ამერიკული სამხედრო ხომალდი ახლო ხედით [ფოტორეპორტაჟი]

ბათუმის ნავსადგურში ამერიკის შეერთებული შტატების მეექვსე ფლოტის ხომალდი USS Oak Hill დგას. ეს ხომალდის პირველი ვიზიტია საქართველოში. მისი შავ ზღვაში ყოფნის პერიოდში შედგება საპორტო ვიზიტები და ორმხრივი წვრთნები ამერიკის შეერთებული შტატების მოკავშირეებსა და პარტნიორ ფლოტებთან.

დღეს ხომალდზე შესვლის და დათვალიერების საშუალება ჟურნალისტებს მიეცათ.

ხომალდის ეკიპაჟში 700-მდე წევრია. მათთან 330 მეზღვაურია, დანარჩენი კი სამხედრო მოსამსახურეები არიან. გემის მეთაურია ფილიპ ნაითი. ხომალდზე სამხედრო პირების 30 პროცენტი ქალია.

ნანა კვაჭაძის ფოტო

გემზე სამხედრო ტექნიკა და საზღვაო და სახმელეთო სატრანსპორტო საშუალებებია განთავსებული, მათ შორის ე.წ. „ამფიბიები“, რომელსაც წყალშიც შეუძლია გადაადგილება და ხმელეთზეც.Oak Hill-ს შეუძლია ფლოტის ვეტმფრენების მიღებაც.

ნანა კვაჭაძის ფოტო

Oak Hill-ზე დღეს ქართველი კადეტებიც იმყოფებოდნენ სტუმრად.

ნანა კვაჭაძის ფოტო

ჟურნალისტს გემის იმ ნაწილის დათვალიერების საშუალებაც მიეცათ, საიდანაც Oak Hill-ი იმართება. როგორც აქ აგვიხსნეს ცვლა ყოველ სამ საათში ერთხელ იცვლება.

ნანა კვაჭაძის ფოტო

ამ ადგილიდან Oak Hill-ს მცურავი საშუალებების მიღება და გაშვება შეუძლია. ხომალდი საჭიროების შემთხვევაში სამაშველო სამუშაოებშიც ერთვება.

ნანა კვაჭაძის ფოტო

Oak Hill– ის შავ ზღვაში შემოსვლის მიზანია აჩვენოს ამერიკის მხირდან ნაკისრი ვალდებულებებისადმი ერთგულება, რაც ნატოს მოკავშირეებისა და პარტნიორების კოლექტიურ თავდაცვას გულისხმობს. საზღვაო ოპერაცია Atlantic Resolve–ის ფარგლებში მიმდინარეობს და მხარს უჭერს ნატოს მოკავშირეებს აღმოსავლეთ ევროპაში.