ბათუმელები
<!** Image 1 align="left" alt="ირაკლი ჩავლეიშვილი " sub="ირაკლი ჩავლეიშვილი" width="400" height="501" >
საკრებულო ბათუმის მერის, ჯემალ ანანიძის გადაყენებაზე იმსჯელებს – ეს ინფორმაცია „ბათუმელებთან“ საკრებულოს ახალმა თავმჯდომარემ, ირაკლი ჩავლეიშვილმა დაადასტურა. მისი თქმით „ახალ ხელმძღვანელობას ახალი ხედვები და პრიორტეტები აქვს ქალაქის ახლებურად სამართავად“, რომლის განსახორციელებასაც საკრებულო ახალ მერთან ერთად გააგრძელებს.
გიორგი კირთაძე საკრებულოს თავმჯდომარე აღარ არის. 14 ხმა ერთი წინააღმდეგ – ასე განაწილდა ხმები საკრებულოში.
რიგგარეშე სხდომას პროტესტის ნიშნად არ ესწრებოდნენ „ნაციონალური მოძრაობის” დეპუტატები. კირთაძის გადაყენების წინააღმდეგი მხოლოდ გენო თებიძე იყო, რომელმაც „ნაციონალური მოძრაობა” რამდენიმე თვის წინ დატოვა და საკრებულოს ოპოზიციას შეურთდა.
დღესვე ცნობილი გახდა ბათუმის საკრებულოს ახალი თავმჯდომარის ვინაობა. ამ ადგილს საკრებულოს წევრი „რესპუბლიკური” პარტიიდან, ირაკლი ჩავლეიშვილი დაიკავებს.
თუ დღეს ბათუმის საკრებულოს რიგგარეშე სხდომაზე დეპუტატებმა გიორგი კირთაძის იმპიჩმენტის საკითხის გატანა შეძლეს, გიორგი კირთაძე სასამართლოს მიმართავს.
კითხვაზე, ნიშნავს თუ არა ეს იმას, რომ სასამართლო გადაწყვეტილებამდე კირთაძე თანამდებობის შენარჩუნებას შეძლებს, ახალგაზრდა იურისტთა ასოციაციის აჭარის ფილიალის თავმჯდომარე გია ქარცივაძე განმარტავს, რომ საკრებულოს საკმარისი ხმების შეგროვების შემთხვევაში მისი გადაყენების კანონიერი უფლემა აქვს, რაც იმას ნიშნავს, რომ ჩივილის შემთხვევაში სასამართლოს გადაწყვეტილების მიღებამდე კირთაძე თანამდებობის შენარჩუნებს ვერ შეძლებს.
დღეს, 4 საათზე ჩანიშნულ რიგგარეშე სხდომაზე ბათუმის საკრებულოს 12 წევრი საკრებულოს თავმჯდომარის, გიორგი კირთაძის იმპიჩმენტის საკითხის დაყენებას და მის ნაცვლად ირაკლი ჩავლეიშვილის არჩევას გეგმავს. გადაწყვეტილების მიღების შემთხვევაში გიორგი კირთაძე თვითმმართველობის შესახებ საქართველოს კანონის დარღვევის გამო და სამართლოანობის აღდგენის მოთხოვნით სასამართლოს მიმართავს.
ბათუმის საკრებულოს თავმჯდომარემ გიორგი კირთაძემ იმ დეპუტატებისგან, რომლებიც მისი იმპიჩმენტის საკითხის დაყენებასა და სანაცვლოდ საკრებულოს თავმჯდომარის პოსტზე საკრებულოს ოპოზიციური ფრაქციის თავმჯდომარის ირაკლი ჩავლეიშვილის არჩევის საკითხის დასაყენებლად რიგგარეშე სხდომის დანიშვნას უკვე მეორე კვირაა ითხოვენ, მორიგი წერილი მიიღო. ამჯერად საკრებულოს წევრებმა კირთაძისგან რიგგარეშე სხდომის დანიშვნა ხვალ 31 იანვარს, დღის 4 საათისთვის მოითხოვეს.
მანანა ქველიაშვილი
საია, „საერთაშორისო გამჭვირვალობა საქართველო“ და „სამართლიანი არჩევნები“ აჭარის მთავრობის თავმჯდომარეს მიმართავს და სთხოვს ხელი არ მოაწეროს უმაღლესი საბჭოს არჩევნების შესახებ აჭარის ავტონომიური რესპუბლიკის კანონში შესულ ცვლილებებს. ცვლილება უსკოს დაკომპლექტების წესს შეეხება.
ღია წერილი თვითმმართველი ქალაქის – ბათუმის საკრებულოს თავმჯდომარეს
ბატონ გიორგი კ ი რ თ ა ძ ე ს
მამაშვილური დარიგებითა და ქრისტესმიერი სიყვარულით,
ბათუმის საკრებულოს წევრი ალეკო ჩხარტიშვილი
მანანა ქველიაშვილი
დღეს ბათუმის მერი ჯემალ ანანიძე ირანის ისლამური რესპუბლიკის კონსულს აჰმად რეზა არზჯანს შეხვდა. შეხვედრაზე ბათუმისა და ირანის გუბერნიის, ოსთნის ქალაქ არაქთან დამეგობრების საკითხი განიხლეს.
ცაგო კახაბერიძე
ამ წუთებში ბათუმის პორტის ტერიტორიაზე სატვირთო მანქანების მძღოლები პარკირების საფასურის შემოღებას აპროტესტებენ: „დღეს გაგვაფრთხილეს, რომ ორშაბათს გადახდილი უნდა გვქონდეს პარკირების გადასახადი. თუ არ გადაიხდით დაჯარიმდებითო. როცა პარკირების საფასურს ითხოვენ, შესაბამისად მოწესრიგონ გარემოც. მარტო პარკირების ნიშნის დაყენებაში ითხოვენ ფულს? – ტერიტორიაზე სიბინძურეა, კანალიზაციიდან წყალი გამოდის. ასეთ გარემოში მანქანის დაყენებითვის ყოველთვიურად 45 ლარი უნდა გადავიხადოთ “.
„ბათუმის პარკინგის“ ხელმძღვანელი ზაზა ნაჭყებია განმარტავს, რომ „ბათუმის ტერიტორიაზე სატვირთო ავტომანქანების გასაჩერებლად გამოყოფილია სპეციალური ადგილები. სხვა ადგოლებზე მათ გაჩერება ეკრძალებათ ამ დადგენილების მიხედვით. იმ ადგილებზე კი, რომლებიც სპეც-ტექნიკის პარკირებისთვის არის გამოყოფილი. არის მოსაკრებელი დღიური სამი ლარი ან ყოველთვიურად 45 ლარი. “
პარკირების წესებს „ ბათუმის პარკინგი“ ბათუმის საკრებულოს 2010 წლის 15 ოქტომბრის დადგენილების მიხედვით არეგულირებს. ამ დადგენილებით კომპანიას მხოლოდ პარკინგის ორგანიზება ევალება, ტერიტორიის მოწესრიგება მის მოვალეობებში არ შედის.
ბათუმის საკრებულოს თავმჯდომარე გიორგი კირთაძე საკრებულოს წევრებს მის გადაყენებასთან დაკავშირებით სხდომის მოწვევის მოთხოვნაზე პასუხობს:
„ ბოლო პერიოდში, როცა ჩვენ ვთქვით, რომ უნდა დაგვეწყო კულტურული ძეგლების რესტავრაცია, ბევრი არ გვეთანხმებოდა. მაგრამ ეს იყო საჭირო და ეს მაინც გავაკეთეთ, რადგან ჩვენ ჩვენი ქალაქი გვიყვარს.“ – ეს განცხადება ბათუმის მერმა ჯემალ ანანიძემ დღეს საკრებულოს დარბაზში გამართულ წიგნის პრეზენტაციაზე გააკეთა.
მერიის მორიგი გამოცემა „ბათუმის არქიტექტორული ძეგლები“ ბათუმში არსებული 196 – მდე ძეგლის აისტორიულ -არქიტექტურულ დახასიათებასა და ფოტოალბომს აერთიანებს.
წიგნის გამოცემაზე ბათუმის საკრებულოს განათლების, კულტურის, სპორტისა და ტურიზმის კომისიის თავმჯდომარე ნაზი ფუტკარაძე, პროფესორი რამაზე სურმანიძე, არქიტექტორი გია ბაღოშვილი, ხელოვნებათმცოდნე მანანა სურამელაშვილი და სხვები ორი წლის მანძილზე მუშაობდნენ.
„ბათუმის არქიტექტურული ძეგლების“ გამოცემა ბათუმის მერიას 25 000 ლარი დაუჯდა. წიგნი 1000 ცალიანი ტირაჟით გამოიცა.
პრეზენტაციას ბათუმის საკრებულოს წევრები და მოწვეული სტუმრები ესწრებოდნენ.
ცაგო კახაბერიძე
ორმოცდაათამდე ადამიანი თამარის დასახლებიდან დღეს დილის თერთმეტი საათიდან მერიის მთავარ შესასვლელთან იდგა. მოქალაქეები ბათუმის მერთან შეხვედრას ერთი საათის მანძილზე ელოდნენ. საბოლოოდ მათ საკრებულოს თავმჯდომარე გიორგი კირთაძე შეხვდა. მოქალაქეებმა საკრებულოს თავმჯდომარეს იმ მემორანდუმის პირობების შესრულება მოსთხოვეს, რომლის თანახმადაც მერია საცხოვრებელი ბარაკების დათმობის სანაცვლოდ მათ ბინებით უზრუნველყოფას პირდებოდა.
მანანა ქველიაშვილი
გასულ წელს აჭარაში 152 მილიონი დოლარის ინვესტიცია განხორციელდა. რაც 2011 წელთან შედარებით 2%-ით მეტია. რეგიონში ყველაზე მეტი ინვესტიცია თურქეთიდან შემოვიდა და მთლიანი ინვესტიციის 65%-ი შეადგინა. რა გამოწვევების წინაშე დგას ახალი მთავრობა და როგორი საინვესტიციო გარემოს შექმნას ჰპირდება წელს ინვესტორებს, ამის შესახებ „ბათუმელებს“ აჭარის ფინანსთა და ეკონომიკის მინისტრის მოადგილე ბესიკ ბოლქვაძე ესაუბრა.
მანანა ქველიაშვილი
აჭარაში სოფლის მეურნეობის მიზნობრივი პროგრამების განსახორციელებლად 2 მილიონ ლარზე მეტი დაიხარჯება. აჭარის სოფლის მეურნეობის სამინისტრომ მიზნობრივი პროგრამების საჯარო განხილვა დღეს გამართა. შეხვედრაში აგრარულ სფეროში მომუშავე მეცნიერები, ფერმერები, მეწარმეები, მუნიციპალიტეტების და არასამთავრობოს სექტორის წარმომადგენლები ესწრებოდნენ.
ლელა დუმბაძე
მეთევზეები აცხადებენ, რომ სანაპირო დაცვამ მათ თევზჭერა შეუზღუდა. მათი თქმით, თევზჭერის ზონები ისედაც შემცირებულია და ახალი შეზღუდვები მეთევზეებს ფაქტობრივად სამუშაოს გარეშე ტოვებს. მეთევზეები ამბობენ, რომ ადლიაში მათ თევზაობის უფლებას არ აძლევენ, თუმცა ბუნებრივი რესურსების სააგენტოს განცხადებით ამ ზონაში თევზჭერა ისედაც აკრძალული იყო და ახალი შეზღუდვები მათ არ დაუწესებიათ.
<!** Image 1 align="" alt="მეთევზეების საპროტესტო აქცია" sub="მეთევზეების საპროტესტო აქცია" width="300" height="300" >
<!** Image 1 align="" width="150" height="764" >
„ბათუმის ნავთობტერმინალის“ და შპს „ბათუმის საზღვაო ნავსადგურმა“ გამოსცა ორგვერდიანი გაზეთი – „ბათუმის ტრანზიტი“. გაზეთის პირველი გვერდი რუსულ ენაზეა შედგენილი, ხოლო მეორე – ქართულად.
გამოცემის ცნობით, „2012 წლის 11 დეკებრისათვის ბათუმის ნავთობტერმინალმა 4 910 ათასი ტონა ნავთობი და ნავთობპროდუქტები გადატვირთა. შესაბამისად, 2012 წლის საწარმოო გეგმა ვადამდეა შესრულებული. 5189736.9 ტონათხევადი ნახშირწყალბადოვანი ნაერთები გადაიტვირთა ბათუმის ნავთობტერმინალში 2013 წლის 1 იანვრის მდგომარეობით“.
გამოცემის ცნობით, წელს ბათუმის საზღვაო ნავსადგურმა არსებობის მანძილზე ყველა რეკორდი მოხსნა:
„ბათუმის საზღვაო ნავსადგურმა გადაჭარბებით შეასრულა 2012 წლის გეგმა და რეკორდულ მაჩვენებლებს მიაღწია ბათუმის საზღვაო ნავსადგურის არსებობის მანძილზე. 2012 წლის 11 დეკემბრის მდგომარეობით მშრალი ტვირთების ტვირთბრუნვა შეადგენს 1 531 ათას ტონას. გადატვირთვების მოსალოდნელი წლიური მოცულობა გეგმას 2%-ით გადააჭარბებს“.
გამოცემა ასევე აქვეყნებს 2012 წელს ბათუმის საზღვაო ნავსადგურის მიერ გადაზიდული მშრალი ტვირთის ოდენობას: „გადაზიდულია 1 576 875,49 ტონა მშრალი ტვირთები, რაც 76 875,49 ტონით (5,13%) მეტია დაგეგმილ მოცულობაზე და 3,9%-ით მეტია გასული წლის მაჩვენებლებთან შედარებით. ნავსადგურის მშრალი ტვირთების გადაზიდვაში ლიდერის პოზიციები ძველებურად უჭირავს შაქრის ნედლეულს (30,2 %) და ამონიუმის გვარჯილას (21,8 %) – გეგმა შესრულდა 100%-ით და გადაჭარბებაა 20,5%-ით.
გეგმა გადაჭარბებით შესრულდა ასევე რკინის პროდუქციაზე – 3 493,96 ტონით (18,57%) და ძირითად ტვირთებზე – 4 084,62 ტონით (3,47%). სააღრიცხვო პერიოდისთვის ნავსადგურმა დაამუშავა 702 გემი. ნავსადგურის ტვირთნაკადში შეიმჩნევა ცვლილებები, საიმპორტო და სატრანზიტო ტვირთების წილი გათანაბრდა და საანგარიშო წლისათვის შეადგენს 37-37%.
ბათუმის საზღვაო ნავსადგურის გავლით გადატვირთული სატრანზიტო ტვირთის მიმღებ ქვეყნებს შორის ლიდერის პოზიციას მყარად ინარჩუნებს აზერბაიჯანი. 2012 წლისათვის ამ ქვეყანაზე მოვიდა სატრანზიტო ნაკადის 93,67%. საიმპორტო ტვირთების დიდი ნაწილი მოდის თურქეთიდან.
ძირითად ტვირთ – სამშენებლო მასალა.
მეორე ადგილი უკავია სამხრეთ აფრიკის რესპუბლიკას, საიდანაც იმპორტირებულია 115 471,40 ტონა მანგანუმი და კოკსი. მესამე ადგილზეა ბრაზილია, რომელმაც მოგვაწოდა 105 053,10 ტონა შაქრის ნედლეული და 2 300 ტონა სოიო.
2013 წლის ბათუმის საზღვაო ნავსადგურის საწარმოო პროგრამის გეგმა მშრალი ტვირთებისთვის შეადგენს 1 800 000 ტონას“.
ბათუმის ნავთობტერმინალი და ბათუმის საზღვაო ნავსადგური Batu mi Industrial Holding Ltd”-ის სტრუქტურაში შედის, რომლიც თავის მხრივ “ყაზტრანსოილის” შვილობილი კომპანიაა.
ბათუმი ინდუსტრიალ ჰოლდინგსა და შესაბამის კომპანიებს 2012 წლის დეკემბერიდან ტალგატ ბაიტაზიევი მართავს.
ცაგო კახაბერიძე
საპარლამენტო არჩევნების შემდეგ გარემოს დაცვის სააგენტოს აჭარის სამსახურის უფროსის, ყოფილი პროკურორის ავთანდილ კილაძის წასვლიდან ცოტა ხნის შემდეგ მისი ადგილი მამუკა ჩანტლაძემ დაიკავა.
2008-2009 წლებში აჭარის გარემოს დაცვის ინსპექციის მთავარი სპეციალისტი; ბათუმი – ქობულეთის სასამართლოს მანდატურის უფროსი, ბათუმის ბულვარის საქმეთა მწარმოებელი გამწვანების სფეროში; 2013 წლის 10 იანვრიდან კი გარემოს დაცვის სააგენტოს უფროსი – ქრონოლოგიის დაცვით ასე გამოიყურება აჭარის გარემოს დაცვის სააგენტოს ახალი ხელმძღვანელის ბოლო წლების შრომითი ბიოგრაფია.
„ჯერ სიტუაციის გაცნობით ვართ დაკავებული. ამ დროისათვის შემიძლია გითხრათ, რომ გაზაფხულიდან ჩვენი სამსახური ინსპექტირების ახალ ეტაპზე გადავა. მაქსიმალურად გავმკაცრდებით და ყველაფერს გავაკეთებთ იმისათვის, რომ დანაშაულებრივი ქმედებები გარემოსდაცვით სფეროში შემცირდეს. ნომერი პირველი პრობლემა ჩვენთვის მდინარეებიდან ინერტული მასალის ამოღება და ტყეების მასობრივი ჭრაა. გაზაფხულიდან სააგენტოს თანამშრომლები, რომლებსაც ამ საქმეში დიდი გამოცდილება აქვთ, ამ კუთხით კონტროლს გაამკაცრებენ.“ – უთხრა მამუკა ჩანტლაძემ „ბათუმელებს.“
აჭარის გარემოს დაცვის სააგენტოში სულ 18 ადამიანია დასაქმებული, ახალი უფროსის ინფორმაციით, საკადრო ცვლილებები არ იგეგმება. სამსახური რეგიონში გარემოსდაცვითი დარღვევების ინსპექტირებაზეა პასუხისმგებელი.
ახალი უფროსის ვახო წულაძის დანიშვნის შემდეგ ახალი სახეები აჭარის გარემოს დაცვის სამმართველოშიც გამოჩნდნენ; სამმართველოს უფროსს ორი ახალი მოადგილე და ერთი თანაშემწე ჰყავს.
პორველი მოადგილე ჯემალ ნაკაშიძეა, რომელიც 2011-2012 წლებში ბუნებრივი რესურსებისა და ენერგეტიკის სამინისტროს სსიპ ბუნებრივი რესურსების სააგენტოს გენერალური ინსპექციის უფროს ინსპექტორად მუშაობდა. მანამდე კი მას სხვადასხვა დროს უშიშროების სამინისტროს გამომძიებლად, ფინანსთა სამინისტროს პოლიციის საგამოძიებო დეპარტამენტის სამმართველოს გამომძიებლად, საქართველოს გარემოს დაცვისა და ბუნებრივი რესურსების სამინისტროს საგამოძიებო დეპარტამენტის უფროს გამომძიებლად და სხვა მაღალ თანამდებობებზე აქვს ნამუშევარი.
მეორე მოადგილის თანამდებობაზე კი ფინანსისტი ვახტანგ წულაძე მუშაობს, მის შრომით გამოცდილებაში მეტი წილი საბანკო საქმეებზე მოდის, გარემოს დაცვით საკითხებთან კი მას შეხება მხოლოდ 2005- 2006 წლებში ჰქონდა, ამ პერიოდში ის სამმართველოს საფინანსო განყოფილებას ხელმძღვანელობდა.
სამმართველოს უფროსის ახალი თანაშემწე კი არჩილ კუპრეიშვილია, რომელიც მედიასთან ურთიერთობასაც ითავსებს.
ფერიის სასაფლაოზე სარეაბილიტაციო სამუშაოების ჩატარება იგეგმება. შედგენილია პროექტი, რომლის მიხედვითაც სასაფლაოს ინფრასტრუქტურის კეთილმოწყობა უნდა განხორცელდეს.
პროექტის ფარგლებში, გათვალისწინებულია სასაფლაოს ტერიტორიის კაპიტალური შემოღობვა და ახალი ჭიშკრების მონტაჟი, ასევე, სასაფლაოს მიმდებარე ტერიტორიაზე გარევაჭრობის მოწესრიგების მიზნით, კაპიტალური საყვავილე ჯიხურების მშენებლობა და სხვა სამუშაოები.
პროექტის განხორციელებისთვის ქალაქის ბიუჯეტში 295 ათასი ლარია გათვალისწინებული. სამუშაოების შემსრულებელი კომპანია თებერვლის შუა რიცხვებში, ტენდერის საშუალებით გამოვლინდება.
მომზადებულია ბათუმის მერიის პრესსამსახურის მიერ მოწოდებულ პრესრელიზზე დაყრდნობით.
ცაგო კახაბერიძე
მდინარე ჭოროხიდან ყოველწლიურად ადლიის სანაპიროს გამაგრების მიზნით 100 ათასი კუბური მეტრი მოცულობის ინერტულ მასალას იღებენ. იმავე მიზნით გარემოს დაცვის სამმართველო წელს 350 კუბურ მეტრამდე ქვიშა–ხრეშის ამოღებას გეგმავს. ამას ემატება ის კომპანიებიც, რომლებსაც მდინარის დელტიდან ინერტული მასალის ამოღებაზე ნებართვა ფინანსთა და ეკონომიკის სამინისტროსგან აქვთ მიღებული და ისინიც, რომლებიც სამშენებლო მასალებს მდინარიდან ხშირად უკანონოდ იღებენ. სპეციალისტების განმარტებით, მსგავსი ტენდენციის გაგრძელებამ შეიძლება მდინარის კალაპოტის სიღრმითი ეროზია გამოიწვიოს.
ეკა ბარამიძე
ქედის მუნიციპალიტეტში რამდენიმე საჯარო სკოლას სპორტდარბაზი არ აქვს, რის გამოც სპორტის გაკვეთილები მოსწავლეებს საკლასო ოთახებში ან სოფლის ყოფილი მაღაზიისა და თემის ადმინისტრაციულ შენობაში უტარდებათ.
<!** Image 1 align="" alt="მცირეკონტიგენტიანი სკოლა აჭარის მთაში" sub="მცირეკონტიგენტიანი სკოლა აჭარის მთაში" width="600" height="584" >
მანანა ქველიაშვილი
აჭარაში მდებარე 229 სკოლიდან 11 ე.წ. „მინუსიანი“ სკოლაა. ეს იმას ნიშნავს, რომ სკოლებს ხარჯების გასასტუმრებლად ვაუჩერული დაფინანსება არ ჰყოფნით. სკოლის ხელმძღვანელების მთავარი ამოცანა პერსონალისათვის კუთვნილი ხელფასის დარიგებაა. „მინუსიან“ სკოლებს ხშირად ინვენტარისა და გათბობისთვის საჭირო თანხაც კი არ რჩებათ.
ჯაბა ანანიძე, გადაცემა „დიალოგის“ წამყვანი
<!** Image 1 align="left" alt="ჯაბა ანანიძე" sub="ჯაბა ანანიძე" width="500" height="540" >
მშვიდობას გაუმარჯოს! – ქართული სუფრის პოპულარული სადღეგრძელო მახსენდება ახლა, როცა უნივერსიტეტზე ვფიქრობ. ოღონდ მშვიდობა იყოს, არჩევანი ნუ შეგვაწუხებს და ბრძოლა ნუ იქნება. აბა, ვინ იცის, ბრძოლა რა შედეგს მოიტანს და კიდევ რამდენი გაბრძოლება დარჩება საჭირო. მგონი, ეს განწყობა მეფობს უნივერსიტეტში, სადაც არჩევანი არ არის. სამაგიეროდ, არის მშვიდობა.
არჩევანი არ არის, რადგან მასზე უარი თქვეს არაერთხელ და ახლაც, როცა ბათუმის სახელმწიფო უნივერსიტეტის რექტორს საგანგებოდ შეკრებილმა აკადემიურმა საბჭომ გადადგომაზე უარი უთხრა. „მას ძალიან დიდი დამსახურება აქვს და უნდა დარჩეს, დასახული გეგმა ბოლომდე უნდა მიიყვანოს“, – თქვა „დიალოგში“ ფილოსოფოსმა ვარდო ბერიძემ, რომელიც აკადემიური საბჭოს წევრია.
რადიკალური იყო სხვა პროფესორების განწყობა, რომელთა უმრავლესობა პირდაპირ ეთერში ისე ადიდებდა ამჟამინდელ რექტორს, სკკპ-ს ყრილობაზე მეგონა თავი. რადიკალიზმი კი ერთმა მაყურებელმა გააჩინა, რომელმაც მხოლოდ არგუმენტი ითხოვა: იქნებ, გვითხრათ, რატომ არის ალიოშა ბაკურიძე ერთადერთი არჩევანიო.
„ალიოშა ბაკურიძის უმთავრესი დამსახურება არის ის, რომ მან სტაბილური გარემო შექმნა“ – გვითხრა პროფესორმა რამაზ ხალვაშმა, რომელიც 2008 წელს რექტორობის კანდიდატი იყო და რომელსაც აჭარის ყოფილმა პირველმა პირმა უთხრა: მე ვინც მინდა, ის გახდება უნივერსიტეტის მმართველიო.
მორიგ „არჩევნებზე“, გასულ წელს, ალიოშა ბაკურიძეს კონკურენტი აღარ ჰყავდა. რამაზ ხალვაშმა უკვე იცოდა, რომ თუკი რექტორობას ისევ მოინდომებდა, პრობლემები შეექმნებოდა. თავად გვითხრა, ასე მითხრესო. ეს იყო უნივერსიტეტი, სადაც უკვე რექტორების შეცვლა-გამოცვლის პროცესია წასულიყო და „სტაბილურობა“ მოსულიყო. ამ „სტაბილურობამ“ შექმნა უნივერსიტეტი, რომლის პროფესორებიც აზრის საჯაროდ დაფიქსირებას გაურბიან, სადაც დისკუსია და კამათი საშიშია და სადაც ვიდეოთვალი აღბეჭდავს იმასაც, თუ როგორ ჩატარდა სტუდენტური თვითმმართველობის, ასევე რექტორის არჩევნები არჩევანის გარეშე – მხოლოდ ერთი კანდიდატით (აქაც გაგახსენეთ სკკპ?)
აკადემიურ საბჭოს არ უმსჯელია საკითხზე: რატომ სურს რექტორს თანამდებობის დატოვება. მაყურებელმა მოგვწერა: სპექტაკლი იყო ეს ყველაფერი, რექტორზეა დაქვემდებარებული ეს საბჭო და რექტორს სურდა ეჩვენებინა, საბჭოს სხვა არჩევანი არ ჰქონია და სად წავიდეო.
ეჭვი მაქვს, ისევ პოლიტიკოსებმა მოსთხოვეს რექტორს წასვლა. არ ვიცი, ახალ ხელისუფლებას რა არჩევანი აქვს, მაგრამ მინდა, არჩევანი ყოველთვის თავად უნივერსიტეტმა გააკეთოს.
წერის დროს ყოველთვის ვხედავ კადრებს, რაზეც ვფიქრობ. მინდა, მეჩვენებოდეს, რადგან ეს უნივერსიტეტი დავამთავრე და მიყვარს, მაგრამ ასე ვხედავ: უნივერსიტეტი ახალგაზრდობის გაუვლელად დაბერდა, არა?
<!** Image 1 align="left" width="500" height="432" >
ხვალ, 13:00 საათზე სასწავლო ცენტრი „ი-თი-აი 2000“ და აჭარის ქალ-ბიზნესმენთა ასოციაცია აწყობს შეხვედრას მწერალ, ჟურნალისტსა და ტელეწამყვან იგორ ობოლენსკისთან.
თანამედროვე რუსი მწერლის, იგორ ობლინსკის ერთ-ერთ ყველაზე ცნობილ მონოგრაფია – „სილამაზის ხვედრი, ქართველი ცოლების ისტორია“, საქართველოში საკმაოდ მაღალიგაყიდვად ნამუშევრად მიიჩნევა. მონოგრაფიაში 50 ქართველი ქალის ისტორიაა მოთხრობილი, მათ შორის მერი შერვაშიძის, ნინო ჭავჭავაძის, როდამ ამირეჯიბის…
ორგანიზატორების ცნობით,
შეხვედრის ოფიციალური ნაწილის დასრულების შემდეგ, შეიძლება გამომცემლობის ფასებში შეიძინო იგორ ობოლენსკის შემდეგი წიგნები ავტორის სამახსოვრო წარწერით:
1. „სიყვარულის გამოცანა. რასპუტინი, შანელი, ჰოლივუდი“ (25 ლარი)
2. ბარათების წიგნი: „ძველი თბილისის პორტრეტები: ქართველი ლამაზმანები” (10 ლარი);
3. ბარათების წიგნი: „ძველი თბილისის პორტრეტები: ქართველი ვაჟკაცები“ (10 ლარი);
4. საერთაშორისო ბესტსელერის „სილამაზის ხვედრი, ქართველი ცოლების ისტორია“ მეორე გამოცემა (30 ლარი)
5. ფიროსმანის ზღაპრები (10 ლარი);
6. “ვერა პროხოროვას მოგონებები რიხტერსა და პასტერნაკზე” (20) ლარი
დასწრება თავისუფალია.
შეხვედრა გაიმართება აჭარის სავაჭრო-სამრეწველო პალატის დარბაზში (ბათუმი, მელაშვილის 26).
თედო ჯორბენაძე
<!** Image 1 align="left" alt="პრესკაფეს მრიცხველის კარადა" sub="პრესკაფეს მრიცხველის კარადა" width="400" height="576" >
„ჯერ სად ხართ“, – ეს სლოგანი არჩევნების მერე ელექტროენერგიის გათიშვისთანავე ყველგან ისმის. აშკარად სახალისო დატვირთვა აქვს ამ გამოთქმას, მაგრამ ამჯერად ხუმრობის ხასიათზე ნამდვილად არ ვარ. აჭარაში ელექტროენერგიის დისტრიბუტორ კომპანიაზე – „ენერგო-პრო ჯორჯიაზე“ მინდა ვისაუბრო.
ახლა რაზეც ვწერ, განსაკუთრებით იქედან მოყოლებული მაწუხებს, რაც „პრესკაფე და სადისკუსიო კლუბი“ გაიხსნა ბათუმში, ანუ თითქმის ორი წელია.
დავიწყოთ იმით, რომ კარადა, სადაც ჩვენი მრიცხველებია დამონტაჟებული, „ენერგო-პრო ჯორჯიას“ ჩაკეტილი აქვს. იქვე, უბრალო მავთულით „ჩაკეტილ“ კარადაში შეხედვის ბედნიერება კი მაშინ მერგო პირველად, როცა ის მორიგი ტექნიკური დაზიანების გამო „გახსნეს“. წარმოუდგენელი სურათი ვნახე – ფაქტობრივად, ღია კარადაში სადენები (ე.წ. სხვადასხვა ფაზები) შიშვლად იყო. დღემდე ასეა, უბრალოდ, უფრო მსხვილი მავთულით „ჩაკეტეს“.
ჰო და ასეთი „მოწესრიგებული“ სისტემის პირობებში რა გასაკვირია, რომ ავარიული გათიშვა და ხანძრის გაჩენის საშიშროება ლამის ყოველდღიურობად გვექცა. დამწვარი სადენების სუნი კი „არკაში“, მიუხედავად ორპირი ქარისა, მუდმივად დგას.
კარადა, საიდანაც ელექტროენერგია ნაწილდება, სრულიად ხელმისაწვდომია როგორც დიდისთვის, ისე ბავშვისთვის. დღემდე უბედური შემთხვევა რომ არ მომხდარა ამ კარადის გამოისობით, ეს უფრო იმ ხალხის დამსახურებაა, ვინც ამ კარადას არის მიერთებული, ვიდრე „ენერგო-პრო ჯორჯიას“.
აი, მრიცხველების კარადა კი, ერთი შეხედვით, საგულდაგულოდაა ჩაკეტილი, თანაც ბოქლომით. გაგვაფრთხილეს, რომ ბოქლომი „ენერგო პროს“ საკუთრებაა და მისთვის ხელის ხლება ნებისმიერ შემთხვევაში გვეკრძალება. სხვა გზა არაა, ყოველი გათიშვის მერე კომპანიის თანამშრომელს უნდა დავუკავშირდე (აქვე იმასაც ვიტყვი, რომ „ენერგო პროს“ თითქმის ყველა თანამშრომლის ნომერი ზეპირად ვიცი, რადგან ყველაზე ხშირად მათ ვურეკავ. ტელეფონიც „სენსორზეა“ და ახლობლებზე უფრო ხშირად ავტომატურად მათთან გადის ზარი).
ერთ-ერთი ასეთი ავარიული გათიშვის გამო ადგილზე მოსულმა „ენერგო პროს“ თანამშრომელმა მითხრა, რომ გასაღები არ ჰქონდა და კარადას, რომელშიც მრიცხველი იყო, ვერ გახსნიდა. ის სხვა ელექტრიკოსს დაუკავშირდა, რომელიც ნახევარი საათის შემდეგ გამოგვეცხადა. გასაღები არც მას ჰქონდა, მითხრეს ვერ გავაღებთო, თუმცა რამდენიმე სატელეფონო ზარის შემდეგ ერთ-ერთმა „პლოცკო“ მოიმარჯვა და ბოქლომის გახსნას შეუდგა.
გახსნა კიდეც.
ამას არაუშავს. კარადაში ნახევრად ჩამწვარი გამომრთველი შეცვალეს. ბუნებრივია, ახალი მე ვიყიდე და ისევ „ჩაკეტეს“ – გასაღების გარეშე. გვერდით კარადაში კი სადენები ელექტრიკოსებმა სახელდახელოდ, მავთულებით გადააბეს, ერთ-ერთი, რომელიც გავარვარებული იყო, დატოვეს, ამას არაფერი უჭირსო და კარებიც მავთულით „გადარაზეს“.
აი, რატომაც ვარ დარწმუნებული, რომ ნებისმიერ ადამიანს და, მათ შორის ბავშვსაც, შეუძლია იმ კარადის უპრობლემოდ გაღება.
„ენერგო-პრო ჯორჯიას“, ანუ ევროპული კომპანიის თანამშრომლების აღჭურვილობაზე ერთსაც ვიტყვი და ამ თემაზე მოვრჩები – 21-ე საუკუნის კომპანიის ელექტრიკები ისე არიან აღჭურვილები, როგორც „ილიჩის“ ნათურის შექმნის ეპოქაში. სხვათა შორის, ამის შესახებ მათ როცა ვკითხე, დაუზარებლად ამიხსნეს: ახალი ხელსაწყოები 2000 ლარი მაინც ღირს, უფროსმა გვითხრა, 200 ლარს მოგცემთ, „ზუბილა“ და ჩაქუჩი შეიძინეთ და გეყოფათო.
მახსოვს, როცა „ენერგო-პრო ჯორჯია“ შემოვიდა საქართველოში, ოფიციალურად ითქვა, რომ ეს კომპანია ქსელის განახლებაზე იმუშავებდა. ფასების გაზრდაც ამას მიაბეს. კომპანიის განახლებულ ქსელს კი ბათუმში არსად შევხვედრივარ. ერთადერთი, რაც ბათუმში გააკეთეს, მრიცხველებია. ძველისძველ სადენებს, რომლებიც მიწაშია დაფლული, ავარიის შემთხვევაში ელექტრიკები ისევ შიშველი ხელებით ეძებენ. ძებნას ზოგჯერ ერთ საათს ანდომებენ, ზოგჯერ – ერთ დღესაც კი.
ახლა წარმოიდგინეთ რა ხდება `პრესკაფეში~ მაშინ, როცა მორიგი ავარიის გამო შუქი „მიდის“. სრულად როცა ქრება, არაუშავს – სანთლებს ვანთებთ, მაგრამ „ენერგო-პრო ჯორჯიას“ შუქის გათიშვის პროცესიც განსხვავებულად გამორჩეული აქვს – კაფეში ხან ერთი ფაზა ქრება, ხან – მეორე. ეს იმას ნიშნავს, რომ კაფეს ნაწილი ჩაბნელებულია, მაგრამ მუშაობს, ვთქვათ, ტელევიზორი…
ახლა იმასაც თუ წარმოიდგენთ, რომ ვიღაცას პროექტის პრეზენტაცია აქვს დაგეგმილი, მაგრამ ბოდიშს უხდი შუქის ჩაქრობის გამო პროექტორის მოულოდნელი გამორთვისთვის. სტუმარი ამ დროს გაფართოებული თვალებით ხან შენ გიყურებს, ხან პროექტორს და კონდიციონერს, რომელიც იქვე კედელზეა ჩამოკიდებული და თბილ ჰაერს უბერავს.
ცხადია, „ენერგო პროს“ მაღალ მენეჯმენტს აკრძალული არ აქვს მოქალაქეების მისვლა საკუთრივ კომპანიის ოფისში. რამდენჯერმე მეც მერგო ეს პატივი. შენობის ჰოლში, ეგრეთ წოდებულ მისაღებში უამრავი ადამიანი ირევა, კომპანიის მორიგეები ყველა მათგანს არათუ სახეზე ცნობენ, არამედ იციან მათი საცხოვრებელი მისამართებიც კი. ისინი ნაცნობები ნამდვილად არ არიან, უბრალოდ, ადამიანებს იმდენჯერ უწევთ პრობლემის გადასაჭრელად კომპანიაში მისვლა და განცხადების დატოვება, რომ მიმღებში მსხდომთ მათი მონაცემები ამახსოვრდებათ.
გავიგე, ჩეხური კომპანიის ერთადერთი ჩეხი მენეჯერი, რომელიც თბილისში ცხოვრობდა, არჩევნების მეორე დღესვე წასულა საქართველოდან. მითხრეს, რომ ახლა კომპანიას მხოლოდ ქართველები მართავენ. აი, ამიტომაც გადავწყვიტე ამის დაწერა – ახლა სერვისის კიდევ უფრო „გაუმჯობესების“ მოლოდინში ვარ.
<!** Image 2 align="middle" alt="თედო ჯორბენაძე „პრესკაფეს“ მენეჯერი" sub="თედო ჯორბენაძე „პრესკაფეს“ მენეჯერი" width="300" height="512" >
ბატონო გოგი, საბჭოთა კავშირის დაშლის მიუხედავად, რუსეთი პოსტსაბჭოთა ქვეყნების კულტურის ექსპორტისთვის დღემდე საუკეთესო ადგილად რჩება. გარდა იმისა, რომ რუსული აუდიტორია გაცილებით დიდია, თქვენი აზრით, კიდევ რა არის ამის მიზეზი?
პროგრამის მიზანი: – სტიქიისა და კატასტროფების შედეგად გამოწვეული დაზიანებების და სხვა განსაკუთრებულ შემთხვევებში ჯანმრთელობის დაცვის სახელმწიფო პროგრამების ზემოთ მოსახლეობის აუცილებელი სამედიცინო დახმარებით უზრუნველყოფა; ბავშვთა და მოზრდილთა ავადობის, დაავადების ქრონიზაციისა და შესაძლებლობის შეზღუდვის შემცირება;
აჭარის ჯანდაცვის სამინისტროს წარმომადგენლები 2013 წლის მიზნობრივ პროგრამებსა და სამინისტროს 2012 წლის მუშაობის ანგარიშს ხვალ, 24 იანვარს ხელვაჩაურისა და ქედის მუნიციპალიტეტების გამგეობებისა და საკრებულოების ჯანმრთელობისა და სოციალური დაცვის სამსახურების წარმომადგენლებს, თემის რწმუნებულებს, პირველადი ჯანდაცვის რგოლის ექიმებსა და მუნიციპალიტეტში მოქმედ სამედიცინო დაწესებულებების თანამშრომლებს წარუდგენენ.
სამინისტროს წლის პროგრამული ბიუჯეტი 5 818 700 ლარია, აქედან 5 397 300 ლარი ჯანმრთელობის დაცვის პროგრამებზე, ხოლო 421 400 ლარი სოციალური დაცვის პროგრამებზე ნაწილდება.
სამინისტრო წელს პირველად ახორციელებს სმენადაქვეითებულ მოქალაქეთა სმენის აპარატებით უზრუნველყოფის, მიუსაფარ დედათა და ბავშვთა თავშესაფრით უზრუნველყოფის და მაღალმთიან მუნიციპალიტეტებში სამედიცინო პერსონალის მატერიალური წახალისების პროგრამას.
წლის მიზნობრივი პროგრამების პრეზენტაცია ქობულეთის მუნიციპალიტეტში 25 იანვარს გაიმართება.
მუნიციპალიტეტში დაგეგმილ შეხვედრებს მინისტრი ნუგზარ სურმანიძე, მინისტრის მოადგილეები და სამინისტროს საქვეუწყებო დაწესებულების დირექტორები დაესწრებიან.
მომზადებულია პრესრელიზზე დაყრდნობით
მანანა ქველიაშვილი
დღეს „ბათუმის ცვილის ფიგურების მუზეუმის“ ფუნქციონირების შესახებ დისკუსია გაიმართა. შეხვედრაზე, რომელიც აჭარის განათლების, კულტურისა და სპორტის სამინისტროს ინიციატივით შედგა, განიხილეს თუ რა ფორმით შეიძლება იფუნქციონიროს მუზეუმმა.
აჭარის ფინანსთა და ეკონომიკის სამინისტროში ეფექტური მართვის დანერგვის მიზნით, რეორგანიზაცია იწყება. სამინისტროში ამბობენ, რომ უწყება მზად არის სათანამშრომლოდ პროფესიონალი კადრები მიიზიდოს.
როგორც სამინისტრო მიერ გავრცელებულ განცხადებაშია ნათქვამი, რეორგანიზაციის ერთ-ერთი მთავარი ამოცანა ფინანსთა და ეკონომიკის სამინისტროს, როგორც სახელმწიფო ინსტიტუციის, გაძლიერებაა. უწყება მოწოდებულია განახორციელოს ყველა საჭირო ცვლილება სტრუქტურის გამართული და გამჭვირვალე ფუნქციონირებისთვის. გარდა ამისა, სამინისტრო ამ გადაწყვეტილებით გეგმავს შეასრულოს საზოგადოების დაკვეთა და სახელმწიფო დაწესებულებაში ნოვატორულ ხედვასთან ერთად, მართვაში სიახლეებიც დანერგოს. რეორგანიზაციის დეტალები უახლოეს მომავალში გასაჯაროვდება.
მომზადებულია პრესრელიზზე დაყრდნობით
დღეს აჭარის მთავრობის თავმჯდომარემ გაერთიანებული სამეფოსა და ამერიკის შეერთებული შტატების რელიგიური კონფესიების წარმომადგენლებს შეხვდა.
არჩილ ხაბაძის პრესსამსახურის ცობით, „22-წევრიანი დელეგაციის ვიზიტის მთავარი მიზანი საქართველოს ხელისუფლებასა და რელიგიათა წარმომადგენლებთან მეგობრული თანამშრომლობის დამყარებაა. საუბარი შეეხო საქართველოში ანგლიკანური ეკლესიასთან მუსლიმთა და ქრისტიანთა ურთიერთობების, ორ მონოთეისტურ რელიგიას შორის თანამშრომლობის გაღრმავებას“.
პრესსამსახურის ცნობით, სტუმრები ბათუმში ქართველ მუსლიმთა კავშირმა მოიწვია. დელეგაციის წევრები გაეცნენ ქართველი მუსლიმების ცხოვრებასა და ბათუმის ორთაჯამეს ისტორიას.
მანანა ქველიაშვილი
აჭარის ფსიქო-ნევროლოგიურ საავადმყოფოს დირექტორი ეკა ზოიძე საავადმყოფოს ყოფილი თანამშრომლების განცხადებასთან დაკავშირებით განმარტებას აკეთებს.
მანანა ქველიაშვილი
აჭარის ფსიქო-ნევროლოგიურ საავადმყოფოდან განთავისუფლებულმა მედპერსონალმა აჭარის ჯანდაცვის სამინისტროს წინ აქცია გამართეს. აქციის მონაწილეთა განცხადებით ისინი ერთი წლის წინ ფსიქიატრიული საავადმყოფოდან უკანონოდ გაათავისუფლეს.
ლელა დუმბაძე
22 იანვარს უმაღლესი საბჭოს გამართულ ბიურის სხდომაზე 17 საკითხი განიხილეს. პირველ საკითხად უმაღლესი საბჭოს თავმჯდომარემ ავთანდილ ბერიძემ ახალი შტატების დამატების საკითხი გამოიტანა. მისი განცხადებით, შტატების ზრდას დეპარტამენტები ითხოვენ.
ავთანდილ ბერიძის განცხადებით სულ ათ შტატზეა საუბარი, თუმცა განმარტებით ბარათში 14 საშტატო ერთეულის დამატებაზე იყო საუბარი. „არა მგონია აქამდე ავიდეს. ეს იმიტომ ეწერა, რომ რომ დაგვჭირდეს დამატება, ცვლილების შეტანა აღარ იყოს საჭირო. რეორგანიზაციის პროცესში გამოიკვეთა ამ შტატების აუცილებლობა. იმიტომ, რომ ჩვენ პრინციპულად ვაყენებთ საკითხს ასე: უმაღლეს საბჭოში მოწვეული სპეციალისტები, დროებით და ხელშეკრულებით მომუშავე ადამიანების რაოდენობა უნდა შეიზღუდოს და დავიდეს მინიმუმამდე. ჩვენ ნეგატიურად ვართ განწყობილი დროებით სამუშაოს მიმართ, რადგან ადამიანი მუდმივ სამუშაოზე უნდა მუშაობდეს და არ უნდა იყოს დამოკიდებული ვიღაცის კეთილ ნებაზე, გაუგრძელებენ თუ არა ხელშეკრულებას“.
ავთანდილ ბერიძის განცხადებით, შტატების დამატების უფლება აქვთ უმცირესობის წევრებისაც: „ეს გაწერილია რეგლამენტში, რომ მათ კომისიებში შეუძლიათ ჰყავდეთ ერთი ან ორი კონსულტანტი, რომელთანაც გაფორმდება ხელშეკრულება“. მისი განცხადებით, შტატების დამატება არ გამოიწვევს დამატებით ხარჯებს, „რადგან ჩვენ გვაქვს შიდა რესურსი და ამ თანხებს გადავანაწილებთ.“
უმაღლეს საბჭოში სულ ოთხი დეპარტამენტი და ხუთი კომისიაა. ამ დროისთვის ხელშეკრულებით ათამდე თანამშრომელია დასაქმებული. ახალ შტატებზე ძირითადად ის თანამშრომლები იმუშავებენ, რომლებიც ამ დროისთვის ხელშეკრულებით არიან აყვანილი: „თუ გამოჩნდება ვაკანსია, გამოცხადდება კონკურსი, თუ არა და, ხომ მყავს აქ ხელშეკრყულებით აყვანილი ადამიანები, მათ ავიყვანთ შტატში“-აცხადებს ავთანდილ ბერიძე
<!** Image 1 align="" width="300" height="300" >
ხვალიდან ბათუმში ახალი მუნიციპალური ავტობუსები იმოძრავებს. #10, #16 და #17 საქალაქო-სამარშრუტო ავტობუსები რუსთაველის, გორგილაძისა და ჭავჭავაძის ქუჩებზე გადანაწილდება.
#10 საქალაქო მარშრუტი რკინიგზის სადგურიდან დაიწყება, რუსთაველისა და ხიმშიაშვილის ქუჩებს გაივლის და აეროპორტთან დასრულდება. პირველ ეტაპზე 6 ახალი ავტობუსი 14- წუთიანი ინტერვალით იმოძრავებს.
რაც შეეხება #16 და #17 ავტობუსებს, ისინი საცდელი მარშრუტებით – ახალი ავტოსადგურიდან სარფის გამშვებ პუნქტამდე და ჭავჭავაძის ქუჩიდან აკვაპარკამდე იმოძრავებენ.
საცდელი ხაზები სრული დატვირთვით ახალი სამარშრუტო სქემის ძალაში შესვლის შემდეგ ამოქმედდება.
„FAW“ – ის მარკის 21 მაღალი კლასის ავტობუსი ქ. ბათუმის თვითმმართველობამ საერთაშორისო ტენდერის საშუალებით ჩინეთში შეიძინა. აღნიშნულ ავტობუსებში მოწყობილია პანდუსები, რაც შეზღუდული შესაძლებლობების მქონე პირებსაც აძლევს გადაადგილების საშუალებას.
ავტობუსების შეძენისთვის ბათუმის ბიუჯეტიდან 3 მლნ. ლარი დაიხარჯა.
მასალა მომზადებულია ბათუმის მერიის პრესსამსახურის მიერ მოწოდებულ პრესრელიზზე დაყრდნობით.
<!** Image 1 align="left" width="300" height="156" >
მორიგი საჯარო განხილვა გაიმართება 23 იანვარს, 17: 00 საათზე, ბათუმის შოთა რუსთაველის სახელობის უნივერსიტეტის სააქტო დარბაზში (ნინოშვილის ქ. 35) საკონსტიტუციო ცვლილების ორი პროექტის მორიგი სახალხო განხილვა გაიმართება.
ამის შესახებ ინფორმაციას განხილვის ორგანიზატორი – ეროვნულ დემოკრატიული ინსტიტუტი (NDI) ავრცელებს:
ორგანიზატორების მიერ გავრცელებული პრესრელიზის თანახმად, „საკონსტიტუციო ცვლილების პირველი პროექტი საქართველოს საკანონმდებლო ორგანოს ადგილსამყოფელს ეხება; ხოლო მეორე პროექტი -პრეზიდენტის უფლებამოსილებებს.
შეხვედრაზე საყოველთაო-სახალხო განხილვის საორგანიზაციო კომისიის წევრები საპარლამენტო უმრავლესობიდან, ოპოზიციური ფრაქციებიდან და არასამთავრობო ორგანიზაციებიდან დამსწრე საზოგადოებას საკონსტიტუციო ცვლილებების პროექტებს წარუდგენენ და საკუთარ მოსაზრებებს გააცნობენ. შეხვედრას მოქალაქეები და არასამთავრობო ორგანიზაციების, მედიისა და პოლიტიკური პარტიების წარმომადგენლები დაესწრებიან“.
განხილვაზე დასწრება თავისუფალია.
ლელა დუმბაძე
უმაღლესი საბჭოს აგარარულ და თვითმმართველობის საკითხთა კომისია აჭარაში დამოუკიდებელი სააგენტოს შექმნას მოითხოვს. კომისიის თავმჯდომარის, ანზორ თხილაიშვილის განცხადებით, ავტონომიური რესპუბლიკის ტერიტორიაზე 39 ათას ჰექტარზე მეტი ტერიტორია ნაკრძალებს და დაცულ ტერიტორიებს მიეკუთვნება. ამ ტერიტორიების ეფექტურად მართვის მიზნით, აჭარაშიც უნდა შეიქმნას ანალოგიური სააგენტო.
„გვინდა რომ შევიტანოთ ცვლილება დაცული ტერიტორიების კანონში, რომ აჭარაში შეიქმნას დაცული ტერიტორიების ანალოგიური სააგენტო, რომ უფრო ეფექტური იყოს მართვა. დაცულ ტერიტორიებს განსაკუთრებული მიდგომა სჭირდება, რაც ადგილზე უფრო ეფექტურად განხორციელდება“.
„გვაქვს ბევრი პროექტი, მაჭახლის ხეობაზე და თიკერის აღკვეთილად გამოცხადების პროცესზე ვიწყებთ აქტიურ მუშაობას, ამიტომ კარგი იქნება ეს ინიციატივა მიიღოს საქართველოს პარლამენტმა და შესაბამისი სამსახური აჭარაშიც ჩამოყალიბდეს“- აცხადებს ანზორ თხილაიშვილი.
