შუახევის გამგეობა შუამთობას მოიალაღეებისთვის წელს გომის მთაზე გამართავს.
შუამთობასთან დაკავშირებით, შუახევის გამგეობას სპორტულ-კულტურული ღონისძიებების გამართვა აქვს დაგეგმილი. სპორტული ღონისძიების ფარგლებში შეჯიბრი მოეწყობა მარულაში, ფეხბურთსა და ძალოსნობაში. სპორტული ღონისძიებების ჩასატარებლად გომის მთაზე, 3 კილომეტრზე მანძილზე, მარულას ბილიკისა და 2 800 კვადრატულ ფართობზე მოედნის მოწყობაა დაგეგმილი.
სპორტული მოედნის, ბილიკის მოწყობასა და ღონისძიებებში გამარჯვებული მონაწილეებისთვის სიგელების, თასებისა და ფასიანი საჩუქრების შესაძენად გამგეობის მიერ გამოცხადებული ელექტრონული ტენდერი 5 ივლისს დასრულდა. ტენდერში მონაწილე ინდმეწარმე თენგიზ დავითაძესთან ხელშეკრულება გამგეობას ჯერ არ გაუფორმებია.
შუამთობის დღესასწაულზე სპორტულ ღონისძიებებში გამარჯვებულ მონაწილეებს ტელეფონები, ფეხბურთის ბურთები და ნარდი გადაეცემათ.
შუამთობის დღესასწაულის გამართვასთან დაკავშირებით ადგილობრივი ბიჯეტიდან 1048 ლარია გამოყოფილი.
შუამთობა საზაფხულო იალაღებზე ტრადიციულად, აგვისტოს პირველ შაბათ-კვირას იმართება.
