ჩეჩნეთის ლიდერმა, რამზან კადიროვმა, უფროს შვილს, აიშატ კადიროვას ჯილდო გადასცა ჩეჩნეთსა და ოკუპირებულ დონბასის რეგიონებს შორის „თანამშრომლობის გაძლიერებისთვის”.
24 წლის აიშატ კადიროვა კადიროვმა გასულ წელს ჩეჩნეთის მთავრობის თავმჯდომარის, ანუ თავის მოადგილედ დანიშნა.
ეს არ არის აიშატ კადიროვას პირველი ჯილდო, რომელიც მიიღო მამისგან, როგორც ჩეჩნეთის პირველი პირისგან. მანამდე იგი კადიროვმა ე.წ. DPR-ის რეგიონებში ჰუმანიტარული ტვირთის ჩატანისთვის დააჯილდოვა, 2021 წლის დეკემბერში კადიროვამ, რომელიც იმ დროს რესპუბლიკის კულტურის მინისტრის პოსტს იკავებდა, მამისგან მიიღო მედალი „ადამიანის უფლებების დაცვისთვის“, 2020 წლის მარტში კი – მედალი „ჩეჩნეთის ეროვნული კულტურისა და ხელოვნების განვითარებაში შეტანილი წვლილისთვის“.
აიშატ კადიროვა ასევე ხელმძღვანელობს Firdaws მოდის სახლს, რომელიც დააარსა კადიროვის ცოლმა, მედნი კადიროვამ.
ეს პირველი შემთხვევა არ არის, როცა კადიროვი ჯილდოებს გადასცემს ოჯახის წევრებსა და ნათესავებს.
კადიროვმა უფროსი ვაჟი, 16 წლის ადამ კადიროვი, რომელმაც 2023 წლის სექტემბერში სცემა რუსი სტუდენტი, კადიროვმა გადასცა ჩეჩნეთის რესპუბლიკის გმირის ჯილდო და დანიშნა თანამდებობაზე უსაფრთხოების სამსახურში.
გარდა ამისა, რამზან კადიროვმა თავის ძმისშვილს, 27 წლის ხამზათ კადიროვს 2024 წლის მაისში გადასცა მამაცობის ორდენი. ამის შესახებ ჩეჩნეთის სახელმწიფო სათათბიროს დეპუტატმა ადამ დელიმხანოვმა გაავრცელა ინფორმაცია და აღნიშნა, რომ ორდენის მინიჭების შესახებ განკარგულებას ხელი მოაწერა რუსეთის პრეზიდენტმა ვლადიმერ პუტინმა. ხამზათ კადიროვს ასევე მიენიჭა ჩეჩნეთის გმირის წოდება.
ასევე, რამზან კადიროვმა შვილი, 18 წლის ახმატ კადიროვი ჩეჩნეთის სპორტის მინისტრის პირველ მოადგილედ დანიშნა გასულ წელს.
რამზან კადიროვი და მისი ოჯახის წევრები: ორი ქალიშვილი, ცოლი და დედა აშშ-მ დაასანქცირა გასულ წლებში.
