აშშ-ის თავდაცვის დეპარტამენტმა შეაფასა რუსეთის მიმდინარე კონტრშეტევა კურსში.
პენტაგონის პრესსპიკერმა, გენერალმა პატრიკ რაიდერმა რუსეთის კონტრშეტევას „უმნიშვნელო“ უწოდა ბრიფინგზე, 12 სექტემბერს.
„ვიტყოდი, რომ ამ ეტაპზე ეს უმნიშვნელოა [რუსეთის კონტრშეტევა], მაგრამ ცხადია, ამას ვაკვირდებით“ – თქვა რაიდერმა.
რაიდერის ამ პასუხს წინ უძღოდა 12 სექტემბერს უკრაინის პრეზიდენტის, ვოლოდიმირ ზელენსკის განცხადება იმის შესახებ, რომ რუსეთის შეიარაღებულმა ძალებმა დაიწყეს კონტრშეტევა კურსკის რეგიონში.
ზელენსკიმ ხაზგასმით აღნიშნა, რომ კურსკის მახლობლად მოვლენები „უკრაინული გეგმის“ მიხედვით ვითარდება.
ამავე დროს, რუსეთის თავდაცვის სამინისტრო აცხადებს, რომ აღადგინა კონტროლი უკრაინის არმიის მიერ ოკუპირებულ ათ დასახლებულ პუნქტზე.
ომის კვლევის ამერიკული ინსტიტუტის, ISW-ის ბოლო მიმოხილვაში რუსეთ-უკრაინის ომის შესახებ, ნათქვამია, რომ რუსულმა ჯარებმა მცირე პროგრესს მიაღწიეს კურსკის იმ რაიონებში, რომლებსაც უკრაინის თავდაცვის ძალები სრულად არ აკონტროლებდნენ.
ექსპერტები 12 სექტემბერს გამოქვეყნებულ გეოლოკაციის კადრებზე დაყრდნობით წერენ, რომ რუსულმა ძალებმა მიაღწიეს მცირე გამარჯვებას ვიშნევკას დასავლეთით (კორენევოის სამხრეთ-დასავლეთით) და კრასნოოკტიაბრსკის ჩრდილოეთით (კორენევოის სამხრეთ-დასავლეთით).
ასევე, გეოლოკაციის კადრები მიუთითებს იმაზე, რომ უკრაინული ქვეითი ჯარი საზღვრის გასწვრივ ტეტკინოში გადავიდა (დაახლოებით 40 კმ სამხრეთ-დასავლეთით უკრაინის ამჟამინდელი ფრონტის ხაზიდან კურსკის რეგიონში).
ექსპერტები მიუთითებენ რუსეთის თავდაცვის სამინისტროს განცხადებაზე იმის შესახებ, რომ რუსულმა ძალებმა 10-დან 11 სექტემბრის ღამეს კონტრშეტევების დაწყების შემდეგ, აპანასოვკა, ბიახოვო, ვიშნევკა, ვიქტოროვკა, ვნეზაპნოიე, გორდეევკა, კრასნოუკტიაბრკაიე, აპანასოვკა, ბიახოვო, ვიშნევკა, ვიქტოროვკა, კორენევოს სამხრეთ და სამხრეთ-დასავლეთით 10 დასახლება დაიბრუნეს.
ISW-ის თქმით, ჯერ არ არის ვიზუალური დადასტურება, რომ რუსულმა ძალებმა დაიბრუნეს რომელიმე ეს დასახლება, გარდა სნაგოსტისა და კრასნოოკტიაბრსკოეს ნაწილებისა.
ამავე დროს, ISW-ი აღნიშნავს, რომ რუსული ჯარები შევიდნენ კურსკის იმ რაიონებში, რომლებსაც უკრაინული ჯარები ჯერ არ აკონტროლებენ ან არ ცდილობენ გააკონტროლონ და რუსეთის ჯარებს, სავარაუდოდ, დიდი სირთულე შეექმნებათ შემდგომი წინსვლისთვის იმ რაიონებში, რომლებსაც უკრაინელები აკონტროლებენ.
