სიახლეები

რუსეთის მორიგი სარაკეტო თავდასხმა კიევზე – არიან დაშავებულები

21.03.2024 • 3534
რუსეთის მორიგი სარაკეტო თავდასხმა კიევზე – არიან დაშავებულები

უკრაინის საჰაერო ძალების ცნობით, 21 მარტს, ღამე, რუსეთმა კიევს „ისკანდერისა“ და „კინჯალის“ ბალისტიკური რაკეტებით და 29 ფრთოსანი რაკეტით შეუტია.

ოფიციალური კიევის ცნობით, უკრაინის საჰაერო თავდაცვამ ყველა რაკეტა ჩამოაგდო, თუმცა რაკეტის ნამსხვრევების ჩამოვარდნის შედეგად კიევში საცხოვრებელ კორპუსებში ხანძარი გაჩნდა, დაზიანდა ეკლესია, საბავშვო ბაღი და დაიწვა რამდენიმე ავტომანქანა.

ცნობილია, რომ კიევში რუსეთის სარაკეტო შეტევის შედეგად დაშავდა 13 ადამიანი.

უკრაინული გამოცემის, „ეკონომიჩესკაია პრავდას“ ცნობით, 21 მარტს უკრაინაზე განხორციელებული მასიური თავდასხმა რუსეთს 390 მილიონი დოლარი დაუჯდა.

____________________________

ფოტო: კიევის ადმინისტრაცია/telegram

გადაბეჭდვის წესი


ასევე: