვა ყვავილებითა და ბუშტებით – 10 ინსტალაცია.

ქოლგები
ფოტოები სატენდერო დოკუმენტაციიდან

სამხედრო სავალდებულო სამსახურში საშემოდგომო გაწვევა პირველი აგვისტოდან დაიწყება

სამხედრო სავალდებულო სამსახურში მოქალაქეთა 2016 წლის საშემოდგომო გაწვევა პირველი აგვისტოდან დაიწყება და 2016 წლის 31 დეკემბრამდე გასტანს.

საქართველოს შინაგან საქმეთა სამინისტროს მოთხოვნის შესაბამისად, სამინისტროს გასამხედროებულ ქვედანაყოფებში გასაწვევ მოქალაქეთა მაქსიმალური რაოდენობა განისაზღვრა 1250-ით. საქართველოს სასჯელაღსრულებისა და პრობაციის სამინისტროში [პენიტენციურ დეპარტამენტში] კი მაქსიმუმ 1103 წვევამდელს გაიწვევენ.

რაც შეეხება საქართველოს თავდაცვის სამინისტროს, ის მიმდინარე წლის 27 ივნისიდან სამხედრო სავალდებულო სამსახურში გაწვევის მოთხოვნას აღარ ახორციელებს.

„ჩვენ ვთქვით, რომ 2017 წლიდან აღარ იქნებიან შეიარაღებულ ძალებში წვევამდელები. ამას აქვს ძალიან მარტივი მიზეზი. პირველი, შეიარაღებულ ძალებს არ სჭირდება ძალით მოყვანილი სამხედრო მოსამსახურე, შეიარაღებულ ძალებზე არის ძალიან მაღალი მოთხოვნა, შეიარაღებულ ძალებში სამსახური პრესტიჟულია საქართველოში და არავის არ სჭირდება დაძალება, რომ გახდეს თავისი ქვეყნის ჯარისკაცი…“ – განაცხადა მაშინ თავდაცვის მინისტრმა.

შინაგან საქმეთა სამინისტროს გასამხედროებულ ქვედანაყოფებსა და სასჯელაღსრულებისა და პრობაციის სამინისტროს პენიტენციურ დეპარტამენტში 18-დან 27 წლამდე ასაკის იმ მოქალაქეებს გაიწვევენ, რომლებსაც საქართველოს კანონმდებლობით გათვალისწინებული წესით არ აქვთ სამხედრო სამსახურში გაწვევის გადავადების ან სამხედრო სამსახურში გაწვევისაგან გათავისუფლების მოთხოვნის უფლება.

18-დან 27 წლამდე ასაკის გასაწვევი მოქალაქეები ვალდებულნი არიან, გამოცხადდნენ მუნიციპალიტეტის გამგეობის/მერიის, ხოლო ქალაქ თბილისის მუნიციპალიტეტში – ქალაქ თბილისის მუნიციპალიტეტის რაიონის გამგეობის შესაბამის სტრუქტურულ ერთეულში რეგისტრაციის/ფაქტობრივი საცხოვრებელი ადგილის მიხედვით.

საქართველოს შრომის, ჯანმრთელობისა და სოციალური დაცვის სამინისტრომ, 10 აგვისტომდე უნდა განსაზღვროს ის სამედიცინო დაწესებულებები, რომლებშიც გაიგზავნებიან წვევამდელები დამატებითი სამედიცინო გამოკვლევისათვის.

შინაგან საქმეთა სამინისტროს დაევალა ადგილებზე აღმოუჩინოს დახმარება მუნიციპალიტეტის სტრუქტურულ ერთეულებს იმ წვევამდელთა მოძებნასა და მუნიციპალიტეტის/თბილისის რაიონის გამწვევ კომისიაზე გამოცხადებაში, რომლებიც თავს არიდებენ სამხედრო სავალდებულო სამსახურს.

რეგიონული განვითარებისა და ინფრასტრუქტურის სამინისტრომ კი კოორდინაცია უნდა გაუწიოს სამხედრო სავალდებულო სამსახურში გაწვევის პროცესს.

“ნაციონალურმა მოძრაობამ” ხელვაჩაურში მაჟორიტარობის კანდიდატები დაასახელა

მაჟორიტარი დეპუტატობის კანდიდატები დაასახელა “ერთიანმა ნაციონალურმა მოძრაობამ” ხელვაჩაურის საარჩევნო ოლქში.

პარლამენტარის მანდატისთვის “ნაციონალური მოძრაობიდან” მიხეილ ბოლქვაძე იბრძოლებს, უმაღლესი საბჭოს დეპუტატობისთვის – ქენან კახიძე. ორივე კანდიდატი დღემდე ხელვაჩაურის საკრებულოს წევრია. 2014 წლის თვითმმართველობის არჩევნებზე ქენან დოლიძე “ნაციონალური მოძრაობის” სახელით საკრებულოს მაჟორიტარი წევრი გახდა, მიხეილ ბოლქვაძე კი პარტიული სიით შევიდა საკრებულოში.

“ერთიანი ნაციონალური მოძრაობა” ბათუმის მაჟორიტარობის კანდიდატებს დღეს საღამოს დაასახელებს. გუშინ პარტიამ კანდიდატების დასახელება, როგორც პარტიაში განაცხადეს, მოსალოდნელი უამინდობის გამო გადადო. “ნაციონალური მოძრაობა” აჭარის სხვა საარჩევნო ოლქების მაჟორიტარი დეპუტატების კანდიდატების დასახელებას ხვალ, პირველ აგვისტოს  აპირებს.

ადრეული ქორწინების პრობლემაზე საჯარო ლექცია გაიმართა

თანამედროვე ხელოვნების სივრცეში ადრეული ქორწინების პრობლემებზე იმსჯელეს. ლექციას კითხულობდნენ ილიას უნივერსიტეტის პროფესორი თამარ გურჩიანი და ნორთვესტერნის უნივერსიტეტის პროფესორი ბრიჯიდ არიმონდი. შეხვედრაზე განიხილეს როგორც ქართული, ასევე ამერიკული კანონმდებლობა ადრეულ ქორწინებასთან დაკავშირებით.

შეხვედრაზე პრობლემებიც განიხილეს, რომლებიც თან სდევს ნაადრევ ქორწინებას – პირველ რიგში ჯანმრთელობის პრობლემები 18-წლამდე დაფეხმძიმების გამო; აღინიშნა განათლების პრობლემა – ვინაიდან უმეტეს შემთხვევაში გოგონები, რომლებიც ნაადრევად ქმნიან ოჯახს, თავს ანებებენ სწავლას; ამასთან, არასრულწლოვნები ქორწინების შემთხვევაში  ხშირად ხდებიან ძალადობის მსხვერპლნი, ვინაიდან ისინი კარგავენ თავისუფალ ნებასა და უფლებებს.

ბრიჯიდ არიმონდი განმარტავს, რომ ამერიკის შეერთებულ შტატებში  50 შტატიდან 48 შტატში  ქორწინება დასაშვებია 18 წლის ასაკიდან. ხოლო იმისთვის, რომ მოიპოვო ქორწინების უფლება უნდა მიმართო ადგილობრივ მთავრობას ქორწინების ლიცენზიის [ან უფლების] მისაღებად. უნდა  შეავსო აპლიკაცია და უპასუხო დასმულ  შეკითხვებს [მაგალითად: ყოფილხარ თუ არა დაოჯახებული ადრე და ა.შ.] ამასთანავე, უნდა წარადგინო შენი პირადობის ან მართვის მოწმობა, რათა დადგინდეს რომ ნამდვილად  ხარ 18 წლის. ბრიჯიდ არიმონდის თქმით,  სამწუხაროა, მაგრამ ამერიკის შეერთებულ შტატებში არის შტატები მაგალითად მისისიპი, სადაც ქორწინდებიან 18 წელზე უფრო ადრეულ ასაკში. ეს ხდება მხოლოდ მშობლების თანხმობით, ან სასამართლოს გადაწყვეტილებით, რომელიც  გასცემს ნებართვას ქორწინების თაობაზე.

თამარ გურჩიანის ინფორმაციით, ბავშვების ქორწინებას საქართველოში იშვიათად, მაგრამ მაინც ვხვდებით. საქართველოში ნაადრევ ქორწინებაში, ძირითადად, გოგონები იმყოფებიან. „ეს გამოწვეულია იმ სოციალურ-ეკონომიკური მდგომარეობითა და მენტალობით – „ჩავაბარო პატრონს“, სადაც ჩვენ ვცხოვრობთ. თითქოს ქორწინება გამოსავალია არსებული პრობლემების დასაძლევად“ – აღნიშნა თამარ გურჩიანმა.

თამარ გურჩიანი ყურადღებას ამახვილებს 2015 წლის დეკემბრიდან ქართულ კანონმდებლობაში განხორციელებულ ცვლილებაზე. საქართველოს სამოქალაქო კოდექსით, საქორწინო ასაკი 18 წელი განისაზღვრა. თუმცა, გარდამავალ პერიოდში (2017 წლის პირველ იანვრამდე) 17-დან 18-წლამდე გოგონას შეუძლია დაარეგისტრიროს ქორწინება, თუკი ბავშვს ელოდება და მოსამართლის თანხმობა აქვს.

„ეს კარგი ცვლილებაა და შესაბამისობაში მოდის საერთაშორისო სტანდარტებთან. მაგრამ პრაქტიკაში არასრულწლოვნების, როგორც რეგისტრირებული, ასევე არარეგისტრირებული ქორწინება  მაინც გვხდება. დიდია არასრულწლოვნი  მშობლების რიცხვიც. მიუხედავად იმისა, რომ საქართველოს კანონმდებლობით 16 წლამდე ასაკის ბავშვთან სექსუალური კავშირი არის სისხლის სამართლებრივი დანაშაული, რეალობაში ფაქტები მაინც ხშირია. მონაცემების შეგროვება რა თქმა უნდა რთულია, მაგრამ სახელმწიფო უწყებები ამას ნელ-ნელა ახერხებენ. ეს პრობლემა ფართომასშტაბიანია და სერიოზულ ხასიათს ატარებს, ვიდრე ეს ერთი შეხედვით ჩანს. შესაბამისად, აღნიშნული პრობლემების გადასაჭრელად მრავალმხრივი მუშაობაა საჭირო, როგორც საზოგადოების, აგრეთვე სახელმწიფო უწყებების მხრიდან“ – განაცხადა თამარ გურჩიანმა.

საჯარო ლექცია ბათუმში, „თანამედროვე ხელოვნების სივრცეში“, 30 ივლისს გაიმართა.

DSCN0855

 

შსს-მ სარფში განსაკუთრებით დიდი ოდენობით ნარკოტიკი ამოიღო

შსს-ს ინფორმაციით, ცენტრალური კრიმინალური პოლიციის დეპარტამენტის აჭარის სამმართველოს თანამშრომლებმა, 1967 წელს დაბადებული გელა ქ., განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, სარფის სასაზღვრო გამტარი პუნქტის მიმდებარე ტერიტორიაზე დააკავეს.

„სამართალდამცველებმა, დაკავებულის პირადი ჩხრეკისას, 130 აბი „სუბოქსინი“ ამოიღეს, რომელიც, ექსპერტიზის დასკვნით, ბუპრენორფინს შეიცავს. ნარკოლოგიური შემოწმებით, გელა ქ.-ს ბუპრენორფინის მოხმარების ფაქტი დაუდგინდა“ – აღნიშნულია შსს-ს განცხადებაში.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს [საქართველოს სსკ-ის 260-ე მუხლის მე-6 ნაწილის „ა“ ქვეპუნქტით].

„მე უკვე მჯერა საკუთარი თავის“ – ოჯახში 13-წლიანი ძალადობის მსხვერპლის ისტორია 

ხულოდან წალკაში მაშინ გადავსახლდით, როცა ზვავმა დაგვინგრია სახლ-კარი. მაშინ მეექვსე კლასის მოსწავლე ვიყავი. მამაჩემი სოფელში სკოლის დირექტორად დანიშნეს. მე კარგად ვსწავლობდი, სულ წიგნთან მინდოდა ყოფნა. დედაჩემი მიშლიდა, არაა ეგ ქალის საქმე, გათხოვდები, საქმე არ გეცოდინება და მე შემაგინებენო, ასე მეუბნებოდა. გვიან გავაცნობიერე, რომ ძალადობით დაიწყო ჩემი ცხოვრება.

14 წლის ვიყავი, „ელჩები“ როცა მოგვადგნენ. ასე ეძახდნენ მაშინ შუამავლებს. მამაჩემმა მერაბი შეარჩია და მისცა თანხმობა ჩემს მითხოვებაზე, 25 წლის ჩამოყალიბებული კაციაო. დედაჩემი მეუბნებოდა, ქმარს დაუჯერებ და კარგად გაგზრდისო… მერაბი ჩვენ მეზობლად ცხოვრობდა.

ნიშნობის საღამო  მალე შედგა. ეს იმას ნიშნავდა, რომ სხვაზე ვეღარასდროს გავთხოვდებოდი. მამაჩემმა ნიშნობაზე მერაბის მშობლებს უთხრა, გოგოს ვერ წაიყვანთ, ვიდრე სკოლას არ დაამთავრებს და უნივერსიტეტის პირველ კურსსო. მერაბი თავიდან მომეწონა, კანფეტები მოჰქონდა და სიხარულით აღარ ვიცოდი, რა მექნა. ვერ ვხდებოდი, რასთან მქონდა საქმე. მერე შიში ჩამომიყალიბდა მის მიმართ – სკოლაში ამითვალწუნა, სამხედროს მასწავლებლად დაიწყო მუშაობა და შეგნებულად მაღიზიანებდა, დაბალ ნიშნებს მიწერდა, მაკონტროლებდა, საჯაროდ შენიშვნებს მაძლევდა. მახსოვს, პირველად რომ შარვლით მივედი სკოლაში, ეგ რა გაცვიაო, ყვირილი დაიწყო. სკოლის დამთავრებამდე ვუთხარი, რომ ცოლად არ გავყვებოდი და ჩემს ოჯახში დატოვებული ნიშანიც, სამკაული და ტანსაცმელი, ეზოში გამოვუდგი, გავიქეცი და ჩემს ოთახში ჩავიკეტე.

დედამ ამაზე ძალიან ინერვიულა, მამაშენმა ეგ რომ გაიგოს, არ გაცოცხლებს, ეს როგორ გაბედეო. კითხვა და მეცადინეობა ამიკრძალა და საოჯახო საქმის კეთებას მაიძულებდა. მამას არ უნდა გაეგო ეს ამბავი. მამაჩემის შინ მოსვლა დღესასწაული იყო ჩემი. მასთან ერთად როცა ვიყავი, დედაჩემი ვერაფერს მიბედავდა.

სკოლა რამდენიმე დღის დამთავრებული მქონდა, როცა მერაბმა მომიტაცა. მანქანაში მეხუმრებოდა, აქ არ იყვირო, ახალქალაქში ჩავალთ და იყვირე რამდენიც გინდა, იქ ბევრ პოლიციელს ვიცნობო. როგორც კი მანქანის ფანჯარა ჩამოწიეს, კივილი დავიწყე. პოლიციამ დაგვაფიქსირა. მერაბს ბიძია ახლდა. დამიფიცა, ოთხი შვილის საფლავი მენახოს, ჩვენი თავი არ დააჭერინო და მართლა სახლში წაგიყვანო… წამოვედით თუ არა, სიცილი განაგრძეს: რა გინდა, პირობა შეგისრულეთ, სახლში ნამდვილად მივალთო. მერაბის ახლობელთან მივედით… მამაჩემის დეიდაშვილმა მოგვინახულა, იმ დროს წალკის პოლიციის უფროსი იყო. მითხრა, რა გინდა, დანიშნული გოგო წამოგიყვანა, ეგ ტრადიციაა, არაა დანაშაულიო, ამ ბიჭთან უნდა დარჩეო, რომ დაბრუნდე, მამაშენი და შენი ოჯახი დაიჩაგრება, არავის უნდა ოჯახში მიბრუნებული ქალიო. მივხვდი, ბრძოლას აზრი აღარ ჰქონდა. მამაჩემი როცა მოვიდა, თვალებში აღარ შემიხედავს. ვუთხარი, რომ ჩემი ნებით გავთხოვდი.

ფეხმძიმე ვიყავი, როცა ქმარმა გამარტყა სახეში პირველად: რატომ ამოიჩემე ექიმთან კონსულტაცია, არაფერი გჭირსო. ცხვირიდან სისხლი მდიოდა. მეზობლის ქალებმა დამამშვიდეს, უკან მიბრუნება უარესია, ბავშვით სად უნდა წახვიდეო. მანამდეც ხშირად მაგინებდა და ხმამაღლა მიყვიროდა. როცა ვკითხე, ამას რატომ აკეთებ, რა დაგიშავე-მეთქი, მიპასუხა, დედ-მამას სიამოვნებს, ქალს რომ ვმართავ და მეზობლებში ძლიერი კაცის სახელი მექნებაო, შენ დაიკიდეო და გაიცინა.  ძალადობა 13 წლის განმავლობაში გრძელდებოდა, ხან ფსიქოლოგიური, ხანაც – ფიზიკური. ჩემი ორი შვილიც ხედავდა ამას. ხშირად მეუბნებოდა ქმარი, აბა, შეხედე ერთი, რა მახინჯი ხარო. ისე მამცირებდა, ავტობუსში როცა ავდიოდი, სულ უკან ვჯდებოდი. საკუთარი თავი მართლა მახინჯი მეგონა.

ერთ დღესაც მამაჩემი მოვიდა, შვილს უნივერსიტეტში უნდა ვაბარებინო და უმისოდ არ წავალო. გამიშვეს. ილიას სახელმწიფო უნივერსიტეტში გეოგრაფიის სპეციალობაზე ჩავირიცხე და დაუსწრებელ განყოფილებაზე ვსწავლობდი. ამ დროს მულიც თბილისში იყო და მასთან ვრჩებოდი.

უნივერსიტეტის შემდეგ ისევ წალკაში დავბრუნდი და სკოლაში დავიწყე მუშაობა. მალე სერტიფიცირებული მასწავლებელიც გავხდი. ერთ-ერთ კონფერენციაზე თემა მქონდა – „არა ნაადრევ ქორწინებას“. ისევ ძალადობის მსხვერპლი რომ ვიყავი, ამაზე ვერაფერს ვამბობდი. სამოქალაქო განათლების საათებიც მომცეს სკოლაში. როცა მოსწავლეებს უფლებებზე ვესაუბრებოდი, მრცხვენოდა, თავად რომ არ ვეწინააღმდეგებოდი ჩემზე ძალადობას და ვდუმდი.

მალე ჩემი ქმარი უმუშევარი დარჩა და ძირითადად ოჯახი ჩემზე იყო დამოკიდებული ფინანსურად. საერთაშორისო ორგანიზაციების მხარდაჭერით, ქალთა კოოპერატივშიც ჩავები, მეფუტკრე გავხდი. მერაბი მეუბნებოდა, კარგად რომ მიაღწევ წარმატებებს, მერე გამოგიშლი კიბესო. ფორმალური ურთიერთობა ჩამოგვიყალიბდა: საჭმელს ვუმზადებდი, ტანსაცმელს ვუწესრიგებდი, საერთოდ არ ვსაუბრობდით. როცა სვამდა, ჩხუბს მიწყებდა და ხანდახან ფიზიკურადაც ძალადობდა. ეს კვირაში ორჯერ მაინც ხდებოდა. მეუბნებოდა, ცხვირს და ყურებს მოგაჭრი, თუ გაბედავ გაშორებასო.

ერთ დილასაც მერაბს ვუთხარი, რომ მივდიოდი და ბავშვებიც თან მიმყავდა. ჩანთები უკვე ჩალაგებული მქონდა. ვერ წახვალ, ჩემს მიტოვებას ვერ შეძლებო, ასე მითხრა. წამოვედი. ახლა უკვე ბათუმში ვარ, დედ-მამის ოჯახში. მათ წალკიდან დაბრუნება მოახერხეს ბათუმში. მერაბმა რამდენიმე დღეში ჩამომაკითხა. იფიცა, დაჩოქილი მოვუხდი ყველაფრისთვის ბოდიშს, ქალბატონად ვაცხოვრებ, ოღონდ დაბრუნდესო. მასთან ლაპარაკის თავი აღარ მქონდა. ცემა დამიწყო. პოლიცია გამოიძახეს…

ახლა მერაბის საქმე სასამართლოშია, შემაკავებელი ორდერი უკვე შეუფარდა მოსამართლემ, ჩემთან მოახლოებაც კი აკრძალული აქვს… თუმცა ვინ იცის, შესაძლოა ახლაც მოვიდეს. ტელეფონზე შეტყობინებები მომდის, მარტო არ გახვიდე სადმე, მერაბი ამბობს, მოვკლავ და თავსაც არ ვიცოცხლებო. საერთო ახლობლებს ახლაც ხვდება და უმტკიცებს, რომ ვუყვარვარ და უჩემოდ ვერ იცოცხლებს.

სასამართლოში განქორწინებაზეც შევიტანე მოთხოვნა. გუშინ ჩემმა ბიჭმა დამირეკა წალკიდან, მამასთანაა, ბათუმში როცა იყო მერაბი, თან წაიყვანა. ტელეფონში მითხრა შვილმა, მამიკო რატო არ გეცოდება, დაიჭერენო, ჩემი ხათრით მაინც შეურიგდიო. ბიჭი უკვე 12 წლისაა, გოგონა ექვსის გახდება მალე და ჩემთანაა. აქამდე შვილების გამო ვიკავებდი თავს. გვიან მივხვდი, სისულელეს ვაკეთებდი, ბავშვები სიძულვილით სავსე გარემოში იზრდებოდნენ.

დამოუკიდებლად უნდა ვიცხოვრო. ამისთვის უკვე მზად ვარ. ბათუმში ერთ-ერთ კერძო სკოლაში მივედი და სამუშაოს დამპირდნენ. ყველაზე მეტად ის მიხარია, რომ სკოლა დაცულია, უსაფრთხოდ ვიგრძნობ თავს. ის შესაძლოა ყველგან გამოჩნდეს… მაგრამ მე უკვე მჯერა საკუთარი თავის.

რატომ ემუქრება მიდიებს გადაშენება

საქართველოში შავი ზღვის ეკოსისტემას საფრთხეს სხვა ზღვებიდან შემოჭრილი ინვაზიური სახეობები უქმნიან. ეს ის მცენარეები, ცხოველები თუ ბაქტერიებია, რომლებიც თავიანთ საარსებო გარემოს მოწყდნენ და ახალ ეკოსისტემაში აღმოჩენილნი იქაურ მკვიდრ ორგანიზმებს ემუქრებიან. გარემოს ეროვნული სააგენტოს თევზაობისა და შავი ზღვის მონიტორინგის სამსახურის ინფორმაციით, სწორედ ერთ-ერთი ასეთი ინვაზიური სახეობის – მოლუსკი რაპანას გამო საქართველოს ტერიტორიულ წყლებში უკვე გადაშენდა ხამანწკა. ახლა საფრთხის წინაშე მიდიებია, რომელთა რაოდენობაც მკვეთრად შემცირებულია.

სპეციალისტების თქმით, რაპანა შავ ზღვაში 50-იან წლებში, იაპონიიდან შემომავალი გემების ბალასტურ წყლებს შემოყვა და მისთვის ხელსაყრელი პირობების გამო გამრავლდა. როგორც თევზაობისა და შავი ზღვის მონიტორინგის სამსახურის უფროსი, იქთიოლოგი არჩილ გუჩმანიძე ამბობს, ბოლო კვლევების მიხედვით, რაპანების რაოდენობა საქართველოს სანაპირო ზოლზე კიდევ უფრო მომატებულია:

„ჩვენი დაკვირვებით, ბოლო პერიოდში რაპანის ზომები მკვეთრად არის შემცირებული, რაც იმაზე მეტყველებს, რომ მათი რიცხვოვნობა ძალიან მაღალია. ეს კანონზომიერებაა ეკოსისტემაში, როცა გაძლიერებულია საკვებზე კონკურენცია, ანუ მათ გართულებული აქვთ წვდომა საკვებ მასასთან, მათი ზომები მცირდება.“

არჩილ გუჩმანიძის განმარტებით, რაპანა ორსაგდულიანი მოლუსკებით (მიდიები, ხამანწკები და 200-ზე მეტი სხვა სახეობით) იკვებება, რომლებიც ზღვის ბიოლოგიური ფილტრის ფუნქციას ასრულებენ.

„ორსაგდულიანი მოლუსკების კვება ხდება წყლის ფილტრაციით და ამით მათ მნიშვნელოვანი წვლილი შეაქვთ ზღვის წყლის ხარისხის გაუმჯობესებასა და ზღვაში, ზოგადად, ბიოლოგიური ბალანსის ფორმირებაში,“ – ამბობს არჩილ გუჩმანიძე. რაპანას აქტივობის გამო შავ ზღვაში დღეს ორჯერ ნაკლები სახეობის ორსაგდულიანი მოლუსკია, ხამანწკა გადაშენდა, ხოლო მიდია, ზღვის სავარცხელა და სხვა –  გადაშენების ზღვარზე არიან. ორსაგდულიანი მოლუსკების შემცირებით ღარიბდება თევზების საკვები ბაზაც. გარდა ამისა, რაპანა ამცირებს ფსკერული თევზებისა და სხვა ორგანიზმების რაოდენობას, მათ მიერ დადებული ქვირითის განადგურების შედეგად.

ერთი მოზრდილი რაპანა დღეში საშუალოდ ერთ ორსაგდულიან მოლუსკს (მაგალითად, მიდიას ანადგურებს). ერთი ორსაგდულიანი მოლუსკი კი დღეში საშუალოდ 30 ლიტრ წყალს (მიდია საშუალოდ 60 ლიტრ წყალს) ფილტრავს.

თევზაობისა და შავი ზღვის მონიტორინგის სამსახურის მთავარი სპეციალისტის, ბიოლოგიის დოქტორის, ეთერ მიქაშავიძის თქმით, შავ ზღვაში თითქმის სრულად გადაშენებული ხამანწკების შემდეგ მთავარი საფრთხის წინაშე მიდიის კლასიკური ფორმაა:

„საუბარია მიდიების იმ ფორმაზე, რომელიც შლამშია ჩაფლული. მიდიების მეორე ფორმას კი, რომელიც წყალში არსებულ ქვებს, კლდეების ნატეხებსა თუ ნაგებობებს ემაგრება, ჯერჯერობით რაპანა ვერ ერევა,“ – ამბობს ის. მიდიასთან ახლომდგომი ეს მეორე ფორმა ვიზუალურად არ განსხვავდება კლასიკური ფორმის მიდიისგან, თუმცა მას უფრო სხვა მოყვანილობის, უფრო სქელი ნიჟარა აქვს და ხორცის რბილობის მასაც უფრო ნაკლებია მასში.

კიდევ ერთი ინვაზიური სახეობა, რომელიც დღემდე მნიშვნელოვან ზიანს აყენებს შავი ზღვის ეკოსისტემას, უხერხემლო მტაცებელი მნემიოფსისია (სავარცხლურა). იგი 90-იანი წლების დასაწყისში ატლანტის ოკეანიდან შემოიჭრა შავ ზღვაში. არჩილ გუჩმანიძის თქმით, იგი დღემდე გვხვდება შავი ზღვის მთლიან აკვატორიაში. ახლახან შავი ზღვის ყველაზე მასშტაბური კვლევის (EMBLAS) ფარგლებში აღებული სინჯებით, მნემიოფსისის ლავრები და მისი მოზარდი/სქესმწიფე ფორმები საქართველოს 15-ვე სადამკვირვებლო სადგურზე აღმოაჩინეს.

ეს ინვაზიური ფორმა, თევზების ლავრებით, ქვირითით და მათი ძირითადი საკვებით – ზოოპლანქტონით იკვებება.

`სავარცხელურამ შავ ზღვას არა მარტო ეკოლოგიური, არამედ ეკონომიკური ზიანიც მიაყენა. მისი სიმრავლის გამო შავი ზღვის ქვეყნებში ზღვაში თევზის დაბალ მარაგს აფიქსირებენ.

საქართველო ამ პრობლემის გამო ყოველწლიურად რამდენიმე ათეულ მილიონ ლარს კარგავს, რადგან იგი ამცირებს საქართველოს წყლებში ქაფშიას მარაგს, რომელიც, მოგეხსენებათ, ჩვენი მთლიანი ჭერილის 95%-ია,“ – ამბობს არჩილ გუჩმანიძე.

მნემიოფსისის რაოდენობა შავ ზღვაში 90-იან წლებში კიდევ ერთმა ინვაზიურმა სახეობამ – ბეროე ოვატამ დაარეგულირა, მისი რაოდენობა საქართველოს ტერიტორიულ წყლებში დამაკმაყოფილებელია. თუმცა სპეციალისტების თქმით, პრობლემა კვლავ აქტუალურია. საქმე ის არის, რომ ამ ორი ფორმის განვითარების ციკლები ერთმანეთს არ ემთხვევა, მნეოფსისი გაზაფხულ-ზაფხულში ვითარდება, ბეროე კი ცოტა მოგვიანებით, რის გამოც ქაფშიის პოპულაციაზე წნეხი კვლავ გრძელდება.

რაც შეეხება რაპანას – მას საკვებად შავი ზღვის არც ერთი ცოცხალი ორგანიზმი არ იყენებს და მისი რიცხვოვნობის დარეგულირება მხოლოდ ადამიანს შეუძლია. ასოციაცია „ფლორა და ფაუნამ“ რამდენიმე წლის წინ სარფი-კვარიათის, მწვანე კონცხის, ციხისძირისა და ბათუმის 20-მდე მეთევზე დაატრენინგა ეკოლოგიურად უსაფრთხო მეთოდით, აკვალანგებით რაპანების შეგროვებაში. შეიძინეს რაპანის შეგროვებისთვის საჭირო აკვალანგის 8 კომპლექტი, ნავი და მაღალი წნევის კომპრესორი – ბალონების ჟანგბადით შესავსებად. მოსახლეობის დაინტერესების მიზნით, გამოსცეს რაპანების კერძების რეცეპტებიც, მაგრამ მათი დაინტერესება, მაინც ვერ მოხერხდა.

„რაპანას მოპოვება ყველაზე უსაფრთხოდ და ეფექტურად დაივინგით – წყალქვეშა ყვინთვითაა შესაძლებელი, მაის-ივნისში. მაგრამ დაივინგი გარკვეულ სივრცეებში შეზღუდულია, წყლის გამჭვირვალობა უნდა იყოს შესაბამისი, ასეთი ადგილები კი საქართველოში თითზე ჩამოსათვლელია. სამწუხაროდ დაივერების რაოდენობა და კვალიფიკაციაც არ არის ჩვენთან მაღალი,“- ამბობს არჩილ გუჩმანიძე.

ეთერ მიქაშავიძის თქმით, ალტერნატივის სახით მეთევზეებს სპეციალური მახეებიც (ბადე-იარაღები) შესთავაზეს და მიუხედავად მათი ეფექტურობისა, არც ამან გამოიღო შედეგი.

2014-2015 წლებში მეთევზეებმა დრაგირების მეთოდით 200 ტონამდე რაპანა ამოიღეს ზღვიდან, მაგრამ ეთერ მიქაშავიძის განმარტებით, ამ მეთოდის გამოყენება არ არის რეკომენდებული, რადგან ამ დროს ფსკერზე თევზების ქვირითიც იღუპება.

სპეციალისტები ამბობენ, რომ შავი ზღვის სხვა ქვეყნებმა რაპანას რესურსი კარგად აითვისეს, მაგრამ საქართველოში რაპანას რეწვა ფინანსური თუ სხვა მიზეზების გამო ვერ აეწყო. მაგალითად, რუმინეთსა და ბულგარეთში მოპოვებული რაპანის ნაწილს საკვებად მოიხმარენ, ძირითადად კი ექსპორტზე გააქვთ იაპონიაში, ტაივანსა და აზიის სხვა ქვეყნებში. ეთერ მიქაშავიძე მიიჩნევს, რომ რაპანასთან ბრძოლის ერთ-ერთი საუკეთესო საშუალება მათი რესურსის ქართულ სამზარეულოში გამოყენებაა – `ამისთვის საზოგადოების ინფორმირება და სათანადო რეკლამაა საჭირო. რეალურად მიდიიის ხორციც კი ვერ აითვისა ადგილობრივმა მოსახლეობამ, ამის კულტურის დამკვიდრებასაც დრო დასჭირდება.“

არჩილ გუჩმანიძე კი მიიჩნევს, რომ გამოსავალი  სახელმწიფოს მხრიდან ამ პროცესის წამახალისებელი პროგრამების დაფინანსება და რაპანების, როგორც ძვირფასი ეკონომიკური ღირებულების მქონე რესურსის, ათვისება იქნება.

ჯარისკაცები საცხოვრებელ ადგილთან ახლოს იმსახურებენ

საქართველოს თავდაცვის მინისტრმა სამხედრო მოსამსახურეებს კიდევ ერთი დაპირება შეუსრულა. თინათინ ხიდაშელის გადაწყვეტილებით, ჯარისკაცს, რომელიც შეიარაღებულ ძალებში საცხოვრებელი ადგილიდან შორ მანძილზე მსახურობს და პირველი კონტრაქტიც დამთავრებული აქვს, კონკრეტული პრობლემების არსებობის შემთხვევაში, საცხოვრებელ ადგილთან ახლოს მსახურობის შესაძლებლობა ეძლევა.

ეს დაპირება ბათუმში დისლოცირებულ III ქვეითი ბრიგადის 31-ე ბატალიონს თავდაცვის მინისტრმა რამდენიმე თვის წინ მისცა.

„ბუნებრივია, ყველა სამხედრო მოსამსახურეს თანაბარი ანაზღაურება აქვს. ეს ანაზღაურება არათანაბრად ნაწილდება მგზავრობის დროს, რადგან სამხედროს, რომელიც მოშორებით ცხოვრობს, მნიშვნელოვნად მეტი ეხარჯება. გარდა ამისა, არიან ადამიანები, რომელთაც ჩვეულებრივი ოჯახური პრობლემები აქვთ – ზოგს მშობლები ჰყავს ავად, ზოგი კი მრავალშვილიანია. ჩვენ მაშინვე მივიღეთ გადაწყვეტილება და ამ ბიჭებს შევპირდით, რომ კონკრეტულ ადამიანებს, ვისაც ძალიან კონკრეტული პრობლემა ჰქონდათ და, პრაქტიკულად, თვეების განმავლობაში ვერ ნახულობდნენ საკუთარ ოჯახებს, დავეხმარებოდით.

ორმოცდათორმეტივე სამხედრო მოსამსახურე უკვე გადანიშნულია საკუთარ საცხოვრებელ ადგილთან უფრო ახლოს“, – განაცხადა თინათინ ხიდაშელმა.

თავდაცვის მინისტრის განცხადებით, ჯარში სამსახური არ უნდა იყოს დაკავშირებული იმ ტიპის მსხვერპლის გაღებასთან, რომელიც ხელოვნურად არის შექმნილი და არ ემსახურება არც სამხედრო მოსამსახურის მოტივაციის ამაღლებას და არც საბრძოლო მზადყოფნის გაუმჯობესებას. თავდაცვის უწყების ხელმძღვანელის განცხადებით, პირველი კონტრაქტის დამთავრების შემდეგ სამხედრო მოსამსახურეები, კონკრეტული პრობლემების არსებობის შემთხვევაში, არჩევანის მიხედვით საცხოვრებელ ადგილთან ახლოს იმსახურებენ. „როცა ადამიანი ერთი კონტრაქტის ამოწურვის შემდეგ ჯარში რჩება, ეს ნიშნავს, რომ მან ზუსტად იცის მისი უფლება-მოვალეობები და ზუსტად აქვს გაცნობიერებული, რატომ უნდა ქვეყნის სამსახური სამხედრო ფორმაში. ჩვენ კი ყველაფერი უნდა გავაკეთოთ, რომ ხელი შევუწყოთ მათ ხელოვნური ბარიერების მოხსნაში და არ დავაშოროთ ოჯახებს არასაჭირო ვითარებაში, არასაჭირო გარემოებების გამო“, – აღნიშნა თავდაცვის მინისტრმა.

გფგარეთთ (2)

მომზადებულია საქართველოს თავდაცვის სამინისტროს
სტრატეგიული კომუნიკაციების დეპარტამენტის მიერ
ტელ: +995(32) 2 72 35 35;
ელ–ფოსტა: stratcom@mod.gov.ge;
ვებ–გვერდი: mod.gov.ge

თავდაცვის სამინისტროს ბიზნესსექტორთან თანამშრომლობის შედეგად ჯარისკაცები და მათი ოჯახის წევრები ათობით კომპანიაში მნიშვნელოვანი შეღავათით ისარგებლებენ

საქართველოს თავდაცვის მინისტრმა თინათინ ხიდაშელმა პროექტ ARMY CARD-ში ჩართულ ბიზნესმენებთან გამართულ შეხვედრაზე თავდაცვის უწყების წარმომადგენლებს ახალი სახელფასო ბარათები გადასცა. ბარათები პირველ ეტაპზე საქართველოს შეიარაღებული ძალების IV ბრიგადის, წვრთნებისა და სამხედრო განათლების სარდლობის და სამინისტროს სამოქალაქო ოფისის თანამშრომლებს დაურიგდათ. უახლოეს პერიოდში ARMY CARD უწყების ყველა წარმომადგენლისთვის დამზადდება.

ღონისძიება 2016 წლის 26 ივლისს, ვაზიანის მე-IV ქვეითი ბრიგადის ტერიტორიაზე გაიმართა,

რომელსაც პროექტ ARMY CARD-ის მონაწილე კომპანიების წარმომადგენლები, „საქართველოს ბანკის“ გენერალური დირექტორი მურთაზ კიკორია და თავდაცვის უწყების ხელმძღვანელი პირები დაესწრნენ. თავდაცვის მინისტრმა პროექტში ჩართული კომპანიების წარმომადგენლებს სიტყვით მიმართა და საზოგადოებრივი აქტიურობისთვის თითოეულ მათგანს პერსონალური მადლობა გადაუხადა.

„ჩვენ მივმართეთ ყველას, რომ სოციალური პასუხისმგებლობის ფარგლებში გვერდით დადგომოდნენ შეიარაღებულ ძალებს, მათ ოჯახებს, განსაკუთრებით კი დაჭრილი და დაშავებული სამხედროების ოჯახებს. მათზე ზრუნვა ჩვენი ყოველდღიურობის მნიშვნელოვანი ნაწილია, მაგრამ, არანაკლებ მნიშვნელოვანია, გავუფრთხილდეთ იმ სამხედრო მოსამსახურეებს, რომლებიც გუშინ, დღეს, ხვალ ჩვენი ქვეყნისა და შვილების უკეთესი მომავლისთვის საკუთარ სიცოცხლეს წირავენ. უკვე 26 კომპანია მონაწილეობს ამ პროექტში და ყველა მათგანს დიდი მადლობა უნდა ვუთხრა. ვფიქრობ, ნებისმიერი კომპანიისთვის საამაყო უნდა იყოს, თუ მათ კარზე იქნება სტიკერი, რომელიც ჩვენ დავამზადეთ და რომელსაც ჰქვია „მადლობა ერთგულებისთვის“, – შეიარაღებული ძალებისა და ქვეყნის ერთგულებისთვის. ნატოს წევრ ნებისმიერ ქვეყანაში ნახავთ კომპანიებს, რომელსაც აწერია – აქ გმირები მსახურობენ. ეს არის სოლიდარობა, რომელსაც საზოგადოება სამხედროების მიმართ იჩენს. მინდა, მივმართო ყველას, ვინც ჯერ არ არის პროექტში ჩართული, თუნდაც მცირე წვლილი გაიღოს იმისთვის, რომ ბრძოლის ველზე მყოფმა სამხედრო მოსამსახურემ იცოდეს, რომ მისი ოჯახი დაცულია“, – განაცხადა თინათინ ხიდაშელმა.

მნიშვნელოვანია, რომ ARMY CARD სამხედრო მოსამსახურეებს ეტაპობრივად დაურიგდებათ. თავდაცვის სამინისტროს, „საქართველოს ბანკსა“ და კერძო კომპანიებს შორის თანამშრომლობის შედეგად თავდაცვის უწყების წარმომადგენლები და მათი ოჯახის წევრები ათობით კომპანიაში მნიშვნელოვანი შეღავათით ისარგებლებენ.

„ეს არის თავდაცვის სამინისტროს პროექტი, რომელიც გამიზნულია შეიარაღებული ძალების თანამშრომლების, მათი ოჯახის წევრების საყოფაცხოვრებო პირობების გაუმჯობესებისთვის. „საქართველოს ბანკი“ არჩეული იქნა კონკურსში. ჩვენ შევთავაზეთ საინტერესო მიდგომები, რაც გულისხმობს იმას, რომ ჩვენ პარტნიორ მერჩანტებთან ერთად უზრუნველვყოთ ჯარისკაცებისა და მათი ოჯახის წევრებისთვის სპეციალური ფასდაკლებები. მათ ამ ბარათით სარგებლობისას სხვადასხვა სახის ბენეფიტები და მგზავრობისას შეღავათები ექნებათ“, – განაცხადა საქართველოს ბანკის დირექტორმა მურთაზ კიკორიამ“.

სამხედროებისთვის განსაკუთრებით მნიშვნელოვანი შეთავაზება აქვს შავი ზღვის საერთაშორისო უნივერსიტეტს. უმაღლესი სასწავლო დაწესებულების ხელმძღვანელის განცხადებით, თავდაცვის უწყების თანამშრომლებსა და მათ შვილებს საშუალება ექნებათ, საბაკალავრო პროგრამებსა და ტრენინგკურსებზე დაწესებული სწავლის საფასურის მხოლოდ 50% გადაიხადონ. საინტერესო შეთავაზებები აქვთ პროექტში მონაწილე სხვა კომპანიებსაც.

„გვაქვს პატივი მცირე წვლილი შევიტანოთ ქვეყნის სამსახურში მყოფი პირების მხარდასაჭერად და ამით ღირსეული სამსახურისთვის მადლობა გადავუხადოთ მათ. სწორედ ამიტომ, აღნიშნულ პროექტში, სოციალური პასუხისმგებლობის ფარგლებში, შავი ზღვის საერთაშორისო უნივერსიტეტი სიხარულით ჩაერთო. იმედს გამოვთქვამთ, რომ თავდაცვის უწყების თანამშრომლების შვილებს, ხელს შევუწყობთ განათლების მიღებაში და ამით ერთობლივად ვემსახურებით საქართველოს”, – განაცხადა შავი ზღვის საერთაშორისო უნივერსიტეტის რექტორმა ილიას ჩილოღლუმ.

„კლინიკა ხერხემალი თავდაცვის სამინისტროს თანამშრომლებს კონსულტაციასა და კომპლექსურ მკურნალობაზე სთავაზობს 10%-იან ფასდაკლებას. მოხარულები ვართ, რომ მოგვეცა შესაძლებლობა ამ ფორმით გამოვხატოთ ჩვენი სამოქალაქო მოვალეობა“, – კლინიკა „ხერხემალის“ დამფუძნებელი, ნინო ფალიანი-კაციტაძე.

ARMY CARD სადებეტო პლასტიკური ბარათია. მის მფლობელებს შესაძლებლობა ექნებათ, კვების ობიექტებში, სუპერმარკეტებში, სააფთიაქო ქსელში, ბენზინგასამართ სადგურზე, საყოფაცხოვრებო ტექნიკის მაღაზიებში, სპორტულ-გამაჯანსაღებელ, კულტურულ და საგანმანათლებლო დაწესებულებებში სპეციალური ფასდაკლებებით ისარგებლონ. მნიშვნელოვანია, რომ ყოველი გადახდისას მომხმარებელს გარკვეული თანხა ე.წ. Cash Back-ის სახით უკან დაუბრუნდება. ARMY CARD ექსკლუზიურად სამხედრო თემატიკაზე შეიქმნა და უნიკალური დიზაინით გამოირჩევა. ბარათის მოქმედების ვადა 4 წელია და ის თავდაცვის სამინისტროს თანამშრომლებს და მათ მეუღლეებს უფასოდ გადაეცემათ.

„მადლობა სამსახურისთვის“ – ეს პროექტ ARMY CARD-ის მთავარი გზავნილია. პროექტის მთავარი მიზანი სამხედრო მოსამსახურეების მიმართ საზოგადოების დანარჩენი ნაწილის მხრიდან მეტი ყურადღების გამოხატვაა. საქართველოს თავდაცვის სამინისტრო კი პროექტში ჩართულ თითოეულ ორგანიზაციას კიდევ ერთხელ უხდის მადლობას ერთგულებისთვის.

IMG_6865

მომზადებულია საქართველოს თავდაცვის სამინისტროს
სტრატეგიული კომუნიკაციების დეპარტამენტის მიერ
ტელ: +995(32) 2 72 35 35;
ელ–ფოსტა: stratcom@mod.gov.ge;
ვებ–გვერდი: mod.gov.ge

“ჩემი შვილები ამაყობენ რომ მამა ჯარისკაცი ჰყავთ”

2006 წელი იყო, არჩილმა ახალი პირადი საქმის შედგენა დაიწყო… მიზანი სავალდებულო სამხედრო სამსახურისთვის სრული მზადყოფნა და საქართველოს შეიარაღებულ ძალებში ჩარიცხვის მოტივი იყო. კარგად ახსოვს ის დღე, რომელმაც სამხედრო საქმეს, როგორც პროფესიასა და კარიერას მჭიდროდ დააკავშირა.

„სავალდებულო სამხედრო სამსახურში 2016 წლის 3 ოქტომბერს ჩავირიცხე“. თუმცა მანამდე იყო სტუდენტობა და სხვა პროფესიის დაუფლების ხანგრძლივი პროცესი, რომელიც ქვეყანაში ეკონომიკურად რთულ პერიოდს დაემთხვა.

„არ დავმალავ, ბავშვობიდან ჯარისკაცობაზე არ მიფიქრია. იმიტომ რომ 92-ში ქუთაისის ტექნიკურ უნივერსიტეტში ჩავაბარე. მაშინ ისეთი პერიოდი იყო, რომ სამოქალაქო სამსახურები ჭირდა. უნივერსიტეტში სწავლის პერიოდში სამხედრო კათედრა სტუდენტს უმცროსი ლეიტენანტის წოდებას აძლევდა. სწორედ ამის შემდეგ რეზერვის ოფიცრად ჩავირიცხე”.

აგვისტოს ომამდე პროფესიულ ჯარში ორი წელი იმსახურეთ, ასეთ რთულ საბრძოლო სიტუაციაში ჩართვისთვის გქონდათ საკმარისი გამოცდილება და მზაობა?

დიახ, რადგან მანამდე კიდევ 2 წლიანი სავალდებულო სამხედრო სამსახურის გამოცდილებაც მიწყობდა ხელს. ვიცოდი რა იყო და სად მივედი. ბევრს ვკითხულობდი, ინტერნეტთან მქონდა წვდომა და ყველაფრის საშუალება იყო, რაც სამხედროს განვითარებისთვის იყო საჭირო. მონდომებული ადამიანი ყველაფერს გააკეთებდი.

2008 წლის მოვლენებმა მის ცხოვრებაში ძალიან ბევრი რამ შეცვალა…

გამთენიისას განგაშით გამოგვიძახეს. მივიღეთ ბრძანება, რომ გადავსულიყავით ცხინვალის რეგიონში. ფაქტიურად ომი იყო და ძალიან დაძაბული სიტუაცია შეიქმნა.

არჩილ აბულაძე ბრძოლის ველზე მოულოდნელად აღმოჩნდა, ამბობს, რომ გაცნობიერებაც კი გაუჭირდა, რასთან ჰქონდა საქმე.

უბრალოდ მივდიოდით იმისთვის, რომ ჩვენ უკან ჩვენი ოჯახები იდგნენ. მე ვერ ვაცნობიერებდი რა იყო ეს. გამთენიისას ჩვენმა ოცმილიმეტრიანმა რომ გაისროლა, სწორედ მაშინ გავაცნობიერე რომ ნამდვილ ომში ვიყავი.

ბრძოლის ველზე თქვენს მოვალეობებში რა შედიოდა?

ჩვენ ვიყავით რეზერვის შტაბში, სადაც ჩემი მოვალეობა ბრძოლის ველზე დაჭრილ-დაშავებული ჯარისკაცების აღრიცხვა იყო.

„ავნევი მალე დაგვატოვებინეს, რადგან დიდი კოლონა შემოვიდა, სოფლების დაბომბვა დაიწყეს. 11 აგვისტო რომ გათენდა, კიდევ უფრო დაიძაბა სიტუაცია. დიდი რაოდენობით ტექნიკა შემოდიოდა. შემდეგ მოხდა რაციების ჩახშობა და ინფორმაციის ნაკლებობაც იყო“.

მიუხედავად იმისა, რომ არჩილი მაშინდელ სიტუაციას მძიმედ აღწერს და ამბობს, რომ ამ ყველაფრის გადატანა ფსიქოლოგიურადაც ძალიან რთული იყო აღნიშნავს: “ვიდექით იქ, სადაც უნდა ვყოფილიყავით, გვეცვა ფორმა და მზად ვიყავით სიცოცხლის ფასად დაგვეცვა ჩვენი ქვეყანა“.

11 აგვისტოს, საღამოს 6 საათისთვის, ბრძანება მიიღეს, რომ შინდისის გზით ტერიტორია უნდა დაეტოვებინათ. შემდეგ იყო მძიმე შეტაკება. ქართველი ჯარისკაცები შეცდომაში მტრის ქვეითთა საბრძოლო მანქანამ შეიყვანა, რომელსაც სპეციალურად საქართველოს დროშა ჰქონდა ამოწეული, ქართველები მტრის ალყაში მოექცნენ.

არჩილის ავტომობილის ძრავას ორი ტანკსაწინააღმდეგო ყუმბარა მოხვდა. ამბობს, რომ გაუმართლა. ყუმბარები მანქანაში არ შევარდა. თუმცა სწორედ მაშინ დაიჭრა…

„საერთოდ ვერ გავიგე დაჭრა, ტკივილი არ მიგრძნია, ყუმბარის ნაწილი მარცხენა მხარში ისეთ ადგილას მომხვდა, რომ მთავარ არტერიას 7 მილიმეტრით ასცდა“.

არჩილ აბულაძე
არჩილ აბულაძე

რამდენიმე გადარჩენილმა ხოხვით გადაიარა მინდორი. გზად საინჟინრო ასეულის ორი ჯარისკაცი შემოხვდათ, ჯარისკაცებს იმედი მიეცათ, უკვე ბევრნი იყვნენ… „კარგა ხანს ვიარეთ, სოფელ ვარიანთან გავიყავით, რომ ნაკლებად გამოვჩენილიყავით, ასე სიარულიც ნაკლებ ხმაურს გამოიწვევდა. მე და მამაო ერთად წამოვედით“. ასე შეიფარა სოფელში ერთმა ოჯახმა. დააპურეს, ჭრილობა გადაუხვიეს და გაუშვეს.

არჩილ აბულაძე იხსენებს, რომ გონება მხოლოდ სახლის სადარბაზოსთან მისულმა დაკარგა, მაშინ, როდესაც თავი სამშვიდობოს იგრძნო. ექვსთვიანი სამკურნალო შვებულების შემდეგ სამსახურს დაუბრუნდა.

მიუხედავად ტრავმისა, არჩილი განვითარებას არ წყვეტს, ამ ეტაპზე ინგლისური ენის კურსს გადის, საერთაშორისო კურსებში საკმაოდ გამოცდილია, ნორვეგიაში თავდაცვის სამინისტროს ეგიდით სპეცკურსიც აქვს გავლილი, 2011 წელს კი კაპიტნის საკარიერო კურსი წარმატებით დაამთავრა.

„ახლა კაპიტანი ვარ და მაიორის წოდება რომ მიიღო, აუცილებელია ინგლისურის ცოდნა, სწორედ ამიტომ, თავს არ ვზოგავ განვითარებისთვის და ამაში სამინისტროც მეხმარება”.

ახლა რომ თავიდან იწყებდეთ ცხოვრებასა და კარიერას, შეცვლიდით რაიმეს?

არა, რა თქმა უნდა, ახლა კიდევ უფრო მეტი მოტივაცია მაქვს, ვიდრე 2008 წლის აგვისტომდე. ჩემი შვილები ამაყობენ რომ მამა ჯარისკაცი ჰყავთ. თუ ისინიც გადაწყვეტენ, რომ გახდნენ ჯარისკაცები, ჩემი მთავარი მოთხოვნა იქნება, რომ იყვნენ თავიანთი საქმის პროფესიონალები, ინოვატორები. მე ყველანაირად შევუწყობ ხელს, იმ გზას ვასწავლი, რაც მე გამივლია.

მომზადებულია საქართველოს თავდაცვის სამინისტროს
სტრატეგიული კომუნიკაციების დეპარტამენტის მიერ
ტელ: +995(32) 2 72 35 35;
ელ–ფოსტა: stratcom@mod.gov.ge;
ვებ–გვერდი: mod.gov.ge

“კომპეტენცია, გამჭვირვალობა, უსაფრთხოება, ერთიანობა”

საქართველოს თავდაცვის სამინისტროს ინსტიტუციური გაძლიერებისთვის, თანამშრომლების პროფესიული განვითარებისთვის, ეროვნულ დონეზე თავდაცვისა და უსაფრთხოების საკითხებზე ერთიანი მიდგომების ჩამოყალიბებისა და უსაფრთხოების სექტორის წარმომადგენლებთან, ნატოსა და პარტნიორ ქვეყნებთან თანამშრომლობის გაღრმავებისთვის საქართველოში დღეს უკვე არსებობს თავდაცვის ინსტიტუციური აღმშენებლობის სკოლა (Defence Institution Building School).

თავდაცვის ინსტიტუციური აღმშენებლობის სკოლა ნატო-საქართველოს არსებითი პაკეტის 13 ინიციატივას შორის ერთ-ერთი ყველაზე მსხვილი და მნიშვნელოვანი პროექტია, რომელიც საქართველოში მოვლენილი ნატოს ექსპერტთა ჯგუფის აქტიური მხარდაჭერით ხორციელდება. სკოლის დაარსება სწორედ ნატო-საქართველოს არსებითი პაკეტის ფარგლებში მოხდა, რომელიც საქართველოს 2014 წლის ნატოს უელსის სამიტზე მიენიჭა. პაკეტის მიზანი თავდაცვის შესაძლებლობების განვითარება, ნატოსთან თავსებადობის ამაღლება და საქართველოს ნატოში გაწევრიანების ხელშეწყობაა.

თავდაცვის ინსტიტუციური აღმშენებლობის სკოლის პროფესიული განვითარების პროგრამები განკუთვნილია როგორც თავდაცვისა და უსაფრთხოების სექტორის სამოქალაქო თუ სამხედრო პირებისთვის, ასევე აღნიშნული სფეროს სამოქალაქო საზოგადოების წარმომადგენლებისთვის. შემდგომ ეტაპზე, სკოლის კურსებში მონაწილეობის მიღების შესაძლებლობა უცხოელ მონაწილეებსაც ექნებათ.

სკოლის პროფესიული განვითარების პროგრამები ხელს შეუწყობს თავდაცვის ტრანსფორმაციას და უსაფრთხოების სექტორის რეფორმებს, რაც გააძლიერებს ქვეყნის დემოკრატიულ ინსტიტუტებს და დააჩქარებს საქართველოს ნატოში გაწევრიანებას. თავდაცვის ინსტიტუციური აღმშენებლობის სკოლა ნატოსთან თავსებად თანამედროვე სასწავლო მეთოდოლოგიებსა და მართვის მოდელს გამოიყენებს, რაც სკოლას შესაძლებლობას მისცემს ნატოს სკოლის სტატუსი მიიღოს.

საქართველოში თავდაცვის ინსტიტუციური აღმშენებლობის სკოლა 2016 წლის 28 ივნისს საზეიმოდ გაიხსნა. სკოლა ოფიციალურად საქართველოს პრეზიდენტმა გიორგი მარგველაშვილმა, საქართველოს თავდაცვის მინისტრმა თინათინ ხიდაშელმა და სახალხო დიპლომატიის საკითხებში ნატოს გენერალური მდივნის თანაშემწემ თაკიმ ილდემმა გახსნეს.

საზეიმო ცერემონიალზე მოწვეულ სტუმრებს საქართველოს პრეზიდენტმა სიტყვით მიმართა: “სულ უფრო მეტი ქვეყანა, როგორც ევროპაში ასევე აზიაში, ხედავს ჩვენი რეგიონის მნიშვნელობას. ჩვენ არაერთხელ განგვიცხადებია, რომ სტაბილურობას ნატოში ინტეგრაციაში ვხედავთ. ჩვენ არაერთი მტკიცე ნაბიჯი გადაგვიდგამს ამ მიმართულებით. დღეს როდესაც ჩვენ ვლაპარაკობთ ამ მნიშვნელოვანი ახალი ინსტიტუტის შექმნაზე, ეს არის ის წარმატება, რომელიც 2014 წელს უელსიდან წამოვიღეთ. მაგრამ ის წარმატება, თავის მხრივ, მიღწეული იყო არა ერთი ქართველი სამხედრო მოსამსახურის გმირული შრომის და გმირული მოღვაწეობის შედეგად“.

თინათინ ხიდაშელის განცხადებით, თავდაცვის ინსტიტუციური აღმშენებლობის სკოლის გახსნა არის ერთ-ერთი უმნიშვნელოვანესი წინ გადადგმული ნაბიჯი ნატო-საქართველოს ურთიერთობებში.

„ამ სკოლის მთავარი დევიზია „კომპეტენცია, გამჭვირვალობა, უსაფრთხოება, ერთიანობა“. ეს არის ის მთავარი ამოცანები, რომელსაც თავდაცვის ინსტიტუციური აღმშენებლობის სკოლა უნდა ემსახუროს. ეს არის პრინციპები, რომელსაც სკოლა დაეფუძნება. ეს არის პრინციპები, რომლის მიმდევარი იქნება მისი ყოველი მსმენელი, პროფესორი და მასწავლებელი. თავდაცვის ინსტიტუციური აღმშენებლობის სკოლა არის პროექტი, რომელიც უელსის სამიტიდან წამოვიღეთ და ამ ერთი წლის განმავლობაში მინდა მადლობა გადავუხადო თავდაცვის სამინისტროს ყველა იმ თანამშრომელს, რომლებმაც ძალიან დიდი ძალისხმევა ჩადეს ამ სკოლის გახსნაში. ეს იყო საკმაოდ გრძელი და რთული გზა. ძალიან დიდი იმედი გვაქვს, რომ სექტემბერში სკოლა უკვე მიიღებს პირველ მსმენელებს”.

ღონისძიების ოფიციალური ნაწილის დასასრულს სკოლის მემორიალური დაფა გაიხსნა.

საზეიმო ცერემონიალს აღმასრულებელი და საკანონმდებლო ხელისუფლებისა და დიპლომატიური კორპუსის წარმომადგენლები დაესწრნენ.

სკოლის დაარსებასთან დაკავშირებით ჩვენ ვესაუბრეთ ნატო-საქართველოს არსებითი პაკეტის ფარგლებში სტრატეგიული კომუნიკაციების ბრიტანელ მრჩეველს, ქალბატონ სანდრა ხადურს:

– არის თუ არა თბილისში თავდაცვის ინსტიტუციური აღმშენებლობის სკოლის გახსნა ნატო-საქართველოს ურთიერთობებში წინ გადადგმული ნაბიჯი?

„თავდაცვის ინსტიტუციური აღმშენებლობის სკოლა, რეგიონში და რეგიონს გარეთ, სწავლებების და წვრთნების შესაძლებლობებსა და ფართო უსაფრთხოების სექტორის ინსტიტუციურ განვითარებას გვთავაზობს. კარგი მართვა ნატოს ქვეყნების თავდაცვის შესაძლებლობების საწყისებშია. მაშასადამე, ეს აუცილებლად იქნება სკოლის სასწავლო პროგრამის ნაწილი. ამასთან ერთად, სკოლა სხვადასხვა სახის დისკუსიის გამართვის ფორუმიც იქნება. მაგალითად, ჩრდილოატლანტიკური საბჭო და ნატოს გენერალური მდივანი სექტემბერში მაღალი დონის ვიზიტისთვის შეხვედრას სწორედ აქ გამართავენ.

ნატო-საქართველოს ურთიერთობების ფარგლებში თავდაცვის ინსტიტუციური აღმშენებლობის სკოლასა და ნატოს წევრ ქვეყნებში არსებულ ანალოგიურ სტრუქტურებს შორის კავშირის დამყარების პერსპექტივაა, როგორიც არის ნატოს თავდაცვის კოლეჯი რომში. ეს ხელს შეუწყობს ცოდნის, გამოცდილების და იდეების გაზიარებასა და მჭიდრო ურთიერთობების განვითარებას. სკოლა ასევე მხარს დაუჭერს ნატოსთან თავსებადობის გაზრდას, ვინაიდან ის ეფექტური უსაფრთხოების პოლიტიკის საერთო მიდგომებსა და აღქმას უზრუნველყოფს. საქართველო ნატოში საკუთარ ნიშას შექმნის, რადგანაც სტანდარტული მიდგომა ამ მიმართულებით არ არსებობს და თითოეულ ქვეყანას საკუთარი, უნიკალური მიდგომა და უნარ-ჩვევები აქვს, რომელთა გაზიარებაც შესაძლებელია. საქართველოს ამ ნიშის განსაზღვრაში თავდაცვის ინსტიტუციური აღმშენებლობის სკოლა დაეხმარება“.

– რა ხდის თავდაცვის ინსტიტუციური აღმშენებლობის სკოლას უნიკალურს საქართველოსა და რეგიონისთვის?

„თავდაცვის ინსტიტუციური აღმშენებლობის სკოლა შეიქმნა უკვე არსებული ეროვნული თავდაცვის აკადემიის საფუძვლებზე. ეროვნული თავდაცვის აკადემია მნიშვნელოვან როლს თამაშობს სამხედრო კარიერის განვითარებაში. თავდაცვის ინსტიტუციური აღმშენებლობის სკოლას უფრო მეტი თავისუფლება ექნება სასწავლო პროგრამის განსაზღვრასა და დარგების განვითარებაში, ისევე, როგორც სწავლისადმი მრავალფეროვანი მიდგომების გამოყენებაში. აღსანიშნავია ისიც, რომ ეს სკოლა, რომელსაც უკვე აქვს მყარი სამომავლო სასწავლო გეგმა, საკმარისად მოქნილია იმისათვის, რომ უპასუხოს და განვითარდეს ცვალებად უსაფრთხოების გარემოში“.

hignit

მომზადებულია საქართველოს თავდაცვის სამინისტროს
სტრატეგიული კომუნიკაციების დეპარტამენტის მიერ
ტელ: +995(32) 2 72 35 35;
ელ–ფოსტა: stratcom@mod.gov.ge;
ვებ–გვერდი: mod.gov.ge

კადეტთა სამხედრო ლიცეუმმა მისაღებ გამოცდებზე წელს პირველად გოგონები მიიღო

გიორგი კვინიტაძის სახელობის კადეტთა სამხედრო ლიცეუმის წარმატებით დასრულებული მისაღები გამოცდები

2010 წლის შემდეგ, გიორგი კვინიტაძის სახელობის კადეტთა სამხედრო ლიცეუმში წელს უკვე მეექვსედ ჩატარდა მისაღები გამოცდები. საბჭოთა კადეტთა კორპუსის ძველი კლიშეები ინგრევა და მოსწავლეები, ისევე როგორც მათი მშობლები, აცნობიერებენ, რომ ეს არის არა სოციალურად დაუცველთა პანსიონატი, არამედ საქართველოში საუკეთესო საჯარო სკოლა, სადაც წელიწადში თითოეულ ბავშვზე 10 000 ლარზე მეტი იხარჯება. ფაქტობრივად, გარანტირებულია ეროვნულ თავდაცვის აკადემიასა და სამოქალაქო უნივერსიტეტებში მისაღებად ეროვნული გამოცდების წარმატებით ჩაბარება დამატებითი გადამზადებისა თუ ხარჯების გარეშე. ლიცეუმში მოსწავლეთა განათლებაზე უმაღლესი დონის პედაგოგები ზრუნავენ.

ამ კუთხით, ლიცეუმისა და საქართველოს თავდაცვის სამინისტროს სტრატეგიული კომუნიკაციების დეპარტამენტის მიერ გაზაფხულზე დაგეგმილმა და განხორციელებულმა საინფორმაციო კამპანიამ თავისი შედეგები გამოიღო. საშუალოდ, თითოეული ადგილისათვის ხუთი აბიტურიენტი იბრძოდა. მათ შორის დიდი ნაწილი ფრიადოსნები და მაღალი აკადემიური მოსწრების მოსწავლეები იყვნენ.

მოზარდები ლიცეუმში ორი მთავარი მოტივაციით მოდიან:

1.მიიღონ მაღალი დონის აკადემიური განათლება;

2. პირველი ნაბიჯები გადადგან მომავალი სამხედრო კარიერისკენ.

ვარაუდები კონკრეტული შედეგებით დადასტურდა. კერძოდ, 2014 წელს აბიტურიენტთა რაოდენობა 515 იყო, 2015 წელს 552, წელს კი 625-ს მიაღწია.

მნივნელოვანია, რომ 2016 წელს ლიცეუმში პირველად გოგონებსაც იღებენ. თუმცა აბიტურიენტთა რაოდენობის მატება გოგონათა ხარჯზე არ მომხდარა, რადგან წელს განაცხადი 45-მა გოგონამ შემოიტანა, ბიჭი კი 580 იყო, რაც თავისთავად, წინა წლების მონაცემებთან შედარებით, დარეგისტრირებული ბიჭების რაოდენობის ზრდაზეც მიანიშნებს.

მთავარი არის არა რაოდენობრივი, არამედ ხარისხობრივი მაჩვენებელი _ წინა წლებში მისაღებ გამოცდებში გამსვლელ ქულას 35-სთვის არასდროს გადაუჭარბებია, იყო უფრო ნაკლებიც. წელს კი გამსვლელმა ქულამ 41-ს მიაღწია.

აღნიშნულის მიღწევა მნიშვნელოვანია, რამდენიმე მიმართულებით: როგორც წინა ექვსი წლის გამოცდილება გვიჩვენებს, სწორედ ის კადეტები, რომლებმაც 40 ქულაზე ნაკლები მიიღეს, ფეხს ვერ უწყობდნენ ლიცეუმის სწავლის დონეს და აკადემიური მოსწრების გამო ირიცხებოდნენ ლიცეუმიდან. სწორედ ამიტომ, კურსდამთავრებულ კადეტთა რაოდენობა 30-40%-ით ჩამორჩებოდა მიღებული კონტიგენტის რაოდენობას. მაგალითად, ყოველწლიურად ლიცეუმი ღებულობს 126 კადეტს, წელს კი კურსდამთავრებული მხოლოდ 76 კადეტი იყო. ანუ, სამწლიანი სასწავლო პროცესის მანძილზე 50 მათგანი გაირიცხა. წლევანდელი მონაცემების მიხედვით, ძალიან დიდი ალბათობით, ჩვენ მინიმუმამდე შეგვიმცირდება აკადემიური მოსწრების გამო გარიცხულ კადეტთა რაოდენობა. ეს თავის მხრივ, ლიცეუმში სწავლის დონის ამაღლებას, მისი რეპუტაციის კიდევ უფრო ზრდას, უფრო მეტ კურსდამთავრებულსა და ბოლოს, შეიარაღებული ძალებისთვის, ასევე ქვეყნისთვის უფრო მეტი ახალგაზრდისა და ნიჭიერი თაობის მომზადებას გულისხმობს.

ლიცეუმი ორიენტირებულია ნებისმიერი სოციალური ფენის მოაზროვნე ახალგაზრდობის მიღებაზე, რომლებსაც სათანადო რეჟიმში ყოფნას და შრომისმოყვარეობას აჩვევენ. ლიცეუმი უფრთხილდება მოზარდთა ნიჭს და არ აძლევს მოსწავლეებს საკუთარ შესაძლებლობათა „გაფლანგვის“ საშუალებას.

აღსანიშნავია საგამოცდო პროცესის გამჭვირვალობა და სამართლიანობა: აქ იყო ჩართული უზარმაზარი მაკონტროლებელი მექანიზმები. კერძოდ, თავდაცვის სამინისტროს სხვადასხვა უწყებამ გამოყო დამკვირვებლები და ადგილზე იმყოფებოდნენ მთელი პროცესის მანძილზე. გამოცდები კამერათა დაკვირვების ქვეშ მიმდინარეობდა. ტესტების შედეგების გასწორებისას გამსწორებელმა არ იცოდა ნაშრომის ავტორი, რადგან ტესტს მხოლოდ შტრიხკოდი ეწერა. თითოეული ტესტი ერთმანეთისგან დამოუკიდებლად გაასწორა სამმა სხვადასხვა შემფასებელმა. უფრო მეტიც, ყველაფერ ამის შემდეგაც აბიტურიენტებს მიეცათ სააპელაციო უფლება. მათ, კომისიის თანდასწრებით, თავად შეუძლიათ შეადარონ თავიანთი ნაშრომი სწორ პასუხებს.

კიდევ ერთი მნიშვნელოვანი საკითხია გოგონათა მიღება, რაც წელს პირველად მოხდა: ლიცეუმში განაცხადი წელს 45-მა გოგონამ შემოიტანა. ჩვენ გოგონებისთვის განსაზღვრული 20 ადგილი გვქონდა, თუმცა ამ ეტაპზე მხოლოდ 9 მათგანმა შეძლო ტესტის სათანადო დონეზე შესრულება, რაც ხუთი აბიტურიენტიდან ერთ პოტენციურ კადეტს უდრის. ანალოგიური მონაცემი გვაქვს ბიჭებთან მიმართებითაც, 580 ბიჭიდან 117 წარმატებულთა შორის მოხვდა, ანუ ხუთიდან ერთი. მომავალ წლებში ჩვენ გვჭირდება გოგონა აბიტურიენტთა რაოდენობის გაზრდა, რათა 20-მა მათგანმა შეძლოს სათანადო ზღვარის გადალახვა და ლიცეუმში ჩარიცხულთა შორის მოხვედრა.

მნიშვნელოვანია, რომ მშობლებმა გადალახონ ის ფსიქოლოგიური ბარიერი, რომ მათ გოგონებს შეუძლიათ დამოუკიდებლად ისწავლონ, მიაღწიონ წარმატებას და იყვნენ ამ ქვეყნის განათლებული, ღირსეული მოქალაქეები. გიორგი კვინიტაძის კადეტთა სამხედრო ლიცეუმი და მისი მაღალკვალიფიციური პედაგოგიური პერსონალი ყველა პირობას ქმნის ამისთვის, რადგან ეს არის სახლი სახლიდან მოშორებით.

ბექა კობახიძე
საქართველოს თავდაცვის სამინისტროს სტრატეგიული კომუნიკაციების დეპარტამენტი

შიგნითვბფგჰ (1)

მომზადებულია საქართველოს თავდაცვის სამინისტროს
სტრატეგიული კომუნიკაციების დეპარტამენტის მიერ
ტელ: +995(32) 2 72 35 35;
ელ–ფოსტა: stratcom@mod.gov.ge;
ვებ–გვერდი: mod.gov.ge

“საქართველოს შეიარაღებული ძალების მზადყოფნის პროგრამა იქნება გარდამტეხი მომენტი და პრინციპულად ახალი ერის დასაწყისი ქართული ჯარისთვის” – თინათინ ხიდაშელი

„პირველად ხდება, როცა ჩვენი პარტნიორი ქვეყანა გვეხმარება არა მხოლოდ სამშვიდობო მისიებსა თუ ნატოს ოპერაციებში, არამედ, იმაში, რაც ყველაზე მეტად სჭირდება ქართულ სახელმწიფოს. საქართველოს შეიარაღებული ძალების მზადყოფნის პროგრამა იქნება გარდამტეხი მომენტი და პრინციპულად ახალი ერის დასაწყისი საქართველოს შეიარაღებული ძალებისთვის. როდესაც ვთქვით, რომ ვარშავის სამიტის შემდეგ საქართველო იქნებოდა უფრო ძლიერი, ეს არის, სწორედ, ამ სიძლიერის კიდევ ერთი გამოვლინება. ჩვენ გვეძლევა შესაძლებლობა, ამერიკელ სამხედროებთან და ინსტრუქტორებთან ერთად სრულიად საქართველოს შეიარაღებული ძალები, მისი ყველა დანაყოფი ამ პროგრამის საშუალებით პრინციპულად ახალი სწავლების რეჟიმზე გადავიყვანოთ, ახალი ტიპის აღჭურვილობითა და შესაძლებლობებით, როგორიც ქართულ ჯარს აქამდე არასდროს ჰქონია“, – განაცხადა თინათინ ხიდაშელმა.

20 ივლისს აშშ-ში სამუშაო ვიზიტად მყოფმა საქართველოს თავდაცვის სამინისტროს დელეგაციამ თავდაცვის მინისტრის ხელმძღვანელობით პენტაგონში შეხვედრები დაიწყო. ვიზიტის მიზანი თავდაცვის სფეროში აშშ-საქართველოს შორის ორმხრივი კონსულტაციების გამართვა და აშშ-საქართველოს შორის გაფორმებული თავდაცვისა და უსაფრთხოების სფეროში პარტნიორობის გაღრმავების შესახებ ურთიერთგაგების მემორანდუმით გათვალისწინებული პირობების შესრულების დაწყება იყო.

აშშ-ის თავდაცვის უწყებაში მხარეებმა მომავალი სამი წლის სამხედრო თანამშრომლობის პერსპექტივა და პრიორიტეტული მიმართულებები განიხილეს და საქართველოს შეიარაღებული ძალების მზადყოფნის ახალ პროგრამაზე იმსჯელეს, რომელსაც, მემორანდუმის თანახმად, ამერიკის შეერთებული შტატები საქართველოში განახორციელებს.

საქართველოს შეიარაღებული ძალების გენერალური შტაბის უფროსის პირველმა მოადგილემ, პოლკოვნიკმა ომარ ბეგოიძემ ქართული ჯარისთვის პროგრამის მნიშვნელობაზე გაამახვილა ყურადღება. „ეს არ იქნება მხოლოდ ქვედანაყოფების მომზადება, საუბარია თავდაცვის სისტემაში ყველა მიმართულებით ინსტიტუციურ ცვლილებებზე – პირადი შემადგენლობიდან დაწყებული ლოგისტიკური საკითხებითა და რესურსების მართვით დამთავრებული. ეს პროგრამა მოგვცემს საშუალებას, რომ შეიარაღებული ძალები უფრო მაღალ დონეზე მოვამზადოთ, ავამაღლოთ მზადყოფნა და ქვედანაყოფების შესაძლებლობა, აწარმოონ თავდაცვითი ოპერაციები ჩვენი ეროვნული უსაფრთხოებისთვის“, – აღნიშნა პოლკოვნიკმა ომარ ბეგოიძემ.

ახალი პროგრამის ფარგლებში სექტემბერში საქართველოში ამერიკელ ექსპერტთა ჯგუფი ჩამოვა და ქართულ მხარესთან ერთად აღნიშნული პროგრამის განხორციელების გეგმაზე მუშაობას დაიწყებს. პროგრამით გათვალისწინებული მიმართულებების შესრულება მომავალი წლიდან დაიწყება.

აშშ-ის სახელმწიფო დეპარტამენტში გამართული შეხვედრის დასრულების შემდეგ თინათინ ხიდაშელმა კიდევ ერთხელ გაუსვა ხაზი თავდაცვისა და უსაფრთხოების სფეროში აშშ-სთან გაფორმებული ახალი მემორანდუმის განხორციელების მნიშვნელობას და განაცხადა, რომ აშშ-საქართველოს პარტნიორობა ახალ ეტაპზე გადადის. „ჩვენთვის ძალიან მნიშვნელოვანია, რომ სრულიად განსხვავებული ციკლი, რომელსაც ამერიკელებთან ვიწყებთ, რაც შეიძლება სწრაფად, დეტალურად გაიწეროს, რათა 2017 წლის დასაწყისიდან მისი განხორციელება შესაძლებელი გახდეს. დღეს სახელმწიფო დეპარტამენტში კიდევ უფრო ფართო თემებზე ვისაუბრეთ. ეს უკვე აღარ იყო მხოლოდ შეიარაღებული ძალების თავდაცვისუნარიანობის განმტკიცების ღონისძიებები. სახელმწიფო დეპარტამენტის ინტერესი, მისი მანდატი გაცილებით უფრო ფართოა. საუბარია ტერორიზმის, ოკუპაციის წინააღმდეგ ბრძოლაზე, ოკუპირებულ ტერიტორიებზე, მათ სტატუსზე, რეგიონალურ უსაფრთხოებაზე და ყველა იმ გამოწვევაზე, რომელიც საქართველოს წინაშე დგას. ვარშავის სამიტის მონაპოვარით და ქართულ-ამერიკული თავდაცვისა და უსაფრთხოების ახალი მემორანდუმით შეიარაღებულები ჩვენ დარწმუნებულები ვართ, რომ ამ დისკუსიების შემდეგ მოვახერხებთ, შემოდგომაზე უკვე გეგმები საბოლოოდ გაიწეროს და 1-ლი იანვრიდან ახალი პროექტების განხორციელება დავიწყოთ“.

ფგბფგბფშიგნით

მომზადებულია საქართველოს თავდაცვის სამინისტროს
სტრატეგიული კომუნიკაციების დეპარტამენტის მიერ
ტელ: +995(32) 2 72 35 35;
ელ–ფოსტა: stratcom@mod.gov.ge;
ვებ–გვერდი: mod.gov.ge

ენმ-მ მაჟორიტარობის კანდიდატების წარდგენა „მოსალოდნელი უამინდობის“ გამო გადადო

„ნაციონალური მოძრაობმა“ დღეს, 30 ივლისს, 2016 წლის საპარლამენტო და აჭარის უმაღლესი საბჭოს არჩევნებში წარსადგენი მაჟორიტარი დეპუტატობის კანდიდატების პრეზენტაცია გადადო. პარტიას დღეს ბათუმში, ბათუმის მაჟორიტარობის კანდიდატები უნდა დაესახელებინა.

როგორც პარტიის პრესსამსახურში „ბათუმელებს“ განუმარტეს, პრეზენტაციის გადადების მიზეზი მოსალოდნელი უამინდობა გახდა.

„კანდიდატების წარდგენა უნდა მომხდარიყო ღია ცის ქვეშ. მოსალოდნელი ცუდი ამინდის გამო კი, ღონისძიება ხვალისთვის გადავდეთ“ – აცხადებენ პრესსამსახურში.

31 ივლისს, ანუ ხვალ, „ნაციონალური მოძრაობა“ ხელვაჩაურის მაჟორიტარ კანდიდატებსაც წარადგენს.

მარიხუანა და არათანმიმდევრული სახელმწიფო მიდგომა

არჩილ ა. ბათუმის საქალაქო სასამართლომ 20 გრამი მარიხუანას შეძენა-შენახვისთვის დამნაშავედ ცნო, მაგრამ მას სასჯელი ვერ შეუფარდა. არჩილ ა. ერთ-ერთია მათ შორის, ვისაც გამამტყუნებელი განაჩენი გამოუტანეს, მაგრამ დასჯის ნაცვლად, გაათავისუფლეს. საკონსტიტუციო სასამართლოს გადაწყვეტილების შემდეგ,  გასული წლის 24 ოქტომბრიდან მარიხუანას შეძენა-შენახვაზე სისხლის სამართლებრივი პასუხისმგებლობის დაკისრება პირისთვის დაუშვებელია. პარლამენტმა დღემდე ამ კუთხით კანონმდებლობის შეცვლა ვერ მოახერხა.

„გაურკვეველი პოლიტიკაა ამ მიმართულებით,“ – ამბობს ადვოკატი დავით ჯაფარიძე. მისი შეფასებით, მიდგომა დისკრიმინაციულია, რადგან არ შეიძლება 70 გრამი მარიხუანას შეძენაზე ან მოხმარებაზე ადამიანს სჯიდე [კანონმდებლობით, 50 გრამზე მეტი გამომშრალი მარიხუანა დიდ ოდენობად ითვლება] და ერთი ტაბლეტი სააფთიაქო ნარკოტიკის შეძენისთვის თავისუფლების აღკვეთას უფარდებდე. „საკონსტიტუციო სასამართლოს გადაწყვეტილებას მივესალმები, მაგრამ არ შეიძლება, საერთოდ სასჯელის გარეშე რჩებოდეს ნარკოტიკის მომხმარებელი. მე, როგორც ერთი ადვოკატი, ვთვლი, რომ ყველა ამ შემთხვევაში და მხოლოდ მარიხუანაზე არა, ადმინისტრაციული პასუხისმგებლობა უნდა დგებოდეს. ბოლოს შემთხვევა მქონდა, როცა პირის მიმართ მარიხუანას მოხმარებაზე გამამტყუნებელი შედეგი დადგა, მაგრამ მას გირაოც უკან დაუბრუნეს და გაუშვეს. სახელმწიფომ უნდა თქვას, რომ ეს აღარაა დანაშაული და მარიხუანას დეკრიმინალიზაცია მოახდინოს, ან „სისხლის სამართლის კოდექსში“ ასახოს საკონსტიტუციო სასამართლოს გადაწყვეტილება,“ – ამბობს დავით ჯაფარიძე.

საკონსტიტუციო სასამართლომ გასული წლის 24 ოქტომბერს გამოაქვეყნა გადაწყვეტილება საქმეზე „ბექა წიქარიშვილი საქართველოს პარლამენტის წინააღმდეგ“. სასამართლომ მარიხუანას შეძენა-შენახვაზე სისხლის სამართლებრივი პასუხისმგებლობის დაკისრება და თავისუფლების აღკვეთა 7-დან 12-წლამდე მიიჩნია „შეუსაბამოდ მძიმედ, არაპროპორციულად, სასტიკად და ღირსების შემლახველად“.

საკონსტიტუციო სასამართლომ  კონკრეტულად „სისხლის სამართლის კოდექსის“ 260-ე მუხლის მეორე ნაწილი განიხილა, რომელიც მარიხუანას შეძენას და შენახვას ეხებოდა. ადვოკატი ედიშერ მახარაძე ამბობს, რომ ფართო გაგებით, გადაწყვეტილება 70-გრამამდე გამომშრალი მარიხუანას მოხმარებასაც უნდა შეეხოს და კულტივაციასაც, თუმცა პრაქტიკა განსხვავებულია: „გაურკვეველია, თუკი 70 გრამი მარიხუანას შეძენაზე არ მსჯი, მაშინ კულტივაციაზე რატომ მსჯი? კანონის გამოყენებას უნდა ჰქონდეს თანმიმდევრული დამოკიდებულება, თუკი ამას აქვს პრევენციული მიზანი. ფაქტია, რომ არსებობს სამართლებრივი პრობლემა და ფაქტია ისიც, რომ პარლამენტი არის უმოქმედო. ამაში უნდა ჩართულიყვნენ მეცნიერები, ანალიტიკოსები, ნარკოლოგებიც და ამ გზით უნდა შეცვლილიყო ნარკოპოლიტიკა. პარლამენტი არის არაკომპეტენტური და ამის შედეგია ეს მოცემულობა, რაც გვაქვს. შედეგი არის ის, რომ ნარკოტიკული დანაშაულის მაჩვენებელი, მათ შორის, მარიხუანას კუთხით, არ შემცირებულა“.

გიორგი ხიმშიაშვილი „ახალგაზრდა იურისტთა ასოციაციის“ აჭარის ფილიალის ხელმძღვანელი: „საკონსტიტუციო სასამართლოს გადაწყვეტილება ეხება ყველას, ნებისმიერ პირს, ვის მიმართაც მიმდინარეობს სისხლისსამართლებრივი დევნა მარიხუანას შეძენა-შენახვის, მოხმარების თუ კულტივაციისთვის. მიუხედავად იმისა, რომ სასამართლოს გადაწყვეტილება ეხება მხოლოდ 260-ე მუხლს, ეს არ ნიშნავს იმას, რომ გადაწყვეტილებიდან გამომდინარე განმარტებები ვერ გავრცელდება სხვა მუხლებზე, რომელიც შეეხება მარიხუანას. ვფიქრობ, მსგავსი მიდგომა თავიდანვე არასწორია, რადგან საკონსტიტუციო სასამართლოს გადაწყვეტილებას აქვს პრეცედენტული ხასიათი, ამიტომ მსჯელობისას ყურადღება უნდა მიექცეს არამხოლოდ იმას, თუ რა გადაწყვეტილება მიიღო სასამართლომ, არამედ იმასაც, თუ რას განმარტავს სასამართლო ამ გადაწყვეტილებაში. სასამართლომ ამ გადაწყვეტილებით დაადასტურა 70 გრამამდე გამომშრალი მარიხუანის შეძენა/შენახვისთვის სასჯელის სახით თავისუფლების აღკვეთის გამოყენების არაპროპორციულობაზე.“

გიორგი ხიმშიაშვილი მიიჩნევს, რომ პარლამენტი ვერც ამ შემთხვევაში აღმოჩნდა მოწოდების სიმაღლეზე, როცა „სისხლის სამართლის კოდექსი“ უცვლელი დატოვა საკონსტიტუციო სასამართლოს გადაწყვეტილების მიუხედავად: „საკონსტიტუციო სასამართლოს არ ჰქონდა შესაძლებლობა ემსჯელა „სისხლის სამართლის კოდექსის“ სხვა მუხლებზე, სადაც საუბარია მარიხუანას დასჯადობაზე. ამიტომ ჯერი პარლამენტზე იყო, რომელსაც უნდა მიეღო სწორი და დაბალანსებული პოლიტიკა მარიხუანასთან მიმართებით და ამით მეტი სიცხადე შეეტანა საზოგადოებაში, მაგრამ როგორც სხვა ბევრ საკითხთან მიმართებით, პარლამენტი აქაც ვერ აღმოჩნდა მოწოდების სიმაღლეზე, რაც მათი მუშაობის არაეფექტურობაზე მიუთითებს“.

„საჭირო იყო კანონში ცვლილების შეტანა, მაგრამ ეს ვერ მოხერხდა“, – გვითხრა ვახტანგ ხმალაძემ, პარლამენტის იურიდიული კომიტეტის თავმჯდომარემ. კანონპროექტი ამ კუთხით პარლამენტთან ერთად შინაგან საქმეთა სამინისტროს და იუსტიციის სამინისტროს წარმომადგენლებს მოუმზადებიათ. კანონპროექტი კენჭისყრაზე არ გასულა, თაროზე დევს. ვახტანგ ხმალაძე ამბობს, რომ კანონპროექტისთვის კენჭისყრას აზრი არ ჰქონდა: „დღემდე ორი ურთიერთსაპირისპირო პოზიციაა. კანონპროექტის ავტორები, მათ შორის მე, მომხრე ვიყავით სანქციების შემსუბუქების და მხოლოდ ადმინისტრაციული პასუხისმგებლობის განსაზღვრით. მეორე ნაწილი კი თვლიდა, რომ არანაირი სახდელი მარიხუანას მოხმარებაზე არ უნდა ყოფილიყო. შეთანხმება ამ პოზიციებს შორის ვერ მოხერხდა. ამ დამოკიდებულებამ განაპირობა მოცემულობა, რომელიც გვაქვს“.

წიგნების გამოფენა-გაყიდვა გრძელდება

წიგნების გამოფენა-გაყიდვა ევროპის მოედანზე გრძელდება. პროექტის “მოი(ზღვა)ვე წიგნების” ფარგლებში მკითხველს წიგნების შეძენა 40-დან 60 პროცენტამდე ფასდაკლებით შეუძლია. გამოფენაზე 7 გამომცემლობის წიგნებია წარმოდგენილი.

„თუკი ისევ იწვიმებს, აქცია აქვე რომელიმე დახურულ ადგილზე გადაინაცვლებს“ – უთხრა “ბათუმელებს” აქციის ერთ-ერთმა ორგანიზატორმა, თაკო პარკაულმა.

აქცია მხატვრული ლიტერატურის პოპულარიზაციისთვის ტარდება და მას საქველმოქმედო მიზანიც აქვს – წიგნების გამავრცელებელი კომპანია „ორიათონი“ წიგნებს მაღალმთიანი სოფლების ბიბლიოთეკებს გადასცემს.

წიგნების გამოფენა-გაყიდვა 31 ივლისს, საღამოს 9 საათამდე გაგრძელდება.

დისკუსია მშენებელ მუშათა უფლებებზე

“მშენებელ მუშათა უფლებები და სახელმწიფო” – ამ თემაზე დისკუსია დემოკრატიული ჩართულობის ცენტრში გაიმართა. თემის გააქტიურების ერთ-ერთი მიზეზი მშენებელთა დაღუპვის მაჩვენებელია – პროფესიული კავშირების მონაცემებით, ბოლო 9 წლის განმავლობაში მხოლოდ ბათუმში 53 მუშა დაიღუპა, ხოლო 114 დასახიჩრდა.

დისკუსიის ერთ-ერთმა მომხსენებელმა, ბათუმის მერიის ზედამხედველობის სამსახურის ტექნიკური უსაფრთხოების მონიტორინგის განყოფილების უფროსმა ირაკლი მოქიამ  შეკრებილებს უთხრა, როგორ რეაგირებს მერია შემთხვევებზე, როცა უსაფრთხოების ნორმები დაცული არ არის.

“თავდაპირველად კომპანიას ეძლევა მითითება, გონივრული ვადის გასვლის შემდეგ, თუკი შეუსრულებელია მითითება, კომპანია 500 ლარით ჯარიმდება”, – აღნიშნა ირაკლი მოქიამ. ზედამხედველობის სამსახურის უფლებამოსილებაში ტექნიკური ზედამხედველობა, მაგალითად, სამშენებლო მასალის ხარისხის კონტროლი არ შედის.

დისკუსიის კიდევ ერთი მომხსენებელი იაკობ გურგენიძე იყო,  აჭარის მშენებელთა პროფესიული კავშირის ხელმძღვანელი. მისი თქმით, მდგომარეობა განსაკუთრებით მას შემდეგ დამძიმდა, როცა სახელმწიფომ შრომის ინსპექცია გააუქმა კორუმპირებულობის მიზეზით: „შესაძლოა იყო კორუფციაც, მაგრამ გაუქმება არ იყო გამოსავალი. ამჟამად მხოლოდ შრომის და ჯანმრთელობის სამინისტროშია სპეციალური დეპარტამენტი, რომელსაც შეუძლია, მხოლოდ მესაკუთრის თანხმობის შემთხვევაში, შეამოწმოს მშენებლობა და დარღვევის აღმოჩენის შემთხვევაში რეკომენდაციას გასცემს. ფაქტია, რომ ეს საკმარისი არ არის”

IMG_20160730_150545
დისკუსია

იაკობ გურგენიძის თქმით, მშენებელს უსაფრთხოების პირობების უზრუნველსაყოფად დაახლოებით 5 ათასი ლარი სჭირდება. სახელმწიფოს ნების შემთხვევაში, უსაფრთოების პირობების დაცვა პრობლემა არ უნდა იყოს. დისკუსიის მონაწილემ, “თავისუფალ ჟურნალისტთა სახლის” ხელმძღვანელმა ასლან ჭანიძემ აღნიშნა, რომ ჯერ-ჯერობით სახელმწიფოს ნება არ ჩანს, მშენებლობების პროცესში დაიცვას მოქალაქის ინტერესი: “მერიის წინ შენდებოდა სახლი, სადაც უსაფრთხოების არცერთი ნორმა დაცული არ იყო. ეს ნათელი მაგალითია სახელმწიფოს დამოკიდებულების ამ თემის მიმართ”. ასლან ჭანიძემ ყურადღება გაამახვილა იმაზეც, რომ ჯარიმის ოდენობა – 500 ლარი, არაადეკვატურია და ჯარიმის ოდენობა მეტი უნდა იყოს.

“ჩემს წინ შენდება კორპუსი, თან ისე, რომ მეზობელ კორპუსში ხელს ჩამოვართმევ ვინმეს. არ იყო არცერთ სართულზე სამშენებლო უსაფრთხოების ბადეები. გამოვიძახეთ ზედამხედველობის სამსახური, მოვიდნენ, რაღაც ბადე ჩამოაფარეს, რომელიც სამ დღეში ისევ აღარ იყო. ახლა მოხალისე ბაბუა გვყავს ეზოში და ის უზრუნველყოფს ჩვენს უსაფრთხო გასვლა-გამოსვლას …” – თქვა პარტია „თავისუფალი საქართველოს“ წევრმა, რეზო შავაძემ.

დისკუსიის კიდევ ერთმა მონაწილემ საკრებულოს წევრმა “თავისუფალი დემოკრატებიდან” ჯაბა ბერიძემ აღნიშნა, რომ ზედამხედველობის სამსახურის თანამშრომლები 2012 წელს პროფესიული ნიშნით არ შერჩეულან: “მართალია, ახლა ზედამხედველობის სამსახურში 18 თანამშრომელია, მაგრამ საქმე ისევ იმ ძველი 7 ადამიანის გასაკეთებელია”.

დისკუსია “სამოქალაქო მოსმენების კავკასიური ცენტრის” ორგანიზებით ჩატარდა და მისი მოდერატორი გაზეთ “ბათუმელების” ჟურნალისტი, ნანა კვაჭაძე იყო. პროგრამის მხარდამჭერია ამერიკული ფონდი “ეროვნული წვლილი დემოკრატიისათვის” (National Endowment for Democracy – NED).

თუკი პოლიცია ღამით ფოტოს გადაღებას გაიძულებთ

ღამით საპატრულო პოლიციის თანამშრომლები რომ ქუჩაში მყოფ ადამიანებს, ძირითადად ახალგაზრდა მამაკაცებს, ფოტოებს უღებენ, ამის შესახებ „ბათუმელებს“ რამდენიმე მოქალაქე ესაუბრა. ისინი პატრულის თანამშრომლებმა საღამოს ან ღამის საათებში ბათუმის ქუჩებში გააჩერეს. არც ერთი მათგანისთვის პოლიციას არ აუხსნია, რისთვის უღებდნენ ფოტოსურათს. ახალგაზრდა იურისტთა ასოციაციის შეფასებით, საპატრულო პოლიცია კანონდარღვევით მოქმედებს.

ბექა ნ. ამბობს, რომ ის თანმხლებ ორ ახალგაზრდასთან ერთად საპატრულო პოლიციამ მოულოდნელად შეაჩერა ქუჩაში და პირადობის მოწმობები მოსთხოვა: „ვაჩვენეთ პასპორტი, ერთს არ ჰქონდა. გვკითხა, ღამით რატომ ხართ ქუჩაშიო. ვუთხარით, რამეს ვაშავებთ-თქო? არაფერი უპასუხია. მანქანაში მიბრუნდა და ფოტოაპარატი გამოიტანა. ცალ-ცალკე დაგვაყენა და სურათები გადაგვიღო. ვკითხე, რა ხდება, ეგ რაში გჭირდებათ-მეთქი და ზედმეტ კითხვებს სვამთო“.

პატრულს გაუჩერებია ქუჩაში პაატა დიასამიძეც, „ახალგაზრდა იურისტთა ასოციაციის“ იურისტი. პაატას თქმით, პატრული მასობრივად იყენებს ფოტოების გადაღების მეთოდს და მასთან კონსულტაციისთვის ამ საკითხით შეწუხებული რამდენიმე მოქალაქეც მისულა: „მეც გამაჩერეს და ვინაობა გამომკითხეს. ფოტოსურათიც უნდა გადაგიღოთო. ვუთხარი, რომ ამის უფლება არ ჰქონდათ, რადგან პირადობის დამადასტურებელი მოწმობა ვაჩვენე, იმის მიუხედავად, რომ წინასწარ არ განმიმარტეს, რისთვის გამაჩერეს. როცა კანონისკენ მივანიშნე, ფოტოს გადაღება გადაიფიქრეს და წავიდნენ.“

საიას იურისტის, პაატა დიასამიძის განმარტებით, პატრულის თანამშრომელს მხოლოდ იმ შემთხვევაში აქვს მოქალაქისთვის ფოტოს გადაღების უფლება, როცა პირის იდენტიფიცირება შეუძლებელია:

„ამას არეგულირებს პოლიციის შესახებ კანონის მე-18 მუხლი, რომლის მიხედვითაც საზოგადოების უსაფრთხოებისა და წესრიგის დასაცავად პოლიციელს შეუძლია განახორციელოს პრევენციული ღონისძიებები, მათ შორის, პირის გამოკითხვა, ზედაპირული შემოწმება ან დათვალიერება. ამ მოქმედების დაწყებამდე პოლიციელმა უნდა განუმარტოს მოქალაქეს, რის საფუძველზე და რა მიზეზით ახდენს გამოკითხვას. პოლიციელის ეჭვის საფუძველი შეიძლება იყოს ის, რომ პირი იმყოფება დანაშაულის ჩადენის, ან საპოლიციო კონტროლს დაქვემდებარებულ ადგილებში, ატარებს იარაღს და შეუძლებელია სხვა ფორმით იარაღის ტარების კანონიერების დადგენა და ასე შემდეგ.

ფოტოს გადაღება კი მაშინაა ნებადართული, თუკი გამოსაკითხი პირი უარს ამბობს ვინაობის გამხელაზე, არ აქვს პირადობის მოწმობა და არსებობს ეჭვი, რომ ის პირად ინფორმაციას არ ამხელს. ამ შემთხვევაში, უნდა შეივსოს შესაბამისი ოქმი და პირს განემარტოს, რა აუცილებლობითაა ამის გაკეთება გამოწვეული.

მოქალაქეები, ვინც ჩვენ მოგვმართა, ამბობენ, რომ მათ პირადი ინფორმაციის გამხელაზე უარი არ უთქვამთ, მაგრამ ფოტოსურათი მაინც გადაუღეს, ეს პირდაპირ კანონის დარღვევაა. ბოლოს ერთი შემთხვევა გვქონდა, როცა დედასთან ერთად ქუჩაში გამოსულ არასრულწლოვანსაც გადაუღეს ფოტო“.

პაატა დიასამიძე მიიჩნევს, რომ მიდგომა სისტემურია და პოლიცია ამ გზით პრევენციის გაძლიერებას ცდილობს. იურისტის შეფასებით, კანონის დარღვევით პრევენციული ღონისძიების გატარება დაუშვებელია.

ახალგაზრდა იურისტთა ასოციაციის მონაცემებით, ჯერ პრაქტიკაში არ ყოფილა შემთხვევა, როცა მოქალაქეს უკანონო გამოკითხვის, ან ფოტოს გადაღების გამო პატრულისთვის სასამართლოში ეჩივლოს: „ამ დროს მოთხოვნა შეიძლება იყოს ზიანის ანაზღაურება, მაგრამ ამის დადასტურება მაშინ შეიძლება, თუკი მესამე პირი მოახერხებს უკანონო ფოტოგადაღების დაფიქსირებას სხვა ფოტოთი,“ – განმარტავს იურისტი პაატა დიასამიძე.

რატომ არის საჭირო მოქალაქეების ღამით ქუჩაში გაჩერება და მათთვის ფოტოების გადაღება, ან რატომ შეიძლება ეს არ იყოს კანონდარღვევა? – „ბათუმელების“ შეკითხვას შინაგან საქმეთა სამინისტრომ კვირის განმავლობაში არ უპასუხა.

“ნაციონალური მოძრაობა” ღორჯომში სასწრაფო დახმარების მანქანის გადაცემაზე

Continue reading ““ნაციონალური მოძრაობა” ღორჯომში სასწრაფო დახმარების მანქანის გადაცემაზე”

დაბა შუახევში მიწის ნაკვეთების სისტემური რეგისტრაცია განხორციელდება

საქართველოს მთავრობამ ის დასახლებები განსაზღვრა, სადაც საპილოტო პროექტის ფარგლებში მიწის ნაკვეთებზე უფლებათა სისტემური რეგისტრაცია განხორციელდება. 12 ასეთ დასახლებას შორის, დაბა შუახევიც მოხვდა.

ეს დასახლებებია:

  1.  კარალეთი (გორის მუნიციპალიტეტი).
  2. ჯიმითი (გურჯაანის მუნიციპალიტეტი).
  3.  არბოშიკი (დედოფლისწყაროს მუნიციპალიტეტი).
  4.  არხილოსკალო (დედოფლისწყაროს მუნიციპალიტეტი).
  5.  სალხინო (ვანის მუნიციპალიტეტი).
  6.  მანგლისი (თეთრიწყაროს მუნიციპალიტეტი).
  7.  ზარიძეები (თიანეთის მუნიციპალიტეტი).
  8.  ვედიდკარი (მარტვილის მუნიციპალიტეტი).
  9.  ლახამულა (მესტიის მუნიციპალიტეტი).
  10.   საგურამო (მცხეთის მუნიციპალიტეტი).
  11.  მზისგული (საგარეჯოს მუნიციპალიტეტი).
  12.  შუახევი (შუახევის მუნიციპალიტეტი).

აღნიშნულ დასახლებებში, საპილოტო პროექტის ფარგლებში, სისტემური რეგისტრაციის სამუშაოების დაწყების დროს საჯარო რეესტრის ეროვნული სააგენტო განსაზღვრავს. საპილოტო პროექტის ფარგლებში უფლებათა რეგისტრაცია წარმოებს 2018 წლის 1 ივლისამდე. მთავრობის შესაბამისი დადგენილება მიმდინარე წლის 31 ივლისიდან ამოქმედდება.

მიწის რეგისტრაციის შესახებ სამ ივნისს დამტკიცებული კანონპროექტი ძალაში პირველი აგვისტოდან შევა. „საერთაშორისო გამჭვირვალობაში“ აცხადებენ, რომ სისტემური რეგისტრაციისას ნაკვეთების გადაფარვის რისკი მინიმუმამდე იქნება დაყვანილი.  დანარჩენ დასახლებებში მიწის რეგისტრაცია სპორადულად, მოქალაქეთა მიმართვიანობის საფუძველზე განხორციელდება.

აღსანიშნავია, რომ 13 აგვისტოდან ამოქმედდება საქართველოს მთავრობის კიდევ ერთი პროგრამა, რომელიც მიზნად ისახავს, მიწა საკუთრებაში დაირეგისტრირონ იმ ადამიანებმა, რომლებსაც 1992 წლის რეფორმის ფარგლებში არ მიუღიათ მიწის ნაკვეთები. საქართველოს მთავრობამ აჭარის მთავრობას დაავალა მიეწოდებინა იმ დასახლებების სია, სადაც 1992 წელს მიწის რეფორმა არ გატარებულა. აჭარის მთავრობის მიერ კი თბილისში გადაგზავნილი იქნა შემდეგ დასახლებათა ნუსხა:

ხულოს მუნიციპალიტეტი [მთლიანად, ანუ დაბა ხულოსა და ყველა სოფლის ჩათვლით] – გარდა რეკრეაციული ზონებისა: კურორტი ბეშუმი და კურორტი გოდერძი;

შუახევის მუნიციპალიტეტი – გარდა მთა ღომას, მთა ჩირუხისა და კურორტ გომარდულისა;

ქედის მუნიციპალიტეტი – გარდა დაბა ქედისა და აწჰესის დასახლებისა.

რატომ არ აღმოჩნდა ამ სიაში ქობულეთისა და ხელვაჩაურის მუნიციპალიტეტები, სადაც ასევე არ გატარებულა მიწის რეფორმა? – აღნიშნულთან დაკავშირებით აჭარის მთავრობაში აცხადებენ, რომ „მოცემული ნუსხა ატარებს საპილოტე ხასიათს და მომავალში შესაძლებელია დამატებით წარდგენილი იქნეს სხვა დასახლებების ნუსხაც, რომლებიც ამ ეტაპზე არ იქნა ასახული“.

მთავრობის სარეზერვო და რეგიონებში განსახორციელებელი პროექტების ფონდები 20 მილიონით გაიზარდა

საქართველოს მთავრობის განკარგულებით, საქართველოს მთავრობის სარეზერვო ფონდი 5 მილიონი ლარით, ხოლო რეგიონებში განსახორციელებელი პროექტების ფონდი 15 მილიონი ლარით გაიზარდა.

განკარგულება მთავრობამ 14 ივლისს მიიღო. აღსანიშნავია, რომ ფონდები, „საგარეო სახელმწიფო ვალდებულებების მომსახურებისა და დაფარვისათვის გათვალისწინებული ასიგნებების“ 20 მილიონი ლარით შემცირების ხარჯზე გაიზარდა.

კონკრეტულად რას მოხმარდება ეს 20 მილიონი, მთავრობის განკარგულებაში მითითებული არ არის. ამასთან, „საერთაშორისო გამჭვირვალობა  – საქართველომ“  მოუწოდა მთავრობას, წინასაარჩევნო კამპანიის პერიოდში თავი შეიკავოს მის მიერ დაგეგმილი თუ განხორციელებული პროექტების რეკლამირებისგან.

აჭარის პოლიციის დეპარტამენტს 6 ახალი „შკოდა“ გადასცეს

შსს-ს ინფორმაციით, აჭარის პოლიციის დეპარტამენტს „შკოდას“ მარკის 6 ახალი ავტომანქანა გადასცეს. შს მინისტრის პირველი მოადგილის ბესიკ ამირანაშვილის თქმით, დეპარტამენტის ავტოპარკის განახლების გადაწყვეტილება სამინისტრომ რეგიონებში სამართალდამცველების სამსახურებრივი შესაძლებლობების განვითარების მიზნით მიიღო.

„შინაგან საქმეთა მინისტრ გიორგი მღებრიშვილის გადაწყვეტილებით, პოლიციის დეპარტამენტების ავტოპარკი მთელი საქართველოს მასშტაბით განახლდება.“ – აღნიშნულია შსს-ს მიერ გავრცელებულ ინფორმაციაში.

ხულოში იალაღებზე ელექტროგადამცემი ქსელი მოეწყობა

ხულოს სოფლების – აგარა, საციხური, გელაურის სამთო იალაღებზე ელექტროგადამცემი ქსელი მოეწყობა. შესაბამისი ელექტრონული ტენდერი ხულოს მუნიციპალიტეტმა უკვე გამოაცხადა. სატენდერო თანხა 221 055 ლარია.

ტენდერში წინადადებების მიღება 17 აგვისტოს დასრულდება. გამარჯვებულმა სამუშაოების წარმოების პარალელურად, უნდა უზრუნველყოს სამუშაო ადგილის ფარგლებში გარემოზე ეკოლოგიური ზემოქმედების მინიმუმამდე დაყვანა და სამუშაო არეალში ხეების და მცენარეების სიცოცხლისუნარიანობა.

სამშენებლო სამუშაოები უნდა დაიწყოს ტენდერში გამარჯვებულთან ხელშეკრულების გაფორმების დღიდან და დასრულდეს ხელშეკრულების გაფორმებიდან 84 დღეში.

დღეს ბათუმში პარკირების წესების დარღვევაზე 500-ზე მეტი ადამიანი დაჯარიმდა

სატრანსპორტო ინფრასტრუქტურის მართვის სააგენტოს ინფორმაციით, დღეს ბათუმში პარკირების წესების დარღვევაზე 505 ადამიანი დაჯარიმდა.

პარკირების საფასურის გადახდის გარეშე დგომის გამო დაჯარიმდა – 402 ადამიანი, 50 – ნიშანში დგომის გამო, 22 – ტროტუარზე დგომისთვის, 9 – ტაქსის, სპეცტქნიკის პარკირების საფასურის გადაუხდელობისთვის, 21 – დგომა-გაჩერების წესის დარღვევისთვის და მხოლოდ 1 – ავტობუსის გაჩერებაზე დგომისთვის.

უსახლკარობა და ეკომიგრაცია – სახალხო დამცველის საჯარო დებატები

ამ წუთებში ბათუმის სახელმწიფო უნივერსიტეტში, საქართველოს სახალხო დამცველი, საჯარო დებატებს მართავს, დებატების თემაა – „უსახლკარობა, სოციალურად დაუცველი მოსახლეობა და ეკომიგრაციის სფეროში არსებული გამოწვევები აჭარაში“.

შეხვედრის მოდერატორია საქართველოს სახალხო დამცველი – უჩა ნანუაშვილი.

მომხსენებლები არიან:  საქართველოს სახალხო დამცველის აპარატის, აჭარის სამმართველოს უფროსი – ციალა ქათამიძე, აჭარის ჯანდაცვის სამინისტროს სტიქიით დაზარალებულთა საქმეების დეპარტამენტის უფროსი – დალი ქიქავა, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ეკომიგრანტთა საკითხების დეპარტამენტის უფროსი – კონსტანტინე რაზმაძე, ბათუმის მერიის ჯანმრთელობისა და სოციალური დაცვის სამსახურის უფროსი – სოფიო მიქელაძე და ააიპ “დემოკრატიის ინსტიტუტის” აღმასრულებელი საბჭოს თავმჯდომარე – გენო გელაძე.

შეხვედრაზე მომხსენებლები ისაუბრებენ აჭარაში შიდა მიგრაციული პროცესების გამომწვევ სოციალურ-ეკონომიკურ, ეკოლოგიურ და შრომით ფაქტორებზე; აჭარაში მიმდინარე შიდამიგრაციულ პროცესებზე აჭარის მთავრობის მიერ განხორციელებული ღონისძიებების შესახებ, ასევე განხილული იქნება აჭარის მთავრობის სამოქმედო გეგმა შიდა მიგრაციული პროცესების რეგულირების მიზნით; მომხენებლები ისაუბრებენ ეკომიგრაციის შესახებ სახელმწიფო პოლიტიკის ხარვეზებსა და ალტერნატივებზე; განხილული იქნება „თვითნებური შესახლებები“ და გამომწვევი ფაქტორების ანალიზი, მომხენებლები ისაუბრებენ რეკომენდაციების შესახებაც.

 

 

დისკუსია – მშენებელ მუშათა უფლებები და სახელმწიფო [ანონსი]

შაბათს, 30 ივლისს, 14:30 საათზე, ბათუმის დემოკრატიული ჩართულობის ცენტრში გაიმართება სამოქალაქო მოსმენები თემაზე: „მშენებელ მუშათა უფლებები და სახელწიფო“. დისკუსიის მომხსენებლები არიან: იაკობ გურგენიძე, აჭარის მშენებელთა პროფესიული კავშირის ხელმძღვანელი და ირაკლი მოქია, ბათუმის ზედამხედველობის სამსახურის უფროსი. დისკუსიის მოდერატორია ნანა კვაჭაძე, გაზეთ „ბათუმელების“ ჟურნალისტი.

დისკუსიას დაესწრებიან სამთავრობო და არასამთავრობო ორგანიზაციების წარმომადგენლები, პოლიტიკოსები და თემით დაინტერესებული პირები.

დასწრება თავისუფალია.

ღონისძიება ტარდება “სამოქალაქო მოსმენების კავკასიური ცენტრის” ორგანიზებით. პროგრამის მხარდამჭერია ამერიკული ფონდი “ეროვნული წვლილი დემოკრატიისათვის” (National Endowment for Democracy – NED).

მისამართი: ბათუმი, ფარნავაზ მეფის ქ. 62–64, „დემოკრატიული ჩათულობის ცენტრი“.

დაბინძურებული გრიგოლეთის პლაჟი [ფოტო]

გრიგოლეთის სანაპირო ზოლი, სუფსის გამგებლის მოადგილის, ნუგზარ ცინცაძის ინფორმაციით, ყოველი შტორმის შემდეგ სუფთავდება. „აღნიშნული პლაჟი  ყოველი წვიმის შემდეგ სუფთავდება, იწმინდება ის ნარჩენები რაც შტორმის დროს ზღვას გამოაქვს, პლაჟი არის ახალი დასუფთავებული,“ – ამბობს ის.

ადგილზე დამსვენებლების მიერ, “ბათუმელებისთვის” მოწოდებულ ფოტოებში კი სანაპირო ზოლი სხვადასხვა, მათ შორის საყოფაცხოვრებო და ნაწილობრივ სამშენებლო მასალების ნარჩენებით არის დაბინძურებული.

სამშენებლო და სხვა სახის ნარჩენები გრიგოლეთის სანაპირო ზოლთან

ფოტოები გადაღებულია 28 ივლისს.

Exit mobile version