ნეტგაზეთი • RU

„ლიბერასტების პოლიტიკური კვნესა“ – რიჟვაძე სიძულვილის ენას კიდევ ერთხელ იყენებს

აჭარის მთავრობის თავმჯდომარე, თორნიკე რიჟვაძე, კიდევ ერთხელ გამოეხმაურა ჰომოფობიური ტერმინით გუშინ, 3 ივლისს, თბილისში გამართულ მრავალათასიან აქციას  – „შინ, ევროპისკენ“.

„გამიჭირდება შეფასება, ალბათ ვისაც არ ჰქონდა ნანახი ლიბერასტების პოლიტიკური კვნესა, გუშინ ვნახეთ ეს ყველაფერი.

რა თქმა უნდა, ამ კონკრეტული ჯგუფის კონკრეტული ახირებების მოსმენას და მითუმეტეს, მათ დაკმაყოფილებას არავინ არ აპირებს. ჩვენს ქვეყანაში შევინარჩუნებთ მშვიდობას და გავაგრძელებთ ხალხის სამსახურს,“ – თქვა თორნიკე რიჟვაძემ. მას აქციის შეფასება ბათუმში მიმდინარე აგროფორუმზე სთხოვეს.

ლიბერასტი (რუს. Либераст) არის ნეოლოგიზმი რუსულ ენაში. ნეოლოგიზმი შემოიტანა პუბლიცისტმა ილია სმირნოვმა. ტერმინი გაჩნდა მის 1990-იანი წლების  პუბლიკაციებში, რომლებიც შემდეგ თვითონ ავტორმა გააერთიანა წიგნში „ლიბერასტია“ (რუს. Либерастия). სიტყვას ძირითადად იყენებენ პრორუსული, ანტიდემოკრატიული შეხედულებების მქონე ადამიანები და ჯგუფები.

ეს არ არის პირველი შემთხვევა, როდესაც აჭარის მთავრობის თავმჯდომარე სიძულვილის ენით საუბრობს მოქალაქეებსა და პოლიტიკურ ოპონენტებზე.

„დავაი, დაახვიეთ, არავის გადაუღუნოთ“ – ასე მიმართა მან 7 ივნისს აჭარის უმაღლესი საბჭოს ოპოზიციას.

ამავე თემაზე: 

„ლიბერასტები“ – რიჟვაძის ჰომოფობიური ლექსიკა სამოქალაქო მოძრაობის მიმართ

 

ნეტგაზეთის მასალების სხვა გამოცემებში გადაბეჭდვის წესი
ავტორი