Batumelebi | ბათუმის საახალწლოდ მოსართავად 700 ათასი ლარი დაიხარჯება ბათუმის საახალწლოდ მოსართავად 700 ათასი ლარი დაიხარჯება – Batumelebi
RU | GE  

ბათუმის საახალწლოდ მოსართავად 700 ათასი ლარი დაიხარჯება

საშობაო-საახალწლო დღეებში ბათუმის გაფორმებისთვის ქალაქის ბიუჯეტიდან 699 910 ლარია გამოყოფილი. შესაბამისი მომსახურების შესყიდვაზე ტენდერი ბათუმის მერიის საქალაქო ინფრასტრუქტურისა და კეთილმოწყობის სამმართველომ უკვე გამოაცხადა.

ტენდერში წინადადებების მიღება 2021 წლის 5 დეკემბერს დაიწყება და 10 დეკემბერს დასრულდება.

ტენდერის პირობის მიხედვით:

  • სამონტაჟო სამუშაოები უნდა განხორციელდეს ტენდერში გამარჯვებულთან ხელშეკრულების გაფორმებიდან 2021 წლის 25 დეკემბრის ჩათვლით;
  • სადემონტაჟო სამუშაოები – 2022 წლის 15 თებერვლის ჩათვლით;
  • შემდგომი გამოყენებისათვის ვარგისი, ასევე დაზიანებული [რომელიც ექვემდებარება შეკეთებას შემდგომში გამოყენების შესაძლებლობით]და შემდგომში გამოსაყენებლად უვარგისი ყველა საახალწლო აქსესუარის რაოდენობრივი ჩამონათვალი გამარჯვებულმა მერიის სამსახურს 2022 წლის 1-ლი მარტის ჩათვლით უნდა წარუდგინოს;
  • ყველა დაზიანებული, მაგრამ რემონტს დაქვემდებარებული და შემდგომი გამოყენებისათვის ვარგისი საახალწლო აქსესუარის შეკეთება შემდგომი დასაწყობებით უნდა განხორციელდეს 2022 წლის 25 მარტის ჩათვლით.

კონკრეტული მისამართები, თუ სად რა აქსესუარები/კონსტრუქციები უნდა განთავსდეს, მოცემულია ტენდერის ტექნიკურ დავალებაში.

___

2020-2021 წლის საშობაო-საახალწლო დღეებში ქალაქის გაფორმების სამუშაოებისთვის კეთილმოწყობის სამმართველოს ელექტრონული ტენდერი 500 393 ლარზე ჰქონდა გამოცხადებული. აქედან 60 ათასი ლარი ქუჩების განათებისთვის იყო გამოყოფილი.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com