აჭარის მუნიციპალიტეტებს უფლება აქვთ, კომპანიებს ან საჯარო დაწესებულებებს, მათი მოთხოვნის შემთხვევაში, მიკროავტობუსებით ან ავტობუსებით მგზავრთა სპეციალური რეგულარული გადაყვანისთვის სპეციალური მარშრუტები განუსაზღვრონ.
მუნიციპალიტეტების მიერ განსაზღვრული მარშრუტით კი, კერძო ან საჯარო დაწესებულებას, უფლება ექნება მგზავრები [ძირითადად თანამშრომლები] რეგულარულად გადაიყვანონ ავტოტრანსპორტით.
სპეციალური რეისების განსაზღვრაზე გადაწყვეტილება მუნიციპალიტეტებმა უნდა შეუთანხმონ კორონავირუსთან დაკავშირებით აჭარის მთავრობასთან მოქმედ ოპერატიულ შტაბს.
„მუნიციპალიტეტებს ოპერატიულ შტაბთან შეთანხმებით, ადმინისტრაციულ საზღვრებში, M2 და M3 კატეგორიების ავტოსატრანსპორტო საშუალებებით მგზავრთა სპეციალური რეგულარული გადაყვანის მიზნით, ენიჭებათ იურიდიული პირის მოთხოვნით მარშრუტების განსაზღვრის უფლებამოსილება „სამუშაო ადგილებზე ახალი კორონავირუსის (COVID-19) გავრცელების თავიდან აცილების მიზნით რეკომენდაციების დამტკიცების თაობაზე“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანების შესაბამისად“, – აღნიშნულია საქართველოს მთავრობის 24 სექტემბრის დადგენილებაში.
მთავრობის ამავე დადგენილებით, აჭარის ტერიტორიაზე 25 სექტემბრიდან აკრძალულია საზოგადოებრივი ტრანსპორტის [მუნიციპალური ავტობუსები სა დამარშრუტო მიკროავტობუსები] მოძრაობა, ხოლო 26 სექტემბრიდან აკრძალულია საქალაქთაშორისო ტრანსპორტის მოძრაობა [როგორც აჭარის ადმინისტრაციულ საზღვრებში, ასევე აჭარის მიმართულებით ან/და უკუმიმართულებით მგზავრთა საქალაქთაშორისო გადაყვანა M2 და M3 კატეგორიების ავტოსატრანსპორტო საშუალებებით].
უცნობია, რამდენ ხანს გაგრძელდება ეს შეზღუდვა. საქართველოს ჯანდაცვის მინისტრის მოადგილის, თამარ გაბუნიას განცხადებით,
ამ ეტაპისთვის აჭარაში არ იზღუდება ტაქსით და კერძო ავტომანქანებით გადაადგილება. რაც შეეხება რკინიგზას, თბილისი-ბათუმი და ბათუმი-თბილისის მიმართულებით სამგზავრო მატარებლები ჩვეულებრივ რეჟიმში გააგრძელებენ მოძრაობას.
____
ხვალიდან აჭარაში საზოგადოებრივი ტრანსპორტი გაჩერდება – მთავრობა
