Batumelebi | ბათუმსა და თბილისს შორის მატარებლების მიმოსვლა არ შეჩერდება – საქართველოს რკინიგზა ბათუმსა და თბილისს შორის მატარებლების მიმოსვლა არ შეჩერდება – საქართველოს რკინიგზა – Batumelebi
RU | GE  

ბათუმსა და თბილისს შორის მატარებლების მიმოსვლა არ შეჩერდება – საქართველოს რკინიგზა

თბილისი-ბათუმი და ბათუმი-თბილისის მიმართულებით სამგზავრო მატარებლები ჩვეულებრივ რეჟიმში გააგრძელებენ მოძრაობას და 25 სექტემბრიდან მიმოსვლა არ შეჩერდება – ამის შესახებ „ბათუმელებს“ საქართველოს რკინიგზაში განუცხადეს.

„ხვალიდან, აჭარის რეგიონში საზოგადოებრივი ტრანსპორტი მთლიანად გაჩერდება“ – განაცხადა დღეს, 24 სექტემბერს, საქართველოს მთავრობაში გამართულ ბრიფინგზე ნათია მეზვრიშვილმა, მთავრობის ადმინისტრაციის უფროსმა.

შეზღუდვების ვადა უცნობია, მთავრობის ადმინისტრაციის უფროსის განცხადებით, ვადა დაკონკრეტდება შექმნილი მდგომარეობიდან გამომდინარე.

შეეხება თუ არა შეზღუდვა საქალაქთაშორისო და აჭარის მუნიციპალიტეტებს შორის საავტომობილო ტრანსპორტის მოძრაობას, ამის შესახებ საქართველოს მთავრობის ცხელ ხაზზე „ბათუმელებს“ უთხრეს, რომ „აჭარაში საზოგადოებრივი ტრანსპორტის გაჩერება ჯერჯერობით არის ინიციატივა და დეტალები ზუსტდება“.

ამ თემაზე:

ხვალიდან აჭარაში საზოგადოებრივი ტრანსპორტი გაჩერდება – მთავრობა

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com