ქობულეთის მუნიციპალიტეტის სოფელ ჩაისუბანში მდებარე რკინის სადნობ სახელოსნოს კულტურული მემკვიდრეობის უძრავი ძეგლის სტატუსი მიენიჭა.
საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის შესაბამის ბრძანებაში აღნიშნულია, რომ „ჩაისუბნის რკინის სადნობი სახელოსნო“ ძვ. წ. აღ. X-VIII საუკუნეების ძეგლია.
ამავე ბრძანებით, კულტურული მემკვიდრეობის უძრავი ძეგლის სტატუსი მიენიჭა ასევე წყალტუბოსა და ცაგერის მუნიციპალიტეტებში მდებარე 8 ობიექტს.
ჩაისუბანი მდინარე ჩაქვისწყლის ხეობაში, ზღვის დონიდან 150 მ სიმაღლეზე მდებარეობს და ქალაქ ქობულეთიდან 17 კილომეტრითაა დაშორებული. სოფლის ადრინდელი სახელებია შუა ჩაქვა და დიდი ჯამე. ადამიანს აქ ჯერ კიდევ ახალ ქვის ხანაში უცხოვრია. სოფელში აღმოჩენილია ბრინჯაოს ხანის განძი.
„ჩაისუბნის რკინის სადნობი სახელოსნო“ / ძვ. წ. აღ. X-VIII საუკუნეები
