ქობულეთში უხვი ნალექის შედეგად რამდენიმე ადმინისტრაციულ ერთეულში განვითარდა მეწყრული პროცესები. ადიდებულია მდინარე აჭყვა. მერიის ინფორმაციით, მდინარემ კალაპოტის მაქსიმუმ ნიშნულს მიაღწია.
წვიმის შედეგად დაიტბორა გელაურის დასახლებაში საცხოვრებელი სახლების ეზოები.
ქობულეთის მერიის ცნობით, შექმნილია სტიქიის სალიკვიდაციო შტაბი, რომელიც მუნიციპალიტეტის მასშტაბით არსებულ მდგომარეობას სწავლობს. შტაბი 24 საათიან რეჟიმში მუშაობს.
დატბორილი ეზო ქობულეთში
