დღეს, 15 ივნისს, ბათუმში, აჭარის უმაღლეს საბჭოში აჭარის მთავრობის თავმჯდომარეს, თორნიკე რიჟვაძეს უსმენენ.
რიჟვაძეს უმაღლეს საბჭოსთან ენმ-ის და ორგანიზაცია „ალტერნატივას“ წევრები დახვდნენ სტვენით, შეძახილებითა და პლაკატებით.
„კადიროვის მასპინძელი“, „ჩმორნიკე“, „ქართული ოცნება კლავს“ – წერია პლაკატებზე.
თორნიკე რიჟვაძეს აქციაზე შეახსენეს ნუგზარ ფუტკრაძის საქმეც. ბათუმის საკრებულოს წევრი ნუგზარ ფუტკარაძე 2021 წლის ნოემბერში გარდაიცვალა. ენმ-მ გასული წლის 24 ნოემბერს აუდიოფაილი გაავრცელა, რომლის მიხედვითაც საკრებულოს წევრს დამოუკიდებელ წევრობას სთხოვდნენ 100 ათასი დოლარის სანაცვლოდ. ამ დრომდე გამოძიებას ამ საქმეზე შედეგი არ დაუდია.
აქცია აჭარის უმაღლეს საბჭოში. ფოტო: „ბათუმელები“/ჯაბა ანანიძე
აქცია აჭარის უმაღლეს საბჭოში. ფოტო: „ბათუმელები“/ჯაბა ანანიძე
