ბათუმში, რუსთაველის ქუჩაზე, ბავშვს ავტომობილი დაეჯახა.
სასწრაფო სამედიცინო სამსახურის ინფორმაციით, ბიჭი დაახლოებით 8-10 წლისაა, იგი ბავშვთა საავადმყოფოში გადაიყვანეს, მას ხელი აქვს დაზიანებული.
შს სამინისტროს ინფორმაციით, გამოძიება სისხლის სამართლის კოდექსის 276 მუხლის პირველი ნაწილით მიმდინარეობს -მგზავრის, ფეხით მოსიარულის ან მოძრაობის სხვა მონაწილის მიერ ტრანსპორტის უსაფრთხო მოძრაობის წესის დარღვევა, რამაც გამოიწვია ჯანმრთელობის ნაკლებად მძიმე ან მძიმე დაზიანება,
– ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით ვადით ორ წლამდე.