მთავარი,სიახლეები

საინფორმაციოს უფროსის მოვალეობის შემსრულებლად გიორგი აბაზაძე დანიშნეს – აჭარა TV

04.03.2020 • 2859
საინფორმაციოს უფროსის მოვალეობის შემსრულებლად გიორგი აბაზაძე დანიშნეს – აჭარა TV

საზოგადოებრივი მაუწყებლის აჭარის ტელევიზიისა და რადიოს დირექტორმა გიორგი კოხრეიძემ, საინფორმაციო სამსახურის უფროსის მოვალეობის შემსრულებლად გიორგი აბაზაძე წარადგინა – ინფორმაციას ამის შესახებ აჭარის ტელევიზია ავრცელებს.

მაუწყებლის ცნობით, გიორგი აბაზაძე, რომელიც საინფორმაციო სამსახურის საინფორმაციო გამოშვების შაბათ-კვირის წამყვანია, დათანხმდა წინადადებას. მაუწყებლისვე ცნობით, გიორგი კოხრეიძემ გიორგი აბაზაძის კონსულტანტად ლალი ბერძენიშვილი დაასახელა, რომელსაც დირექტორი აქამდე საინფორმაციოს უფროსად განიხილავდა.

აჭარის მაუწყებლის საინფორმაციო სამსახურის უფროსი შორენა ღლონტი თანამდებობიდან 28 თებერვალს გაათავისუფლეს სამსახურებრივი გადაცდომის მიზეზით. მანამდე, გიორგი კოხრეიძის გადაწყვეტილებითა და აჭარის მაუწყებლის მრჩეველთა საბჭოს თანხმობით, საინფორმაციო სამსახურის უფროსის მოადგილის შტატი გაუქმდა და აღნიშნული თანამდებობა დატოვა მაია მერკვილაძემ, რომელიც, ასევე, მაუწყებლის მთავარი გამოშვების რედაქტორი იყო.

აჭარის ტელევიზიის ჟურნალისტები ამბობენ, რომ აჭარის მაუწყებელში ცდილობენ სარედაქციო დამოუკიდებლობაში ჩარევას და სწორედ ამიტომ ახალი დირექტორი მისთვის არასასურველ კადრებს იშორებს თავიდან.

__________

ფოტოზე: გიორგი აბაზაძე. ფოტო: აჭარის ტელევიზია

ამავე თემაზე: 

„აჭარის მაუწყებელში სუსია“ – ჟურნალისტების პროტესტი საინფორმაციო გამოშვებაში

გადაბეჭდვის წესი


ასევე: