8 სექტემბერს სარფის სანაპიროზე „კოლხობა“ გაიმართება

8 სექტემბერს, სარფში, ზღვის სანაპიროზე სახალხო დღესასწაული „კოლხობა“ გაიმართება.  ღონისძიების შესახებ ინფორმაცია ხელვაჩაურის მუნიციპალიტეტის მერიამ დააანონსა. მუნიციპალიტეტის მერიის განათლების, კულტურისა და სპორტის სამსახურის უფროსის, ქეთევან დევაძის ინფორმაციით, წელს ხელვაჩაურის მერიამ ღონისძიებისთვის ახალი დეკორაცია შეისყიდა.

„კოლხობის“ ბიუჯეტი 7000 ლარია. „კოლხობასთან“  დაკავშირებული მომსახურება მუნიციპალიტეტის მერიამ ელექტრონული ტენდერით შეისყიდა.

სახალხო დღესასწაული პირველად  1978 წელს  ,,ქვაომხაზობის” სახელით გამართულა, 1979 წლიდან კი დღესასწაული სარფის სანაპიროზე „კოლხობის“ სახელწოდებით იმართება.

ღონისძიებაში მონაწილეობენ ადგილობრივი და საქართველოს სხვადასხვა კუთხიდან მოწვეული ფოლკლორული ანსამბლები.

ნეტგაზეთის მასალების სხვა გამოცემებში გადაბეჭდვის წესი
ავტორი