ხელვაჩაურში, ფრიდონ ხალვაშის გამზირზე ისევ გამოჩნდა მძიმე ტექნიკა. გზების დეპარტამენტში განმარტავენ, რომ ბათუმის შემოვლით გზას აერთებენ ფრიდონ ხალვაშის ქუჩას. მიმდინარე სამუშაოების გამო ხელვაჩაურის გზაზე ხშირად ისევ ფერხდება მოძრაობა.
საქართველოს საავტომობილო გზების დეპარტამენტის პრესცენტრის ინფორმაციით, სატრანსპორტო კვანძი ბათუმის შემოვლით გზაზე ასასვლელების მოსაწყობად კეთდება.
„ეს ცალკე პროექტია, საერთაშორისო ხელშეკრულებაა და სამუშაოს იგივე კომპანია ასრულებს, რომელიც ბათუმის შემოვლით გზას აშენებს“ – გვიპასუხეს გზების დეპარტამენტში.
როდის დასრულდება სამუშაოები და როდის გაიხსნება ბათუმის შემოვლითი გზა? – გზების დეპარტამენტის პრესცენტრში გვიპასუხეს, რომ დაერთების სამუშაოები „უახლოეს პერიოდში დასრულდება“, ასევე მიმდინარე წელს გაიხსნება ბათუმის შემოვლითი გზაც.
ბათუმის შემოვლითი გზის მშენებლობა, ხელისუფლების თავდაპირველი გათვლებით, 2020 წელს უნდა დასრულებულიყო. ამის შემდეგ მშენებლობის დასრულების თარიღი რამდენჯერმე გადაავადეს და მოგვიანებით 2023 წელი დაასახელეს, ბოლოს კი – 2024 წელი.
რაც შეეხება ფრიდონ ხალვაშის გამზირზე ასფალტის საფარს, ის 2023 წლის ბოლო დააგეს, თუმცა ორი თვის შემდეგ გზის ხელახლა გარემონტება გახდა საჭირო.
სამუშაოებზე დაახლოებით 20 მილიონი ლარი დაიხარჯა ბიუჯეტიდან. ფრიდონ ხალვაშის გამზირზე კომპანია „ერ ტე დემ“ იმუშავა. ეს ის კომპანიაა, რომელმაც თბილისში წერეთლის ქუჩის რეაბილიტაციაზე მუშაობდა ეგრეთ წოდებული „გუთენტრაკენის მეთოდით“.
ამ თემაზე:
„ფული მიაქვთ ჯიბეში“, ანუ როგორ გააკეთეს ხალვაშის გამზირი – გამოკითხვა ხელვაჩაურში
