იანვარი-ივნისის პერიოდში საქართველოში 3 862 444 ვიზიტორი შემოვიდა – ზრდა 8.4%-ია


ტურიზმის ეროვნული ადმინისტრაციის მონაცემებით, 2019 წლის ივნისის თვეში საქართველოში ტურისტული ვიზიტების რაოდენობამ 471 979 შეადგინა, რაც 71 990-ით მეტია 2018 წლის მაჩვენებელზე – ზრდა +18%. ამ ინფორმაციას ტურიზმის ადმინისტრაცია შინაგან საქმეთა სამინისტროზე დაყრდნობით ავრცელებს.

ადმინისტრაციის ინფორმაციით, ივნისში საერთაშორისო მოგზაურების ვიზიტების რაოდენობამ 873 966 შეადგინა – ზრდა +20.2%.

უწყების მონაცემებით, 2019 წლის იანვარი-ივნისის პერიოდში ტურისტული ვიზიტების რაოდენობამ  2 127 142 შეადგინა, რაც 193 368-ით მეტია 2018 წლის ანალოგიურ მაჩვენებელზე – ზრდა +10%.

6 თვეში საქართველოში 3 862 444 საერთაშორისო  მოგზაურების ვიზიტი განხორციელდა, ზრდა +8.4%.

პოზიტიური ტენდენცია შენარჩუნებულია ევროკავშირის ქვეყნების მიმართულებიდან, საიდანაც საქართველოში საერთაშორისო ვიზიტორების ვიზიტების ზრდის კუთხით გამოირჩეოდნენ: ავსტრია +71%, გერმანია +67.7%, გაერთიანებული სამეფო  +34.9%, ლატვია +30.2%, ნიდერლანდები +25.7%,  და სხვა. განსაკუთრებული ზრდა დაფიქსირდა შემდეგი ქვეყნებიდან: საუდის არაბეთი +127.7%, იორდანია +91.4%, ყაზახეთი +78.4%, ჩინეთი +52.9%, კორეა +48%, თურქეთი +45.8% და სხვა.

ყველაზე მეტი საერთაშორისო ვიზიტი რუსეთიდან (+30.8%), თურქეთიდან (+45.8%), აზერბაიჯანიდან  (+8.8%) და სომხეთიდან (+9.7%) განხორციელდა.

ამავე თემაზე:

5 თვეში ტურიზმიდან საქართველოს შემოსავალი 9 პროცენტით გაიზარდა და 1.1 მილიარდი დოლარია

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან