სიახლეები

გერმანიის დაწყებით სკოლაში მოსწავლეებს სავარაუდოდ დანით დაესხნენ თავს

28.02.2024 • 4293
გერმანიის დაწყებით სკოლაში მოსწავლეებს სავარაუდოდ დანით დაესხნენ თავს

გერმანიის ქალაქ დუისბურგის ერთ-ერთ დაწყებით სკოლაში ორ მოსწავლეს სავარაუდოდ დანით დაესხნენ თავს. ამის შესახებ სხვადასხვა მედია ერთხმად იუწყება.

პოლიციის თანახმად, უკვე დააკავეს 21 წლის ეჭვმიტანილი.

ქალაქის პოლიციამ მომხდარის შესახებ იქსზე [ყოფილი ტვიტერი] მოკლე ტექსტი გამოაქვეყნა. პოლიციის თანახმად, დაკავებული ბავშვებზე თავდასხმაშია ეჭვმიტანილი. პოლიციას დანაშაულის იარაღზე კომენტარი არ გაუკეთებია.

დაშავებული ბავშვები ამ დროისთვის საავადმყოფოებში იმყოფებიან ექიმების ზედამხედველობის ქვეშ.

პოლიციის ცნობით, ამ დროისთვის ადგილობრივ მოსახლეობას საფრთხე არ ემუქრება.

უწყების ცნობით, ბრალდებული მარტო მოქმედებდა.

__

მთავარი ფოტო: შპიგელი

გადაბეჭდვის წესი


ასევე: