ბათუმის ბულვარის ინფორმაციით, ბულვარში წიგნის ფორმის სასუვენირე დახლები განთავსდება. „ახალი, ორიგინალური დიზაინის ჯიხურები ექსკლუზიურად, ბათუმის ბულვარისთვის შეიქმნა, რომელიც ძველ ვერცხლისფერ ჯიხურებს 1 ივნისიდან ჩაანაცვლებს“.
ახალ კონსტრუქციას, სიმბოლურად წარწერა აქვს – „ Boulvard 1881“ და „Batumi“
ბულვარის ტერიტორიაზე სულ 30 ასეთი დახლი განთავსდება. მომავალი წლისთვის კიდევ რამდენიმე მსგავსი ჯიხურის დამატება იგეგმება.
„ბათუმის ბულვარის“ ინფორმაციით, ჯიხურების დიზაინის ესკიზი, ბულვარის ადმინისტრაციის დიზაინერ სალომე შავაძეს ეკუთვნის: „სუვენირებით მოვაჭრეები ჯიხურებში ვაჭრობის უფლებას აუქციონში გამარჯვების შემდეგ მოიპოვებენ“.
„ბათუმის ბულვარს“ 30 დახლის შესყიდვაზე 120 ათასი ლარიანი ტენდერი ჰქონდა გამოცხადებული.