უკრაინის მოქალაქეებს საქართველოში უვიზოდ შემოსვლისა და ქვეყანაში 3 წლით ყოფნის უფლება აქვთ. ნებისმიერი იმ ქვეყნის მოქალაქეს, ვისაც საქართველოში უვიზოდ შემოსვლის უფლება აქვს, საქართველოში 1 წლით დარჩენა შეუძლია. გამონაკლისი უკრაინაა, რომლის მოქალაქეებსაც ამ დრომდე 2 წლით შეეძლოთ საქართველოში ყოფნა.
უკრაინის მოქალაქეებისთვის გამონაკლისი საქართველომ რუსეთ-უკრაინის ომის გამო დაუშვა.
საქართველოს მთავრობის დადგენილებაში – „იმ ქვეყნების ჩამონათვალის დამტკიცების შესახებ, რომელთა მოქალაქეებსაც შეუძლიათ საქართველოში უვიზოდ შემოსვლა“, 2024 წლის 23 აპრილს შევიდა ახალი ცვლილება, რომლის მიხედვითაც უკრაინის მოქალაქეებს საქართველოში უვიზოდ შემოსვლისა და სრული 3 წლის ვადით ყოფნის უფლება აქვთ.
მთავრობის ახალი დადგენილება 2024 წლის 23 აპრილს შევიდა ძალაში და ის 2024 წლის 24 თებერვლიდან წარმოშობილ სამართლებრივ ურთიერთობებზე გავრცელდება.
იმ ქვეყნების ჩამონათვალში, რომელთა მოქალაქეებსაც საქართველოში უვიზოდ შემოსვლა შეუძლიათ, 96 ქვეყანაა, მათ შორისაა რუსეთის ფედერაციაც:
ქვეყნები, რომელთა მოქალაქეებს საქართველოში უვიზოდ შემოსვლა შეუძლიათ
