NCDC-ის უახლესი ანგარიშის მიხედვით, 2020-2022 წლების პერიოდში, საქართველოს სამედიცინო დაწესებულებებში მომუშავე პერსონალში კოვიდით ინფიცირების 65 301 შემთხვევა დაფიქსირდა.
მედპერსონალის COVID 19-ით ინფიცირების ყველაზე მაღალი წილი (%) დაფიქსირდა თბილისში (34 850), იმერეთისა (8 538) და აჭარის (5 477) რეგიონებში.
2022 წლის 6 თვის განმავლობაში, რეგიონში მომუშავე სამედიცინო პერსონალიდან ყველაზე მეტი – 3 395 იმერეთში დაინფიცირდა, ინფიცირებული მედმუშაკების მაჩვენებლით შემდეგია აჭარის რეგიონი, სადაც 2 058 პერსონალი დაინფიცირდა.
2022 წლის პირველი ივლისის მდგომარეობით, სამედიცინო დაწესებულებებში მომუშავე პერსონალში COVID 19-ით ინფიცირებულთა წილი 49.7%-ია, მათ შორის ექიმებში დაინფიცირებულთა წილი 42% იყო, ექთნებსა და სანიტრებში – 53%-53%, არასამედიცინო პერსონალში კი 28%.
სამედიცინო დაწესებულებებში მომუშავე პერსონალში პანდემიის პერიოდში დაფიქსირდა COVID 19- ით განპირობებული გარდაცვალების 153 შემთხვევა. აქედან 92 ქალი იყო, 61 კი – კაცი.
2020-2022 წლებში სამედიცინო დაწესებულებებში მომუშავე პერსონალში ინფიცირებულების 80% 30-70 წლამდე ასაკობრივ ჯგუფზე მოდიოდა.