დღეს, 27 აგვისტოს, უკრაინის პრეზიდენტმა ვოლოდიმირ ზელენსკიმ პრესკონფერენციაზე განაცხადა, რომ უკრაინა აგრძელებს სამხედრო-სამრეწველო კომპლექსის განვითარებას და უკვე შექმნა თავისი პირველი ბალისტიკური რაკეტა.
„ვფიქრობდი, ამაზე საუბარი ნაადრევი იყო, მაგრამ… დადებითად შედგა პირველი უკრაინული ბალისტიკური რაკეტის გამოცდა“ – ციტირებს ზელენსკის „უკრაინსკა პრავდა“.
მან დასძინა, რომ რაკეტის შესახებ მეტის თქმა არ შეუძლია, მაგრამ გადაწყვიტა ამ ინფორმაციის გაჟღერება, რათა საზოგადოებამ დააფასოს ხალხი, რომელიც მუშაობს 24/7-ზე თავდაცვისთვის.
ზელენსკიმ ასევე განაცხადა, რომ 24 აგვისტოს უკრაინელმა სამხედროებმა რუსეთის არმიას ახალი უკრაინული დრონით, „პალიანიცათი“ პირველად დაარტყეს.
