Batumelebi | ჟურნალისტური ეთიკის ქარტიის განცხადება აჭარის საზოგადოებრივი მაუწყებლის დირექტორის კონკურსზე ჟურნალისტური ეთიკის ქარტიის განცხადება აჭარის საზოგადოებრივი მაუწყებლის დირექტორის კონკურსზე – Batumelebi
RU | GE  

ჟურნალისტური ეთიკის ქარტიის განცხადება აჭარის საზოგადოებრივი მაუწყებლის დირექტორის კონკურსზე

საქართველოს ჟურნალისტური ეთიკის ქარტია აჭარის ტელევიზიისა და რადიოს დირექტორის კონკურსის შესახებ განცხადებას ავრცელებს. ქარტიის საბჭო ეხმიანება სასამართლოს გადაწყვეტილებას, რომელმაც შეაჩერა ტელევიზიისა და რადიოს დირექტორის მეოთხე კონკურსი კონკურსის ბოლო დღეს.

„მრჩეველთა საბჭოს თავმჯდომარემ, ნატა იმედაიშვილმა პროცესზე პოლიტიკურ გავლენებზე მიანიშნაეჭვები გამოთქვა დირექტორის მოვალეობის შემსრულებელმა ნათია ზოიძემ, თავად მაუწყებლის ჟურნალისტები კი ქარტიასთან გამოთქვამენ შიშს, რომ მოვლენების ამგვარი განვითარება დირექტორის არჩევაში ხელისუფლების ჩარევას მიანიშნებს.

ქარტიის საბჭო იზიარებს ტელევიზიისა და რადიოს თანამშრომელთა ეჭვებსა და შიშს. გვსურს ხაზი გავუსვათ საზოგადოებრივი მაუწყებლის განსაკუთრებულ როლს და იმ მიუკერძოებელი სარედაქციო პოლიტიკის მნიშვნელობას, რითიც აჭარის ტელევიზია და რადიო გამოირჩევა. ამ მიუკერძოებლობის შენარჩუნება უნდა იყოს უპირველესი ამოცანა როგორც მრჩეველთა საბჭოსთვის, ისე ყველა იმ პირისთვის, ვისაც პირდაპირ თუ ირიბად ზეგავლენა აქვს პროცესზე. შესაბამისად, უკიდურესად მნიშვნელოვანია თითოეული მათგანი პასუხისმგებლობით მოეკიდოს ყველა ქმედებას და გაიაზროს ის ზიანი, რაც შეიძლება მიადგეს საზოგადოებრივი მაუწყებლის აჭარის ტელევიზიასა და რადიოს, საბოლოოდ კი აუდიტორიას“ – აღნიშნულია ქარტიის განცხადებაში.

ბათუმის საქალაქო სასამართლოს მოსამართლე კობა გოცირიძემ 23 სექტემბერს, გამოსცა განჩინება, რის საფუძველზეც შეაჩერა აჭარის ტელევიზიის დირექტორის ასარჩევად გამოცხადებული მეოთხე კონკურსი. ტელევიზიის სამეურვეო საბჭოს ერთ-ერთმა კონკურსანტმა, გიორგი კოხრეიძემ, უჩივლა სასამართლოში.

სამეურვეო საბჭომ საზოგადოებრივი მაუწყებლის აჭარის ტელევიზიისა და რადიოს დირექტორის ასარჩევად კონკურსი აქამდე სამჯერ გამოაცხადა. გიორგი კოხრეიძემ პირველ ორ კონკურსში 0 ხმა მიიღო, მესამედ გამოცხადებულ კონკურსში კი – 2 ხმა. საბჭომ მესამედ გამოცხადებული კონკურსიც ჩაშლილად გამოაცხადა მრჩეველთა საბჭოს რეგლამენტის საფუძველზე, რომელიც დირექტორის ასარჩევად 2+1 ერთი ხმის საჭიროებას ადგენს.

გიორგი კოხრეიძემ სასამართლოს მიმართა და საბჭოს მიერ 25 აგვისტოს მეოთხედ გამოცხადებული კონკურსის შეჩერება ითხოვა. ამავე სარჩელით მოსარჩელე ითხოვს მრჩეველთა საბჭოს მესამე კონკურსის გამარჯვებულად გიორგი კოხრეიძე გამოაცხადოს.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.