აჭარაში, 21 აგვისტოს დილის მონაცემებით, ბოლო 24 საათში კორონავირუსის 602 ახალი შემთხვევა დაფიქსირდა. აჭარის ჯანდაცვის სამინისტროს ინფორმაციით, ამავე პერიოდში გარდაიცვალა 5 პაციენტი.
რეგიონის საავადმყოფოებში ამ დროისთვის 927 პაციენტი მკურნალობს, მათ შორის 146 მძიმე პაციენტია; 26 კი, ხელოვნური სუნთქვის აპარატზე იმყოფება.
ონლაინკლინიკაში, ანუ ბინაზე, 4 984 ინფიცირებული პირი იმყოფება; აჭარის კოვიდსასტუმროებში 1 254 ინფიცირებულია მოთავსებული, ხოლო თვითიზოლაციაშია 8 205 ადამიანი.
აჭარაში, 21 აგვისტოს დილის მონაცემებით, ჯამში 111 941 დოზა ვაქცინა გაკეთდა.
ბათუმში დღეს საკმაოდ გართულებულია ოჯახის ექიმებთან დაკავშირება. მოქალაქეები, რომლებსაც კორონავირუსი დაუდასტურდათ, რამდენიმე დღის განმავლობაშიც კი ვერ უკავშირდებიან ოჯახის ექიმს.
მსოფლიოში მე-5 ადგილზე კოვიდის გავრცელებით – როგორ ესმის ღარიბაშვილს პანდემიის მართვა
