მთავარი,სიახლეები

10 წელი აგვისტოს ომიდან – დისკუსია და წიგნის “(S)hero(es)” პრეზენტაცია ბსუ-ში

01.08.2018 • 2865
10 წელი აგვისტოს ომიდან – დისკუსია და წიგნის “(S)hero(es)” პრეზენტაცია ბსუ-ში

9 აგვისტოს, 13:00 საათზე, ბათუმის შოთა რუსთაველის სახელმწიფო უნივერსიტეტის ბიბლიოთეკაში წიგნის “(S)hero(es)” პრეზენტაცია გაიმართება.

დისკუსია და წიგნის პრეზენტაცია რუსეთ-საქართველოს ომის 10 წლისთავთან დაკავშირებით ჩატარდება. ღონისძიების ორგანიზატორიები არიან ბსუ და გამომცემლობა “წიგნები ბათუმში”.

წიგნის ავტორები მწერალი სალომე ბენიძე და ფოტოგრაფი დინა ოგანოვა წარადგენენ ფოტოწიგნს “(S)hero(es)”. ქართულ და ინგლისურენოვანი წიგნი გამომცემლობამ ,,წიგნები ბათუმში“ გამოსცა. წიგნის მთავარი გმირები ის ქალები არიან, რომლებიც აგვისტოს ომის თვითმხილველები და მონაწილენი გახდნენ, რომლებმაც შეიარაღებული კონფლიქტის შედეგად ყველაზე ახლობელი ადამიანები დაკარგეს, ქალები, რომელთა ცხოვრებაც ომმა სამუდამოდ შეცვალა.

შეხვედრის ფარგლებში გაიმართება დისკუსია, რომელშიც მონაწილეობას მიიღებენ ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის ასოცირებული პროფესორი, კონფლიქტოლოგი ირაკლი გორგილაძე და ომის მონაწილე, გენერალ გიორგი კვინიტაძის სახელობის კადეტთა სამხედრო ლიცეუმის დაწყებითი სამხედრო მომზადების კურსის სერჟანტი, მასტერ სერჟანტი ლევან ჯანგირაშვილი.

 

გადაბეჭდვის წესი


ასევე: