საქართველოში ამ დროისთვის მთლიანი მოსახლეობის მხოლოდ 6,7 პროცენტია სრულად ანუ 2 დოზით აცრილი კორონავირუსზე. თუ ამას ერთი დოზით აცრილების რაოდენობასაც დავუმატებთ, გამოდის, რომ საქართველოში აცრა [1 ან 2 დოზა] მთლიანი მოსახლეობის 16,2 პროცენტს აქვს გაკეთებული.
საქართველოს სტატისტიკის ეროვნული სამსახურის მონაცემებით, საქართველოში 3 728 600 ადამიანი ცხოვრობს. აცრა 16 და მეტი ასაკის მოქალაქეებში ტარდება. კორონავირუსზე აცრა მოქალაქეებისთვის უფასოა.
18 აგვისტოს დილის მდგომარეობით კორონავირუსზე აცრის სტატისტიკა საქართველოში ასეთია:
- სულ ჩატარებულია 857 056 აცრა;
- სრულად ანუ 2 დოზით აცრილია 251 447 ადამიანი ;
- ერთი დოზით აცრილია 354 162 ადამიანი.
- ანუ აცრა [1 და 2 დოზა] სულ 605 609 ადამიანს აქვს გაკეთებული.
რაც შეეხება აჭარას, სადაც 354 900 ადამიანი ცხოვრობს, ორი დოზით რეგიონის მთლიანი მოსახლეობის მხოლოდ 7,7 პროცენტია აცრილი.
18 აგვისტოს დილის მდგომარეობით კორონავირუსზე აცრის სტატისტიკა აჭარაში ასეთია:
- სულ ჩატარებულია 101 554 აცრა;
- სრულად ანუ 2 დოზით აცრილია 27 500 ადამიანი ;
- ერთი დოზით აცრილია 46 554 ადამიანი.
- ანუ აცრა [1 და 2 დოზა] აჭარაში სულ 74 054 ადამიანს აქვს გაკეთებული.
წინასწარი რეგისტრაციის გარეშე აცრა [“ფაიზერით” და “სინოფარმით”] ბათუმში შესაძლებელია „მედცენტრში“ [პუშკინის ქუჩა N118] ყოველ დღე, შაბათ-კვირის ჩათვლით, 10-დან 18 საათამდე;
