Author Archives: ნანა კვაჭაძე

ჯანდაცვის სამინისტროს პროფესიული განვითარების საბჭოს ჯერ არ განუხილავს თემურ გაბაიძის გარდაცვალების საქმეში ექიმების პასუხისმგებლობის საკითხი, მიუხედავად იმისა, რომ თემურ გაბაიძის ოჯახს სამედიცინო საქმიანობის რეგულირების სააგენტომ ჯერ კიდევ 2017 წლის ნოემბერში აცნობა, რა დარღვევები გამოიკვეთა პაციენტის სამედიცინო ისტორიაში. სამედიცინო საქმიანობის რეგულირების სააგენტოში „ბათუმელებს“ უთხრეს, რომ პროფესიული განვითარების საბჭო ნოემბრიდან დღემდე რამდენჯერმე შეიკრიბა, თუმცა ამ საკითხზე არ უმსჯელიათ. კითხვაზე, რატომ …

Continue reading “თემურ გაბაიძის დაღუპვიდან 14 თვე გავიდა, საბჭოს კი ექიმების პასუხისმგებლობაზე არ უმსჯელია”

ბესიკ ლილუაშვილი საზოგადოებრივი მაუწყებლის ბორდის წევრად აირჩიეს. კენჭისყრა დღეს საქართველოს პარლამენტში შედგა. მან ხმათა უმრავლესობა – 101 ხმა მიიღო. ლილუაშვილი კენჭისყრაზე აჭარის უმაღლესი საბჭოს მიერ იყო წარდგენილი. იგი აქამდე აჭარის მთავრობის აპარატში სტრატეგიული განვითარების დეპარტამენტის უფროსი იყო. საზმაუს სამეურვეო საბჭოს წევრობა აჭარიდან ორ პირს სურდა, ნათია სირაბიძესა და ბესიკ ლილუაშვილს. უმაღლესმა საბჭომ, რომელიც წარუდგენს პარლამენტს თავის კანდიდატურას, …

Continue reading “ბესიკ ლილუაშვილი საზმაუს ბორდის წევრად აირჩიეს”

ქობულეთში ძველ, საბჭოთა მანქანებს, განსაკუთრებით „ვოლგებსა“ და „ჟიგულებს“ ხშირად შეხვდებით, თუმცა აჭყვისთაველმა რამაზ ზოიძემ ოჯახის ძველ ჟიგულს ახალი სიცოცხლე შესძინა, როცა „პიკაპის“ ტიპის მანქანად გადააკეთა. ავტოსახელოსნოში არ მიმიყვანია, მე თვითონ გავაკეთე ყველაფერიო – ამბობს რამაზი.  

ბათუმის ზოოკუთხეში, სადაც 120-ზე მეტი ცხოველია, ყველაზე მეტად ცხოვრება პრიმატებს უჭირთ. ვოლიერში, სადაც ისინი ცხოვრობენ, იატაკი მეტლახისაა და ზამთარი მათ ვოლიერში ჩართული ელექტროგამათბობლით გადაიტანეს, თუმცა უკეთესი პირობების მოლოდინი პრიმატებს ვერც უახლოეს ხანში ექნებათ. ბათუმის მერიას ჯერ არ გადაუწყვეტია, კონკრეტულად სად გადაიტანენ ზოოპარკს, როგორ იქნება მოწყობილი და სხვა მნიშვნელოვანი საკითხები, შესაბამისად, ზოოკუთხის ცხოველები კვლავ საფრთხის ქვეშ …

Continue reading “ცხოველების დაღუპვის საფრთხე ისევ არსებობს – ბათუმის ზოოკუთხე”

ბათუმის ნავსადგურში ამერიკის შეერთებული შტატების მეექვსე ფლოტის ხომალდი  USS Oak Hill დგას.  ეს ხომალდის პირველი ვიზიტია საქართველოში.  მისი შავ ზღვაში ყოფნის პერიოდში შედგება საპორტო ვიზიტები და ორმხრივი წვრთნები ამერიკის შეერთებული შტატების მოკავშირეებსა და პარტნიორ ფლოტებთან. დღეს ხომალდზე შესვლის  და დათვალიერების საშუალება ჟურნალისტებს მიეცათ. ხომალდის ეკიპაჟში 700-მდე წევრია. მათთან 330 მეზღვაურია, დანარჩენი კი სამხედრო მოსამსახურეები არიან. …

Continue reading “ამერიკული სამხედრო ხომალდი ახლო ხედით [ფოტორეპორტაჟი]”

ბოლო მონაცემებით, აჭარაში პირველი იანვრიდან 16 მარტამდე წითელას 237 შემთხვევა დაფიქსირდა, მათგან ორი შემთხვევა დადასტურდა გუშინ, 15 მარტს. აჭარის საზოგადოებრივი ჯანდაცვის ცენტრში ამბობენ, რომ აღინიშნება წითელას შემთხვევების კლების ტენდენცია, თუმცა ეს არ ნიშნავს, რომ მოსახლეობამ ყურადღება უნდა მოადუნოს, კვლავ მოქმედებს ბავშვებისა და 40 წლამდე ასაკის მოსახლეობის ვაქცინაციის პროგრამა. 40 წლამდე მოსახლეობის აცრა, უბნის მიხედვით, პოლიკლინიკაში, უფასოა. …

Continue reading “წითელა უკან იხევს – სპეციალისტები მოსახლეობას ურჩევენ, არ მოადუნონ ყურადღება”

ბათუმის ცენტრალურ პარკში, კარგ ამინდში, ტბაში, აუცილებლად შენიშნავთ ორ კაიაკს. დილაობით აქ პარაოლიმპიელი სპორტსმენი, ჯონი თოფურია ნიჩბოსნობაში ვარჯიშობს მწვრთნელთან ერთად. ჯონი ევროპისა და მსოფლიო ჩემპიონატებისთვის ემზადება. ახლო მომავალში დაგეგმილ შეჯიბრებებზე იგი ბათუმის სახელით გამოვა. „ფეისბუქზე“ გავრცელდა ფოტო, რომელზეც პარკში, ტბასთან ახლოს მყოფი მანქანაა გადაღებული. ამ მანქანით ჯონი, რომელსაც ქვედა კიდურები არ აქვს, ტბასთან ახლოს მიჰყავთ. …

Continue reading “ნაღმზე აფეთქების შემდეგ პარაოლიმპიურ სპორტში – აგვისტოს ომისა და სამი მისიის მონაწილე”

13 მარტს საზოგადოებრივი მაუწყებლის სამეურვეო საბჭოს წევრების შესარჩევმა კომისიამ სამეურვეო საბჭოს წევრობის კანდიდატებს მოუსმინა. აჭარიდან კონკურსში მონაწილე ერთ-ერთი კანდიდატი ნათია სირაბიძეა, ამჟამად სამშენებლო კომპანიის დირექტორი, ახლო წარსულში აჭარის განათლებისა და კულტურის მინისტრის მოადგილე, აჭარის მთავრობის მასმედიასა და საზოგადოებასთან ურთიერთობის დეპარტამენტის ხელმძღვანელი. ნათია სირაბიძემ გასაუბრებაზე აღნიშნა, რომ დღეს აუდიტორიას აქვს უფრო მაღალი მოთხოვნები, ვიდრე იყო აქამდე …

Continue reading “ნათია სირაბიძე: არასდროს გადავდგამ ნაბიჯს, რომელიც ჩემს ავტორიტეტს შელახავს”

„საქსტატის“ წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2017 წელს 1861.9 მლნ. აშშ დოლარი შეადგინა, რაც 16.2 პროცენტით აღემატება 2016 წლის შესაბამის მაჩვენებელს. 2017 წელს, ქვეყნების მიხედვით, ყველაზე დიდი მოცულობის ინვესტიცია აზერბაიჯანიდან შემოვიდა (25.9 პროცენტი), შემდეგ მოდის თურქეთი (15.0 პროცენტი ) და გაერთიანებული სამეფო (13.4 პროცენტი). აზერბაიჯანი – 482.1 მლნ აშშ დოლარი თურქეთი – …

Continue reading “საქართველოში ყველაზე მეტი ინვესტიცია აზერბაიჯანიდან შემოვიდა”

13 წლის მოზარდი, რომელიც ორი დღის წინ ბათუმში მშენებლობიდან ჩამოვარდა თბილისში, იაშვილის კლინიკაში გადაიყვანეს, მისი ჯანმრთელობის მდგომარეობა კვლავ მძიმეა. „ბავშვს ნეიროქირურგიული ოპერაცია ჩაუტარდა, მდგომარეობა ისევ სტაბილურად მძიმე რჩება,“ – აცხადებენ იაშვილის კლინიკაში. 13 წლის ბიჭი ბათუმში, ბულვარის მიმდებარე ტერიტორიაზე, მშენებლობიდან 10 მარტს გადმოვარდა. შს სამინისტროს ინფორმაციით, მიმდინარეობს გამოძიება სს კოდექსის 124-ე მუხლით, რაც გულისხმობს ჯანმრთელობის ნაკლებად …

Continue reading “მშენებლობიდან ჩამოვარდნილი მოზარდი თბილისში გადაიყვანეს”

შეზღუდული შესაძლებლობის მქონე, ეტლით მოსარგებლე პირისთვის ქუჩაში გადაადგილება არაერთ სირთულესთანაა დაკავშირებული, მაგრამ სიტუაცია კიდევ უფრო რთულდება, თუ კი ეტლით მოსარგებლე საქართველოს რომელიმე ქალაქში, სასტუმროში რჩება. მართალია, ადაპტირებული სასტუმროები საქართველოს დიდ ქალაქებში არსებობს, მაგრამ, ძირითადად, ბრენდული და ძვირადღირებულია. აჭარის ტურიზმისა და კურორტების დეპარტამენტში ამბობენ, რომ ბათუმში არსებული იმ სასტუმროების შესახებ ინფორმაციის მიღება, სადაც ადაპტირებული სასტუმრო ნომრები …

Continue reading “მხოლოდ ძვირადღირებული სასტუმროები შშმ პირებისათვის ბათუმში”

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, უახლოეს დღეებში აჭარაში ცვალებადი მოღრუბლულობა და დროგამოშვებით წვიმაა მოსალოდნელი. სინოპტიკოსების ცნობით, დღეს ღამით სანაპირო რაიონებში მოსალოდნელია წვიმა, მაღალ მთაში – თოვა. ხვალ, 6 მარტს კი, დღისით უმეტესად უნალექო ამინდს უნდა ველოდოთ. ჰაერის ტემპერატურა სანაპირო რაიონებში დღისით 13-18 გრადუსი სითბო იქნება, ღამით კი – 5-10 გრადუსი.  იქროლებს ცვალებადი მიმართულების ქარი 10-15 …

Continue reading “მარტის პირველი კვირის ამინდის პროგნოზი ბათუმში”

ბათუმში, თბილისის მოედანზე, უკვე დგას შლაგბაუმი. „ბათუმის ავტოტრანსპორტში“ თქვეს, რომ საკრებულოს გადაწყვეტილებას ელიან და ამის შემდეგ გაირკვევა, იქნება თუ არა ფასიანი პარკირება თბილისის მოედანზე. „ავტოტრანსპორტში“ ამ გადაწყვეტილებას მოედანზე ინფრასტრუქტურისა და მოძრაობის მოწესრიგების აუცილებლობით ხსნიან: „მოედანზე პარკირების სისტემა უნდა მოწესრიგდეს, მანქანები გვერდს ვერ უვლიდნენ ამ ადგილას ერთმანეთს, ჩახერგილი იყო ტროტუარიც. ველოდებით საკრებულოს გადაწყვეტილებას და გადაწყდება, როგორი …

Continue reading “თბილისის მოედანზე პარკირება შესაძლოა ფასიანი გახდეს”

პირველი მაისიდან ძალაში შედის კანონი, რომლის თანახმადაც სიგარეტისა და ელექტროსიგარეტის მოწევა იკრძალება დაწესებულებების, რესტორნებისა და კაფე-ბარების შენობებში, ასევე ტრანსპორტში [ტაქსის გარდა]. დაწესებულება, სადაც სიგარეტს მოწევენ შენობაში, ასევე ტრანსპორტის მფლობელი, დაჯარიმდება პირველ ჯერზე 500 ლარით,  ფიზიკური პირი – 50 ლარით, განმეორების შემთხვევაში კი  – 100 ლარით. კანონის ძალაში შესვლამდე ორი თვე რჩება, თუმცა არსებობს ეჭვი, რომ …

Continue reading “ვინ დააჯარიმებს სიგარეტის მწეველებს პირველი მაისიდან”

ბოლო მონაცემებით, წელს აჭარაში, პირველი იანვრიდან 27 თებერვლის ჩათვლით, წითელას 219 შემთხვევა დაფიქსირდა. „ჩვენ გამოვხშირეთ ლაბორატორიულად დაუდასტურებელი შემთხვევები და 27 თებერვლის მონაცემებით გვაქვს 219 შემთხვევა. ცენტრში უფრო მეტი შეტყობინებაა შემოსული, მაგრამ ზოგ შემთხვევაში არ დასტურდება წითელა და ხდება ასეთი შემთხვევების უკუგდება, შესაბამისად, გვაქვს ეს რიცხვი,“ – ამბობს ნინო ნიჟარაძე, აჭარის საზოგადოებრივი ჯანდაცვის ცენტრის ხელმძღვანელი. მისივე თქმით, ამ კვირაში, …

Continue reading “წითელას სტატისტიკა: ლაბორატორიულად დადასტურდა 219 შემთხვევა”

ორი თვის შემდეგ ძალაში შედის 2017 წელს მიღებული კანონი „თამბაქოს კონტროლის შესახებ“, რომლის თანახმადაც, 2018 წლის პირველი მაისიდან თამბაქოს მოწევა [ასევე, ელექტროსიგარეტის] იკრძალება მთელ რიგ დაწესებულებებში. პირველი მაისიდან სიგარეტს ვეღარ მოწევ: ნებისმიერი დანიშნულების შენობა-ნაგებობაში [გარდა ქვემოთ ჩამოთვლილი ზოგიერთი გამონაკლისისა]. იგულისხმება შენობა, რომელსაც აქვს იატაკი, სახურავი ან ჭერი და არანაკლებ 1/2-ზე აქვს ნებისმიერი სახის ან/და მასალის …

Continue reading “სად ვეღარ მოწევ სიგარეტს პირველი მაისიდან”

24 თებერვალს უკრაინის დედაქალაქში, კიევში გამართულ საერთაშორისო ტურნირის ჩემპიონი შმაგი ბოლქვაძე გახდა 72 კგ. წონით კატეგორიაში. შმაგიმ ფინალში უკრაინელი სპორტსმენი დაამარცხა ანგარიშით – 7-5. შმაგი ბოლქვაძე 2017 წლის მსოფლიო ჩემპიონია თავის წონით კატეგორიაში. მან  გასული წლის ბოლოს მსოფლიო ჩემპიონატის ფინალში გამარჯვება რუსეთის სახელით მოასპარეზე ალენ მირზოიანთან მოიპოვა.

ბათუმის მერიის შენობაზე, 1921 წლის 25 თებერვალს საბჭოთა რუსეთის წითელი არმიის  დაკავშირებით, დროშები დაშვებულია. შავი ლენტები აქვს დროშებს აჭარის მთავრობისა და საკონსტუტუციო სასამართლოს შენობებზე. საქართველოს მთავრობის ცნობით, დროშა დაშვებულია ქვეყნის მთელს ტერიტორიაზე მდებარე ყველა ადმინისტრაციულ შენობაზე და საქართველოს დიპლომატიურ წარმომადგენლობებში.  

ბათუმში მცხოვრებმა სომხური დიასპორის წარმომადგენლებმა დღეს, 25 თებერვალს,  1988 წელს აზერბაიჯანში, ქალაქ სუმგაიტში მომხდარი ტრაგიკული მოვლენები გაიხსენეს, როცა ეთნოკონფლიქტის დროს ქალაქში მცხოვრები სომეხი მოსახლეობა დაიღუპა.  პანაშვიდი ბათუმის სომხურ ეკლესიასთან გაიმართა. საბჭოთა პროპაგანდის ოფიციალური მონაცემების თანახმად, სუმგაიტში სამი დღის განმავლობაში დაიღუპა 27 სომეხი, დაიჭრა – 100, დარბეული იქნა 200 ბინა, თუმცა არაოფიციალური სტატისტიკით მსხვერპლი გაცილებით დიდი …

Continue reading “ბათუმში სუმგაიტის ტრაგედია გაიხსენეს”

23 თებერვალს საქართველოში ქართველი იუნკრების ხსოვნის დღეს აღნიშნავენ. ვინ იყვნენ ქართველი იუნკრები და რა ბედი ეწიათ? – ამ თემაზე „ბათუმელები“ ირაკლი ირემაძეს ესაუბრა, ივანე ჯავახიშვილის სახელობის თბილისის სახელმწიფო უნივერსიტეტის ბიბლიოთეკის საქართველოს რესპუბლიკის შემსწავლელი ცენტრის ხელმძღვანელს. ეს ცენტრი რამდენიმე წელია საქართველოს პირველი დემოკრატიული რესპუბლიკის ისტორიას იკვლევს. როდის და როგორ შეიქმნა იუნკერთა სასწავლებელი   იუნკერთა სასწავლებელი რესპუბლიკის …

Continue reading “რესპუბლიკის პირველი იუნკრები”

დღეს, 23 თებერვალს, ქედის მუნიციპალიტეტის საკრებულომ ადგილობრივ ბიუჯეტში ცვლილებები შეიტანა და ქედის ბიუჯეტი 319 ათასი ლარით გაიზარდა. საკრებულოს ინფორმაციით, ბიუჯეტი 180 ათასი ლარის ეკონომიისა და გასული წლის ნაშთის ხარჯზე გაიზარდა. ბიუჯეტში შესული ცვლილებებით, ყველაზე მეტი თანხა – 129 602 ლარი ქედაში, სტიქიის შედეგების სალიკვიდაციოდ გაიწერა. 15 000 ლარი შპს „ქედის კომუნალურსერვისსა“ და შპს „ქედის წყალკანალს“ ავტომობილების შესაძენად …

Continue reading “ქედის ბიუჯეტი 319 ათასი ლარით გაიზარდა”