Author Archives: ლელა დუმბაძე

ბათუმში, ფრიდონ ხალვაშის ქუჩაზე მცხოვრები 11 წლის გიორგის სანტასთვის მიწერილ წერილს, „ბათუმელები“ 21 დეკემბერს გამოეხმაურა. წერილში გიორგი დახმარებას ითხოვდა თავისი 4 წლის დის, მარიამისთვის. მარიამს ექვსი თვის წინ ძაღლმა ცხვირის ნესტო მოაჭამა. ოჯახმა მარიამს ოპერაცია ვერ გაუკეთა. „ბაღში ბავშვები დასცინიან ამის გამო“, – წერდა გიორგი. დღეს, 25 დეკემბერს, მარიამი და მისი ოჯახი კლინიკა „მედცენტრის“ ექიმებმა …

Continue reading “11 წლის გიორგის სანტასთვის მიწერილ წერილს კლინიკა „მედცენტრი“ გამოეხმაურა”

28 დეკემბერს ბათუმის ბოტანიკური ბაღი  გირჩების გამოფენას  მოაწყობს. „გამოფენა ბოტანიკური ბაღის ზღვისპირა პარკში გაიმართება, სადაც წარმოდგენილი იქნება გირჩების მრავალსახეობა და ასევე გირჩებისგან დამზადებული საახალწლო აქსესუარები, რომელთა შეძენას ნებისმიერი დამთვალიერებელი შეძლებს“. ადმინისტრაციის განცხადებით, გამოფენაზე უახლოესი შესასვლელი  არის ჩაქვის მხრიდან (მე-3 სალარო). გამოფენაზე დასწრება უფასოა.

ბათუმის ბულვარში საახალწლო ნაძვის ხე 29 დეკემბერს აანთებენ. ბულვარის ადმინისტრაციის ინფორმაციით, ბულვარში წელს განსხვავებული სტილის ნაძვის ხე დადგეს. ნაძვის ხე დაკიდულია და ფერებს იცვლის. ახალი ნაძვის ხისა და განათებების შესაძენად ბათუმის ბულვარმა  148 ათასი ლარი დახარჯა. „საახალწლო ილუმინაციებითა და დეკორაციებით უკვე მოირთო კოლონადების მიმდებარე ტერიტორია და დამონტაჟდა მანათობელი დეკორატიული  თაღი, ასევე ლედპროექციით განათდა ბულვარის კოლონადები. …

Continue reading “დაკიდული ნაძვის ხე ბულვარში”

როგორ უნდა შეამციროს ხელისუფლებამ მოზარდებში ძალადობისა და აგრესიის მაჩვენებელი იმ ფონზე, როცა უმაღლესი თანამდებობის პირი და ქვეყნის მმართველი პოლიტიკური გუნდი აგრესიას „ღირსების“ სახელით ამართლებს? როგორია ხელისუფლების მესიჯები და რა გამოწვევების წინაშე დგას ახალი თაობა? ამ თემაზე „ბათუმელებთან“ არასამთავრობო ორგანიზაცია „პარტნიორობა ადამიანის უფლებებისთვის“ ხელმძღვანელი, ანა აბაშიძე საუბრობს. ანა, პრემიერმა გიორგი კვირიკაშვილმა, პოლიტიკურ ოპონენტს  კამათის დროს შეაგინა. …

Continue reading “რა გვერდითი ეფექტი ექნება პრემიერის საჯარო გინებას”

ხვალ, 22 დეკემბერს, აჭარის განათლების ფონდი მასწავლებლებს რეგიონულ კონფერენციაზე იწვევს. კონფერენციის თემაა   „სწავლა-სწავლებისა და განათლების მართვის თანამედროვე მიდგომები“.  კონფერენცია ქობულეთში, სასტუმრო „ჯორჯია პალასში“ საღამოს 5 საათზე დაიწყება და 24 დეკემბრამდე გაგრძელდება. განათლების ფონდის ინფორმაციით, კონფერენციაში მონაწილეობას მიიღებენ განათლების ექსპერტები, პედაგოგები, სკოლების ადმინისტრაციისა და საგანმანათლებლო რესურსცენტრების წარმომადგენლები. „კონფერენციის პროგრამა ითვალისწინებს პლენარულ და სექციურ მოხსნებებს შემდეგი მიმართულებებით: …

Continue reading “სამეცნიერო კონფერენცია მასწავლებლებისთვის”

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის ინფორმაციით, ამ დროისთვის ნაძვის ხეების უკანონოდ მოჭრის არც ერთი შემთხვევა არ გამოვლენილა. „ჭრის შემთხვევები არის, თუმცა ყველა შემთხვევაში არსებობს ნებართვა. ნაძვის ხის მოჭრა დასაშვებია საკუთარ ტერიტორიაზე, ასევე, სანერგეები აქვთ და ყიდიან, ასევე იმპორტირებული ნაძვებია, რომლებსაც ყიდიან. ტოტებით აწყობილ ნაძვის ხეებს ყიდიან, თუმცა ყველგან ჰქონდათ ნებართვა. ამ …

Continue reading “გარემოს ზედამხედველობა: ნაძვის უკანონო ჭრა ჯერჯერობით არ გამოვლენილა”

ტრაილერების გადაადგილების გამო, ბათუმი-ქობულეთის გზაზე (ციხისძირის მონაკვეთზე) მოძრაობა შეფერხებულია. გზის მონაკვეთზე სატვირთო და მსუბუქი ავტომანქანა შეეხაჯა ერთმანეთს, რის გამოც, ავტომანქანების გადაადგილება კიდევ უფრო გართულდა. შს სამინისტროს ინფორმაციით,  შეჯახების შედეგად არავინ დაშავებულა, „ადგილზე იმყოფება საპატრულო პოლიცია, რომელიც მოძრაობას დაარეგულირებს“.

დღეს, 15 დეკემბერს, სასტუმრო „შერატონში“ საქართველოს სოციალურ მუშაკთა ასოციაციისა და საერთაშორისო განათლების ცენტრის  პროექტის პრეზენტაცია გაიმართა. პროექტის მიზანია სოციალურ მუშაკთა ჩართულობა შშმ პირების უფლებების ეფექტურად განხორციელების პოლიტიკის ფორმირებაში. პროექტის პრეზენტაციას ესწრებოდნენ მუნიციპალიტეტების მერიის სოციალური განყოფილებების, ბათუმის მერიის, აჭარის ჯანდაცვისა და სოციალური მომსახურების სააგენტოს, ასევე, არასამთავრობო ორგანიზაციების წარმომადგენლები. სოციალურ მუშაკთა ასოციაციის თავმჯდომარემ, ნინო შატბერაშვილმა, ისაუბრა პროექტის …

Continue reading “რატომ უნდა გაიზარდოს სოციალური მუშაკის როლი”

მახვილაურში ახალი საჯარო სკოლა 2018-2019 წლებში უნდა აშენდეს. არსებული სკოლის შენობა, ავტობანის მშენებლობის გამო დაინგრევა.  აჭარის განათლების სამინისტროში „ბათუმელებს“ უთხრეს, რომ სკოლის პროექტი შესყიდულია და მშენებლობა მომდევნო ორ წელზეა გაწერილი. სკოლის მშენებლობისთვის ერთი მილიონ 600 ათასი ლარია გათვალისწინებული ბიუჯეტში.  როგორც სამინისტროში გვეუბნებიან, ახალი სკოლის აშენების აუცილებლობა ავტობანის მშენებლობამ განაპირობა. „ავტობანი გადის არა სკოლის ტერიტორიაზე, არამედ …

Continue reading “მახვილაურის ახალი სკოლისთვის ერთი მილიონ 600 ათასი ლარია გათვალისწინებული”

ხელვაჩაურის მუნიციპალიტეტის სოფელ ჩიქუნეთში მცხოვრები შშმ პირის, ჰაიდარ გორაძის ოჯახის წევრი აცხადებს, რომ მათ საზამთროდ შეშა არ მიუღიათ. თამილა გორაძის თქმით, შეშის ლიმიტი ყოველწლიურად განსაზღვრულია, თუმცა  მათ ყოველ წელს საკუთარი სახსრებით უწევთ შეშის შეძენა. „მამაჩემი არის პირველი  ჯგუფის შშმ პირი და მას სჭირდება დახმარება. მე რამდენჯერმე მივმართე სოფლის გამგეობას და ვთხოვე, მოეტანათ მისთვის შეშა, მაგრამ …

Continue reading “სოფელ ჩიქუნეთში უსინათლო მოხუცი შეშის გარეშე დატოვეს”

დღეს, 11 დეკემბერს,  ბათუმის შოთა რუსთაველის უნივერსიტეტში სტუდენტური სერვისების ახალი პორტალის – portal.bsu.edu.ge-ს პრეზენტაცია გაიმართა. ბსუ-ს ინფორმაციით, „ინოვაციური სერვისი სტუდენტებს შესაძლებლობას მისცემს, ოპერატიულად მიიღონ ინფორმაცია არსებულ სტუდენტურ პროექტებზე, დასაქმებაზე, სტაჟირებაზე, ტრენინგებზე, სემინარებზე, კონფერენციებზე, სოციალურ პროგრამებსა და კულტურულ-სპორტულ აქტივობებზე. სტუდენტური პორტალის საშუალებით შეიქმნება ბსუ-ს სტუდენტთა, კურსდამთავრებულთა და დამსაქმებელთა ბაზა, რომლის საშუალებით დამსაქმებელი მოკლე ვადაში დაუკავშირდება დასაქმების …

Continue reading “რუსთაველის უნივერსიტეტში ახალი სტუდენტური პორტალი ამოქმედდება”

სახანძრო სამსახურის ინფორმაციით, დაახლოებით ნახევარი საათის წინ გამოძახება მიიღეს ბათუმში, ლეონიძის ქუჩიდან.   სახანძროს ინფორმაციით, ლეონიძის 23-ნომერში ხის საამქრო ფუნქციონირებს. „საამქროსთან ახლოს არის პატარა ჯიხური, სადაც ნახერხი იყო შეგროვილი და ამ ნახერხს გაუჩნდა ცეცხლი. მიზეზი ჩვენთვის უცნობია,“- გვითხრეს სახანძრო სამსახურში. მათივე ინფორმაციით, ხანძრის შედეგად საამქროში არავინ დაშავებულა.

სახანძრო სამსახურის ინფორმაციით, ქობულეთში, სოფელ ზედა ლეღვაში, კერძო საცხოვრებელი სახლის მეორე სართული დაიწვა. საცხოვრებელი სახლი გურამ დუმბაძის ხუთსულიან ოჯახს ეკუთვნის. ქობულეთის მერის, მირიან ქათამაძის ინფორმაციით, ხანძრის შედეგად არავინ დაშავებულა. „დროულად მოვიდა სახანძრო სამსახური“, – ამბობს მერი. მისივე ინფორმაციით, ქობულეთის მერია დაზარალებულ ოჯახს ქირით გადასვლას სთავაზობს, რადგან „ამ დროისთვის სახლი საცხოვრებლად შეუსაბამოა“. „შესაძლოა პირველ სართულზეც ჩავიდეს …

Continue reading “ხანძარი ქობულეთში”

„ლეოგრანდში“ გაჩენილ ხანძარსა და უსაფრთხოების საკითხებთან დაკავშირებით, დღეს, 9 დეკემბერს, ბათუმის დემოკრატიის სკოლაში დისკუსია გაიმართა. დისკუსიაზე მოწვეული იყო ბათუმის არქიტექტურის სამსახურის უფროსი ირაკლი ახალაძე, არქიტექტორი გია რამიშვილი, საზოგადოება „ბათომის“ წარმომადგენელი შოთა გუჯაბიძე და საზოგადოების სხვადასხვა სფეროს წარმომადგენლები. არქიტექტორმა გია რამიშვილმა ისაუბრა ქალაქში უსაფრთხოების პრობლემაზე, რომლის დაცვაც კანონის დონეზე მშენებლებს არ მოეთხოვებათ. „აქამდე უსაფრთხოების ნორმების გათვალისწინება …

Continue reading “„ხელისუფლება იმდენს გიბედავს, რამდენის უფლებასაც აძლევ“ – დისკუსია სახანძრო უსაფრთხოებაზე”

ხელვაჩაურის მუნიციპალიტეტის  მერიის პრესსამსახურის ინფორმაციით, მუნიციოალიტეტის 16 სოფელში მეწყრული პროცესები განვითარდა. ამ დროისთვის გზების გაწმენდითი სამუშაოები მიმდინარეობს სოფელ ჩიქუნეთსა და ზედა ქოქოლეთში სადაც მეწყერმა გზა ჩაკეტა. პრესსამსახურის ინფორმაციით, გეოლოგები მუშაობენ ექვს ლოკაციაზე სადაც ეწყერია განვითარებული და დასკვნები, როგორც ხელვაჩაურის მერიში გვეუბნებიან, ორშაბათისთვის იქნება ცნობილი. ოფიციალური ინფორმაციით, ექვემდებარება თუ არა რომელიმე ოჯახი უსაფრთხო ადგილზე გადაყვანას, გეოლოგიური …

Continue reading “ხელვაჩაურის 16 სოფელში მეწყერი განვითარდა”

9 დეკემბერს ბათუმის „დემოკრატიის სკოლაში“ დისკუსია გაიმართება. დისკუსიის თემაა „ლეოგრანდის“ ტრაგედია – უსაფრთხოების პოლიტიკის ხარვეზები“. „დისკუსიაზე ვიმსჯელებთ რამ გამოიწვია ტრაგედია, როგორ შეიძლებოდა მისი პრევენცია? რამდენადაა დაცული ბათუმში სამშენებლო უსაფრთხოების ნორმები, უნდა შეიცვალოს თუ არა დღეს არსებული უსაფრთხოების პოლიტიკა? რას გაითვალისწინებენ სახელმწიფო სტრუქტურები მომავალში, თუ გადაიდგმება ქმედითი ნაბიჯები? რა როლი აქვს ასეთ დროს საზოგადოებას?“-ნათქვამია „დემოკრატიი სკოლის“ …

Continue reading “დისკუსია „ლეოგრანდის“ ტრაგედიისა და უსაფრთხო პოლიტიკის შესახებ”