ქობულეთის მუნიციპალიტეტის სოფელ გორგაძეებში ძლიერი წვიმის შედეგად საცხოვრებელ სახლთან მიწის მასა ჩამოწვა. ქობულეთის მერიის პრესსამსახურის ინფორმაციით, ოჯახი უსაფრთხო ადგილზე გადაიყვანეს.
დღეს, 2 ნოემბერს, სოფელ ხუცუბანში სახლთან კედელი ჩამოინგრა და ამ სახლსაც საფრთხე ემუქრება. მერიაში ამბობენ, რომ შესაძლოა ამ ოჯახსაც მოუხდეს სახლის დატოვება.
ასევე ქობულეთში, სოფელ ზედა აჭყვაში, სკოლასთან ახლოს ცენტრალურ გზაზე „გასკდა გაბიონი“ და გზა ჩაკეტილია.
გარდა ამისა, აჭყვაში დაზიანებულია გაზის მილი.
საერთო ჯამში, ამ დროის მონაცემებით ქობულეთში სტიქიის შედეგად მცირე მასშტაბის მეწყრული პროცესები დაფიქსირდა ათ სოფელში. მიმდინარეობს სალიკვიდაციო სამუშაოები.
ქობულეთის მერია: მდინარე აჭყვა კალაპოტის მაქსიმალურ ნიშნულამდე ადიდდა
