ბათუმი,მთავარი,სიახლეები

ჭოროხისპირას მთავრობა ამჯერად 39 790 კვ.მ მიწას ყიდის – აუქციონი

20.06.2021 • 2111
ჭოროხისპირას მთავრობა ამჯერად 39 790 კვ.მ მიწას ყიდის – აუქციონი

აჭარის ფინანსთა და ეკონომიკის სამინისტრო ბათუმში, ჭოროხის ქუჩის მიმდებარედ არსებული მიწის ნაკვეთების გაყიდვას აგრძელებს. ამჯერად 5 ელექტრონულ აუქციონზე 6 ნაკვეთი იყიდება. ნაკვეთების საერთო ფართობი 39 790 კვადრატული მეტრია, გასაყიდი საწყისი ფასი კი, ჯამში 4 698 000 ლარი. ყველა ნაკვეთი პირობით იყიდება.

პირობები იდენტურია – მომავალმა მყიდველმა თითოეულ ნაკვეთებზე დახურული ტიპის სასაწყობე მეურნეობა უნდა აამოქმედოს და პროფილი მინიმუმ 15 წლის განმავლობაში შეუნარჩუნოს.

აუქციონები დაწყებულია და 2021 წლის 8 ივლისს დასრულდება.

[highlight color=”red”]აუქციონი 1[/highlight]: ერთ ლოტად იყიდება 5 744 კვ.მ და 7 898 კვ.მ  მიწის ნაკვეთები, რომელთა საწყისი გასაყიდი ფასი 1 610 000 ლარია. ვაჭრობის ბიჯია 40 ათასი ლარი.

აუქციონის მიხედვით, ამ ნაკვეთებზე მდებარეობს ელექტროგადამცემი ბოძები, ნაკვეთები ნაწილობრივ დაჭაობებულია და მათზე სამშენებლო ნარჩენებია განთავსებული.

  • ნაკვეთების მომავალმა მყიდველმა ხელშეკრულების გაფორმებიდან 12 თვის ვადაში უნდა შეძლოს ბათუმის საკრებულოს მიერ დადგენილი „სამრეწველო ზონა 1“-ის შესაბამისი საწარმოს/წარმოების ხაზის, რომელიც შეიძლება მოიცავდეს დახურული ტიპის სასაწყობე მეურნეობას [გარდა ინერტული მასალების წარმოებისა,] მშენებლობის ნებართვის მიღება;
  • ხელშეკრულების გაფორმებიდან 42 თვის ვადაში, საკუთრებაში გადაცემულ ქონებაზე შესაბამისი მშენებლობის ნებართვის მიხედვით საწარმოსათვის განკუთვნილი შენობა/ნაგებობის ექსპლუატაციაში გადაცემა;
  • ხელშეკრულების გაფორმებიდან 48 თვის ვადაში საკუთრებაში გადაცემულ ქონებაზე, საწარმოს/წარმოების ხაზის, ამოქმედება, სადაც დასაქმებულთა არანაკლებ 90% უნდა იყოს საქართველოს მოქალაქე;
  • დასაქმებულთა თანაფარდობის და საწარმოს პროფილის შენარჩუნება ობიექტის ამოქმედებიდან არანაკლებ 15 წლის განმავლობაში;
  • აღნიშნულ პროექტში არაუგვიანეს 48 თვის ვადაში არანაკლებ 1 000 000 ლარის ინვესტიციის განხორციელება.

[highlight color=”red”]აუქციონი 2[/highlight]: 640 ათას ლარადაა გამოტანილი აუქციონზე 5 420 კვ.მ მიწის ნაკვეთი. ვაჭრობის ბიჯი კი 15 ათასი ლარია.

[highlight color=”red”]აუქციონი 3[/highlight]: 6 699 კვ.მ მიწის ნაკვეთის საწყისი გასაყიდი ფასია 791 ათასი ლარი, ვაჭრობის ბიჯი – 17 ათასი ლარი.

[highlight color=”red”]აუქციონი 4[/highlight]: ელექტრონულ აუქციონზე 7 012 კვ.მ მიწის ნაკვეთი 828 ათას ლარად იყიდება. ვაჭრობის ბიჯი კი 175 ათასი ლარია.

[highlight color=”red”]აუქციონი 5[/highlight]: 829 ათას ლარად იყიდება 7 017 კვ.მ მიწის ნაკვეთი, სადაც ვაჭრობის ბიჯი 175 ათასი ლარია.

ეს ნაკვეთებიც [აუქციონები: 2-5] ნაწილობრივ დაჭაობებულია და მათზე განლაგებულია სამშენებლო ნარჩენები.

თითოეული ამ ნაკვეთის მომავალმა მყიდველმა კი [ყოველი ნაკვეთისთვის] უნდა შეასრულოს შემდეგი ძირითადი პირობები:

  • ხელშეკრულების გაფორმებიდან 12 თვის ვადაში შეძლოს „სამრეწველო ზონა 1“-ის შესაბამისი საწარმოს/წარმოების ხაზის, რომელიც შეიძლება მოიცავდეს დახურული ტიპის სასაწყობე მეურნეობას [გარდა ინერტული მასალების წარმოებისა] მშენებლობის ნებართვის მიღება;
  • ხელშეკრულების გაფორმებიდან 42 თვის ვადაში, საკუთრებაში გადაცემულ ქონებაზე შესაბამისი მშენებლობის ნებართვის მიხედვით საწარმოსათვის განკუთვნილი შენობა/ნაგებობ(ებ)ის ექსპლუატაციაში გადაცემა;
  • ხელშეკრულების გაფორმებიდან 48 თვის ვადაში საკუთრებაში გადაცემულ ქონებაზე, საწარმოს/წარმოების ხაზის, რომელიც შეიძლება მოიცავდეს დახურული ტიპის სასაწყობე მეურნეობას (გარდა ინერტული მასალების წარმოებისა), ამოქმედება, სადაც დასაქმებულთა არანაკლებ 90% უნდა იყოს საქართველოს მოქალაქეები;
  • დასაქმებულთა თანაფარდობის და საწარმოს პროფილის შენარჩუნება ობიექტის ამოქმედებიდან არანაკლებ 15 წლის განმავლობაში;
  • აღნიშნულ პროექტში არაუგვიანეს 48 თვის ვადაში არანაკლებ 500 000 ლარის ინვესტიციის განხორციელება.

ფოტოები აუქციონიდან

მიმდინარე წლის მარტში, ასევე ჭოროხის ქუჩის მიმდებარედ, 8 491 კვ.მ მიწა 1 მილიონ ლარად, ხოლო მეორე ნაკვეთი – 4 409 კვ.მ –  470 ათას ლარად იყიდებოდა.

პირველი ნაკვეთი 1 მილიონ 25 ათას ლარად [ანუ 1 ბიჯით]  შპს „აის ლენდ ჯორჯიამ“ იყიდა, ხოლო მეორე ნაკვეთზე გამოცხადებული აუქციონი არ შედგა.

ტერიტორიაზე, სადაც ეს ნაკვეთები იყიდება, გზებს ბათუმის მერია მოაწყობს. მერიის საქალაქო ინფრასტრუქტურისა და კეთილმოწყობის სამმართველოს ხელშეკრულება 13 588 887 ლარზე შპს New Road-თან აქვს გაფორმებული.

აჭარის მთავრობის ინფორმაციით, აღნიშნული გზების მოწყობის მიზანი სამრეწველო ზონის განვითარებაა.

გზების მშენებლობაზე ტენდერი მერიას 18 მილიონი ლარით ჰქონდა გამოცხადებული:

ბათუმის მერია გზას აკეთებს იქ, სადაც მოსახლეობა არ ცხოვრობს – დაიხარჯება 18 მილიონი

 

 

გადაბეჭდვის წესი


ასევე: