მთავარი,სიახლეები

“ნაციონალური მოძრაობა” ღორჯომში სასწრაფო დახმარების მანქანის გადაცემაზე

30.07.2016 • 2022
“ნაციონალური მოძრაობა” ღორჯომში სასწრაფო დახმარების მანქანის გადაცემაზე

ღორჯომში აჭარის მთავრობის თავმჯდომარემ ძველი სასწრაფოს მანქანა გადასცა, რომელიც აქამდე გაფუჭებული იყო და აქამდე ვერ გაარემონტეს უნიათობის გამო”, – აცხადებს პეტრე ზამბახიძე “ერთიანი ნაციონალური მოძრაობიდან”. საუბარია ხულოში, გუშინ, 29 ივლისს სოფელ ღორჯომის მოსახლეობისთვის აჭარის მთავრობისგან სასწრაფო დახმარების მანქანის გადაცემაზე. მანქანა ღორჯომელებს უშუალოდ ზურაბ პატარაძემ, აჭარის მთავრობის თავმჯდომარემ გადასცა.

“ერთიანი ნაციონალური მოძრაობა” უწყებათშორის კომისიასაც მიმართავს და ამ ფაქტის შესწავლისკენ მოუწოდებს. პეტრე ზამბახიძე თვლის, რომ სასწრაფო დახმარების მანქანა ზურაბ პატარაძემ მოსახლეობას კეთილგანწყობის მოსაპოვებლად გადასცა და ამით წინასაარჩევნოდ ქულების დაწერას შეეცადა: “ჩვენი ინფორმაციით, ზურაბ პატარაძე აპირებს კენჭისყრას. ახალი რომ ეყიდათ, ეს კიდევ უფრო მეტი დარღვევა გამოდიოდა, რადგან სასწრაფოსთვის მანქანის შეძენა ბიუჯეტში გაწერილი არ იყო” – ამბობს პეტრე ზამბახიძე.

აჭარის ჯანმრთელობისა და სოციალური დაცვის სამინისტრო ადასტურებს, რომ სასწრაფოს მანქანა 2014 წელსაა შეძენილი და იგი ბოლო 6 თვის განმავლობაში გაფუჭებული იყო. ჯანდაცვის სამინისტროს პრესსამსახურის თქმით, სოფელ ღორჯომს კაპიტალურად გარემონტებული მანქანა გადასცეს. “ეს იყო კანონმდებლობით დაკისრებული ვალდებულებების შესრულება და მას არაფერი აქვს საერთო საარჩევნო მიზნებთან. შესაბამისად, სამინისტროსთვის მიუღებელია ის ფაქტი, რომ ამ თემით სპეკილურიბას აქვს ადგილი” – აცხადებენ აჭარის ჯანდაცვის სამინისტროში.

საკითხით დაინტერესებულია “ახალგახრდა იურისტთა ასოციაცია”. ორგანიზაცია აპირებს შეისწავლოს, ესწრებოდა თუ არა მანქანის გადაცემას პარტიის რომელიმე წარმომადგენელი და კონკრეტულად როდის განხორციელდა სასწრაფოს ავტომანქანების შესყიდვა.


 

sascrafo 2

გადაბეჭდვის წესი


ასევე: