Batumelebi | აჭარის სოფლის მეურნეობის სამინისტრომ პროგრამების პრეზენტაცია გამართა აჭარის სოფლის მეურნეობის სამინისტრომ პროგრამების პრეზენტაცია გამართა – Batumelebi
RU | GE  

აჭარის სოფლის მეურნეობის სამინისტრომ პროგრამების პრეზენტაცია გამართა

მანანა ქველიაშვილი

 

აჭარაში სოფლის მეურნეობის მიზნობრივი პროგრამების განსახორციელებლად 2  მილიონ ლარზე მეტი დაიხარჯება.  აჭარის სოფლის მეურნეობის სამინისტრომ მიზნობრივი პროგრამების საჯარო განხილვა დღეს გამართა.  შეხვედრაში აგრარულ სფეროში მომუშავე მეცნიერები, ფერმერები, მეწარმეები, მუნიციპალიტეტების და არასამთავრობოს სექტორის წარმომადგენლები ესწრებოდნენ. 

სასათბურე-სამეურნეო ტექნიკით ფერმერთა უზრუნველყოფის ხელშეწყობა, სასათბურე კონსტრუქციებით ფერმერთა უზრუნველყოფის ხელშეწყობა, მეფუტკრეობის განვითარება, ნიადაგის კვლევა და შესაბამისი რეკომენდაციების გაწევა – ასეთია პროგრამების არასრული ჩამონათვალი.

 

„ ჩვენი მიზანია ვითანამშრომლოთ მეცნიერებთან, ფერმერებთან და მივიღოთ მაქსიმალური შედეგი იმისათვის რომ განვითარდეს და წარმატებული იყოს ჩვენი სოფლის მეურნეობა. შედეგი რა იქნება, ჩვენი მოსახლეობა სოფლად იცხოვრებს კარგად, იცხოვრებს ისე რომ  ჩვენი მოსახლეობის 50%-ზე მეტი, რეგიონი მაქვს მხედველობაში სოფლად ცხოვრობს, და ბოლოსდაბოლოს უნდა დადგეს დრო იმისა რომ  მოსახლეობამ მიაღწიოს წარმატებებს. თუმცა უნდა ავღნიშნო რომ ეს არ იქნება მარტივი ის საკითხი და ეს არ იქნება საკითხი, რომელიც გადაწყდება რამდენიმე  თვის ან კვირის განმავლობაში. მაგრამ უნდა გავაკეთოთ ყველაფერი იმისათვის რომ მოკლე დროში შესაძლებელი იყოს ჩვენი ფერმერების, მოსახლეობის ფეხზე დადგომა,“ –  განაცხადა აჭარის სოფლის მეურნეობის მინისტრმა ზაურ ფუტკარაძემ.

 

 

ნეტგაზეთის მასალების სხვა გამოცემებში გადაბეჭდვის წესი
Nana Kvachadze