უკრაინის საგარეო საქმეთა მინისტრი, დმიტრო კულება წერს, რომ ბუნდესტაგი ჰოლოდომორს გენოციდად აფესებს და ყველა დემოკრატიული ფრაქცია შეთანხმდა შემდეგ კვირაში ამ საკითხზე რეზოლუციის მიღებაზე.
„ყველა დემოკრატი გერმანული ფრაქცია შეთანხმდა შემდეგ კვირაში ჰოლოდომორთან დაკავშირებით მნიშვნელოვანი ერთობლივი რეზოლუციის მიღებაზე.
გადაწყვეტილია: ბუნდესტაგი ამას გენოციდად აფასებს.
უკრაინელი ხალხის პატივისცემისთვის მადლობა გერმანიას და პერსონალურად ლარს კლინგბეილს, ომიდ ნურიპოურს, კრისტიან დუერს და ფრიდრიხ მერცს – წერს დმიტრო კულება.
All democratic German fractions agreed on a milestone joint Holodomor resolution to be passed next week.
Decided: Bundestag sees it as a genocide.
Grateful to Germany and personally to @larsklingbeil @nouripour @christianduerr @_FriedrichMerz for honoring the Ukrainian people.
— Dmytro Kuleba (@DmytroKuleba) November 25, 2022
2018 წელს ამერიკის შეერთებული შტატების სენატმა რეზოლუციით უკრაინელი ხალხის წინააღმდეგ ჩადენილ გენოციდად აღიარა მასობრივი შიმშილი, რომელსაც ქვეყანაში ადგილი გასული საუკუნის 30-იან წლებში ჰქონდა და მილიონობით უკრაინელის სიცოცხლე შეეწირა. დოკუმენტი 3 ოქტომბერს დამტკიცდა.
მასობრივ შიმშილს, რომელიც „ჰოლოდომორად“ (უკრ. Голодомор, შიმშილით სიკვდილი) იწოდება, უკრაინაში ადგილი 1932-1933 წლებში ჰქონდა. საბჭოთა მმართველობისას შექმნილ კოლექტივებში გაწევრიანებაზე უკრაინელი გლეხების წინააღმდეგობის პასუხად, მათ სოფლის მეურნეობის პროდუქციას ძალით ართმევდნენ. სხვადასხვა მონაცემით, შიმშილს რამდენიმე მილიონი ადამიანი ემსხვერპლა. უკრაინა აღნიშნულის მოწყობაში საბჭოთა ოფიციალურ პირებს ადანაშაულებს და შიმშილს უკრაინელი ფერმერებისა და გლეხების წინააღმდეგ დამსჯელ ზომად განიხილავს.
ჰოლოდომორის მსხვერპლთა ხსოვნის დღე უკრაინაში ყოველი ნოემბრის მეოთხე შაბათს აღინიშნება. წელს ეს თარიღი 26 ნოემბერი იქნება.
